ءتىلشىمىز لي ۋىيحۇڭ 22-قازاندا بەيجيڭنەن حابارلايدى. شي جينپيڭ رەسەي زۇڭليى مەدۆەدەۆپەن كەزدەسكەندە جۇڭگو مەن رەسەيدىڭ جان-جاقتىلى ستراتەگيالىق سەلبەستىگىن كۇشەيتىپ، ورتاق دامىپ-گۇلدەنۋدى جۇزەگە اسىرىپ، ەكى ەل حالقىنا باقىت جاراتۋ كەرەكتىگىن باسا دارىپتەدى.
شي جينپيڭ مەدۆەدەۆتەن پۋتين زۇڭتۇڭعا دەگەن شىنايى سالەمى مەن ىزگى تىلەگىن جەتكىزۋدى ءوتىندى. شي جينپيڭ بىلاي دەدى: جۇڭگو مەن رەسەي اتى زاتىنا ساي جاقسى كورشى ءارى ستراتەگيالىق سەلبەستىك جاسايتىن ارىپتەس. بيىل جىل باسىنان بەرى جۇڭگو مەن رەسەيدىڭ جان-جاقتىلى ستراتەگيالىق سەلبەستىك-ارىپتەستىك قاتىناسى اناعۇرلىم بەلسەندى دامۋ اۋقىمىن ساقتاپ كەلدى، ەكى ەل باسشىسى كوپ رەت كەڭەس وتكىزىپ جانە كەزدەسىپ، جاڭا جاعدايداعى جۇڭگو-رەسەي قاتىناسىنىڭ دامۋ بەتالسى مەن كەلەلى سەلبەستىك نىساندار جونىندە جوعارى دارەجەدە بىرلىككە كەلدى. جۇڭگو-رەسەي كورشىلىك تاتۋلىق، ءوزارا قارايلاسىپ، ءبىر-بىرىنە كومەك بەرۋ يدەياسىن باستان-اياق جالعاستىرىپ، جۇڭگو-رەسەي قاتىناسىنىڭ ەكى ەل جانە دۇنيە جونىنەن ەرەكشە ستراتەگيالىق قۇنعا يە ەكەندىگىن تەرەڭ تانىپ جانە يگەرىپ، ءوزارا كومەك بەرۋدەن جازباي، ەل باسقارۋ جاعىندا تاجىريبە الماستىرۋدى كۇشەيتىپ، ورتاق دامىپ-گۇلدەنۋدى جۇزەگە اسىرىپ، ەكى ەل حالقىنا باقىت جاراتۋ كەرەك.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى