- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعىن، قوعام ورنىقتىلىعىن قورعاپ، باقىتتى، كوركەم، جاراسىمدى شينجياڭ قۇرايىق
مەملەكەتتىك ساياسي كەڭەستىڭ بۇرىنعى ورىنباسار ءتوراعاسى ابىلەت ابدىرەشيت
2013.07.10 14:52 كەلۋ قاينارى : ءتاڭىرتاۋ تورابى
ەلىمىز − بىرلىككە كەلگەن كوپ ۇلتتى مەملەكەت. ورتالىق شينجياڭنىڭ قىزمەتتەرىنە ەجەلدەن باسا ءمان بەرىپ كەلەدى. جاڭا جۇڭگو قۇرىلعاننان بەرى، ماۋ زىدۇڭ، دىڭ شياۋپيڭ، جياڭ زىمين جولداستاردى ۇيتقى ەتكەن پارتيانىڭ ءۇش ۇرپاق ورتالىق باسشىلىق كوللەكتيۆى جانە حۋ جينتاۋ، شي جينپيڭ باس شۋجي بولعان پارتيا ورتالىق كوميتەتى شينجياڭ قىزمەتى جونىندە ىلگەرىندى - كەيىندى ءبىر قىدىرۋ كەلەلى شەشىمدەر مەن ورنالاستىرۋلار جاساپ، شينجياڭنىڭ دامۋى مەن ورنىقتىلىعىنا دۇرىس باعىت - باعدار كورسەتتى. اسىرەسە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، ءاربىر مينيسترلىك، كوميتەتتەردىڭ، ولكە - قالالاردىڭ پارمەندى قولداۋىندا، اۆتونوميالى رايوندىق پارتكوم، ۇكىمەت ءار ۇلت حالقىن ىنتىماقتاستىرا باستاپ، قارىشتاپ دامۋ مەن باياندى تىنىشتىق سىندى ەكى ءىرى تاريحي مىندەتتى ىلگەرىلەتۋ توڭىرەگىندە يدەيانى بىرلىككە كەلتىرىپ، كۇش - قۋاتتى ۇيىستىرىپ، قاجىرلىلىقپەن كۇرەس جۇرگىزىپ، قايراتتانا العا ۇمتىلدى، سونىڭ ناتيجەسىندە اۆتونوميالى رايوننىڭ ەكونوميكالىق، قوعامدىق دامۋ جاعدايى، جالپى العاندا، جاقسى بولدى، ەكونوميكاسى ۇزدىكىز دامىپ، حالىق تۇرمىسى توقتاۋسىز جاقساردى.
الايدا ەل ءىشى - سىرتىنداعى جاۋ كۇشتەر اۆتونوميالى رايونىمىزدىڭ گۇلدەنىپ - كوركەيگەنىن، دامىعانىن، حالىقتىڭ الاڭسىز تىرشىلىك كەشىرگەنىن كورگىسى كەلمەيدى. تاياۋدا شينجياڭنىڭ ءىشىنارا جەرلەرىندە زورلىقتى كۇش لاڭكەستىك دەلولارى ىركەس - تىركەس تۋىلدى، ات توبەلىندەي زورلىقتى كۇش لاڭكەستەر بەيكۇنا بۇقارانى اسا جاۋىزدىقپەن ءولتىرىپ، ادامگەرشىلىكتى اياققا تاپتاپ، شينجياڭنىڭ قوعام ورنىقتىلىعىن، ۇلتتار ىنتىماعىن، ءدىن جاراسىمدىلىعىن ءبۇلدىردى. دەلو تۋىلعان سوڭ، پارتيا ورتالىق كوميتەتى بۇعان باسا ءمان بەردى، باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشتى ءارى ماڭىزدى ءسوز سويلەدى؛ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ جولداس