- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى بەيجيڭدە اشىلدى
شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە شينجياڭدى زاڭمەن باسقارۋدان، ىنتىماقتاستىرۋدان، ورنىقتىرۋدان، ۇزاق ۋاقىت كوركەيتۋدەن جازباي، ءار ۇلت حالقىن ىنتىماقتاستىرىپ، سوتسياليستىك جاڭا شينجياڭ قۇرۋدى باسا دارىپتەدى، لي كىچياڭ، يۇي جىڭشىڭ ءسوز سويلەدى، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى
2014.05.30 15:31 كەلۋ قاينارى : ءتاڭىرتاۋ تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 28 - مامىردا ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ماڭىزدى ءسوز سويلەدى.
شينحۋا اگەنتتىگىنىڭ 29 - مامىردا بەيجيڭنەن بەرگەن حابارى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى 28 -، 29 - مامىر كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ مىنانى باسا دارىپتەدى: دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋدەن جازباي، پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى باعىت - ساياساتتارىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق جالپى نىساناسىن ارقاۋ ەتىپ، شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، ۇلتتار ىنتىماعىن جەبەپ، ءدىني ۇشقارى يدەيانىڭ ەتەك جايۋىن تەجەۋ سياقتىلاردى ءتۇيىن ەتىپ، شينجياڭدى زاڭمەن باسقارۋدان، شينجياڭدى ىنتىماقتاستىرۋدان ورنىقتىرۋدان، ۇزاق ۋاقىت كوركەيتۋدەن جازباي، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك جاڭا شينجياڭ قۇرۋعا قۇلشىنۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ شينجياڭنىڭ ەكونوميكالىق، قوعامدىق دامۋ قىزمەتى جونىندە ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ءماجىلىس اياقتالاردا ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى.
ءماجىلىس 2010 - جىلى اشىلعان ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى قىزمەتتەردى جان - جاقتى قورىتىندىلاپ، شينجياڭ جاعدايىنا عىلمي تالداۋ جاساپ، شينجياڭ قىزمەتىنىڭ جەتەكشى يدەياسىن، نەگىزگى تالابىن، باسىم باعىتىن ايقىنداپ، كەزەكتەگى جانە الداعى ءبىر مەزگىلدەگى شينجياڭ قىزمەتىنە جاپپاي ورنالاستىرۋ جاسادى.
شي جينپيڭ مىنانى اتاپ كورسەتتى: شينجياڭ قىزمەتىن ويداعىداي جاقسى ىستەۋ بۇكىل پارتيانىڭ، بۇكىل مەملەكەتتىڭ ءىرى ءىسى، ءسوز جوق، ستراتەگيالىق تۇرعىدان كوز جىبەرىپ، ۇزاق بولاشاققا ساياتىن جوسپار جاساپ، نەگىزدى بەكەمدەيتىن شارالار اتقارىپ، باياندى تىنىشتىق ورناتىپ، تۇراقتى بيلىك قۇرۋ كەرەك. پارتيا ورتالىق كوميتەتى شينجياڭ قىزمەتىنە بۇرىننان وسكەلەڭ ءمان بەرىپ، ءبىر - سىپىرا كەلەلى شەشىم مەن ورنالاستىرۋ جاساپ، شينجياڭنىڭ رەفورما، دامۋ، ۇلتتار ىنتىماعى، قوعامدىق ۇدەرىس، حالىق تۇرمىسىن جاقسارتۋ، شەكارا قورعانىسىن بەكەمدەۋ ىستەرىندە تاريحي جەتىستىكتەرگە جەتتى. اماليات پارتيامىزدىڭ شينجياڭدى باسقارۋ ستراتەگياسىنىڭ دۇرىس ەكەنىن، وعان، ءسوز جوق، ۇزاق ۋاقىت تاباندى بولىپ، ستراتەگيالىق تۇراقتىلىقتى ساقتاۋ كەرەكتىگىن دالەلدەدى. سونىمەن قاتار، شينجياڭ جاعدايىمەن ۇشتاستىرىپ، پارتيانىڭ شينجياڭدى باسقارۋ ستراتەگياسىن تولىقتاپ جانە كەمەلدەندىرىپ، شينجياڭدى ۇزاق ۋاقىت كوركەيتىپ، جۇمىلا باسقارىپ، تەگىس ات سالىسۋدان جازباي، نەگىزدى بەكەمدەپ، بولاشاققا سارا جول سالۋ قىزمەتىن تىڭعىلىقتى ىستەپ، قوعام ورنىقتىلىعى مەن باياندى تىنىشتىققا بەرىك نەگىز قالاۋ كەرەك.
