- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ تۇراقتى ءماجىلىسىن باسقارىپ اشتى
2014.01.23 14:22 كەلۋ قاينارى : حالىق تورابى
شينحۋا اگەنتتىگىنىڭ 22 – قاڭتاردا بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭ 22 – قاڭتاردا مەملەكەتتىك كەڭەستىڭ تۇراقتى ءماجىلىسىن باسقارىپ اشىپ، ورتالىق قازىنانىڭ عىلمي زەرتتەۋ نىساندارى مەن قارجى باسقارۋ ادىسىنە رەفورما جاساۋدى ۇيعاردى، مادەنيەت جاسامپازدىعى مەن جوبالاۋ جونىنەن قىزمەت وتەۋدى جانە قاتىستى شارۋاشىلىقتاردى توعىستىرىپ دامىتۋدى ىلگەرىلەتۋدى ورنالاستىردى، «وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ سۋمەن قامداۋدى باسقارۋ ەرەجەسىن (جوبا)» قاراپ قابىلدادى.
ءماجىلىسىن مىنالاردى اتاپ كورسەتتى، دامۋدى جاڭالىق جاراتۋ ارقىلى جەبەۋ ستراتەگياسىن اتقارىپ، عىلىم – تەحنيكادا جاڭالىق جاراتۋدىڭ ەكونوميكا مەن قوعامنىڭ دامۋىنداعى جەتەكتەۋ، سۇيەمەلدەۋ رولىن ويداعىداي ساۋلەلەندىرىپ، ەكونوميكانىڭ ساپاسىن جوعارىلاتىپ، ونىمدىلىگىن ارتتىرىپ، دارەجەسىن ءوسىرۋ ءۇشىن، ءسوزسىز، ءتۇزىلىس پەن مەحانيزمدى جاڭالاۋ، عىلمي زەرتتەۋ نىساندارى مەن قارجى باسقارۋ ادىسىنە رەفورما جاساۋ ارقىلى قازىنالىق عىلمي زەرتتەۋ قارجىسىنىڭ ساپالىلار مەن قۋاتتىلاردى سۇيەمەلدەپ، جاڭالىق جاراتىپ، قامال الا الاتىن وزىق توپتارعا جانە شارۋاشىلىق پەن قوعامنىڭ زور قاجەتىنە ۇيلەسەتىن نىساندارعا بەيىمدەلۋىنە مۇمكىندىك جاراتىپ، قارجىنىڭ پايدالانىلۋ ونىمدىلىگىن جوعارىلاتۋ كەرەك. ءبىرىنشى، ۇكىمەتتىڭ جەتەكتەۋى، سۇيەمەلدەۋى مەن كاسىپورىننىڭ نەگىزگى تۇلعالىق رولىن ۇتىمدى ۇشتاستىرۋ كەرەك. قازىنالىق قارجى الدىڭعى لەكتىك، ستراتەگيالىق جوعارى تەحنيكالاردى، قوعامدىق الەۋمەتتىك يگىلىكتىك جانە كەلەلى ورتاقتىققا يە شەشۋشى تەحنيكالاردى بەلسەنە سۇيەمەلدەۋى، قازىنالىق قارجى مەن قوعامدىق قارجىلاردى سايكەستىرۋ مەحانيزمىن ورناتىپ، «از قارجىمەن كوپ ءىستى تىندىرۋ» سىندى سۇيمەندىك رولدى ساۋلەلەندىرۋى كەرەك. بازار ارقىلى جەتەكتەلەتىن نىساندار جونىنەن كاسىپورىندى نەگىزگى تۇلعا ەتىپ، زەرتتەۋ باعىتى، شەشۋشى فاكتورلاردى ىڭعايلاۋ قاتارلىلاردى ءوزى بەلگىلەيتىن ەتۋ كەرەك. كاسىپورىنداردىڭ جوعارى مەكتەپتەرمەن جانە عىلمي زەرتتەۋ اكادەميالارىمەن، ورىندارىمەن بىرلەسىپ ءارى نەگىزدىك زەرتتەۋمەن ءارى قولدانىلمالى زەرتتەۋمەن شۇعىلدانۋىنا دەم بەرىپ، عىلىم مەن تەحنيكانىڭ، عىلىم – تەحنيكامەن شارۋاشىلىقتىڭ توعىسۋىن جەبەپ، جەتىستىكتەردىڭ شارۋاشىلىقتانۋىن، بازارلانۋىن ىلگەرىلەتۋ كەرەك. ەكىنشى، ۇكىمەتتى ىقشامداپ، ۇقىقتى تومەنگە بەرىپ، تەكسەرىپ بەكىتۋ بارىسىن وڭايلاستىرۋ كەرەك. ءوتىنىش ەتۋ، تىزىمگە الۋ، باعالاۋ جانە بەكىتۋدىڭ اشىق، جاريا ءتۇزىمىن ورناتىپ، ناتيجەسى مەن ونىمدىلىگىن باعالاۋ، يكەمدى رەتكە سالۋ جانە توقتاتۋ مەحانيزمىن اقاۋسىزداندىرۋ كەرەك. قارجىنى باقىلاۋ – باسقارۋدى كۇشەيتىپ، عىلمي زەرتتەۋ سەنىمدىلىگى جاعىنداعى «قارا ءتىزىم» ءتۇزىمىن ورناتىپ، ءبىر نىساندى كوپ رەت جولداۋ، قايتالاپ قارجىلاندىرۋ قاتارلى قۇبىلىستاردى تيىپ، نىسانداردى بەلگىلەۋدى، قارجىنى ءبولۋدى اكىمشىلىك جولمەن ىستەۋ سىندى كىناراتتاردى جويىپ، قارجىنى ەڭ قاجەتتى جەرگە ىستەتۋ كەرەك. ءۇشىنشى، عىلمي زەرتتەۋ قىزمەتكەرلەرىنىڭ بەلسەندىلىگىن جۇمىلدىرۋعا كۇش سالۋ كەرەك. عىلمي زەرتتەۋ قىزمەتكەرلەرىنىڭ كىرىس ءبولىسى جونىندەگى ساياساتتى كەمەلدەندىرىپ، ءبولىس جاعىنداعى جۇمىس ورنىمەن، قىزمەت ناتيجەسىمەن، ءىس جۇزىندىك ۇلەسىمەن تىعىز بايلانىستىرىلعان ىنتالاندىرۋ مەحانيزمىن اقاۋسىزداندىرۋ كەرەك. عىلىم – تەحنيكالىق باعالاۋ جانە سيلاۋ ءتۇزىمى رەفورماسىن ىلگەرىلەتىپ، عىلمي زەرتتەۋ اكادەميالارىنداعى، ورىندارىنداعى جانە كاسىپورىندارداعى جاڭالىق جاراتۋشى دارىندىلاردىڭ ءوزارا اۋىس-كۇيىس جاساۋىنا دەم بەرۋ كەرەك. عىلمي زەرتتەۋ قىزمەتكەرلەرىنىڭ جەتىستىكتەرىن ونىمگە اينالدىرۋدى جەبەيتىن پايدا ءبولىسى ساياساتىن كەمەلدەندىرىپ جانە تياناقتاندىرىپ، عىلىم – تەحنيكا جاڭالىقتارىنا دەم بەرۋ جونىندەگى باجى ساياساتىن تياناقتاندىرىپ، جاسامپازدىققا يە اقىل – پاراساتتىق قيمىلدارعا ءتيىستى اقى بەرىلەتىن، عىلىم – تەحنيكالىق جاڭالىقتاردىڭ وزەكتى فاكتورلارى شىنايى جانداناتىن ەتۋ كەرەك.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