شينجياڭعا ارناۋلى كەلىپ، ورتالىق كوميتەت ساياسي بيۋروسى تۇراقتى كوميتەتى ءماجىلىسىنىڭ رۋحىن جەتكىزدى ءارى كەزەكتەگى شينجياڭنىڭ قوعام ورنىقتىلىعىن قورعاۋ قىزمەتى جونىندە ماڭىزدى جەتەكشى پىكىردى العا قويدى. ورتالىقتىڭ پارمەندى باسشىلىعىندا، اۆتونوميالى رايوندىق پارتكومنىڭ، ۇكىمەتتىڭ ءبىر تۇتاس جەتەكشىلىگىندە، زورلىقتى كۇش لاڭكەستىك شابۋىل دەلولارى تەز، باتىل ءبىر جايلى ەتىلىپ، جاعداي ءونىمدى تۇردە مەڭگەرىلدى، جالپى جاعداي تىنىشتاندىرىلدى، جۇرت كوڭىلى ورنىقتىرىلدى. مەن پارتيا ورتالىق كوميتەتىنىڭ ماڭىزدى ورنالاستىرۋىن، اۆتونوميالى رايوندىق پارتكومنىڭ ورتالىقتىڭ ورنالاستىرۋىن دايەكتى تياناقتاندىرۋ جونىندەگى شارالارىن باتىل قولداپ، زورلىقتى كۇش لاڭكەستىك ارەكەتتەرىنە باتىل قارسى تۇرامىن جانە سوققى بەرەمىن.
شينجياڭداعى ءار ۇلت حالقى وتاندى، بەيبىتشىلىكتى ءسۇيىپ، ۇلتتاردىڭ ىنتىماعىن، وتاننىڭ تۇتاستىعىن قورعاپ كەلەدى، ءار ۇلت حالقى ورنىقتىلىقتى ويلاپ، جاراسىمدىلىقتى كوكسەپ، دامۋعا ۇمتىلۋدا، اتا مەكەندى بىرگە گۇلدەندىرۋگە ءۇمىتى اسقاق، سەنىمى كامىل. زورلىقتى كۇش لاڭكەستىك قىلمىستىق ارەكەتتەرى شينجياڭنىڭ رەفورما، قۇرىلىس، دامۋ اياق الىسىنا تۇساۋ بولا المايدى، ءار ۇلت كادرلارى مەن بۇقارانىڭ دامۋدى جەبەۋ، ورنىقتىلىقتى قورعاۋ جونىندەگى پارمەندى بەكىمى مەن بەرىك سەنىمىن شايقالتا المايدى.
اۆتونوميالى رايونىمىزدىڭ ازاتتىقتان بەرگى دامۋ، رەفورما، ىنتىماق، ورنىقتىلىق امالياتى مىنالاردى دالەلدەدى:
ۇلتتاردىڭ ىنتىماعىن، شينجياڭنىڭ ورنىقتىلىعىن، ءسوز جوق، تاباندىلىقپەن قورعاۋ كەرەك. مەملەكەتتىڭ تۇتاستىعى، حالىقتىڭ ىنتىماعى، ەل ىشىندەگى ۇلتتاردىڭ ىنتىماعى− ءبىزدىڭ ىستەرىمىزدىڭ، ءسوز جوق، جەڭىسكە جەتۋىنىڭ نەگىزگى كەپىلى. ۇلتتار ىنتىماعىن تاباندىلىقپەن قورعاۋ − ءار ۇلت حالقىنىڭ ورتاق ارمانى، شينجياڭ تاريحىنىڭ العا باسۋىن جەبەۋدىڭ تابيعي تالابى. ۇلتتار ىنتىماعى − شينجياڭداعى ءار ۇلت حالقىنىڭ جان جۇيەسى، شينجياڭدا بارلىق قىزمەتتى جاقسى ىستەۋدىڭ ماڭىزدى كەپىلى. شينجياڭنىڭ دامۋ تاريحىنا كوز جىبەرەر بولساق، قاي كەزدە ۇلتتار ىنتىماقتى، بەرەكەلى بولسا، سول كەزدە قوعام ورنىقتى بولعان، ەكونوميكا اقاۋسىز دامىعان، ءار ۇلت حالقىنىڭ تۇرمىسى جاقسارعان.
