- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋ جينتاۋ، شي جينپيڭ قاتارلىلار ورتالىق اسكەري ىستەر كوميتەتىنىڭ كەڭەيتىلگەن ماجىلىسىنە قاتىناستى ءارى ماڭىزدى ءسوز سويلەدى
2012.11.19 15:58 كەلۋ قاينارى : ورتالىق حالىق راديو ستانسياسى تورابى
حۋ جينتاۋ جولداس پەن ج ك پ ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاراشانىڭ 16-كۇنى تۇستەن كەيىن بىيجيڭدە اشىلعان ورتالىق اسكەري ىستەر كوميتەتىنىڭ كەڭەيتىلگەن ماجىلىسىنە قاتىناستى. حۋ جينتاۋ ماڭىزدى ءسوز سويلەدى، شي جينپيڭ ءماجىلىسىتى باسقاردى ءارى ماڭىزدى ءسوز سويلەدى.
حۋ جينتاۋ بىلاي دەدى: پارتيا 18-قۇرىلتايى مەن 18-كەزەكتى پارتيا ورتالىق كوميتەتىنىڭ 1-جالپى ءماجىلىسى جەڭىسپەن جابىلدى. وسى رەتكى پارتيا ورتالىق كوميتەتىنىڭ 1-جالپى ماجىلسىندە ورتالىقتىڭ جاڭا باسشىلىق قۇرىلىمى سايلانىپ، جاڭا كەزەكتى ورتالىق اسكەري ىستەر كوميتەتىنىڭ مۇشەلەرى بەلگىلەندى. پارتيانىڭ باس شۋجيى مەن ورتالىق اسكەري ىستەر كوميتەتىنىڭ ءتوراعالارى الماستى. بۇل پارتيا ىستەرىندە بۇرىنعا مۇراگەر، كەيىنگىگە بۇيداگەر بولۋعا، مەملەكەت قورعانىسى مەن ارميا قۇرىلىسىنىڭ بولاشاق دامۋىنا، مەملەكەتتىڭ باياندى تىنىشتىعىنا پايدالى.
حۋ جينتاۋ بىلاي دەپ اتاپ كورسەتتى: شي جينپيڭ جولداس پارتيانىڭ تولىمدى باس شۋجيى، ورتالىق اسكەري ىستەر كوميتەتىنىڭ تولىمدى ءتوراعاسى. ول جاس كەزىندە ارميا قوسىنىندا ءبىر مەزگىل قىزمەت ىستەگەن، جەرلىك ورىننىڭ باسشىسى بولىپ مىندەت اتقارعان كەزىندە دە ارميا قوسنىنداعى قىزمەتتەرگە ات سالىسقان. پارتيا 17-كەزەكتى ورتالىق كوميتەتىنىڭ 5-جالپى ماجىلىسىنەن كەيىن ورتالىق اسكەري ىستەر كوميتەتى ءتوراعاسىنىڭ ورىنباسار بولىپ، اسكەري ىستەر كوميتەتىنىڭ قىزمەتىنە تىكە ات سالىستى. پارتيا ورتالىق كوميتەتىنىڭ شي جينپيڭ جولداستى اسكەري ىستەر كوميتەتىنىڭ ءتوراعاسى ەتىپ بەلگىلەۋى وتە ۇيلەسىمدى بولدى. شي جينپيڭ جولداس ورتالىق اسكەري ىستەر كوميتەتىنىڭ ءتوراعالىق مىندەتىن ويداعىداي ىستەپ، اسكەري ىستەر كوميتەتىندەگى باسشىلىق القانى ىنتىماقتاستىرا باستاپ، ماڭىزدى تاريحي بورىشىن جاقسى ورىندايتىندىعى داۋسىز.
