- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ساياسي كەڭەس باياندامالارىن گرۋپپالار بويىنشا تالقىلادى
2014.03.06 08:53 كەلۋ قاينارى : ءتاڭىرتاۋ تورابى
ساياسي كەڭەس مەملەكەتتىك 12 - كەزەكتى كوميتەتىنىڭ 2 - ماجىلىسىنە قاتىناسىپ جاتقان، شينجياڭدا تۇراتىن مەملەكەتتىك ساياسي كەڭەستىڭ 34 مۇشەسى 4 - ناۋرىز كۇنى سالالار بويىنشا گرۋپپالارعا ءبولىنىپ، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى بايانداماسىن تالقىلادى. مۇشەلەر «وسى ەكى باياندامادا قىزمەتتەر وبيەكتيۆ، جان - جاقتى قورىتىندىلاندى، ماسەلەلەرگە شىندىقتى ءىس جۇزىنەن ىزدەۋ نەگىزىندە تالداۋ جاسالدى، ورنالاستىرۋلار مەن مىندەتتەر امالياتقا ۇيلەسەدى» دەپ ەسەپتەپ، جاڭا ءبىر جىلدا وزەكتى ارقاۋ ەتىپ، جالپى جاعدايعا قىزمەت وتەپ، رايونىمىزدىڭ قوعام ورنىقتىلىعى مەن باياندى تىنىشتىعىن جەبەۋ جولىندا ۇزدىكسىز اقىل - كەڭەس بەرىپ، كۇش قوساتىندىقتارىن ءبىلدىردى.
مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى گرۋپپالار تالقىسىندا بىلاي دەدى: ەكى باياندامانىڭ، وتە - موتە، تۇراقتى كوميتەتتىڭ قىزمەت بايانداماسىنىڭ دەڭگەيى بيىك بولدى، وندا الىسقا كوز جىبەرىلىپ، جالپى جاعداي ءبىر تۇتاس جوسپارلانعان، باياندامانىڭ مازمۇنى باي. ساياسي كەڭەستىڭ فۋنكتسيالىق قىزمەتتەرىنە ۇشتاستىرىپ، 2014 - جىلعى ساياسي كەڭەس قىزمەتى جونىندە 6 جاقتان ەگجەي - تەگجەيلى، عىلمي دا ۇيلەسىمدى جالپى ورنالاستىرۋ جاسالعان، ءىشىنارالىق تا، جالپىلىق تا قامتىلعان، يكەمدىلىگى توتەنشە كۇشتى. ءبىز مەملەكەتتىك ساياسي كەڭەستىڭ تالابى بويىنشا، بايانداماداعى ورنالاستىرۋلاردى تىڭعىلىقتى تياناقتاندىرۋىمىز كەرەك.
نۇرلان ءابىلماجىن ۇلى مىناداي ۇسىنىس قويدى: مەملەكەتتىك ساياسي كەڭەس باستاماشى بولىپ، باتىس بولەكتەگى قاتىستى ولكە، اۆتونوميالى رايون، قالالاردىڭ ساياسي كەڭەستەرىنىڭ باسىن قوسىپ، جىبەك جولى ەكونوميكالىق بەلدەۋىن قۇرۋعا قاتىستى كەلەلى ماسەلەلەر تۋرالى ارناۋلى تەكسەرىپ - زەرتتەۋ جۇرگىزسە، مەملەكەتتىك دەڭگەيدەن پىكىر بەرىپ، ۇسىنىس قويسا؛ كۇش - قۋاتتى بىرىكتىرىپ، ءدىني ۇشقارىلىققا قاتىستى ماسەلەلەر جونىندە ارناۋلى تۇردە بىرلەسىپ تەكسەرۋ جۇرگىزىپ، قاتىستى ماسەلەلەردى شەشۋ جولدارىن مەملەكەتتىك دەڭگەيدەن بەينەلەسە جانە ىلگەرىلەتسە دەيمىز.
مۇشە ماۋكەن سەيىتقامزا ۇلى بىلاي دەدى: ساياسي كەڭەس مۇشەلەرى جونىنەن ايتقاندا، ءبىز ءبىر جاعىنان، نەگىزگى ساتىلاردى ارالاپ، حالىق بۇقاراسىنىڭ پىكىرىن اينا قاتەسىز جەتكىزۋىمىز ءتيىس؛ ەندى ءبىر جاعىنان، پىكىردى تولىق تالقىلاپ كەڭەسكەننەن كەيىن، ونى پارتكوم مەن ۇكىمەتتىڭ شەشىمىنە اينالدىرۋىمىز قاجەت. مۇشە ءپاتيما ماحمۇت ساياسي كەڭەس مۇشەلەرى بۇقاراعا قاجىماي - تالماي ناقتى ءىس تىندىرىپ بەرىپ، ولاردىڭ ۇقىعىن قورعاعاندا عانا، ءوز قۇنىن ايگىلەي الاتىنىن ايتتى.
مۇشە ءشوجيپ، باكىر مامۇت، ءجۇرات ءمامتىمىن، گو لينالار مىنالاردى ايتتى: ساياسي كەڭەس مۇشەلەرى بولعان بىزدەر ساياسي كەڭەس بەرۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن دەن قويا اتقارىپ، ساياسي كەڭەس قۇرىلىسىن ىرىقتىلىقپەن، سانالىلىقپەن كۇشەيتىپ، عىلمي دامۋعا قىزمەت وتەپ، قوعامنىڭ جاراسىمدىلىعىن جەبەپ، جاپپاي دوڭگەلەك داۋلەتتى قوعام قۇرۋعا تىڭ دا اناعۇرلىم زور ۇلەس قوسۋىمىز كەرەك.
مۇشە نۇرلان ءابىلماجىن ۇلى، ابليميت احمەت توقتى، ما شوۋشيندەر گرۋپپالار تالقىسىندا لەبىز بىلدىرگەندە، يۇنناننىڭ كۇنميڭ قالاسىندا تۋىلعان «1 - ناۋرىز» اۋىر زورلىقتى كۇش لاڭكەستىك دەلوسىنداعى زورلىقتى كۇش لاڭكەستەرىنىڭ جاۋىزدىعىن جازعىرىپ، كەكتەنە سوگىس ايتتى. كوپشىلىك: لاڭكەستىك − بۇكىل قوعامنىڭ، تۇتاس ادامزاتتىڭ قاس جاۋى، بارلىق ۇلت بولشەكتەۋشىلىككە، زورلىقتى كۇش لاڭكەستىك ارەكەتىنە ءتىس - تىرناعىمەن كەكتەنىپ، قارعىس جاۋدىرىپ، زورلىقتى كۇش لاڭكەستەرىنە اياۋسىز سوققى بەرۋى كەرەك. ءبىز ساياسي كەڭەس مۇشەسىنىڭ قىزمەت جاۋاپكەرلىگىن ونان ارى جاقسى وتەپ، ۇلتتاردى بارىنشا ىنتىماقتاستىرىپ، مەملەكەت پەن اۆتونوميالى رايوننىڭ دامۋى جولىندا ورتاق كۇرەس جۇرگىزۋىمىز ءتيىس، - دەستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