كەرىسىنشە بولعاندا، قوعامدا بىلىقپالىق تۋىلىپ، ەكونوميكالىق قۇرىلىس پەن ءتۇرلى ىستەر ساتسىزدىككە ۇشىراعان، ءار ۇلت حالقىنىڭ حاۋىپسىزدىگى، باقىتى قامتاماسىز ەتىلمەگەن. ءار ۇلت حالقى ۇلتتار ىنتىماعىن كوزىنىڭ قاراشىعىنداي قورعاپ، ءوز ومىرىندەي ايالاۋى كەرەك. ۇلتتار ىنتىماعى ۇلى تۋىن بيىك ۇستاپ، ۇلتتاردىڭ ءبىر - بىرىنەن ايرىلا الماۋى يدەياسىن مىقتاپ ورناتۋ، ۇلتتار ءوزارا قۇرمەت ەتىپ، ءوزارا سەنىپ، ءوزارا قولداپ، ءوزارا ۇيرەنىپ، ءوزارا ءتۇسىنىسۋى كەرەك. ۇلتتار ىنتىماعىنىڭ يدەيالىق نەگىزىن مىقتاپ قالاپ، ۇلتتاردىڭ جاراسىمدىلىعىن، تاتۋلىعىن، توننىڭ ىشكى باۋىنداي سەلبەستىگىن، جاراسىمدى دامۋىن جەبەپ، تىنىستاس، تاعدىرلاس، جۇرەكتەس بولىپ، تەرەزەسى تەڭ، بەرەكەلى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ كەرەك. ۇلتتاردىڭ ىنتىماقتاسا كۇرەس جۇرگىزۋى، بىرگە گۇلدەنىپ دامۋى تاقىرىبىن مىقتاپ يگەرىپ، ۇلتتار ىنتىماعىن جەبەۋ، بىرگە العا باسۋدى جەبەۋ سىندى ۇلتتار ىنتىماعى قىزمەتىنىڭ ءتۇبىرلى مىندەتى توڭىرەگىندە ۇلتتار ىنتىماعى، العاباسارلىعى ىستەرىن ۇزدىكسىز العا باستىرۋ كەرەك.
دامۋ سىندى وزەككە، ءسوز جوق، بۇلجىماي تاباندى بولۋ كەرەك. شينجياڭنىڭ جەرى كەڭ، بايلىعى مول، دامۋ مۇمكىندىگى وراسان زور. شينجياڭ قارىشتاپ دامۋدىڭ شەشۋشى كەزەڭىندە تۇر. مىنانى كورە ءبىلۋىمىز كەرەك: شينجياڭنىڭ ەكونوميكاسى مەن قوعامى ارشىندى قاداممەن دامىعانىمەن، ءبىراق تاريح، جاراتىلىستىق، جاعراپيالىق، قوعامدىق سياقتى كوپ ءتۇرلى سەبەپتەردەن شينجياڭنىڭ بۇكىل ەلدىڭ ورتاشا دامۋ ورەسىمەن ارادا ءالى دە بەلگىلى پارىق بار، دامۋدى تەزدەتۋ مىندەتى ءالى دە وتە اۋىر، حالىق تۇرمىسىن جاقسارتۋ ءالى دە ءار ۇلت حالقىنىڭ ەڭ كوكەي تەستى ارمانى. دامۋ − بارلىق ماسەلەنى شەشۋدىڭ نەگىزى، بۇكىل ىنتا - پەيىلمەن قۇرىلىس جۇرگىزىپ، بار زەيىن - زەردەمەن دامۋعا ۇمتىلىپ، شينجياڭنىڭ ەكونوميكاسى مەن قوعامىنىڭ ارشىندى قاداممەن دامۋىنا، ءار ۇلت بۇقاراسىنىڭ تۇرمىسىنىڭ كورنەكتى جاقسارۋىنا مۇمكىندىك جاساعاندا عانا، ءار ۇلت بۇقاراسىنىڭ جۇڭگوشا سوتسياليزمگە تاباندى بولۋ جانە ونى دامىتۋ سەنىمى مەن بەكىمىن بەكەمدەي تۇسۋگە بولادى.
