بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

    6 - مامىر كۇنى اۆتونوميالى رايون 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ءماجىلىسىن اشتى.

    ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ماجىلىسىندە ماڭىزدى ءسوز سويلەدى.

حالىق تورابى>>ورتالىقتىڭ ءۇنى

باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى ءار ۇلت كادرلارى مەن بۇقاراسىنا ەرەكشە شابىت بەردى

بەرەكەلى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا كۇرەس جۇرگىزەمىز

2014.05.05 13:19     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 27 - ساۋىردەن 30 - ساۋىرگە دەيىن شينجياڭدا قىزمەت تەكسەردى: شارۋالاردىڭ ۇيلەرىنە باردى، نەگىزگى ساتى كادرلارى مەن بۇقاراسىنا امانداستى، ءدىني قايراتكەرلەرمەن اڭگىمەلەستى. ەرەكشە شابىت العان شينجياڭداعى ءار ۇلت كادرلارى مەن بۇقاراسى باس شۋجيدىڭ تاپسىرماسىن ەسكە بەرىك ساقتاپ،ءسوزدىڭ رۋحىن اسا زور قوزعاۋشى كۇش ەتىپ، شينجياڭنىڭ ورنىقتىلىعىن قورعاۋ، قارىشتاپ دامۋىن ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ۇلتتار ىنتىماعىنا دەم بەرۋ، پارتيا قۇرىلىسىن كۇشەيتۋ قىزمەتتەرىن جاقسى ىستەپ، بەرەكەلى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا كۇرەس جۇرگىزەتىندىكتەرىن ءبىلدىرىستى.

  باس شۋجيدىڭ تاپسىرماسىن ەستە ساقتايمىز

  «باس شۋجيدىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن، پارتيانىڭ ۇلت، ءدىن ساياساتتارىن ونان ارى جاقسى ۇگىتتەپ، اۋىلداستاردىڭ اۋقاتتانعاندا پارتيا مەن مەملەكەتتىڭ قامقورلىعىن ۇمىتپاۋىنا مۇمكىندىك جاسايمىن». باس شۋجي شي جينپيڭنىڭ ءوز ۇيىندە قوناقتا بولعان كەزىن ەسكە العان قاشقار كونەشار اۋدانى توعىزاق قالاشىعى اياققى ماڭگەن قىستاعىنىڭ تۇرعىنى روزى مامەت قاريا قاتتى تەبىرەنىپ بىلاي دەدى: پارتيا مۇشەسىنە ءتان باستاماشىلىق رولىمدى تولىق ساۋلەلەندىرۋمەن بىرگە، قىستاقتاعى باسقا پارتيا مۇشەلەرىن دە بەلسەندى رولدارىن ساۋلەلەندىرۋگە جەتەكتەپ، باس شۋجيدىڭ تاپسىرماسىن، پارتيانىڭ قامقورلىعىن ەستەن شىعارماي، قىستاقتاعى بارلىق تۇرعىننىڭ اۋقاتتانىپ، سوتسياليستىك جاڭا قىستاقتا باقىتتى ءومىر كەشىرۋىنە مۇمكىندىك جاساۋىم كەرەك.

  سانشيدەن شينجياڭعا كومەككە كەلگەن كادر ما شياۋجۇن باس شۋجي شي جينپيڭنىڭ بيڭتۋان 6 - ديۆيزياسىنىڭ كوممۋنيستىك جاستار وداعى ەگىس فەرماسىندا قىزمەت تەكسەرگەن كەزىندە وزىنە ايتقان «شينجياڭ رۋحىن، بيڭتۋان رۋحىن لۇيلياڭ رۋحىمەن بىرلەستىرۋ كەرەك» دەگەن ءسوزىنىڭ ءالى قۇلاعىندا تۇرعانىن ايتادى. ول بىلاي دەدى: «شينجياڭداعى كەزىمدە، ءسوز جوق، قىزمەتتەردى جاقسى ىستەپ، شينجياڭ حالقىن، بيڭتۋان حالقىن، اسىرەسە، تۋعان اۋىلىمنىڭ حالقىن الاڭسىز ەتۋگە قۇلشىنامىن».

