- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسى 18-كەزەكتى ورتالىق كوميتەتى ءۇشىنشى جالپى ءماجىلىسىنىڭ مازمۇنداماسى(3)
2013.11.15 16:18
جالپى ماجىلىستە مىنالار باسا دارىپتەلدى: رەفورما جاساپ، ەسىك اشۋدىڭ ءساتتى امالياتى رەفورمانى جاپپاي ىشكەرىلەي جۇرگىزۋ جونىنەن ماڭىزدى تاجىريبەلەر ازىرلەدى، وعان، ءسوز جوق، ۇزاق ۋاقىت تاباندى بولۋ كەرەك. ەڭ ماڭىزدىسى، قاقپانى جابىق ۇستايتىن، قاتىپ-سەمگەن كونە سۇردەككە، ءتۇزىمدى وزگەرتەتىن تەرىس جولعا تۇسپەي، پارتيانىڭ باسشىلىعىنا تاباندى بولىپ، پارتيانىڭ نەگىزگى لۋشيانىن دايەكتىلەندىرىپ، جۇڭگوشا سوتسياليزم جولىمەن جۇرۋگە تاباندى بولىپ، رەفورمانىڭ دۇرىس باعىتىن باستان–اقىر قامتاماسىزدىق ەتۋ كەرەك؛ يدەيانى ازات ەتۋگە، شىندىقتى ىسجۇزىنەن ىزدەۋگە، داۋىرمەن بىرگە العا باسۋعا، شىنشىل، ىسكەر بولۋعا تاباندى بولىپ، بارلىق ىستە ىسجۇزىندىكتى نەگىزگە الىپ، ىشكى-سىرتقى ءساتتى ءادىس-امالداردى قورتىندىلاپ، شەتەلدەردىڭ ءتيىمدى تاجىريبەلەرىنەن ۇلگى الىپ، نازاريا مەن امالياتتا جاڭالىق جاراتۋعا باتىل بولۋ؛ ادامدى نەگىز ەتۋگە تاباندى بولىپ، حالىقتىڭ نەگىزگى تۇلعالىق ورنىنا قۇرمەت ەتىپ، بۇقارانىڭ جاسامپازدىق رۋحىن ساۋلەلەندىرىپ، رەفورمانى ىلگەرىلەتۋدە حالىققا رياسىز سۇيەنىپ، ادامنىڭ جان-جاقتى دامۋىن جەبەۋ؛ رەفورمالاۋ، دامۋ مەن ورنىقتىلىقتىڭ قاتىناسىن دۇرىس ءبىرجاقتىلى ەتىپ، باتىل، بايسالدى بولىپ، جوعارى قاتتامدىق جوبالاۋدى كۇشەيتۋ مەن ابايلاپ ىلگەرىلەۋدى ۇشتاستىرۋدى كۇشەيتىپ، جالپى تۇلعالىق ىلگەرىلەۋ مەن ماڭىزدى تۇيىندەردە قامال الۋدا ءبىرى ارقىلى ءبىرىن جەبەپ، رەفورما شەشىمىنىڭ عىلميلىعىن جوعارىلاتىپ، ورتاق تانىمعا كەڭىنەن كەلىپ، رەفورما كۇشتەرىن بىرلەستىرۋ كەرەك.