شي جينپيڭ مىنانى باسا دارىپتەدى: قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ جالپى نىساناسى. زورلىقتى كۇش لاڭكەستىك ارەكەتتەرىنە قاتاڭ سوققى بەرۋدى، ءسوز جوق، كەزەكتەگى كۇرەستىڭ ماڭىزدى ءتۇيىنى ەتىپ، سوتسياليستىك زاڭمەن باسقارۋ تۋىن بيىك ۇستاپ، جۇمىلا ساقتانۋ، جابىلا وڭاۋ، ساقتاندىرۋ قابىلەتىن كۇشەيتىپ، قۇرىش قورعان سوعىپ، اسپاندا تور، جەردە قاقپان قۇرۋ كەرەك. ىشكى جانە حالىقارالىق ەكى شەپتى قاتار ىلگەرىلەتىپ، لاڭكەستىككە قارسى حالىقارالىق سەلبەستىكتى كۇشەيتۋ كەرەك.
شي جينپيڭ مىنانى اتاپ كورسەتتى: شينجياڭ ماسەلەسىندە ەڭ ۇزاققا جالعاساتىنى، اينالىپ كەلگەندە، ۇلتتار ىنتىماعى ماسەلەسى. ۇلتتىق بولشەكتەۋشى كۇشتەر ۇلتتار ىنتىماعىن بۇلدىرۋگە سۇقتانعان سايىن، ۇلتتار ىنتىماعىن ونان ارى كۇشەيتىپ، ءار ۇلت حالقى وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن بىرگە قورعايتىن قۇرىش قورعان ورناتۋىمىز كەرەك. پارتيانىڭ ۇلت ساياساتىنا، ۇلتتىق تەرريتوريالىق اۆتونوميا تۇزىمىنە اۋىتقىماي تاباندى بولۋىمىز كەرەك. ۇلتتار ىنتىماعى − ءار ۇلت حالقىنىڭ جان تامىرى. ۇلتتار ىنتىماعى تۋىن بيىك ۇستاپ، ۇلتتار اراسىندا مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعاسى تانىمىن بەرىك ورناتىپ، ءار ۇلت حالقىن بارىنشا ىنتىماقتاستىرىپ جانە ولارعا ارقا سۇيەپ، بارلىق ۇلتتى، بارلىق ازاماتتى جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋعا تيەسىلى ۇلەس قوسۋعا جۇمىلدىرىپ، وتاننىڭ دامۋ جەتىستىكتەرىنەن بىرگە يگىلىكتەندىرۋ كەرەك. ءار ۇلت حالقى ءبىرىن - ءبىرى ءتۇسىنىپ، ءبىرىن - ءبىرى قۇرمەتتەپ، ءبىر - بىرىنە جول بەرىپ، ءبىرىن - ءبىرى قادىرلەپ، ءبىر - بىرىنەن ۇيرەنىپ، ءبىر - بىرىنە قارايلاسىپ، جۇدىرىقتاي جۇمىلۋى كەرەك. ۇلتتاردىڭ بارىس - كەلىسى مەن اۋىس - جۇعىسىن نىعايتىپ، ءتۇرلى فورماداعى بىرگە قۇرۋ قىزمەتتەرىن ورنالاستىرىپ جانە ورىستەتىپ، «قوس ءتىل» وقىتۋىن جەبەپ، ءار ۇلت حالقى قويان - قولتىق ارالاسقان قوعامدىق قۇرىلىم مەن الەۋمەتتىك اۋماق ورتاسىنىڭ قالىپتاسۋىن ىلگەرىلەتىپ، شينجياڭداعى از ۇلت جۇرتشىلىعىنىڭ ىشكى ولكەلەردە ءبىلىم الۋ، جۇمىسقا تۇرۋ، قونىستانۋ كولەمىن تارتىپپەن كەڭەيتىپ، ءار ۇلت حالقىنىڭ ورتاق ءوندىرىس، تۇرمىس، قىزمەت، ۇيرەنۋ ورتاسىندا ىشكەرىلەي ءتۇسىنىسىپ، تۋىستىق سەزىم ورناتۋىن جەبەۋ كەرەك.