  باس شۋجي شي جينپيڭ امانداسا بارعان اۆتونوميالى رايوندىق پارتيا مەكتەبىنىڭ قاشقار كونەشار اۋدانى توعىزاق قالاشىعىنىڭ اياققى ماڭگەن قىستاعىندا تۇراتىن قىزمەت گرۋپپاسىنداعى كادرلار مىنانى ايتتى: باس شۋجي شي جينپيڭنىڭ قامقورلىعى مەن قولداۋىنان ەرەكشە ماقتانىش پەن داڭقتى سەزىندىك، بۇل قىزمەت گرۋپپاسىنا بەرگەن ەڭ جاقسى شابىت. ءبىز اۆتونوميالى رايوندىق پارتكوم العا قويعان التى مىندەتتى، ءسوز جوق، ورىنداپ، سەنىمدى جاۋاپ بەرەمىز.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ورىنباسار شارلاۋشىسى، اۆتونوميالى رايوندىق الەۋمەتتىك كاسىپتەندىرۋگە قىزمەت كورسەتۋ مەكەمەسىنىڭ ورىنباسار باستىعى جۋ جيان بىلاي دەدى: ءبىز باس شۋجي شي جينپيڭنىڭ تالابىنا ساي، كاسىپتەندىرۋدى ىلگەرىلەتۋ قىزمەتىن قۇلشىنا جاقسى ىستەپ، كاسىپتەندىرۋدى ىلگەرىلەتۋدى بۇقارانىڭ تۇرمىسىن قامتاماسىز ەتۋ مەن جاقسارتۋدىڭ ارقاۋى جانە تابان تىرەر تياناعى ەتىپ، «بۇقارانىڭ ىستەيتىن ءىسى بولۋ، اقشا تابۋ، ارمانى بولۋ» نىساناسىن شىن مانىندە جۇزەگە اسىرىپ، بارلىق ادامنىڭ حالىق تۇرمىسى قۇرىلىسىنىڭ نۇر - شۇعىلاسىنا بولەنۋىنە مۇمكىندىك جاسايمىز.

  شىنايى قامقورلىقتى قوزعاۋشى كۇشكە اينالدىرامىز

  «باس شۋجيدىڭ قامقورلىعى <باتىس ءوڭىر جەمىس باعىنىڭ> ىستەرى ءۇشىن ەڭ ۇلكەن تۇراقتاندىرۋ بولدى، 80 - جىلداردىڭ تۋمالارى سانالاتىن ءبىزدىڭ جىگەرىمىز جالىنداي تۇسكەندەي بولدى، باس شۋجيدىڭ قامقورلىعىن كۇرەستىڭ قوزعاۋشى كۇشىنە اينالدىرامىز». شينجياڭ جەمىس - جيدەك توبى ەلەكتروندىق ساۋدا تەكشەسى باتىس ءوڭىر جەمىس باعى ينتەرنەت دۇكەنىنىڭ ورىنباسار باستىعى رىن ۋيلۇڭ ءوزىنىڭ باس شۋجي شي جينپيڭگە جاعدايدى تانىستىرىپ جاتقان كەزدەگى سۋرەتىن كورسەتىپ تەبىرەنە بىلاي دەدى: «باس شۋجي ءبىزدىڭ ەلەكتر ساۋدا تەكشەمىزگە دەيىن نازار اۋداردى، ءبىز بۇل قامقورلىقتى اقتاۋ ءۇشىن، ءوز ءىسىمىزدى كۇش سالا جاقسى ىستەيمىز».

  اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ شۋجيى يان فىنشين بىلاي دەدى: باس شۋجي شي جينپيڭنىڭ شينجياڭعا تەكسەرۋ - زەرتتەۋ جۇرگىزە كەلىپ، قىزمەتكە جەتەكشىلىك ەتۋى پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعىن تولىق ايگىلەدى. اۆتونوميالى رايونىمىزداعى سوت مەكەمەلەرى باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىنا ساي، حالىق تۇرمىسىن جاقسارتۋ، حالىقتىڭ قالاۋىنان شىعۋ سىندى 2 شەشۋشى ءتۇيىن توڭىرەگىندە زاڭ قارۋىن جەتە قولدانىپ، ءار ۇلت حالقىنىڭ ءومىرى مەن مال - مۇلكىنىڭ حاۋىپسىزدىگىن قورعاپ، بۇكىل شينجياڭداعى ءار ۇلت بۇقاراسى ءۇشىن جاراسىمدى دا ورنىقتى، الاڭسىز تىرشىلىك ەتەتىن قوعامدىق ورتا قالىپتاستىرۋعا قۇلشىنىپ، اۆتونوميالى رايوننىڭ قارىشتاپ دامۋى مەن باياندى تىنىشتىعىنا ءادىليا جاعىنان پارمەندى كەپىلدىك ەتەدى.

  «باس شۋجيدىڭ شينجياڭدا ۇزاق ۋاقىت ىستەگەن كادرلارعا جاسالاتىن مامىلە ماسەلەسى جونىندە ايقىن تالاپتار قويۋى پارتيا ورتالىق كوميتەتىنىڭ شينجياڭداعى كادرلارعا دەگەن قالتقىسىز قامقورلىعىن ايگىلەدى، ءومىر بويى نەگىزگى ساتىدا قىزمەت ەتكەن مەندەي كادر مۇنداي قامقورلىقتىڭ مەيىر - شاپاعاتىن شىن جۇرەكتەن سەزىندىم» دەي كەلىپ، اۆتونوميالى رايوندىق حالىق قۇرىلتايىنىڭ ۋاكىلى، ءۇرىمجى قالاسى سايباق رايوندىق حالىق پروكۋراتۋراسىنىڭ پروكۋرورى لي حۇيجۋان ءتىپتى قۇلشىنا ىستەپ، ەرلىكپەن العا تارتىپ، قاراپايىم قىزمەت ورنىندا بىرەگەي ناتيجەلەر جاساۋعا ۇمتىلاتىنىن ايتتى.

  شينجياڭ پەداگوگيكالىق ۋنيۆەرسيتەتى حالىقارالىق مادەنيەت بارىس - كەلىسى ينستيتۋتىنىڭ پروفەسسورى ءاليما ازامات بىلاي دەدى: شينجياڭدا تۋىپ - ءوستىم، مەملەكەت باۋلىپ جەتىلدىردى. الداعى ۋاقىتتا وقۋشىلاردى وزىق يدەيا جانە شىنايىلىققا، ىزگىلىككە، كوركەمدىككە تولى ءىس - ارەكەت، ءسوز - سويلەم ارقىلى تاربيەلەۋگە ءتىپتى دەن قويىپ، ءتىپتى كوپ ادامنىڭ جۇڭگونى، شينجياڭدى ءتۇسىنىپ، وتاندى، شينجياڭدى ءسۇيۋدىڭ وڭ ەنەرگياسىن ارتتىرا تۇسۋىنە مۇمكىندىك جاسايمىن.

  سوتسياليستىك شينجياڭ قۇرامىز

  باس شۋجي شي جينپيڭگە «قاشقار قوناعى» دەگەن حانزۋشا تەكستى وقىپ بەرگەن قاشقار جاڭا ءشار اۋدانى توعىزاق قالاشىعى سەنترلى باستاۋىش مەكتەبى 6 - جىلدىعى 1 - كلاسىنىڭ وقۋشىسى رۋقيا مامەتتۇرسىن: الدىمەن «قوس ءتىلدى» جاقسى يگەرىپ، قۇلشىنا ءبىلىم الىپ، ءوز كۇشىمە سۇيەنىپ ءومىر سۇرەتىن ازامات بولامىن. شي جينپيڭ اتايدىڭ سوزدەرىن جادىمدا ماڭگى ساقتايمىن، - دەدى.