«ءۇش ءتۇرلى كۇشكە»، ءسوز جوق، تاباندىلىقپەن سوققى بەرۋ كەرەك. تاياۋدا تۋىلعان زورلىقتى كۇش لاڭكەستىك دەلولارى حالىقارالىق جاۋ كۇشتەردىڭ ەلىمىزدى «باتىستاندىرۋ»، «بولشەكتەۋ» يدەياسىنان قايتپاعاندىعىن تاعى ءبىر رەت دالەلدەدى. ۇزاق ۋاقىتتان بەرى شەكارا ءىشى - سىرتىنداعى جاۋ كۇشتەر ءوزارا ىمىرالاسىپ، ءدىندى جەلەۋ ەتىپ، شاريعاتتى بۇرمالادى، ءدىني ۇشقارى يدەيالاردى ۋاعىزداپ، دىنگە سەنەتىن بۇقارانى ازعىرىپ، كەرەناۋ، مەشەۋ مادەنيەتتى، عۇرىپ - ادەتتەردى تاراتىپ حالىقتى الدادى، جاس وسپىرىمدەردى ۋلاپ، ايتىلمىس «عازاۋات سوعىسىن» بارىنشا ۋاعىزداپ، زورلىقتى كۇش لاڭكەستىك ارەكەتتەرىن تۋدىردى، ولاردىڭ ماقساتى: شينجياڭنىڭ بەرەكەسىن قاشىرىپ، جۇڭگونى بولشەكتەۋ. ءبىزدىڭ «ءۇش ءتۇرلى كۇشپەن» كۇرەسىمىز وتاننىڭ تۇتاستىعىن، ۇلتتاردىڭ ىنتىماعىن قورعاۋداعى كەلەلى ساياسي كۇرەس. ءارقانداي زورلىقتى كۇش قىلمىستىق ارەكەتتەرگە جول بەرۋ ءار ۇلت بۇقاراسىنىڭ ورتاق مۇددەسىن اۋىر دارەجەدە اياق استى ەتكەندىك سانالادى. زورلىقتى كۇش لاڭكەستىك قىلمىستارىنا سوققى بەرۋ ءار ۇلت حالقىنىڭ ورتاق ارمانى. ءبىز شينجياڭنىڭ بولشەكتەۋشىلىككە، لاڭكەستىككە قارسى تۇرۋ كۇرەسىنىڭ ءالى دە ۇزاق ۋاقىتقا سوزىلىپ، جاپالى دا كۇردەلى بولاتىندىعىن، كەيدە ءتىپتى قيان - كەسكى بولاتىندىعىن ايقىن تانۋىمىز كەرەك. ءبىز، ءسوز جوق، اركەز اسقان قىراعىلىقتى ساقتاپ، سەلقوستىققا، بويكۇيەزدىككە سالىنباي، شينجياڭنىڭ ىنتىماقتى، ورنىقتى جالپى جاعدايىن شىن مانىندە قورعاۋىمىز كەرەك.