جالپى ماجىلىستە مىنالار تالاپ ەتىلدى: 2020-جىلعا بارعاندا، ماڭىزدى سالالار مەن شەشۋشى بۋىندارداعى رەفورمالاردا شەشۋشى جەتىستىكتەرگە قول جەتكىزىپ، جۇيەسى كەمەلدى، نورماسى عىلمي، اينالىمى ءونىمدى ءتۇزىم جۇيەسىن قالىپتاستىرىپ، ءتۇرلى جاقتارداعى تۇزىمدەردىڭ اناعۇرلىم پىسىپ جەتىلۋىنە جانە تۇراقتانۋىنا مۇمكىندىك جاراتۋ كەرەك. جالپى ءماجىلىس رەفورمانى جاپپاي ىشكەرىلەي جۇرگىزۋ جونىندە جۇيەلى ورنالاستىرۋلار جاساپ، نەگىزگى شارۋاشىلىق تۇزىمىنە تاباندى بولۋدى جانە ونى كەمەلدەندىرۋدى، وسىزامانعى بازار جۇيەسىن كەمەلدەندىرۋدى تەزدەتۋدى، ۇكىمەت فۋنكتسياسىندا بۇرىلىس جاساۋدى جەبەۋدى، قازىنالىق باجى ءتۇزىلىسى رەفورماسىن تەرەڭدەتۋدى، قالا-اۋىل دامۋى ءبىرتۇلعالانعان تۇزىلىستىك مەحانيزمدى اقاۋسىزداندىرۋدى، اشىق ەكونوميكانىڭ جاڭا ءتۇزىلىسىن ورناتۋدى، سوتسياليستىك دەموكراتيالى ساياسي ءتۇزىم قۇرىلىسىن كۇشەيتۋدى، زاڭمەن باسقارىلاتىن جۇڭگو قۇرىلىسىن ىلگەرىلەتۋدى، ۇقىق جۇرگىزۋدى تەجەۋ جانە باقىلاۋ جۇيەسىن كۇشەيتۋدى، مادەنيەت ءتۇزىلىسى مەحانيزمىندە، قوعامدىق ىستەر رەفورماسىندا جاڭالىق جاراتۋدى ىلگەرىلەتۋدى، قوعامدىق جونگە سالۋ تۇزىلىسىندە جاڭالىق جاراتۋدى، ەكولوگيالىق وركەنيەت ءتۇزىمى قۇرىلىسىن تەزدەتۋدى، قورعانىس جانە ارميا رەفورماسىن ىشكەرىلەي جۇرگىزۋدى، پارتيانىڭ رەفورمانى جاپپاي ىشكەرىلەي جۇرگىزۋگە باسشىلىق ەتۋىن كۇشەيتۋدى جانە كەمەلدەندىرۋدى باسا دارىپتەدى.
جالپى ماجىلىستە مىنالار العا قويىلدى: جالپىلىق مەنشىكتى نەگىزگى تۇلعا ەتكەن، الۋان ءتۇرلى مەنشىكتەگى شارۋاشىلىقتار قاتار داميتىن نەگىزگى شارۋاشىلىق ءتۇزىمى جۇڭگوشا سوتسياليستىك ءتۇزىمنىڭ ماڭىزدى تىرەگى، سونىمەن بىرگە سوتسياليستىك بازار شارۋاشىلىعى ءتۇزىلىسىنىڭ ىرگە تاسى بولىپ تابىلادى. جالپىلىق مەنشىكتەگى شارۋاشىلىق بولسىن، الۋان ءتۇرلى مەنشىكتەگى شارۋاشىلىق بولسىن، بارلىعى سوتسياليستىك بازار شارۋاشىلىعىنىڭ ماڭىزدى قۇرامداس بولەگى، ءارى ەلىمىزدىڭ ەكونوميكالىق قوعامدىق دامۋىنىڭ ماڭىزدى نەگىزى. جالپىلىق مەنشىك شارۋاشىلىعىن بەكەمدەۋدەن جانە دامىتۋدان ەش اۋىتقىماي، جالپىلىق مەنشىك ءتۇزىمىنىڭ جالپى تۇلعالىق ورنىنا تاباندى بولىپ، مەملەكەت مەنشىگىندەگى شارۋاشىلىقتىڭ نەگىزگى جەتەكشىلىك رولىن ساۋلەلەندىرىپ، مەملەكەت مەنشىگىندەگى شارۋاشىلىقتىڭ ومىرشەڭدىگىن، تىزگىندەۋ قۋاتىن جانە ىقپالىن ۇزدىكسىز ارتتىرۋ كەرەك. جالپىلىق مەنشىككە جاتپايتىن شارۋاشىلىقتى دامىتۋعا دەم بەرۋدەن، ونى قولداۋدان جانە جەتەلەۋدەن ەش اۋىتقىماي، جالپىلىق مەنشىككە جاتپايتىن شارۋاشىلىقتىڭ ومىرشەڭدىك قۋاتى مەن جاسامپازدىق قۋاتىن ارتتىرۋ كەرەك. ءبىلىم مەنشىگى ۇقىعىن قورعاۋ ءتۇزىمىن كەمەلدەندىرىپ، ارالاس مەنشىك