  اۆتونوميالى رايوندىق ساياسي كەڭەستىڭ ورىنباسار باس حاتشىسى ءابدىقاي ماجەن ۇلى تەبىرەنە بىلاي دەدى: باس شۋجي شي جينپيڭنىڭ شينجياڭدا قىزمەت تەكسەرۋى ءار ۇلت كادرلارى مەن بۇقاراسىنىڭ ساياسي ومىرىندەگى كەلەلى ءىس. شينجياڭنىڭ دامۋ بولاشاعىنىڭ ءتىپتى دە جارقىن بولاتىنىنا كامىل سەنەمىز. ءوز قىزمەتىمىزدى اناعۇرلىم ويداعىداي ىستەپ، ءار سالاداعى ءار ۇلت ساياسي كەڭەس مۇشەلەرىنە قىزمەت ەتىپ، ۇلتتار ىنتىماعىن كۇشەيتىپ، قوعام ورنىقتىلىعىن قورعاپ، شينجياڭنىڭ قوعام ورنىقتىلىعىنا جانە باياندى تىنىشتىعىنا ۇلەس قوسامىز.

  «باس شۋجي بۇقاراعا توتەنشە كوڭىل ءبولدى. ەندى ءوزىمىز دە قاراپ جاتپاي، قۇلشىنا ءوندىرىس جۇرگىزىپ، كىرىستى ارتتىرىپ، اۋقاتتانۋىمىز كەرەك. وسىلاي بولعاندا عانا باس شۋجي ايتقان <باقىتتى شاقتا> تۇرمىس كەشىرە الامىز»، - دەدى بۇراتالا قالاسى ۇتىبۇلاق قالاشىعى ۇتىبۇلاق ورتا قىستاعىنىڭ ديقانى جاڭ ۋي.

  اۆتونوميالى رايوندىق مەملەكەت باجى مەكەمەسىنىڭ كادرى گاۋ فىڭ: اۆتونوميالى رايون ءۇرتىس 5 جىل حالىق تۇرمىسى جىلىن اتقارىپ، ءار ۇلت بۇقاراسى حالىققا ءتيىمدى ساياساتتاردان كوپتەپ يگىلىكتەندى، جۇرتتىڭ تۇرمىسى دا كۇن سايىن جاقسارا ءتۇستى. الدا باجى ىستەرىن زاڭ ارقىلى باسقارۋ جونىندەگى ۇگىت قىزمەتىن تىڭعىلىقتى ىستەپ، باجى جەڭىلدىگىنە قاتىستى ساياساتتاردى تىڭعىلىقتى تياناقتاندىرىپ، اۆتونوميالى رايوننىڭ دامۋىنا، ورنىقتىلىعىنا ۇلەس قوسامىن، - دەدى.

  اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي بىلاي دەدى: باس شۋجي شي جينپيڭنىڭ شينجياڭدا قىزمەت تەكسەرۋى جانە زەرتتەۋ جۇرگىزۋى ورتالىقتىڭ شينجياڭ قىزمەتىنە ەرەكشە كوڭىل ءبولىپ، ايرىقشا قولداۋ كورسەتىپ وتىرعانىن تولىق ايگىلەدى. اۆتونوميالى رايونىمىزدىڭ عىلىم - تەحنيكا جۇيەسى ورتالىقتىڭ جانە اۆتونوميالى رايوننىڭ جاڭا جاعدايدا شينجياڭ قىزمەتىن ويداعىداي ىستەۋ جونىندەگى دايەكتى باعىتىن دەن قويا اتقارىپ، جىل باسىندا اشىلعان عىلىم - تەحنيكا جاڭالىعى جونىندەگى اۆتونوميالى رايوندىق ماجىلىستە جاسالعان ورنالاستىرۋلارعا ساي، عىلىم - تەحنيكانىڭ قوعام ورنىقتىلىعىن قورعاۋ، حالىق تۇرمىسىن جاقسارتۋ، نەگىزگى ساتىعا قىزمەت وتەۋ جاعىنداعى تىرەكتىك جانە جەتەكشىلىك رولىن تولىق ساۋلەلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا بەلسەنە ۇلەس قوسادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.