پارتيانىڭ بۇقارالىق لۋشيان تاربيەسى جانە امالياتتىق قيمىلىن، ءسوز جوق، تاباندىلىقپەن ورىستەتۋ كەرەك. قوعام ورنىقتىلىعىنىڭ نەگىزى، كۇشى بۇقارادا، قوعام ورنىقتىلىعىن قورعاۋ جالپى بۇقارانىڭ ورتاق ارمانى جانە باقىتتى بولۋىنىڭ تياناعى، بۇقاراعا تولىق سەنسەك، بۇقاراعا سۇيەنۋدەن جازباساق بولعانى ورنىقتىلىقتى قورعاۋ قىزمەتى بۇقارانىڭ قورعاۋى مەن قولداۋىنا يە بولادى. شەكارا ءىشى - سىرتىنداعى «ءۇش ءتۇرلى كۇشپەن» كۇرەسۋدە قۇدىرەتتى زاڭ قارۋى ارقىلى زورلىقتى كۇش قىلمىستارىنا زاڭ بويىنشا قاتاڭ سوققى بەرۋ قاجەت. سونىمەن بىرگە بۇقارانى مىعىم تىرەك ەتە وتىرىپ، ءار ۇلت حالىق بۇقاراسىنا تىعىز سۇيەنىپ، قوعام ورنىقتىلىعىن قورعايتىن مىعىم كۇش جانە مىزعىماس نەگىز قالىپتاستىرۋ كەرەك. شينجياڭنىڭ ءتۇرلى ىستەرىن بۇقاراعا سۇيەنۋدەي تۇيىنگە شوعىرلاندىرعاندا عانا، حالىق بۇقاراسىنىڭ كۇشىن تولىق جۇمىلدىرۋعا، ءتۇرلى ىستەردى تابىسپەن ورىنداۋعا بولادى. بۇل بىزدەن مىنانى تالاپ ەتەدى: پارتيانىڭ بۇقارالىق لۋشيان تاربيەسى جانە امالياتتىق قيمىلىن ىشكەرىلەي تىڭعىلىقتى ورىستەتىپ، قىزمەت ستيلىن اناعۇرلىم جاقسارتىپ، فورماشىلدىققا، تورەشىلدىككە قارسى تۇرىپ، «شىنايى سويلەۋ، اقيقاتتى سويلەۋ» ستيلىن قالىپتاستىرۋ؛ بۇقارامەن ەتەنە بايلانىس ورناتىپ، بۇقاراعا كوڭىل ءبولۋ، بۇقاراعا سۇيەنۋ، بۇقارامەن كوبىرەك سىرلاسۋ، بۇقارامەن قويان - قولتىق ارالاسۋ، بۇقارانىڭ ويلاعانىن، ارمانىن دەر كەزىندە ۇعىسىپ، ماسەلە بايقالعاندا دەرەۋ شەشۋ، قاي جەردە ماسەلە بايقالسا، سول جەردە شەشۋ؛ وتە - موتە، جاۋ كۇشتەردىڭ ازعىرۋىنا تۇسكەن بۇقاراعا مۇقيات، ىجداعاتتى تاربيە جۇرگىزىپ، ءار ۇلت حالىق بۇقاراسىن بارىنشا ىنتىماقتاستىرىپ، ءار ۇلت حالىق بۇقاراسىنىڭ ورتاق جاۋىنا بارىنشا قارسى تۇرىپ جانە ولارعا سوققى بەرىپ، ءار ۇلت كادرلارى مەن بۇقارانى وڭاي - وسپاق قولعا كەلمەگەن دامۋ ورايىن، ۇلتتارى ىنتىماقتى تاماشا جاعدايدى قادىرلەۋگە جەتەكشىلىك ەتىپ، شينجياڭنىڭ ورنىقتىلىعىن قورعايتىن قۇرىش قامال سوعۋ كەرەك.