شي جينپيڭ مىنانى باسا دارىپتەدى: ءدىن قىزمەتىن دەن قويا جاقسى ىستەپ، ءدىندى سوتسياليستىك قوعامعا سايكەسۋگە بەلسەنە جەتەكتەپ، ءدىني قايراتكەرلەر مەن دىنگە سەنەتىن جۇرتشىلىقتىڭ ەكونوميكالىق، قوعامدىق دامۋدى ىلگەرىلەتۋدەگى بەلسەندى رولىن ويداعىداي ساۋلەلەندىرۋ كەرەك. ءدىن ماسەلەسىن ءبىرجايلى ەتۋدىڭ نەگىزگى پرينسيبى − زاڭدىنى قورعاۋ، زاڭسىزدى تەكتەۋ، ۇشقارىلىقتى تەجەۋ، جالبىزبالاپ كىرۋدەن ساقتانۋ، قىلمىسقا سوققى بەرۋ. دىنگە سەنەتىن جۇرتشىلىقتىڭ قالىپتى ءدىني سۇرانىسىن زاڭ بويىنشا قامتاماسىزداندىرىپ، دىنگە سەنەتىن جۇرتشىلىقتىڭ ادەت - عۇرپىنا قۇرمەت ەتىپ، دىنگە سەنەتىن جۇرتشىلىقتىڭ دىننەن دۇرىس ساۋات اشۋىنا مۇمكىندىك بەرەتىن زاڭدى ارنالاردى ورنىقتى تۇردە كەڭەيتۋ كەرەك. وتانشىل ءدىني قىزمەتكەرلەر قوسىنىن باۋلۋعا باسا ءمان بەرىپ، پارمەندى شارالار قولدانىپ، ءدىني قايراتكەرلەردىڭ ءبىلىمىن جوعارىلاتىپ، ءدىني ۇيىمداردىڭ باسشىلىق ۇقىعىنىڭ وتانشىل ءدىني قايراتكەرلەردىڭ قولىندا بولۋىنا كەپىلدىك ەتۋ كەرەك.
شي جينپيڭ مىنانى اتاپ كورسەتتى: شينجياڭنىڭ ءتىپتى جاقسى، ءتىپتى تەز دامۋىن تاباندىلىقپەن ىلگەرىلەتۋمەن بىرگە، دامۋدى حالىق تۇرمىسىن جاقسارتۋمەن، جەرگىلىكتى ورىندارعا تيىمدىلىك جاساۋمەن، بەرەكە - بىرلىكتى نىعايتۋمەن ساباقتاستىرا تياناقتاندىرىپ، ءار ۇلت حالقىنا پارتيانىڭ قامقورلىعى مەن وتاننىڭ ۇلى شاڭىراعىنىڭ جىلىلىعىن سەزىندىرۋ كەرەك. كاسىپتەندىرۋدى ماڭداي الدى ورىنعا قويۋدان جازباي، كاسىپتەنۋ قابىلەتىن كۇشەيتىپ، ءار ۇلت جۇرتشىلىعىنىڭ قالالاردا، ءوز جەرىندە، جاقىن ماڭايدا كاسىپتەنۋىنە، اۋىلدا ءوز كۇشىمەن كاسىپ كوزىن اشۋىنا جەتەكشىلىك ەتۋ كەرەك. وقۋ - اعارتۋعا باسا ءمان بەرۋدەن جازباي، تاڭداۋلى دارىندىلاردى تاربيەلەپ، وقۋعا ءتۇسۋ سالىستىرماسىن جاپپاي جوعارىلاتىپ، وقۋ جاسىنداعى بالالاردىڭ مەكتەپتە ءبىلىم الىپ، مەكتەپتە ەسەيىپ - ەرجەتۋىنە جاعداي جاساۋ كەرەك. ۇزدىك دارىندىلاردى وقۋ - اعارتۋ ىسىنە ات