- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتىنىڭ ساياسي بيۋروسى ءماجىلىس اشىپ شينجياڭنىڭ قوعام ورنىقتىلىعى مەن باياندى تىنىشتىعى قىزمەتىن ونان ارى ىلگەرىلەتۋدى اقىلداستى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2014.05.28 10:46 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 26 - مامىردا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 26 - مامىردا ءماجىلىس اشىپ، شينجياڭنىڭ قوعام ورنىقتىلىعى مەن باياندى تىنىشتىعى قىزمەتىن ونان ارى ىلگەرىلەتۋدى اقىلداستى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. شينجياڭنىڭ دامۋى مەن ورنىقتىلىعى مەملەكەتتىڭ رەفورما، دامۋ، ورنىقتىلىق جالپى جاعدايىمەن، وتاننىڭ بىرلىگىمەن، ۇلتتاردىڭ ىنتىماعىمەن، مەملەكەتتىڭ حاۋىپسىزدىگىمەن قاتىستى. قازىر شينجياڭنىڭ دامۋ اۋقىمى جاقسى، قوعامدىق جالپى جاعدايى ورنىقتى. اماليات ورتالىقتىڭ شينجياڭ قىزمەتى جونىندەگى باعىت، ساياساتتارىنىڭ بۇكىلدەي دۇرىس ەكەندىگىن دالەلدەدى. سونىمەن قاتار شينجياڭدا بولشەكتەۋشىلىككە قارسى تۇرۋ كۇرەسىنىڭ ۇزاق ۋاقىت جالعاساتىنىن، كۇردەلى، قيان - كەسكى بولاتىنىن جىعا تانىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ ماڭىزدىلىعىن، كوكەي تەستىلىگىن جەتە ءتۇسىنىپ، شينجياڭ قىزمەتىنىڭ ءتۇيىنى مەن تياناعىن قوعام ورنىقتىلىعى مەن باياندى تىنىشتىققا قويۋ كەرەك. بۇكىل پارتياداعى جولداستار شينجياڭنىڭ قوعام ورنىقتىلىعى مەن باياندى تىنىشتىعى پارتيامىزدىڭ شينجياڭدى باسقارۋ ستراتەگياسىنىڭ كوزەۋلى نىساناسى ەكەندىگىن، شينجياڭداعى ءار ۇلت كادرلارى مەن بۇقارانىڭ كوكەي تەستى تىلەگى، شينجياڭنىڭ قارىشتاپ دامۋىن جۇزەگە اسىرۋدىڭ ماڭىزدى كەپىلى ەكەندىگىن جەتە تانۋ كەرەك. ۇلتتىق بولشەكتەۋشىلىككە باتىل قارسى تۇرىپ جانە زاڭ بويىنشا سوققى بەرىپ، ۇلتتار ىنتىماعى مەن وتاننىڭ تۇتاستىعىن شىن مانىندە قورعاۋ كەرەك. زورلىقتى كۇش لاڭكەستىك ارەكەتىنە قاتاڭ سوققى بەرۋدى كەزەكتەگى كۇرەستىڭ ءتۇيىنى ەتىپ، ءدىني ۇشقارى كۇشتەردىڭ سىنالاپ كىرۋى مەن ەتەك جايۋىن شاۋجايلاپ، زورلىقتى كۇش لاڭكەستىك ارەكەتتەرىن تەجەپ، ۇزاق ۋاقىت شايقاس جۇرگىزۋدەن جازباي، جەڭىسكە نىق سەنىم بايلاپ، شينجياڭنىڭ باياندى تىنىشتىعىنا قاتىستى قىزمەتتەردى تىڭعىلىقتى ويداعىداي ىستەۋ كەرەك.
ءماجىلىس مىنانى اتاپ كورسەتتى: جاڭا جاعدايداعى شينجياڭ قىزمەتىن ويداعىداي ىستەۋ ءۇشىن، ءسوز جوق، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ءبىر قىدىرۋ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ورتالىقتىڭ شينجياڭ قىزمەتى جونىندەگى كەلەلى ساياسات، كەمەل باعىتتارىن باتىل اتقارىپ، قوعام ورنىقتىلىعى مەن باياندى تىنىشتىقتىڭ جالپى نىساناسىن ارقاۋ ەتىپ، شينجياڭنىڭ باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدى جەتەكشى ەتىپ، ەكونوميكالىق دامۋ مەن حالىق تۇرمىسىنىڭ جاقسارۋىن نەگىز، ۇلتتار ىنتىماعىن نىعايتۋ مەن ءدىني ۇشقارى يدەيالاردىڭ ەتەك جايۋىنا جول بەرمەۋ سياقتىلاردى ءتۇيىن ەتىپ، شينجياڭدى زاڭ بويىنشا باسقارۋدان، شينجياڭدى ىنتىماق ارقىلى ورنىقتىرۋدان، شينجياڭدى باياندى كوركەيتۋدەن جازباي، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قۇلشىنۋ كەرەك.
ءماجىلىس مىنانى باسا دارىپتەدى: پارتيانىڭ ۇلت ساياساتىن جاپپاي دايەكتى تياناقتاندىرىپ، ۇلتتار ىنتىماعىن ءار ۇلت حالقىنىڭ جان تامىرى دەپ ءبىلىپ، ونى شينجياڭ قىزمەتىنىڭ بارلىق بۋىنىمەن ساباقتاستىرىپ، ۇلتتار ىنتىماعى قىزمەتىن نىعايتىپ جانە وعان جاڭالىق ەنگىزىپ، «قوس ءتىل» اعارتۋىن بارىنشا ىلگەرىلەتىپ، ءار ۇلت حالقى قويان - قولتىق ارالاسقان قوعامدىق قۇرىلىم جانە الەۋمەتتىك اۋماق ورتاسىن قالىپتاستىرىپ، ۇلتارالىق بارىس - كەلىس پەن اۋىس - كۇيىستى جەبەپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ كەرەك. پارتيانىڭ ءدىن قىزمەتى جونىندەگى نەگىزگى باعىتىنان جازباي، زاڭدىنى قورعاپ، زاڭسىزدى اۋىزدىقتاۋعا، ۇشقارىلىقتى تەجەپ، سىنالاپ كىرۋدەن ساقتانىپ، قىلمىسقا سوققى بەرۋگە تاباندى بولىپ، وتانشىل ءدىني قايراتكەرلەردى تاربيەلەۋ تەبىنىن ارتتىرىپ، دىندەر جاراسىمدىلىعىن قۇلشىنا جەبەۋ كەرەك.
ءماجىلىس مىنانى اتاپ كورسەتتى: حالىق تۇرمىسىن ارقاۋ ەتىپ، عىلمي دامۋدى جەبەپ، كاسىپتەندىرۋدى ماڭداي الدى ورىنعا قويۋدان جازباي، بىردە - ءبىر مۇشەسى كاسىپتەنبەگەن وتباسىنان، از دەگەندە، ءبىر ادامدى كاسىپتەندىرۋگە شىنايى كەپىلدىك ەتۋ؛ وقۋ - اعارتۋعا باسىم باعىت بەرۋدەن جازباي، شينجياڭداعى ءار دارەجەلى، ءار ءتۇرلى مەكتەپتەردىڭ وقىتۋ ساپاسىن جاپپاي جوعارىلاتىپ، ەگىن، مال شارۋاشىلىعى وڭىرلەرى مەن شەت، شالعاي جەرلەردەگى جاتاقتى مەكتەپتەردىڭ قۇرىلىسىن جەدەلدەتىپ، وڭتۇستىك شينجياڭدا ورتا مەكتەپ كەزەڭىندە اقىسىز ءبىلىم بەرۋدى جاپپاي جولعا قويۋ؛ ءار ۇلت بۇقاراسىن دامۋ جەتىستىكتەرىن يگىلىكتەندىرۋدەن جازباي، حالىق تۇرمىسى قۇرىلىسىنا سەرپىن بەرىپ، ءار ۇلت بۇقاراسىنا تيىمدىلىك جەتكىزەتىن ماڭىزدى نىسان قۇرىلىستارىن جەدەل ىلگەرىلەتىپ، بايلىقتى اشۋ، پايدالانۋ، ونىمگە اينالدىرۋ بارىسىنا جەرگىلىكتى ورىنداردىڭ ات سالىسۋ دەڭگەيىن جوعارىلاتىپ، شينجياڭنىڭ سىرتقا ەسىك اشۋ اياق الىسىن جەدەلدەتۋ؛ باياندى دامۋدان جازباي، جەر، سۋ بايلىعىن ۇيلەسىمدى ورنالاستىرىپ، ۇتىمدى، ۇنەمدەپ پايدالانۋعا جانە ەكولوگيالىق قۇرىلىس پەن قورشاعان ورتانى قورعاۋعا باسا ءمان بەرۋ؛ ەسىك اشۋ ستراتەگياسىنان جازباي، شينجياڭدى جىبەك جولى ەكونوميكالىق بەلدەۋىنىڭ وزەگىنە اينالدىرۋ كەرەك.