پارتيانىڭ ۇلت، ءدىن ساياساتىن، ءسوز جوق، تاباندىلىقپەن دايەكتى تياناقتاندىرۋ كەرەك. پارتيامىز رەسپۋبليكامىز قۇرىلعاننان بەرى مەملەكەت جاعدايىنا، حالىقتىڭ تىلەگىنە ۇيلەسەتىن ءبىر قىدىرۋ ۇلت، ءدىن ساياساتتارىن بەلگىلەدى. اماليات پارتيانىڭ ۇلت، ءدىن ساياساتىنىڭ دۇرىس ەكەندىگىن، تابىستى بولعاندىعىن، ءار ۇلت حالقىنىڭ ءتۇبىرلى مۇددەسىنە ۇيلەسەتىندىگىن، ءار ۇلت حالقىنىڭ قولداۋىنا يە بولعاندىعىن دالەلدەدى. ءبىز پارتيانىڭ ۇلت، ءدىن ساياساتىن تاباندىلىقپەن، تۋىمىز ايقىن تۇردە اتقارۋىمىز كەرەك. بۇل ءبىزدىڭ بۇقارالىق قىزمەتتى ويداعىداي ىستەۋىمىزدەگى ءتۇيىن سانالادى. ءدىني ىستەردى زاڭ بويىنشا باسقارۋىمىز، «ءدىن ىستەرى ەرەجەسىن» تياناقتاندىرۋىمىز، زاڭدىلارىن قورعاۋىمىز، زاڭسىزدارىن تەجەۋىمىز، قىلمىسقا سوققى بەرۋىمىز قاجەت. ءدىني قايراتكەرلەر مەن دىنگە سەنەتىن جالپى بۇقارا قىراعى بولىپ، اق پەن قارانى ايقىنداپ، «ءۇش ءتۇرلى كۇشتىڭ» دىننەن پايدالانىپ جۇرگىزگەن بولشەكتەۋ، ءبۇلدىرۋ ارەكەتىنىڭ شىن كەسپىرىن تانىپ جەتىپ، ءدىني ۇشقارى يدەيالارعا باتىل قارسى تۇرۋى كەرەك. ءبىز زاڭ، ساياسات كولەمىندەگى قالىپتى ءدىني قيمىلداردى قورعاۋمەن بىرگە، ءدىني اپتىقپالىققا جەلىكتىرىپ، ۇلتتىق قايشىلىق تۋدىرىپ، ۇلتتار اراسىنا كىربەڭدىك سالىپ، قوعام ءتارتىبىن بۇلدىرەتىن، حالىق بۇقاراسىنىڭ ءومىرى مەن مال - مۇلىك حاۋىپسىزدىگىن زياندايتىن زاڭسىز ءدىني قيمىلدارعا باتىل سوققى بەرۋىمىز كەرەك. وتاندى، ءدىندى سۇيەتىن ءدىني قايراتكەرلەرگە، دىنگە سەنەتىن جالپى بۇقاراعا سەنۋىمىز جانە سۇيەنۋىمىز، دىنگە سەنەتىن ءار ۇلت بۇقاراسىن تاربيەلەۋ، ولارعا جەتەكشىلىك ەتۋ قىزمەتىن ويداعىداي ىستەپ، ءدىني قايراتكەرلەر مەن دىنگە سەنەتىن بۇقارانىڭ ەكونوميكانىڭ، قوعامنىڭ دامۋىن جەبەۋ بارىسىنداعى بەلسەندى رولىن ساۋلەلەندىرىپ، دىنگە سەنەتىن بۇقارانى ەكونوميكالىق، قوعامدىق دامۋعا ۇلەس قوسۋعا ىنتىماقتاستىرۋىمىز كەرەك.
ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەتتىڭ شينجياڭداعى ءار ۇلت حالقىن ىنتىماقتاستىرىپ، باستاپ، شينجياڭنىڭ قارىشتاپ دامۋى مەن باياندى تىنىشتىعىن، ءسوز جوق، ىسكە اسىراتىندىعىنا، ۇلى «جۇڭگو ارمانىن» ىسكە اسىرۋدىڭ كوركەم بولاشاعىندا شۇعىلالى داستان جازاتىندىعىنا كامىل سەنەمىز! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