سالىسۋعا بارىنشا باۋراپ، مەملەكەتتىڭ وقۋ - اعارتۋ ۇسىنىلىمىن شينجياڭعا كوبىرەك بەيىمدەۋ كەرەك. كەدەيلەردى سۇيەمەلدەۋ قارجىسىنىڭ ۇسىنىلىم تەبىنىن ارتتىرىپ، ونى ەگىن، مال شارۋاشىلىق وڭىرلەرىنە، شەكارا وڭىرلەرگە، ەرەكشە قيىنشىلىعى بار قاۋىمعا بەيىمدەپ، كەدەيلەردى سۇيەمەلدەۋدىڭ ولشەمدى قىزمەت مەحانيزمىن ورناتىپ، ناقپا - ناق، تۇبەگەيلى تياناقتاندىرۋ كەرەك. وڭتۇستىك شينجياڭنىڭ دامۋى جونىندە مەملەكەتتىك تۇرعىدان جوعارى دەڭگەيلى جوبا جاساپ، توتەنشە ساياسات اتقارىپ، قالىپتى كۇيدى بۇزىپ، توتەنشە ىستەردى توتەنشە جولمەن ىستەۋ كەرەك. شينجياڭعا باعىتتامالى كومەكتەسۋ − مەملەكەتتىك ستراتەگيا، وعان، ءسوز جوق، ۇزاق ۋاقىت تاباندى بولىپ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن نىعايتۋ ينجەنەرياسىنا اينالدىرۋ كەرەك. شينجياڭ ءوندىرىس - قۇرىلىس بيڭتۋانى تىڭ يگەرۋ مەن ورنىقتىلىقتى قورعاپ، شەكارانى ساقتاۋدىڭ جانە بيڭتۋان مەن جەرگىلىكتى ورىنداردىڭ قاتىناسىن عىلمي جولمەن جونگە سالىپ، كۇشتى ءتۇبىرلى، نەگىزدىك، بولاشاقتىق ماسەلەلەرگە جۇمساۋى كەرەك.
شي جينپيڭ مىنانى باسا دارىپتەدى: ءار ۇلت حالقى ورتاسىندا وتانعا، ۇلتقا دۇرىس كوزقاراس ورناتىپ، سوتسياليستىك وزەكتى قۇن جۇيەسى مەن سوتسياليستىك وزەكتى قۇن كوزقاراسىن ساۋلەلەندىرىپ، ءار ۇلت حالقىنىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگوشا سوتسياليزم جولى جونىندەگى تانىمىن كۇشەيتۋ كەرەك. يدەيالىق - ساياسي قىزمەتتى كۇشەيتىپ، ارشىنداي العا باسقان قوعامدىق راي قالىپتاستىرىپ، ءار ۇلت بۇقاراسىن وسى زامانعى وركەنيەتتى ومىرگە باستاۋ كەرەك. بۇقارانىڭ مادەني ءومىرىن ءتۇرلى - ءتۇستى، قىزىقتى مازمۇندارمەن بايىتىپ، مادەنيەتكە قىزمەت وتەۋدىڭ الەۋمەتتىك جۇيەسىن كەمەلدەندىرىپ، نەگىزگى ساتىلارداعى ورىن قۇرىلىسىن نىعايتىپ، ينتەرنەت قۇرىلىسىن نىعايتىپ، ينتەرنەتكە باسقارۋدى كۇشەيتىپ، ءار ۇلت بۇقاراسىنىڭ شينجياڭدى قىزۋ سۇيەتىن اق جارقىن پەيىلىنە شابىت بەرۋ كەرەك.
شي جينپيڭ مىنالاردى اتاپ كورسەتتى: پارتيانىڭ جالپى جاعدايدى جاپپاي يگەرىپ، ءار جاقتى سايكەستىرۋدەگى باسشىلىق ۇيتقىلىق رولىن ساۋلەلەندىرىپ، پارتيا قۇرىلىسىن جاپپاي كۇشەيتىپ جانە ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن بەرىك ساياسي كەپىل ازىرلەۋ − شينجياڭ قىزمەتىن جاقسى ىستەۋدىڭ تەتىگى. ساياسيدا تاباندى، قابىلەتى مىعىم، ستيلدە ىسىلعان جوعارى ساپالى كادرلار قوسىنىن قۇرۋ كەرەك. نەگىزگى ساتىدا، ءبىرىنشى شەپتە ۇزاق ۋاقىت قىزمەت ىستەگەن، ءومىرىنىڭ اسىل شاقتارىن شينجياڭعا ارناعان ءار ۇلت كادرلارىنا ەرەكشە قامقورلىق جاساۋ كەرەك. پارتياعا ادال، شەشۋشى ساتتەردە باتىلدىقپەن ءۇن قاتاتىن، بۇقارالىق قىزمەت قابىلەتى مەن تۇتقيىل ۋاقيعالارعا توتەپ بەرۋ، كۇردەلى جاعدايدى مەڭگەرۋ قابىلەتى ءبىرشاما كۇشتى كادرلاردى كۇش سالا تاڭداپ ءوسىرۋ كەرەك. نەگىزگى ساتىنى مىقتى يگەرىپ، نەگىزدى بەكەمدەۋ قىزمەتىن شينجياڭدى ورنىقتىرۋدىڭ باياندى ءادىسى جانە تۇبەگەيلى شاراسى ەتىپ، نەگىزگى ساتى پارتيا ۇيىمدارىن بۇقاراعا قىزمەت وتەپ، ورنىقتىلىقتى قورعاپ، بولشەكتەۋشىلىككە قارسى تۇرۋدىڭ بەرىك جاۋىنگەرلىك قامالىنا اينالدىرىپ، نەگىزگى ساتى بازالارىنىڭ بارلىعىندا پارتيا تۋىن جەلبىرەتۋ كەرەك. پارتيانىڭ بۇقارالىق لۋشيان تاربيەسى جانە امالياتتىق قيمىلىن ورىستەتۋگە ۇشتاستىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن باتىل، دايەكتى تياناقتاندىرىپ، ستيل جاعىنداعى كورنەۋ ماسەلەلەردى مۇقيات ءبىر جايلى ەتىپ، ءىرىپ - شىرۋگە قارسى كۇرەستى تاباندىلىقپەن ورىستەتۋ كەرەك.
لي كىچياڭ مىنانى اتاپ كورسەتتى: شينجياڭ قىزمەتىن جاقسى ىستەۋ ءۇشىن، دامۋ مەن ورنىقتىلىقتىڭ قاتىناسىن ويداعىداي ءبىر جايلى ەتۋ ەرەكشە ماڭىزعا يە. دامۋ مەن ورنىقتىلىق ءبىر - بىرىنەن ايرىلا المايدى، ءبىرىن - ءبىرى تولىقتايدى. قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ جالپى نىساناسى جانە نەگىزگى مىندەتى. باياندى تىنىشتىقتى تياناق ەتكەن دامۋ − قوعام ورنىقتىلىعىنىڭ ماڭىزدى نەگىزى، ۇلتتار ىنتىماعىنىڭ پارمەندى قوزعاۋشى كۇشى، حالىق تۇرمىسىن جاقسارتۋدىڭ ءتۇبىرلى كەپىلى. ءسوز جوق، دامۋدا ورنىقتىلىقتى ارقاۋ ەتۋ، ورنىقتىلىقتى دامۋ ارقىلى جەبەۋ كەرەك. شينجياڭنىڭ دامۋى جاڭا تالاپتاردى بەينەلەپ، جاڭا جاعدايعا جول اشۋى كەرەك. بۇقارامەن جاناسىمدى بولۋعا، جەرگىلىكتى ورىنعا تيىمدىلىك جەتكىزۋگە، قورشاعان ورتانى قورعاۋعا، رەفورما جاساپ، ەسىك اشۋعا، ەكونوميكا مەن قوعامنىڭ جاپپاي دامۋىنا ءتىپتى باسا نازار اۋدارىپ، جالپىعا ورتاق، باۋىرمال، توعىسپالى دامۋدى ىسكە اسىرىپ، 2020 - جىلعا دەيىن شينجياڭدا جاپپاي دوڭگەلەك داۋلەتتى قوعام قۇرىپ شىعۋ نىساناسىنىڭ نەگىزىنەن ورىندالۋىنا كەپىلدىك ەتۋ كەرەك.