تۇزىمىندەگى شارۋاشىلىقتى بەلسەنە دامىتىپ، مەملەكەت مەنشىگىندەگى كاسىپورىنداردىڭ وسىزامانعى كاسىپورىن ءتۇزىمىن كەمەلدەندىرۋىن جەبەپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن قولداۋ كەرەك. جالپى ماجىلىستە مىنالار العا قويىلدى: ءبىرتۇتاس، اشىق ۇستالاتىن، باسەكەلى، ءتارتىپتى بازار جۇيەسىن ورناتۋ بازاردىڭ بايلىقتى ءبولىپ ورنالاستىرۋدا شەشۋشى رول اتقارۋىنا مۇمكىندىك تۋدىرۋدىڭ نەگىزى بولىپ تابىلادى. كاسىپورىنداردىڭ دەربەس شارۋاشىلىق جۇرگىزەتىن، ءادىل باسەكەگە تۇسەتىن، تۇتىنۋشىلار ەرىكتى تۇردە تاڭدايتىن، دەربەس تۇتىناتىن، تاۋارلار مەن شەشۋشى فاكتورلاردىڭ ەركىن اعىلاتىن، تەڭدىك نەگىزدە ايىرباس جاسالاتىن وسىزامانعى بازار جۇيەسىنىڭ قالىپتاسۋىن تەزدەتىپ، بازار قامالىن جويۋعا كۇش سالىپ، بايلىقتى ءبولىپ ورنالاستىرۋدىڭ ونىمدىلىگى مەن ادىلدىگىن جوعارىلاتۋ كەرەك. ءادىل، اشىق، جاريا ۇستالاتىن بازار ەرەجەسىن ورناتىپ، باعانى نەگىزىنەن بازار بەلگىلەۋ مەحانيزمىن كەمەلدەندىرىپ، قالا-اۋىلدىڭ ءبىرتۇتاس قۇرىلىستىق جەر بازارىن ورناتىپ، فينانس بازارى جۇيەسىن كەمەلدەندىرىپ، عىلىم-تەحنيكالىق ءتۇزىلىس رەفورماسىن ىشكەرىلەي جۇرگىزۋ كەرەك.
جالپى ماجىلىستە مىنالار العا قويىلدى: ماكرولىق تىزگىندەۋدىڭ عىلميلىعى، ۇكىمەتتىڭ ۇتىمدى جونگە سالۋى سوتسياليستىك بازار شارۋاشىلىعى ءتۇزىلىسىنىڭ باسىمدىلىعىن ساۋلەلەندىرۋدەگى ىشكى تالاپ. ۇكىمەت فۋنكتسياسىندا شىن مانىندە بۇرىلىس جاساپ، اكىمشىلىك ءتۇزىلىس رەفورماسىن ىشكەرىلەي جۇرگىزىپ، اكىمشىلىك باسقارۋ تاسىلىندە جاڭالىق جاراتىپ، ۇكىمەتتىڭ سەنىمدىلىگى مەن اتقارۋ قۋاتىن جوعارىلاتىپ، زاڭمەن باسقاراتىن جانە قىزمەت وتەيتىن ۇكىمەت قۇرۋ كەرەك. ماكرولىق تىزگىندەۋ جۇيەسىن اقاۋسىزداندىرىپ، ۇكىمەت فۋنكتسياسىن جاپپاي، دۇرىس اتقارىپ، ۇكىمەتتىڭ ۇيىمدىق قۇرىلىمىن ساپالىلاندىرىپ، عىلمي باسقارۋ ورەسىن جوعارىلاتۋ كەرەك.
جالپى ماجىلىستە مىنالار العا قويىلدى: قازىنا ــ مەملەكەت باسقارۋداعى نەگىز جانە ماڭىزدى تىرەك، قازىنا-باجىنىڭ عىلمي ءتۇزىلىسى بايلىقتى ءبولىپ ورنالاستىرۋدى ساپالىلاندىراتىن، بازاردىڭ بىرلىگىن قورعايتىن، قوعامدىق ادىلدىكتى جەبەيتىن، مەملەكەتتىڭ باياندى تىنىشتىعىن جۇزەگە اسىراتىن تۇزىمدىك قامتاماسىزدىق. زاڭ شىعارۋدى كەمەلدەندىرىپ، ءىس ۇقىعىن ايقىنداپ، باجى تۇزىمىنە رەفورما جاساپ، باجى سالماعىن ورنىقتىرىپ، مەجە ەسەپتى جاريا ۇستاپ، ونىمدىلىكتى ارتتىرىپ، وسىزامانعى قازىنا ءتۇزىمىن ورناتىپ، ورتالىقتىڭ دا، جەرگىلىكتى ورىننىڭ دا بەلسەندىلىگىن ساۋلەلەندىرۋ كەرەك. مەجە ەسەپ باسقارۋ ءتۇزىمىن جاقسارتىپ، باجى ءتۇزىمىن كەمەلدەندىرىپ، ءىس ۇقىعى مەن شىعىس جاۋاپكەرلىگى سايكەسەتىن ءتۇزىمدى ورناتۋ كەرەك. جالپى ماجىلىستە مىنالار العا قويىلدى: قالا-اۋىل ەكى نەگىزدىك قۇرىلىمى قالا-اۋىل دامۋىن ءبىرتۇلعالاندىرۋعا تۇساۋ بولىپ وتىرعان باستى كەدەرگى. تۇزىلىستىك مەحانيزمدى اقاۋسىزداندىرىپ، ونەركاسىپ ارقىلى اۋىل شارۋاشىلىعىن جەبەيتىن، قالا ارقىلى اۋىلدى جەتەكتەيتىن، جۇمىسشىلار مەن ديقاندار ءوزارا پايدا جەتكىزەتىن، قالا-اۋىل ءبىرتۇلعالانعان جاڭا تيىپتەگى ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ قاتىناسىن قالىپتاستىرىپ، قالىڭ ديقانداردىڭ وسىزامانداندىرۋعا باسقالارمەن تەڭ اتسالىسۋىنا، وسىزامانداندىرۋ جەتىستىكتەرىنەن ورتاق يگىلىكتەنۋىنە مۇمكىندىك جاراتۋ كەرەك. جاڭاشا اۋىل شارۋاشىلىق تيجاراتى جۇيەسىن قۇرۋدى تەزدەتىپ، ديقاندارعا ءتىپتى دە كوپ مال-مۇلىك ۇقىعىن بەرىپ، قالا-اۋىلدىڭ شەشۋشى فاكتورلارىن تەڭدىك نەگىزدە ايىرباستاۋدى جانە الەۋمەتتىك بايلىقتى تەڭگەرىپ ءبولىپ ورنالاسۋدى ىلگەرىلەتىپ، قالا-قالاشىقتانۋدى اقاۋسىز دامىتۋ جونىندەگى تۇزىلىستىك مەحانيزمدى كەمەلدەندىرۋ كەرەك.
جالپى ماجىلىستە مىنالار العا قويىلدى: ەكونوميكانىڭ جاھاندانۋىنداعى جاڭا جاعدايعا سايكەسۋ ءۇشىن، ىشكە جانە سىرتقا ەسىك اشۋدىڭ ءبىرىن-ءبىرى جەبەۋىن، سىرتتان ەنگىزۋ مەن سىرتقا شىعارۋدىڭ اناعۇرلىم ويداعىداي ۇشتاسۋىن ىلگەرىلەتۋ، حالىقارالىق جانە ىشكى فاكتورلاردىڭ ءتارتىپتى، ەركىن اعىلۋىن، بايلىقتى ۇتىمدى ءبولىپ ورنالاستىرۋدى، بازاردىڭ ىشكەرىلەي توعىسۋىن جەبەۋ، حالىقارالىق ەكونوميكالىق سەلبەستىك پەن باسەكەگە قاتىناساتىن جانە جەتەكشىلىك ەتەتىن تىڭ باسىمدىلىقتاردى قالىپتاستىرۋدى جەدەلدەتۋ، ءسويتىپ ەسىك اشۋ ارقىلى رەفورمانى ىلگەرىلەتۋ كەرەك. قارجى قوسۋعا رۇقسات ەتۋ كولەمىن كەڭەيتىپ، ەركىن ساۋدا رايونى قۇرىلىسىن جەدەلدەتۋ، ىشكى قۇرىلىقتىق رايوندار مەن شەكارا وڭىرلەرىن سىرتقا اشۋدى كەڭەيتۋ كەرەك.
جالپى ماجىلىستە مىنالار العا قويىلدى: سوتسياليستىك دەموكراتيانى دامىتۋ ءۇشىن، حالىقتىڭ وزىنە ءوزى قوجا بولۋىنا كەپىلدىك ەتۋدى نەگىز ەتىپ، حالىق قۇرىلتايى تۇزىمىنە، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي كەڭەسشىلىك تۇزىمىنە، ۇلتتىق تەرريتوريالىق اۆتونوميا ءتۇزىمى مەن نەگىزگى ساتىداعى بۇقارانىڭ ءوزىن ءوزى باسقارۋ تۇزىمىنە تاباندى بولۋ جانە ونى كەمەلدەندىرۋ، دەموكراتيالىق ءتۇزىمدى اقاۋسىزداندىرىپ، دەموكراتيا فورماسىن بايىتۋعا اناعۇرلىم ءمان بەرۋ، ەلىمىزدىڭ سوتسياليستىك ساياسي ءتۇزىمىنىڭ ابزالدىلىعىن تولىق ساۋلەلەندىرۋ كەرەك. حالىق قۇرىلتايى ءتۇزىمىنىڭ داۋىرمەن بىرگە العا باسۋىن، كەڭەستى دەموكراتيانىڭ كەڭ، كوپ ساتىلى تۇزىمدەنۋگە قاراي دامۋىن جەبەۋ، نەگىزگى ساتىلاردا دەموكراتيانى دامىتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
