- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەمەكى تارتۋعا تيىم سالۋ بۇيرىعىن» باسىپ تاراتتى، الەۋمەتتىك ورتادا تەمەكى تارتۋعا تيىم سالۋ «10 جىلدان بەرگى ساياسات جاعىنداعى ەڭ پارمەندى قولداۋعا يە بولدى»
تەمەكىدەن ارىلۋدا باسشىلار باستاماشى بولۋى كەرەك
2014.01.02 13:26 كەلۋ قاينارى : حالىق تورابى
ج ك پ ورتالىق كوميتەتىنىڭ كەڭسە مەڭگەرمەسى مەن مەملەكەتتىك كەڭەستىڭ كەڭسە مەڭگەرمەسى «الەۋمەتتىك ورتادا تەمەكى تارتۋعا تيىم سالۋدا باسشى كادرلاردىڭ باستاماشى بولۋىنا قاتىستى ىستەر جونىندەگى حابارلاندىرۋدى» باسىپ تاراتىپ، باسشى كادرلاردىڭ الەۋمەتتىك ورتادا تەمەكى تارتپاۋىنا قاتىستى ناقتىلى ايقىن تالاپتاردى جانە ونى تارتىپكە سالۋدى ورتاعا قويدى. ورتالىق ءىرىپ - شىرۋگە قارسى تۇرىپ، پاكتىكتى دارىپتەۋ، ستيلدى دۇرىستاۋ شارالارىن ىركەس - تىركەس بەلگىلەگەن قازىرگى تۇستا، الەۋمەتتىك ورتادا تەمەكى تارتۋعا تيىم سالۋدا باسشى كادرلاردان باستاماشى بولۋدى تالاپ ەتۋ ەلىمىزدىڭ الەۋمەتتىك ورتادا تەمەكى تارتۋعا تيىم سالۋ اياق الىسىنداعى كۇشتى سيگنال بولىپ قانا قالماستان، كادرلاردىڭ قىزمەت ستيلىن جاقسارتىپ، ءىرىپ - ءشىرۋدىڭ، ىسىراپشىلدىقتىڭ الدىن الۋداعى ناقتى بەينەسى بولىپ تابىلادى.
تەمەكى تارتۋعا تيىم سالۋدى جاقتاۋشىلار تەمەكىدەن ارىلۋدىڭ «التىن ۋاقىتى» كەلدى دەپ قارادى، كوپتەگەن جەرلەر تەمەكىگە تيىم سالۋ جونىندە جاڭا بەلگىلەمە شىعاردى
«بىرنەشە كۇننەن بەرى تەلەفونىمدا تىنىشتىق بولمادى، بىرەسە ەل ءىشى - سىرتىنداعى ساپتاستارىمنان تەلەفون كەلسە، بىرەسە تىلشىلەردەن تەلەفون كەلەدى، جۇڭگونىڭ الەۋمەتتىك ورتادا تەمەكى تارتۋعا تيىم سالۋ ءىسى 10 جىلدان بەرگى ساياسات جاعىنداعى ەڭ پارمەندى قولداۋعا يە بولدى!»، - دەدى جۇڭگو تەمەكى تارتۋدى تىزگىندەۋ قوعامىنىڭ تۇراقتى ورىنباسار باستىعى شۇي گۇيحۋا تىلشىگە. ەلىمىز دۇنيە جۇزىندەگى ەڭ ءىرى تەمەكى وندىرەتىن، تۇتىناتىن جانە تەمەكىنىڭ زيانىن تارتۋشى ەل. 2003 - جىلى ەلىمىز «تەمەكىنى تىزگىندەۋ جوباسى شارتىنا» قول قويدى، كوپتەگەن ولكە - قالالاردا الەۋمەتتىك ورتادا تەمەكى تارتۋعا تيىم سالۋعا قاتىستى جەرگىلىكتى زاڭ – ەرەجەلەر بەلگىلەندى، الايدا تەمەكى تارتاتىنداردىڭ مولشەرى بۇرىنعىسىنداي كوپ بولىپ، جالپى قاۋىمنىڭ دەنساۋلىعىنا اۋىر زيان جەتكىزدى.
قاتىستى سالاداعىلار ەلىمىزدە الەۋمەتتىك ورتادا تەمەكى تارتۋعا تيىم سالۋدىڭ قيىن بولۋىنىڭ بەلگىلى ماعىنادان العاندا، كەيبىر باسشى كادرلاردىڭ جاۋاپكەرشىلىگىمەن قاتىسى بار دەپ اشىق ايتتى. تەمەكى تارتۋ نازار اۋدارۋعا تاتىمايتىن ۇساق ءىس قاتارىنداعى جەكە ادەت رەتىندە قارالدى، ءتىپتى «باسشىلىق سالاۋاتتىڭ» ءبىر ءتۇرلى بەينەسى ەسەپتەلدى، كەزىگە قالعاندا تەمەكى ۇسىنىپ سالەمدەسۋ، ۇلكەن - كىشى جيىنداردا جيىن زالى كوك تۇتىنگە تولۋ داعدىعا اينالدى؛ ورگانداردا تەمەكىگە تيىم سالۋ قيىن ماسەلەگە اينالۋمەن بىرگە باقىلاۋ كەمشىل، جازالاۋ از بولدى.
جۇرت «الەۋمەتتىك ورتادا تەمەكى تارتۋعا تيىم سالۋدا باسشى كادرلاردىڭ باستاماشى بولۋىنا قاتىستى ىستەر جونىندەگى حابارلاندىرۋدان» زور ءۇمىت كۇتۋدە، جەرگىلىكتى ورىنداردىڭ الەۋمەتتىك ورتادا تەمەكى تارتۋعا تيىم سالۋعا قاتىستى جاڭا بەلگىلەمەلەرى دە جۇرتتىڭ قولداۋىنا يە بولدى. «لانجۋ قالاسىنىڭ الەۋمەتتىك ورتادا تەمەكى تارتۋدى تىزگىندەۋ ەرەجەسى» 1 – قاڭتاردان باستاپ اتقارىلدى، «چاڭچۇن قالاسىنىڭ تەمەكىنىڭ، ىس – تۇتەكتىڭ زيانىنان ساقتانۋ ءادىسى» 1 – ناۋرىزدان باستاپ اتقارىلادى، بەيجىڭ قالاسى 2015 – جىلعا دەيىن ءۇي ىشىندە تەمەكى تارتۋعا جاپپاي تيىم سالۋدى جۇزەگە اسىرۋدى جوسپارلادى. الداعى كۇندەردە كوپتەگەن ولكە – قالالار تەمەكىنى تىزگىندەۋ، تەمەكىگە تيىم سالۋ جونىندە ىركەس - تىركەس ەرەجە، زاڭدىق ەرەجەلەر شىعارادى، تەمەكىنى تىزگىندەۋ، تەمەكىگە تيىم سالۋدىڭ «التىن ۋاقىتى» كەلۋدەن ءۇمىت زور.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved