بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ قازاقستاننىڭ زۇڭتۇڭىمەن كەڭەس وتكىزدى موڭعۇليانىڭ، تاجىكستاننىڭ، اۋعانستاننىڭ زۇڭتۇڭىمەن جانە ب م ۇ - نىڭ باس حاتشىسىمەن جەكە - جەكە كەزدەستى

2014.05.21 13:43     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ 19 - مامىردا شاڭحايدان بەرگەن حابارى. مەملەكەت ءتوراعاسى شي جينپيڭ 19 - مامىردا شاڭحايدا قازاقستاننىڭ زۇڭتۇڭى نازاربايەۆپەن كەڭەس وتكىزدى. ەكى ەل باسشىلارى جۇڭگو - قازاقستان قاتىناسى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىرلەستى. ەكى ەلدىڭ دامۋ ستراتەگياسىن جاپپاي توعىستىرۋدى، ستراتەگيالىق سەلبەستىك دەڭگەيىن جوعارىلاتۋدى، ازيا ءوزارا سەلبەسۋ جانە سەنىم شارالارىنىڭ دامۋىن بىرگە ىلگەرىلەتۋدى، ءوڭىردىڭ حاۋىپسىزدىگىن، ورنىقتىلىعىن قورعاۋدى ۇيعاردى.

  شي جينپيڭ بىلاي دەدى: قازىر جۇڭگو - قازاقستان قاتىناسى ءساتتى دامىپ كەلەدى، ساياسي جاقتاعى ءوزارا سەنىمدىلىك جانە ءتۇرلى سالالارداعى سەلبەستىك بۇرىن بولىپ كورمەگەن دارەجەدە جوعارى دەڭگەيگە جەتتى. بىلتىر ءبىز كەلىسكەن ورتاق تانىم ءونىمدى تياناقتانۋدا. بيىل جۇڭگونىڭ رەفورمانى جاپپاي تەرەڭدەتۋىنىڭ تۇڭعىش جىلى ءارى قازاقستاننىڭ «2050 - جىلعى ستراتەگيانى» ىلگەرىلەتۋىنىڭ باستالعان جىلى. ەكى ەل سەلبەستىگىنىڭ ءبىرىن - ءبىرى تولىقتاۋىنىڭ، ءوزارا تيىمدىلىك جاساۋىنىڭ بولاشاعى جارقىن. ەكى جاقتىڭ ەنەرگيا سەلبەستىگىن جاپپاي تەرەڭدەتىپ، اۋىل شارۋاشىلىعى، حابار - بايلانىس، جاڭالىق اشۋ كاسىپتەرى، جوعارى، جاڭا تەحنيكا سياقتى سالالارداعى سەلبەستىكتى كۇشەيتۋىن ءۇمىت ەتەمىن. جۇڭگو قازاقستانمەن بىرگە «ءۇش ءتۇرلى كۇشكە» سوققى بەرۋ، ەسىرتكىگە تيىم سالۋ، توراپ ينفورماتسيا حاۋىپسىزدىگى سالالارىنداعى سەلبەستىكتى كۇشەيتۋدى قالايدى. قازىر حالىقارالىق جانە وڭىرلىك جاعدايدا كۇردەلى دە قۇبىلمالى وزگەرىستەر جارىققا شىقتى، جۇڭگو مەن قازاقستان شاڭحاي سەلبەستىك ۇيىمى جۇلگەسىندەگى سايكەسۋ مەن سەلبەستىكتى كۇشەيتىپ، ءوڭىردىڭ حاۋىپسىزدىگىن، ورنىقتىلىعىن بىرگە قورعاۋى كەرەك.

  نازاربايەۆ بىلاي دەدى: قازاقستان مەن جۇڭگونىڭ كوپتەگەن كەلەلى ماسەلەلەر جونىندە ۇستانعان مايدانى بىردەي. ءبىز ءار ەلدىڭ ءوز ەلىنىڭ مەملەكەت جاعدايىنا ساي ءوزىنىڭ دامۋ جولىن تاڭداۋىن قۋاتتايمىز. قازاقستان قازاقستان مەن جۇڭگونىڭ جان - جاقتى ستراتەگيالىق سەرىكتەستىك قاتىناسىن دامىتۋعا قۇلشىنادى، ەكى ەلدىڭ ىسكەرلىك سەلبەستىگىنە زور ءۇمىت ارتادى. قازاقستان جۇڭگونىڭ ەكونوميكالىق قۇرىلىسىنا ەنەرگيا جاعىنان پارمەندى قولداۋ كورسەتۋدى قالايدى، جۇڭگونىڭ بايلىققا جاتپايتىن سالالارعا قارجى ۇسىنىلىمىن كەڭەيتۋىن، ەكى جاقتى ساۋدا قۇرىلىمىن ساپالىلاندىرۋىن قارسى الادى، جىبەك جولى ەكونوميكالىق بەلدەۋى قۇرىلىسىنا بەلسەنە قولداۋ كورسەتىپ جانە ات سالىسىپ، ەكونوميكا - ساۋدا، قاتىناس - تاسىمال، شەكارا وتكەلى نەگىزدىك قۇرىلعىلار قۇرىلىسى، فينانس سالالارىنداعى سەلبەستىكتى جەبەيدى، جۇڭگومەن لاڭكەستىككە قارسى سەلبەستىكتى كۇشەيتۋدى، شاڭحاي سەلبەستىك ۇيىمىنىڭ دامۋىن بىرگە ىلگەرىلەتۋدى، ءتۇرلى حاۋىپ - قاتەرلەر مەن سايىستارعا ءونىمدى توتەپ بەرۋدى قالايدى.

  شينحۋا اگەنتتىگىنىڭ 19 - مامىردا شاڭحايدان بەرگەن حابارى. مەملەكەت ءتوراعاسى شي جينپيڭ 19 - مامىردا شاڭحايدا موڭعۇليانىڭ زۇڭتۇڭى ەلبىكدورجىمەن كەزدەستى.

  شي جينپيڭ بىلاي دەدى: جۇڭگو مەن موڭعۇليا تاۋ - سۋعا ءبىر - بىرىمەن تۇتاسقان تاتۋ كورشى ەلدەر، ەكى ەل تاتۋ كورشى، جاقسى دوس، سەنىمدى سەرىكتەردەن بولىپ، ءبىر - ءبىرىنىڭ وزەكتى مۇددەسى جانە باسا نازار اۋدارىپ وتىرعان ماسەلەلەرى جاعىندا ءوزارا قولداۋ كورسەتۋى كەرەك.

  شي جينپيڭ مىنالاردى باسا دارىپتەدى: جۇڭگو - موڭعۇليا قاتىناسىنا ايرىقشا كوڭىل بولەمىن جانە باسا ءمان بەرەمىن. ەكى ەل باسشىلارى ءجيى بارىس - كەلىس پەن ستراتەگيالىق تىلدەسۋدى ساقتاپ، ەكى ەلدىڭ سەلبەستىگىن شىن مانىندە ىلگەرىلەتۋى كەرەك. ەكى ەلدىڭ زاڭ جاساۋ ورگاندارى، پارتيا، ۇكىمەت، ارميا ورىندارى دا بارىس - كەلىس جاساسۋدى كۇشەيتۋى قاجەت. جۇڭگو كەن بايلىعىن اشۋ، نەگىزدىك قۇرىلعىلار قۇرىلىسى، فينانس سەلبەستىگى سىندى «ءۇشتى ءبىر تۇلعالاندىرۋ، ءبىر تۇتاس جوسپار بويىنشا ىلگەرىلەتۋ» پرينسيبى بويىنشا نەگىزدىك قۇرىلعىلاردىڭ ءبىر - بىرىمەن تۇتاسۋىن الدىمەن اتقارۋ باعىتى ەتۋدى، جىبەك جولى ەكونوميكالىق بەلدەۋىن قۇرۋدى وراي ەتىپ، ەكى ەلدىڭ سەلبەستىك اياسىن كەڭەيتۋدى، جۇڭگونىڭ قۋاتى مىعىم كاسىپورىندارىن موڭعۇلياعا بارىپ قارجى قوسىپ، كاسىبىن دامىتۋعا شابىتتاندىرادى. جۇڭگو موڭعۇليامەن ب م ۇ، شاڭحاي سەلبەستىك ۇيىمى جۇلگەلەرىندە سەلبەستىكتى كۇشەيتۋدى قالايدى.

  ەلبىكدورجى بىلاي دەدى: ءتوراعا شي جينپيڭ العا قويعان «سۇيىسپەنشىلىك ورناتۋ، ادال بولۋ، تيىمدىلىك جاساۋ، كەڭ پەيىل بولۋ» سىندى كورشى ەلدەرگە باعىتتاعان ديپلوماتيالىق تانىمى موڭعۇليا - جۇڭگو قاتىناسىنا جانە وڭىرلىك سەلبەستىككە ماڭىزدى ءجون سىلتەدى جانە وراي ازىرلەدى. موڭعۇليا جۇڭگومەن بىرگە موڭعۇليا - جۇڭگو قاتىناسىن وسى وڭىردەگى ەلدەر قاتىناسىنىڭ تيپتىك ۇلگىسى ەتۋگە بەل بايلايدى. موڭعۇليا جۇڭگونىڭ موڭعۇليانىڭ مۇددەسىمەن تولىق ساناسقانىنا العىس ايتادى، تايۋانعا، شيزاڭعا قاتىستى ماسەلەلەردە جۇڭگونى ۇزدىكسىز مىزعىماستان قولدايدى. موڭعۇليا ەكى جاق جاساسقان ورتاق تانىمدار مەن كەلىسىمدەردى ويداعىداي تياناقتاندىرۋدى، كەن، ەلەكتر، نەگىزدىك قۇرىلعىلارى قۇرىلىسى سالالارىندا سەلبەستىكتى كۇشەيتۋدى قالايدى.

  شينحۋا اگەنتتىگىنىڭ 19 - مامىردا شاڭحايدان بەرگەن حابارى. مەملەكەت ءتوراعاسى شي جينپيڭ 19 - مامىردا شاڭحايدا تاجىكستاننىڭ زۇڭتۇڭى راحمانمەن كەزدەستى.

  شي جينپيڭ بىلاي دەدى: جۇڭگو تاجىكستاندى باستان - اياق تاتۋ كورشى، جاقسى دوس، سەنىمدى سەرىگى ساناپ كەلەدى، تاجىكستاننىڭ مەملەكەتتىڭ ورنىقتىلىعىن قورعاۋىن، ەكونوميكالىق دامۋدى جەبەۋىن، حالىقتىڭ تۇرمىس دەڭگەيىن جوعارىلاتۋىن قولدايدى. بىلتىر جۇڭگو مەن تاجىكستان ستراتەگيالىق سەرىكتەستىك قاتىناس ورناتقاننان بەرى ەكى ەل قاتىناسىنىڭ دامۋى تىڭ ساتىعا ءوتىپ، ءتۇرلى سالاداعى سەلبەستىك جاعدايى جاقسى بولدى. ەكى جاق «جۇڭگو مەن تاجىكستاننىڭ 2015 - جىلدان 2020 - جىلعا دەيىنگى ستراتەگيالىق سەرىكتەستىك قاتىناسىنىڭ سەلبەستىك پروگرامماسىن» جەدەل جاساپ، جۇڭگو - ورتا ازيا تابيعي گاز قۇبىرى قۇرىلىسىن جانە تاجىكستاننىڭ كەرنەۋ اۋىستىرۋ - توك جەتكىزۋ جەلىسىن جاڭالاۋ، قاتىناس - تاسىمال، شەكارا وتكەل نەگىزدىك قۇرىلعىلار قۇرىلىسى، ونەركاسىپ باقشاسى، اۋىل شارۋاشىلىعى تەحنيكاسىنان ۇلگى كورسەتۋ باقشا رايونى سياقتى سەلبەستىك نىساندارىن ءوز ۋاعىندا ىلگەرىلەتىپ، مادەنيەت، وقۋ - اعارتۋ، ساياحات ىستەرى جاعىنداعى سەلبەستىكتى جەبەپ، حاۋىپسىزدىكتى قورعاۋ جونىنەن زاڭ اتقارۋ مەن قورعانىس ىستەرى سەلبەستىگىن كۇشەيتىپ، «ءۇش ءت−ۇرلى كۇشكە»، ەسىرتكى اتكەزشىلىگىنە، ەل ارالىق قىلمىستىق ارەكەتتەرگە بىرگە سوققى بەرۋى كەرەك.

  راحمان بىلاي دەدى: ءتوراعا شي جينپيڭنىڭ تاجىكستاندا مەملەكەت ىستەر ساپارىندا بولۋىن ءارى شاڭحاي سەلبەستىك ۇيىمىنا مۇشە ەلدەر باسشىلارىنىڭ دۋشانبە كەڭەسىنە قاتىناسۋىن اسىعا كۇتەمىن. جۇڭگومەن بىرگە شاڭحاي سەلبەستىك ۇيىمى رۋحىن ساۋلەلەندىرىپ، ءوڭىردىڭ بەيبىتشىلىگىن، ورنىقتىلىعىن قورعاۋدى جەبەۋگە مۇنان دا زور رول اتقارۋدى قالايمىن. تاجىكستان ورتا ازيا - جۇڭگو تابيعي گاز قۇبىرى قۇرىلىسىن اياقتاتۋعا بار كۇشىن سالادى. جۇڭگونىڭ تاجىكستاننىڭ ەكونوميكالىق قۇرىلىسىنا جانە حالىق تۇرمىسىن جاقسارتۋىنا ۇزبەي بەلسەنە ات سالىسۋىن ءۇمىت ەتەدى.

  شينحۋا اگەنتتىگىنىڭ 19 - مامىردا شاڭحايدان بەرگەن حابارى. مەملەكەت ءتوراعاسى شي جينپيڭ 19 - مامىردا شاڭحايدا اۋعانستاننىڭ زۇڭتۇڭى كارزايمەن كەزدەستى.

  شي جينپيڭ مىنانى اتاپ كورسەتتى: جۇڭگو اۋعانستانعا بولعان دوستىق ساياساتىن بۇلجىتپاي تاباندىلىقپەن اتقارادى، مەيلى حالىقارالىق جاعدايدا نەمەسە وڭىرلىك جاعدايدا قانداي وزگەرىس تۋىلسىن، جۇڭگو قاشاندا اۋعانستاننىڭ سەنىمدى دوسى بولا الادى. ءبىز اۋعانستاننىڭ جوعارى جىكتەگىلەرمەن بارىس - كەلىستى ساقتاپ، ءارقايسى سالاداعى اۋىس - كۇيىستى جانە سەلبەستىكتى ىلگەرىلەتۋدى، اۋعانستاننىڭ بەيبىتشىلىكتى ىسكە اسىرۋى مەن قايتا قۇرۋ جۇمىسىنا مۇمكىندىكتىڭ بارىنشا كومەك كورسەتۋدى، اۋعانستانمەن جىبەك جولى ەكونوميكالىق بەلدەۋىن بىرگە قۇرۋدى ءۇمىت ەتەمىز.

  كارزاي بىلاي دەدى: اۋعانستاننىڭ زور سايلاۋ ناتيجەسى مەيلى قالاي بولسا دا، اۋعانستان جۇڭگومەن تاتۋ كورشى، جاقىن دوستىق قاتىناسىن دامىتا بەرەدى. ءبىز جۇڭگونىڭ اۋعانستاننىڭ ورنىقتىلىقتى، بەيبىتشىلىكتى، دامۋدى ىسكە اسىرۋىنا كومەك كورسەتۋىن، اۋعانستانعا دارىندى تاربيەلەۋ جاعىندا كومەكتەسۋىن ءۇمىت ەتەمىز. لاڭكەستىك پەن شەكارا اتتاعان قىلمىستىق ارەكەتتەر اۋعانستان مەن جۇڭگونىڭ ورتاق جاۋى، اۋعانستان جۇڭگومەن بىرلەسىپ ولارعا سوققى بەرۋدى ءۇمىت ەتەدى. شي جينپيڭ جۋىقتا اۋعانستاندا تۋىلعان تاۋ كوشكىنى اپاتىندا اۋىر ءولىم - جىتىم بولىپ، مال - مۇلىك زيانعا ۇشىراعاندىعى جونىندە كارزايدان تاعى ءبىر رەت حال سۇراپ، جۇڭگونىڭ اۋعانستاننىڭ قاجەتىنە ساي اۋعانستاننىڭ اپاتتان كەيىنگى قايتا قۇرۋ قۇرىلىسىنا كومەك كورسەتۋدى ءۇمىت ەتەتىندىگىن ءبىلدىردى.