لي كىچياڭ مىنالاردى باسا دارىپتەدى: كاسىپتەنۋ شينجياڭداعى ەڭ ءىرى حالىق تۇرمىسى ماسەلەسى، حالىق تۇرمىسى حالىقتىڭ قالاۋىن بەلگىلەيدى. شينجياڭدى ورنىقتىرۋدىڭ ستراتەگيالىق تۇرعىسىن تياناق، كاسىپتەنۋدى ارتتىرۋدى ماڭىزدى ءتۇيىن ەتىپ، حالىق تۇرمىسىن جاقسارتۋ اياق الىسىن جەدەلدەتىپ، قوعام ورنىقتىلىعىن جەبەۋ كەرەك. شينجياڭداعى كاسىپورىندار مەن قارجى قوسۋ نىساندارىنىڭ بارلىعى جەرگىلىكتى ەڭبەككۇشتەردى قابىلداۋعا ءمان بەرۋ كەرەك. ىشكى ولكەلەردەگى كاسىپورىنداردى شينجياڭعا تارتىپپەن كوشىپ، شوعىرلى ورنالاسىپ، ۇتىمدى دامۋعا باۋراپ، شوعىرلى، ولشەمدى كاسىپتەندىرۋدى ىسكە اسىرىپ، ۇلتتىق ەرەكشەلىككە يە قولونەركاسىپتى بەلسەندىلىكپەن دامىتۋ، سونىمەن قاتار شينجياڭ حالقىن ىشكى ولكەلەردە كاسىپتەنۋگە شابىتتاندىرۋ كەرەك. بۇعان ورتالىق ساياسات جاعىندا زور كۇشپەن ەرەكشە قولداۋ كورسەتەدى. وقۋ - اعارتۋدى گۇلدەندىرۋ − شينجياڭنىڭ ەكونوميكالىق دامۋىن، قوعامدىق ۇدەرىسىن جانە باياندى تىنىشتىعىن ىسكە اسىراتىن ءتۇبىرلى شارا، سونداي - اق كاسىپتەنۋ كولەمىن كەڭەيتىپ، حالىق تۇرمىسىن جاقسارتۋدىڭ نەگىزى. مىندەتتى وقۋ - اعارتۋ سياقتى ءار دارەجەلى، ءار ءتۇرلى وقۋ - اعارتۋ ىستەرىن تىڭعىلىقتى ىستەپ، «قوس ءتىل» اعارتۋىن جانە كاسىپتىك اعارتۋدى بەلسەندىلىكپەن ىلگەرىلەتىپ، شينجياڭداعى ءار ۇلت جۇرتشىلىعىنىڭ، اسىرەسە، جاستاردىڭ مەملەكەتتىڭ ورتاق ءتىل - جازۋىن جاقسى ۇيرەنۋىنە، ويداعىداي پايدالانۋىنا كومەكتەسىپ، ولارعا كوبىرەك دامۋ ورايىن ازىرلەۋ كەرەك. ەرەكشە بايلىق باسىمدىلىعىنان ويداعىداي پايدالانىپ، بايلىقتى اشۋ، پايدالانۋ جاعىندا شينجياڭعا كوبىرەك يگىلىك اكەلىپ، سول جەردىڭ وزىندە مانەرلەۋ، جىنتىكتەي مانەرلەۋ سالىستىرماسىن جوعارىلاتىپ، بايلىق باسىمدىلىعىن ەكونوميكالىق باسىمدىلىققا اينالدىرىپ، جەرگىلىكتى ورىننىڭ ءوز كۇشىمەن دامۋ قابىلەتىن نىعايتىپ، جەرگىلىكتى ورىنداعى ءار ۇلت حالقىن ءتىپتى كوپ يگىلىككە كەنەلتۋ كەرەك. قورشاعان ورتانى قورعاۋ جاعىنداعى ۇسىنىلىمدى مولايتىپ، جوعارى ءونىمدى سۋ ۇنەمدەۋ، سۋارۋ ينجەنەريالارىنىڭ تەبىنىن جەدەلدەتىپ، ءتۇيىندى وزەن اعارلارىن جونگە سالۋدى جانە سۋدىڭ لاستانۋىنان ساقتانۋدى كۇشەيتىپ، باياندى دامۋ قابىلەتىن جوعارىلاتۋ كەرەك. وتكەل قۇرىلىسىن ارقاۋ ەتىپ، ىشكە جانە سىرتقا ەسىك اشۋدى كەڭەيتۋ كەرەك. تەمىر جول سياقتى نەگىزدىك