ءماجىلىس مىنانى باسا دارىپتەدى: قوعامدىق باسقارۋدى كۇشەيتىپ جانە جاڭالاپ، قوعامدىق ساقتانۋ - تىزگىندەۋدى، ينتەرنەت حاۋىپسىزدىگىن باقىلاپ - باسقارۋدى كۇشەيتىپ، زاڭ جونىندەگى ۇگىت - تاربيەنى ىشكەرىلەي ورىستەتىپ، ارناۋلى سوققى بەرۋ قيمىلىن شوعىرلى ورىستەتىپ، «3 ءتۇرلى كۇشكە» قاتاڭ سوققى بەرۋدىڭ تەگەۋرىندى كۇيىن ساقتاپ، لاڭكەستىك ارەكەتىنىڭ شينجياڭدا كوپ، ءجيى تۋىلۋىنان، ىشكى ولكەلەرگە ەتەك جايۋىنان ۇتىمدى تۇردە ساقتانۋ كەرەك. يدەولوگيا قىزمەتىن كۇشەيتىپ، سوتسياليستىك وزەكتى قۇن جۇيەسى ارقىلى شينجياڭداعى ءار ۇلت حالقىنا ورتاق رۋحاني مەكەن قۇرىپ، ۇگىت، مادەنيەت، وقۋ - اعارتۋ شەبىن مىقتاپ يگەرۋ كەرەك.
ءماجىلىس بىلاي دەپ قارادى: وڭتۇستىك شينجياڭنىڭ دامۋىنا توتەنشە شارالار ارقىلى قولداۋ كورسەتىپ، كەدەي، مۇقتاج جانداردى ءتۇيىن ەتە وتىرىپ، حالىق تۇرمىسىنىڭ جاقسارۋىنا سەرپىن بەرۋ كەرەك. بيڭتۋاننىڭ ورنىقتىلىقتى قورعاپ، شەكارانى ساقتاۋ قابىلەتى قۇرىلىسىن كۇشەيتىپ، بيڭتۋاننىڭ وتاننىڭ بىرلىگىن، ۇلتتاردىڭ ىنتىماعىن، شينجياڭنىڭ ورنىقتىلىعىن قورعاۋداعى ەرەكشە ماڭىزدى رولىن شىن مانىندە ويداعىداي ساۋلەلەندىرۋ كەرەك.
ءماجىلىس مىنانى باسا دارىپتەدى: شينجياڭ قىزمەتىن ويداعىداي ىستەۋدىڭ تەتىگى پارتيادا، تۇپتەپ كەلگەندە، تاباندى كادرلار قوسىنىنا، قاتاڭ نەگىزگى ساتى ۇيىمدىق جۇيەسىنە، ۇتىمدى بۇقارالىق قىزمەت مەحانيزمىنە سۇيەنەمىز. پارتيانىڭ باسشىلىعىن، باسشىلىق القالار مەن كادرلار قوسىنى قۇرىلىسن، نەگىزگى ساتىداعى پارتيا ۇيىمدارى مەن بيلىكتىڭ قۇرىلىسىن كۇشەيتىپ، كادرلار ستيلىن شىن مانىندە جاقسارتىپ، شينجياڭنىڭ قوعام ورنىقتىلىعى مەن باياندى تىنىشتىعىنا پارمەندى ساياسي، يدەيالىق، ۇيىمدىق كەپىل ازىرلەۋ كەرەك.
ءماجىلىس باسقا ىستەردى دە اقىلداستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