  شينحۋا اگەنتتىگىنىڭ 19 - مامىردا شاڭحايدان بەرگەن حابارى. مەملەكەت ءتوراعاسى شي جينپيڭ 19 - مامىر شاڭحايدا ب م ۇ - نىڭ باس حاتشىسى پان كيمۇنمەن كەزدەستى. شي جينپيڭ بىلاي دەدى: كەلەر جىلى دۇنيە جۇزىلىك فاشيزمگە قارسى سوعىستىڭ جانە جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسكە جەتكەنىنە، سونداي - اق ب م ۇ - نىڭ قۇرىلعاندىعىنا 70 جىل تولادى. حالىقارالىق قوعام وسى ورايدى مىقتى يگەرىپ، كوپ ۇيەكتى قاتىناس ورناتۋ جونىندەگى ۋادەسىن قايتالاي دارىپتەپ، ب م ۇ - نىڭ ۋستابى، تۇپكى ماقساتى مەن پرينسيبىن قورعاپ، ب م ۇ - نىڭ رولىن كۇشەيتۋگە ات سالىسۋى كەرەك.

  شي جينپيڭ بىلاي دەپ اتاپ كورسەتتى: حالىقارالىق قوعام دۇنيە ءجۇزىنىڭ بەيبىتشىلىگى مەن دامۋىن جەبەۋ جولىندا ورتاق قۇلشىنۋى كەرەك. بىرىنشىدەن، داعدارىستى ساياسي جولمەن شەشۋ باعىتىندا تاباندى بولۋ كەرەك. دۇنيە جۇزىندە قولامتالى ماسەلەلەر از ەمەس، اتاۋلى ماسەلەلەردى ساياسي جولمەن شەشۋ بىردەن - ءبىر ۇتىمدى ءادىس. ب م ۇ وسى تۋدى بيىك ۇستاۋى كەرەك. ەكىنشىدەن، ورتاق دامۋدى ىسكە اسىرۋ نىساناسىندا تاباندى بولۋ كەرەك. ب م ۇ ساياسي جانە ءمورالدىق باسىمدىلىعىن، ءبىر تۇتاس جوسپارلاۋ، سايكەستىرۋ رولىن ساۋلەلەندىرىپ، 2015 - جىلدان كەيىنگى دامۋ كۇن ءتارتىپ جوباسىن جاساۋى، كەدەيلىكتى جويۋدى وزەك ەتىپ، باياندى دامۋدى ىسكە اسىرۋى كەرەك. ۇشىنشىدەن، ب م ۇ حالىقارالىق ىستەردە جەتەكشىلىك ەتۋ رولىن اتقارۋدا تاباندى بولۋ كەرەك. لاڭكەستىككە قارسى تۇرۋدا ب م ۇ ماڭىزدى رول اتقارۋى، دۇرىس پەن بۇرىس جونىندە ايقىن ولشەمدى دارىپتەپ، حالىقارالىق قوعامنىڭ ءارقانداي فورماداعى لاڭكەستىككە قارسى تۇرۋىن جەبەۋى كەرەك. عالامتور ماسەلەسى جونىندە ب م ۇ نەگىزگى ارنالىق رولىن ساۋلەلەندىرىپ، قاعيداعا بويسۇنۋ، يەلىك ۇقىققا قۇرمەت ەتۋ، جۇمىستى جاريا ىستەۋدى دارىپتەپ، ءارقايسى ەلدىڭ ينفورماتسيا حاۋىپسىزدىگى ماسەلەسىنە بولعان الاڭداۋىنا قۇرمەت ەتىپ، بىرگە جونگە سالۋى كەرەك. جۇڭگو ب م ۇ - نىڭ قىزمەتىن ۇزدىكسىز باتىل قولدايدى.

  پان كيمۇن بىلاي دەدى: اماليات جۇڭگونىڭ ب م ۇ - نىڭ سەلبەستىك جاساۋداعى كۇشتى سەرىكتەسى ەكەنىن دالەلدەدى. جۇڭگونىڭ ازيا ءوزارا سەلبەسۋ جانە سەنىم شارالارى باسشىلار كەڭەسىن وتكىزۋى ازياداعى ەلدەردىڭ ءوزارا سەنىم ارتىپ، سەلبەستىك جاساۋىن، حاۋىپسىزدىك جاقتاعى حاۋىپ - قاتەر مەن سىن - سايىستارعا ءونىمدى توتەپ بەرۋىن ىلگەرىلەتەدى. ەكى جاق كورەي تۇبەگى جاعدايى، ۋكراينا، سيريا ماسەلەسى، كليمات وزگەرىسى سياقتى ماسەلەلەر جونىندە ءوزارا پىكىر اۋىستىردى، شي جينپيڭ جۇڭگونىڭ ۇستانعان مايدانى مەن دارىپتەمەسىن باياندادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.