- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ بەيجيڭ ۋنيۆەرسيتەتىندە قىزمەت تەكسەرگەندە جاستاردىڭ سوتسياليستىك وزەكتى قۇن كوزقاراسىن سانالى تۇردە امالياتتا ايگىلەپ، وتانمەن، حالىقپەن بىرگە ءومىردىڭ جارقىن پاراعىن جازۋى كەرەكتىگىن باسا دارىپتەدى
2014.05.07 15:17 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 4 - مامىردا بەيجيڭنەن بەرگەن حابارى. 4 - مامىر جاستار مەرەكەسى كۇنى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ ۋنيۆەرسيتەتىنە قىزمەت تەكسەرە كەلدى. شي جينپيڭ پارتيا ورتالىق كوميتەتى اتىنان، بۇكىل ەلىمىزدەگى ءار ۇلت جاستارىنا مەرەكەلىك سالەم جولدادى، بۇكىل ەلىمىزدىڭ وقۋ - اعارتۋ قىزمەتكەرلەرىنە جانە جاس قىزمەتكەرلەرگە وسكەلەڭ قۇرمەت ءبىلدىردى. ول بىلاي دەپ باسا دارىپتەدى: وزەكتى قۇن كوزقاراسىندا ءبىر ۇلتتىڭ، ءبىر مەملەكەتتىڭ رۋحاني مۇراتى جاتىر، ول ەڭ ۇزاققا جالعاساتىن، ەڭ تەرەڭ قاتپارلى كۇش. قالىڭ جاستار قازىردەن، وزدەرىنەن باستاپ، شوگەلدىلىكپەن ۇيرەنىپ، ءمورالدى بولىپ، اق پەن قارانى ايىرىپ، تۋراشىل بولىپ، سوتسياليستىك وزەكتى قۇن كوزقاراسىن ءتۇبىرلى قىبلاناماسىنا اينالدىرىپ ءارى ونى تۇتاس قوعامدا جالپىلاستىرۋعا كۇش سالىپ، جۇڭگو ارمانىن جۇزەگە اسىرۋدىڭ ۇلى امالياتىندا ءوز ومىرلەرىنىڭ جارقىن پاراعىن جازۋعا قۇلشىنۋى كەرەك.
بيىل 4 - مامىر قوزعالىسىنا 95 جىل تولدى. بەيجيڭ ۋنيۆەرسيتەتى − ەلىمىزدىڭ جاڭا مادەنيەت قوزعالىسىنىڭ ورتالىعى جانە 4 - مامىر قوزعالىسىنىڭ باستالعان جەرى. شي جينپيڭ بەيجيڭ ۋنيۆەرسيتەتىنىڭ رەفورماسى مەن دامۋىنا جانە وقىتۋشى - وقۋشىلاردىڭ قىزمەت، تۇرمىس جاعدايىنا كوڭىل ءبولىپ كەلەدى، سوڭعى جىلداردان بەرى وسى مەكتەپكە تالاي رەت كەلىپ قىزمەت تەكسەردى.
ءتۇستىڭ الدىندا ساعات 9دا، شي جينپيڭ بەيجيڭ ۋنيۆەرسيتەتى پارتكومىنىڭ شۋجيى جۋ شانلۋدىڭ، مەكتەپ باستىعى ۋاڭ ىنگىنىڭ سەرىك بولۋىندا، الدىمەن بەيجيڭ ۋنيۆەرسيتەتىنىڭ گۋمانيتارلىق عىلىمدار باقشاسىنا كەلىپ، گۋمانيتارلىق، قوعامدىق عىلىمدار جەتىستىكتەرى كورمەسىن كوردى. كورمەگە بەيجيڭ ۋنيۆەرسيتەتىنىڭ ادەبيەت، تاريح، فيلوسوفيا، ارحەولوگيا سالاسىندا قول جەتكىزگەن ماڭىزدى ءىلمي جەتىستىكتەرى جانە بەيجيڭ ۋنيۆەرسيتەتى كىتاپحاناسىندا ساقتالعان، «كوممۋنيستىك پارتيا جارناماسىنىڭ» كوپ ءتۇرلى اۋدارما نۇسقالارى سياقتىلاردى قامتىعان ماڭىزدى حۇجاتتار قويىلىپتى. شي جينپيڭ ما كىياۋ پروفەسسور، يۋان شيڭپەي پروفەسسور سياقتى كىسىلەردەن گۋمانيتارلىق قوعامدىق عىلىمداردىڭ دامۋ جاعدايىن تاپتىشتەي سۇراپ، بەيجيڭ ۋنيۆەرسيتەتىنىڭ جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋ جانە ونى ساۋلەلەندىرۋدە قول جەتكىزگەن جەتىستىكتەرىن تۇراقتاندىردى.
كورمە ءۇيىنىڭ سولتۇستىك قاناتىنداعى شاعىن اۋلادا 87 جاستاعى اتاقتى فيلوسوف تاڭ يجيا پروفەسسور كەڭسەسىنەن باس شۋجيدى قارسى الا شىقتى. شي جينپيڭ زەرتحاناعا كىرىپ ونىمەن اڭگىمەلەستى. تاڭ يجيا سينولوگيا سالاسىنداعى كىتاپتاردىڭ قۇراستىرىلۋ جاعدايىن تانىستىردى. شي جينپيڭ ودان قانداي قاجەتى مەن قيىنشىلىعى بارىن سۇراپ، ونىڭ قاجىرلى دا ىجداعاتتى ۇيرەنۋ رۋحىن القادى.
2010 - جىلى قۇرىلعان بەيجيڭ ۋنيۆەرسيتەتى بيوديناميكالىق وپتيكالىق كەسكىندەۋ ورتالىعى بيولوگيالىق كەسكىندەۋ جانە گەن ءتارتىبىن ولشەۋدىڭ ەڭ وزىق ءتاسىلىن قولدانىپ، تىرشىلىك عىلىمدارى مەن مەديتسينالىق نەگىزگى زەرتتەۋمەن اينالىستى. شي جينپيڭ وسى اراعا كەلىپ، ىشتەگى بالانىڭ تۇقىم قۋالايتىن اۋرۋلارىن ۇلگى الىپ تەكسەرۋ، راك اۋرۋىنىڭ العاشقى مەزگىلىندە دياگنوز قويۋ سياقتى جاڭا تەحنيكالاردى زەرتتەۋ، قولدانۋ جاعدايىن ەكراننان كوردى ءارى حايۋاناتتاردىڭ تۇقىم كلەتكاسىنىڭ ۇرىقتانۋ جاعدايىن جانە ديود كلەتكاسىنىڭ الىنۋ بارىسىن ميكروسكوپپەن كوردى. شي جينپيڭ زەرتتەۋشىلەردى قاجىرلىلىقپەن قامال الىپ، باتىل جاڭالىقتار اشۋعا شابىتتاندىردى. ورتالىقتىڭ مەڭگەرۋشىسى، ا ق ش عىلىم اكادەمياسىنىڭ اكادەميگى شيە شياۋلياڭ باس شۋجيگە ءوزىنىڭ ەلگە بۇكىلدەي ورالىپ قىزمەت ىستەۋگە بەل بۋعانىن ءارى ءوز ۇجىمىن باستاپ شەتەلدەردەن،ءتىپتى، تاڭداۋلى دارىندىلاردى تارتاتىندىعىن ايتتى. شي جينپيڭ بىلاي دەدى: وتە تاماشا! قازىر مەملەكەتىمىزدىڭ قۋاتى كۇشەيدى، بارلىق زەيىن - زەردە، كۇش - قۋاتتى شوعىرلاندىرا وتىرىپ كەلەلى ىستەر تىندىرۋ سەنىمى بولۋ كەرەك، مۇنداعى شەشۋشى ءتۇيىن ەڭ جاقسى بايلىقتى جايعاستىرىپ، ءار ءتۇرلى دارىن يەلەرىنىڭ اقىل - پاراساتىن تولىق ساۋلەلەندىرۋىنە مۇمكىندىك بەرىپ، اركىمنىڭ ومىردەگى ارمانىن، كاسىپتەگى ارمانىن جۇزەگە اسىرۋ ارقىلى، تۇتاس جۇڭگو ارمانىنىڭ جۇزەگە اسۋىنا دەم بەرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
