بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

جۇڭگو كوممۋنيستىك پارتياسى 18-كەزەكتى ورتالىق كوميتەتى ءۇشىنشى جالپى ءماجىلىسىنىڭ مازمۇنداماسى

2013.11.15 16:18     كەلۋ قاينارى : حالىق تورابى

   (جۇڭگو كوممۋنيستىك پارتياسى 18–كەزەكتى ورتالىق كوميتەتىنىڭ ءۇشىنشى جالپى ماجىلىسىندە 2013–جىلى 11–ايدىڭ 12–كۇنى قابىلداندى)

  جۇڭگو كوممۋنيستىك پارتياسى 18–كەزەكتى ورتالىق كوميتەتىنىڭ ءۇشىنشى جالپى ءماجىلىسى 2013–جىلى 11–ايدىڭ 9–كۇنىنەن 12–كۇنىنە دەيىن بەيجيڭدە اشىلدى. بۇل رەتكى ماجىلىسكە ورتالىق كوميتەتتىڭ مۇشەلەرىنەن 204 ادام، كانديدات مۇشەلەرىنەن 169 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى جانە قاتىستى جاقتارداعى جاۋاپتى جولداستار ماجىلىسكە كەڭەسشى رەتىندە قاتىناستى. پارتيا 18–قۇرىلتايىنىڭ نەگىزگى ساتىداعى ءبىر ءبولىم ۋاكىلدەرى مەن مامان–وقىمىستىلار دا ماجىلىسكە كەڭەسشى رەتىندە قاتىناستى.

  جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

  جالپى ءماجىلىس شي جينپيڭنىڭ ورتالىق كوميتەتتىڭ ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭداپ جانە تالقىلاپ، «ج ك پ ورتالىق كوميتەتىنىڭ رەفورمانى جاپپاي ىشكەرىلەي جۇرگىزۋدەگى ءبىرقانشا كەلەلى ماسەلە تۋرالى قاۋلىسىن» قاراپ قابىلدادى. شي جينپيڭ «قاۋلى (تالقى نۇسقاسى)» جونىندە جالپى ماجىلىسكە تۇسىنىك جاسادى. جالپى ءماجىلىس پارتيا 18–قۇرىلتايىنان بەرگى ورتالىق كوميتەتتىڭ ساياسي بيۋروسىنىڭ قىزمەتىن تولىق تۇراقتاندىردى. ءبىر اۋىزدان بىلاي دەپ ەسەپتەدى: توتەنشە كۇردەلى حالىقارالىق جاعداي مەن جاپالى دا اۋىر ىشكى رەفورما، دامۋ، ورنىقتىلىق مىندەتى الدىندا، ورتالىق كوميتەتتىڭ ساياسي بيۋروسى پارتيا 18–قۇرىلتايىنىڭ جانە 18–كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جەتەكشى ەتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ورنىقتى بولۋ نەگىزدە العا باسۋ سىندى نەگىزگى قىزمەت اۋەنىنەن جازباي، ورنىقتى ارتۋعا، قۇرىلىمدى رەتتەۋگە، رەفورمانى جەبەۋگە كۇش سالىپ، ءتۇرلى حاۋىپ–قاتەرلەر مەن سىندارعا سالماقتىلىقپەن توتەپ بەرىپ، سوتسياليستىك ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن، پارتيا قۇرىلىسىنىڭ تىڭ دا ۇلى ينجەنەرياسىن جالپى بەتتىك ىلگەرىلەتىپ، پارتيانىڭ بۇقارالىق لۋشيان تاربيەسىن امالياتتان وتكىزۋ قيمىلىن تىڭعىلىقتى جەبەپ، ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزدى، دامۋ جەتىستىكتەرىنەن بۇكىل حالىقتىڭ اناعۇرلىم كوپ، اناعۇرلىم ءادىل يگىلىكتەنۋىن ىلگەرىلەتىپ، پارتيا 18–قۇرىلتايىنىڭ رۋحىن دايەكتى تياناقتاندىرۋدىڭ تۇڭعىش جىلىندا تاماشا باستامانى جۇزەگە اسىردى.

  جالپى ءماجىلىس پارتيا 11–كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلعان 35 جىلدان بەرگى رەفورمالاۋ مەن ەسىك اشۋدىڭ تابىستى امالياتى مەن ۇلى جەتىستىگىنە جوعارى باعا بەرىپ، رەفورمانى جاپپاي ىشكەرىلەي جۇرگىزۋ جونىندەگى ءبىرقانشا كەلەلى ماسەلەنى اقىلداسىپ، رەفورمالاۋ مەن ەسىك اشۋ ــ پارتيانىڭ جاڭا ءداۋىر جاعدايىندا بۇكىل ەلدەگى ءار ۇلت حالقىن باستاپ جۇرگىزگەن تىڭ دا ۇلى توڭكەرىس، ول قازىرگى جۇڭگونىڭ ەڭ ايقىن ەرەكشەلىگى، قازىرگى جۇڭگونىڭ تاعدىرىن بەلگىلەيتىن شەشۋشى تاڭداۋ، پارتيا مەن حالىق ىستەرىنىڭ ارشىندى قاداممەن داۋىرگە ىلەسۋىندەگى ماڭىزدى اسىل دەپ ەسەپتەدى. جاڭا جاعداي جانە تىڭ مىندەت الدىندا، دوڭگەلەك داۋلەتتى قوعامدى جاپپاي قۇرۋ، ونان سوڭ قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، رەفورمانى تىڭ تاريحي باستامادا جاپپاي ىشكەرىلەي جۇرگىزۋ قاجەت.

  جالپى ماجىلىستە مىنالار باسا دارىپتەلدى: رەفورمانى جاپپاي ىشكەرىلەي جۇرگىزۋدە جۇڭگوشا سوتسياليزم ۇلى تۋىن بيىك ۇستاپ، ماركسيزم–لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جەتەكشى ەتىپ، سەنىمدى بەرىكتەپ، ورتاق تانىمعا كەلىپ، ءبىرتۇتاس جوسپارلاپ، سەلبەسە ىلگەرىلەۋ، سوتسياليستىك بازار شارۋاشىلىعى رەفورماسىنىڭ باعدارىنا تاباندى بولىپ، قوعامدىق تەڭدىك پەن ادىلدىكتى جەبەپ، حالىقتىڭ ىرىسىن ارتتىرۋدى شىعار ءتۇيىن جانە تياناق ەتىپ، يدەيانى ونان ارى ازات ەتىپ، قوعامدىق وندىرگىش كۇشتەردى ازات ەتىپ جانە دامىتىپ، قوعامدىق ومىرشەڭدىكتى ازات ەتىپ جانە كۇشەيتىپ، ءتۇرلى جاقتارداعى تۇزىلىستىك–مەحانيزمدىك كىناراتتاردى باتىل الاستاپ، جۇڭگوشا سوتسياليزم ىستەرىنىڭ اناعۇرلىم كەڭ بولاشاعىن قۇلشىنا جاراتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.