- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس مەملەكەتتىك 12 - كەزەكتى كوميتەتىنىڭ 2 - ءماجىلىسى بەيجيڭدە اشىلدى
شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناسىپ قۇتتىقتادى
2014.03.04 16:08 كەلۋ قاينارى : ءتاڭىرتاۋ تورابى
 |
جۇڭگو حالىق ساياسي ءماسليحات كەڭەسى مەملەكەتتىك 12 - كەزەكتى كوميتەتىنىڭ 2 - ءماجىلىسى 3 - ناۋرىزدا بەيجيڭدەگى حالىق سارايىندا اشىلدى. شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى
|
شينحۋا اگەنتتىگىنىڭ 3 - ناۋرىزدا بەيجيڭنەن بەرگەن حابارى. ۇكىمەت ءىسىن كەڭەسىپ، رەفورمانىڭ ايبىندى جوباسىن بىرگە جاسايدى، حالىقتىڭ تىلەگىن توعىستىرىپ، كۇش - قۋاتىن ۇيىستىرىپ، كوركەيۋ سىندى ۇلى ىسكە بىرگە ات سالىسادى. جۇڭگو حالىق ساياسي ماسىليحات كەڭەسى مەملەكەتتىك 12 - كەزەكتى كوميتەتىنىڭ 2 - ءماجىلىسى 3 - ناۋرىز تۇستەن كەيىن حالىق سارايىندا اشىلدى. الداعى 9 كۇندە ساياسي كەڭەستىڭ 2000 نەشە مۇشەسى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ فۋنكتسيالارىن اتقارىپ، بەلسەنە اقىل - كەڭەس بەرىپ، رەفورمانى جاپپاي تەرەڭدەتۋ ورتاق تانىمىن قالىپتاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتىن شوعىرلاندىرادى.
حالىق سارايىنىڭ 10 مىڭ ادامدىق زالى سالتاناتتى مەرەيگە شومدى، بۇكىل ەلىمىزدەگى ءار ۇلت حالقىنىڭ ۇلى ىنتىماعىنىڭ سيمۆولى بولعان ساياسي كەڭەس گەربى ءتوراعالار مىنبەسىنىڭ قاق تورىنە ءىلىنىپ، ەكى جاعىنا بەستەن نارت قىزىل تۋ قويىلدى.
مەملەكەتتىك ساياسي كەڭەستىڭ ءتوراعاسى يۇي جىڭشىڭ، مەملەكەتتىك ساياسي كەڭەستىڭ ورىنباسار ءتوراعالارى دۋ چيڭلين، ليڭ جيحۋا، حان چيدى، پابالا گلەلاڭجە، دۇڭ جيانحۋا، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، سۋ رۇڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين ءتوراعالار مىنبەسىنىڭ الدىڭعى قاتارىنان ورىن الدى.
پارتيا مەن مەملەكەتتىڭ باسشىلارىنان شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.
ساياسي كەڭەس مەملەكەتتىك 12 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 2999، ناقتى قاتىناسقان مۇشە 2172 ، بۇل زاڭدا بەلگىلەنگەن ادام سانىنا ۇيلەسەدى.
تۇستەن كەيىن ساعات 3تە، دۋ چيڭلين ءماجىلىستىڭ اشىلعاندىعىن جاريالادى، زالدا وتىرعاندار تۇگەل ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت گيمىنىن ورىندادى. ونان سوڭ ماجىلىسكە قاتىناسقان بارلىق ادام 1 - ناۋرىز كەشتە يۇنناننىڭ كۇنميڭ پويەز بەكەتىندە تۋىلعان اۋىر زورلىقتى كۇش لاڭكەستىك وقيعاسىندا قازا بولعاندارعا ءۇنسىز تۇرىپ ازا ءبىلدىردى. ءماجىلىس الدىمەن ساياسي كەڭەس مەملەكەتتىك 12 - كەزەكتى كوميتەتى 2 - ءماجىلىسىنىڭ كەڭەستىك ءتارتىبىن قاراپ ماقۇلدادى.
يۇي جىڭشىڭ ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەت بايانداماسىن جاسادى.
يۇي جىڭشىڭ حالىق ساياسي كەڭەستىڭ وتكەن ءبىر جىلداعى قىزمەتىن 8 جاقتان قورىتىندىلادى. ول بىلاي دەدى: 2013 - جىل − پارتيا 18- قۇرىلتايىنىڭ رۋحىن جاپپاي دايەكتى تياناقتاندىرۋدىڭ العاشقى جىلى ءارى حالىق ساياسي كەڭەس ىستەرى مۇراگەرلىك ەتۋ بارىسىندا جاڭالانىپ، جاڭالانۋ بارىسىندا دامىعان ءبىر جىل بولدى. ءبىر جىلدان بەرى، شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى وتانشىلدىق جانە سوتسياليزم تۋىن بيىك ۇستاپ، ىنتىماقتىلىق، دەموكراتيا سىندى ەكى ۇلكەن تاقىرىپتان جازباي، پارتيا مەن مەملەكەتتىڭ وزەكتى قىزمەتىن ارقاۋ ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ فۋنكتسيالارىن مۇقيات اتقارىپ، بايلانىستى سايكەستىرۋ، كۇش - قۋات توپتاۋ، اقىل - كەڭەس بەرۋ، جالپى جاعداي ءۇشىن قىزمەت ەتۋ رولىن تولىق ساۋلەلەندىرىپ، يدەيالىق، نازاريالىق قۇرىلىستا تىڭ تابىسقا، رەفورماعا، دامۋعا قىزمەت وتەۋدە تىڭ ناتيجەگە قول جەتكىزىپ، كەڭەستىك دەموكراتيانىڭ تىڭنان ىلگەرىلەۋىن جەبەپ، قىزمەت ستيلىن جاقسارتۋدا تىڭ جاڭالىق اشىپ، وسى كەزەكتى ساياسي كەڭەس قىزمەتىنىڭ باستاماسىن جاقسى باستادى.
يۇي جىڭشىڭ مىنانى اتاپ كورسەتتى: 2014 - جىل−رەفورمانى جاپپاي تەرەڭدەتۋدىڭ العاشقى جىلى، «12 - بەسجىلدىق جوبانى» ورىنداۋداعى شەشۋشى جىل. حالىق ساياسي كەڭەس قىزمەتىنىڭ تۇلعالىق تالابى مىناداي: پارتيا 18 - قۇرىلتايى مەن ج ك پ 18 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ، شي جينپيڭ جولداستىڭ ءبىر قىدىرۋ ماڭىزدى سوزدەرىنىڭ رۋحىن ىشكەرىلەي دايەكتى تياناقتاندىرىپ، وتانشىلدىق جانە سوتسياليزم تۋىن بيىك ۇستاپ، ىنتىماقتىلىق جانە دەموكراتيا سىندى 2 ۇلكەن تاقىرىپتان جازباي، تۇراقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنا تاباندى بولىپ، رەفورمانى جاپپاي تەرەڭدەتۋگە كۇش سالىپ، ەكونوميكانىڭ دامۋ ساپاسى مەن ونىمدىلىگىن جوعارىلاتۋدى، قوعامنىڭ ادىلدىگىن، تۋراشىلدىعىن جەبەۋدى جانە حالىقتى باقىتقا كەنەلتۋدى كوزدە ۇستاپ، ىشكەرىلەي تەكسەرۋ، زەرتتەۋ جۇرگىزىپ، بەلسەنە اقىل - كەڭەس بەرىپ، كەڭەستىك دەموكراتيانى ىلگەرىلەتىپ، قىزمەتتە جاڭالىق جاساۋدى كۇشەيتىپ، جاپپاي دوڭگەلەك داۋلەتتى قوعام قۇرۋعا تىڭ ۇلەس قوسۋ.
ساياسي كەڭەس مەملەكەتتىك 12 - كەزەكتى كوميتەتى تۇراقتى كوميتەتىنىڭ تاپسىرۋىمەن حان چيدى ماجىلىستە ساياسي كەڭەس مەملەكەتتىك 12 - كەزەكتى كوميتەتىنىڭ 1 - ماجىلىسىنەن بەرگى ۇسىنىس - جوبا قىزمەتىنىڭ جاعدايى جونىندە بايانداما جاسادى. ساياسي كەڭەس مەملەكەتتىك 12 - كەزەكتى كوميتەتىنىڭ 1 - ماجىلىسىنەن بەرى، ساياسي كەڭەس مۇشەلەرى، ساياسي كەڭەسكە قاتىناسقان ورىندار جانە ارناۋلى كوميتەتتەر جالپى 5884 ۇسىنىس - جوبا قويدى، قاراۋ ارقىلى 5403 ۇسىنىس - جوبا ارحيپكە الىندى، 2014 - جىلى 20 - اقپانعا دەيىن 5396 ۇسىنىس - جوباعا جاۋاپ قايتارىلىپ، ءبىر ءجايلى ەتىلىپ، جاۋاپ قايتارىلۋ ، ءبىر جايلى ەتۋ سالىستىرماسى% 99.8 كە جەتتى.
ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، سۇن جىڭساي، لي جيانگو، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، جاۋ حۇڭجۋ، ياڭ جيڭ، ۋاڭ شىڭجۇن، چىن چاڭجى، يان جۋانچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋ، چاڭ ۋانچۋان، ياڭ جيەچى، گو شىڭكۇن، ۋاڭ يۇڭ، جوۋ چياڭ، ساۋ جيانميڭ سياقتى باسشى جولداستار دا ءتوراعالار مىنبەسىنەن ورىن الدى. «شينجياڭ گازەتى»
 |
يۇي جىڭشىڭ ساياسي كەڭەس مەملەكەتتىك 12 - كەزەكتى كوميتەتىنىڭ تۇراقتى كوميتەتى اتىنان ماجىلىستە قىزمەتتەن بايانداما جاسادى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