حۋ جينتاۋ تۇتاس ارمياداعى جولداستاردان مىناداي بەس ءۇمىت كۇتەتىندىگىن ايتتى: ءبىرىنشى، ارميا پارتيانىڭ قولباسشىلىعىنا قاتاڭ بويسىنىپ، سەنىمدى بولۋىن ءۇمىت ەتەمىن. ارميانىڭ پارتياعا، سوتسياليزمگە، وتانعا، حالىققا ادال بولۋىنا؛ پارتيانىڭ يدەيا، ساياسي جانە ۇيىمدىق جاقتان اسكەري قوسىندى مىقتى مەڭگەرۋىنە؛ ارميانىڭ قانداي كەز قانداي جاعدايدا دا پارتيا ورتالىق كوميتەتى مەن ورتالىق اسكەري كوميتەتىنىڭ قولباسشىلىعىنا باتىل بويسىنۋىنا كەپىلدىك ەتۋ كەرەك؛ ەكىنشى، ارميادان جاڭا عاسىر جاڭا كەزەڭدەگى تاريحي بورىشىن ءونىمدى اتقارىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ مەن دوڭگەلەك داۋلەتتى قوعامدى جالپى بەتتىك قۇرۋعا ماڭىزدى كۇش جانە بەرىك حاۋىپسىزدىك قامتاسزداندىرۋشى بولۋىن ءۇمىت ەتەمىن؛ ءۇشىنشى، ارميا مەملەكەت قورعانىسى مەن ارميا قۇرىلىسىنىڭ تاقىرىپتىق نەگىزگى جۇلگەسىندە كورنەكتى ونىمدىلىككە قول جەتكىزۋىن ءۇمىت ەتەمىن. مەملەكەت قورعانىسى مەن ارميا قۇرىلىسىنىڭ عىلىمي دامۋىن باستى تاقىرىپ، كۇرەسكەرلىك قۋاتقا بۇرىلىس جاساۋدى تەزدەتۋ مودەلىن قالىپتاستىرۋدى نەگىزگى جەلى ەتۋگە تاباندى بولىپ، ارميانى ينفورماتسيالاندىرۋ مەن ينفورماتسيالاندىرۋ كۇرەسىنىڭ جەڭىسىن قولعا كەلتىرۋ نساناسىن قۇلشىنا جۇزگە اسىرىپ، جۇڭگولىق ەرەكشەلىككە يە اسكەري ىستەر رەفورماسىنىڭ ىشكەرلەي دامۋىن جەبەپ، جۇڭگولىق ەرەكشەلىككە يە وسىزاماندانعان اسكەري ىستەر كۇشى جۇيەسىن قۇلشىنا قالپتاستىرۋ قاجەت؛ ءتورتىنشى، ارميادان باستان-اياق وسكەلەڭ بىردەيلىك پەن ىنتىماقتى ورنىقتىلىقتى ساقتاپ، ءتۇرلى قاتەرلەر مەن سايىستارعا توتەپ بەرىپ، قوسىن قۇرىلىسىن كۇشتى شوعىرلاندىرىپ مىقتى ۇستاپ، دامۋدى جەبەۋىن ءۇمىت ەتەمىن؛ بەسىنشى، ارميادان داڭقتى ءداستۇر مەن تاماشا ستيلگە تاباندى بولۋدى ءۇمىت ەتەمىن. تۇتاس ارميانىڭ داڭقتى ءداستۇرلى مەن تاماشا ستيل تاربيەسىن بوساڭسىتپاي مىقتى ۇستاپ، قىزىل ارميا جاۋىنگەرلەرىنىڭ ساياسي ەرەكشەلىگىن ساقتاپ، ارميامىزدىڭ داڭقتى ءداستۇرى مەن تاماشا ستيلىن ۇرپاقتان-ۇرپاققا جالعاستىرۋ كەرەك.
شي جينپيڭ بىلاي دەدى: ءتوراعا حۋ جينتاۋ پارتيا، مەملەكەت، ارميا ىستەرىنىڭ دامۋ جالپى جاعدايىن ويلاسا وتىرىپ، ج ك پ ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى قاتارلى مىندەتتەردى جالعاستى اتقارمايتىندىعىن ىرىقتى ورتاعا قويدى. پارتيانىڭ 18-قۇرىلتايى مەن 18-كەزەكتى پارتيا ورتالىق كوميتەتىنىڭ 1-جالپى ماجىلىسىندە ءتوراعا حۋ جينتاۋدىڭ قالاۋىنا قۇرمەت ەتىلىپ، ونىڭ وتىنىشىنە قوسىلدى. ءتوراعا حۋ جينتاۋدىڭ مۇنداي كەلەلى بەكىمگە كەلۋى، ونىڭ پارتيا، مەملەكەت جانە ارميا ىستەرىنىڭ دامۋ جالپى جاعدايىن تەرەڭ ويلانعانىن، ماركسيزمشىل ساياساتكەر مەن ستىراتەگياشىنىڭ كورەگەندىگىن، كەڭ پەيلدىلىگىن، اسىل قاسيەتىن تولىق ايگىلەدى. شي جينپيڭ بىلاي دەپ باسا دارىپتەدى: اسكەري كوميتەت باسىشىلىق القاسى مەن ارمياداعى جوعارى دارەجەلى باسشى كادرلار مەملەكەت قورعانىسىنا باسىشلىق ەتۋ مەن ارميا قۇرىلىسىندا ماڭىزدى تاريحي بورىش ارقالاپ وتىر. ءبىز باستان-اياق سەرگەك بولىپ، نەشە ۇرپاق كوماندير-جاۋىنگەرلەردىڭ تىنباي كۇرەس جاساۋىمەن قولعا كەلگەن كەسەك تابسىتاردى، ۇزاق ۋاقىتتان بەرگى قىمباتتى تاجىريبەلەردى، كەزەكتەگى ارميا قۇرىلىسىنىڭ دامۋىنداعى تاماشا جاعدايدى بارىنشا قاستەرلەپ، پارتيا مەن حالىق قىزمەتىنە ادال بولىپ، مەملەكەت قورعانىسى مەن ارميا قۇرىلىسىن ۇزدىكىسز دامىتۋىمىز كەرەك.
شي جنپيڭ بىلاي دەپ اتاپ كوسەتتى: پارتيا 18-قۇرىلتايىنىڭ رۋحىن ۇيرەنۋ مەن دايەكتىلەندىرۋدى باستى ساياسي مىندەت رەتىندە ءسوزسىز جاقسى ۇستاۋىمىز كەرەك. ءار دارەجەلى اسكەري ورىندار پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ورنالاستىرۋى بوينشا، تۇتاس ارميادا پارتيا 18-قۇرىلتايىنىڭ رۋحىن ۇيرەنىپ دايەكتىلەندىرۋ ورلەۋىن كوتەرۋى كەرەك. عىلمي دامۋ كوزقاراسىن ىشكەرلەي ۇيرەنىپ دايەكتىلەندىرىپ، پارتيانىڭ جاڭا جاعدايداعى مەملەكەت قورعانىسى مەن ارميا قۇرىلسىنداعى يدەياسىن ۇيرەنىپ، عىلمي دامۋ كوزقاراسىنىڭ مەملەكەت قورعانىسى مەن ارميا قۇرىلىسىنداعى جەتەكشىلىك ورنىن بەكەمدەپ، جاڭا جاعدايداعى مەملەكەت قورعانىسى مەن ارميا قۇرىلسىنداعى ەرەكشە زاڭدىلىقتاردى تەرەڭ مەڭگەرۋى كەرەك. ءتوراعا حۋ جينتاۋ باسشىلىق ەتكەن كەزدەگى مەملەكەت قورعانىسى مەن ارميا قۇرىلىسىندا قولعا كەلگەن قىمباتتى تاجىريبەلەردى مۇقيات قورتىندىلاپ، ءتوراعا حۋ جينتاۋ تۇراقتاندىرعان باعىت-ساياسات پەن ءتۇرلى ستراتەگيالىق شەشىمدەردى تياناقتاندىرۋ كەرەك.
شي جينپيڭ سوڭىندا بىلاي دەدى: پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بەرىك باسشىلىعىندا، تۇتاس ەل حالقىنىڭ قولداپ-قۋاتتاۋى جانە تۇتاس ارميانىڭ ىنتىماقتاسا كۇرەس جاساۋىندا، مەملەكەت قورعانىسى مەن ارميا قۇرىلىسىن وسزامانداندىرۋ ۇلى نىساناسى ءسوزسىز جۇزەگە اسادى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى فان چاڭلۇڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارلارى شۇي چيلياڭ، گو بوشيوڭ، شۇي سايحوۋ قاتارلى جولداستار ماجىلىسكە قاتىناستى ءارى ءسوز سويلەدى.
ماجىلىستەن بۇرىن، حۋ جينتاۋ، شي جينپيڭ قاتارلىلار ازاتتىق ارميا مەن قارۋلى ساقشى قوسنىنداعى پارتيا 18-قۇرىلتايىنا قاتىناسقان ۋاكىلدەرمەن، ەرەكشە ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن كەزدەسىپ، ولارمەن بىرگە سۋرەتكە ءتۇسىپ ەستەلىك قالدىردى. جاڭ ۋانيان، چى حاۋتيان، ساۋ گاڭچۋان، جاۋ نانچي قاتارلى قارت جولداستار ماجىلسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