قۇرىلعى قۇرىلىسىن كۇشەيتىپ، وسى زامانعى زات اينالىمىن دامىتىپ، وڭىرلىك باسىمدىلىقتى تياناق ەتىپ، جىبەك جولى ەكونوميكالىق بەلدەۋىنىڭ وزەكتى رايونىن ويداعىداي قۇرۋ كەرەك. قازىنا، قارجى، فينانس، دارىندى سياقتى سالالاردا توتەنشە ساياساتتار قولدانىپ، كەدەيلەردى سۇيەمەلدەۋدەن قامال الۋ جانە حالىق تۇرمىسىن جاقسارتۋ تەبىنىن كۇشەيتىپ، وڭتۇستىك شينجياڭنىڭ دامۋىن جەدەلدەتۋ كەرەك. شينجياڭ ءوندىرىس - قۇرىلىس بيڭتۋانىنىڭ دامۋىنا، ىرگەلەنۋىنە قولداۋ كورسەتىپ، جاڭا جاعدايداعى ورنىقتىلىقتى ساقتاۋ، شەكارانى قورعاۋداعى توتەنشە رولىن جاقسى ساۋلەلەندىرۋ كەرەك. بۇكىل ەلدىڭ كۇشىن جابال اتتانىسقا كەلتىرىپ، شينجياڭعا باعىتتامالى كومەكتەسۋ قىزمەتىن بارىنشا ىلگەرىلەتىپ، كومەككە بەرىلگەن قارجىلاردى نەگىزىنەن حالىق تۇرمىسىنا، نەگىزگى ساتىعا ىستەتۋ كەرەك. قارىشتاپ دامۋدى جەدەلدەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ كەرەك.
يۇي جىڭشىڭ قورىتىندى سوزىندە: ورتالىقتىڭ «شينجياڭنىڭ قوعام ورنىقتىلىعىن ونان ارى قورعاۋ جانە باياندى تىنىشتىقتى ىسكە اسىرۋ جونىندەگى پىكىرىندە» شينجياڭ قىزمەتىنىڭ جەتەكشى يدەياسى، نەگىزگى پرينسيبى، نىسانالارى مەن مىندەتتەرى، باسىم باعىتى مەن ساياسات - شارالارى ىشكەرىلەي تۇراقتاندىرىلدى. بۇل جاڭا جاعدايداعى شينجياڭ قىزمەتىنە جەتەكشىلىك ەتەتىن باعدارلامالىق حۇجات، - دەپ اتاپ كورسەتتى. ول شينجياڭ قىزمەتىندە قوعام ورنىقتىلىعى مەن باياندى تىنىشتىقتى كوزدەۋ ءتۇيىنى مەن كۇش سالۋ ءتۇيىنى ەتۋدىڭ ءمانىن تەرەڭ ءتۇسىنىپ، يدەيا مەن ارەكەتتى ورتالىقتىڭ ماڭىزدى شەشىم - ورنالاستىرۋلارىمەن شىنايى بىرلىككە كەلتىرۋ كەرەكتىگىن باسا دارىپتەدى. ول مىنانى تالاپ ەتتى: جەر - جەر، تاراۋلار ءىس جۇزىندىك جاعدايىنا ۇشتاستىرىپ، ناقتى اتقارۋ جوباسىن جەدەل دايىنداپ، مىقتاپ تياناقتاندىرۋى كەرەك. شينجياڭ سۋبيەكتتىك رولىن تولىق ساۋلەلەندىرىپ، ءىس جۇزىندىك جاعدايعا تىعىز ۇشتاستىرىپ، ۇيرەنۋ، ۇگىتتەۋ جۇمىسىن مىقتى يگەرىپ، ناقتى تياناقتاندىرۋ جوباسىن جەدەل جاساپ، ساياساتتى قاتاڭ اتقارىپ، قىزمەت تاسىلىنە نازار اۋدارىپ، قىزمەت ستيلىن شىنايى جاقسارتىپ، زەيىن - زەردەنى قوعام ورنىقتىلىعى مەن باياندى تىنىشتىقتى ىلگەرىلەتۋگە شوعىرلاندىرۋ كەرەك. ورتالىقتاعى تاراۋلار ساياسيدى دارىپتەپ، جالپى جاعدايدى ەسكەرىپ، مىندەتتەردى اشالاپ، سايكەستىرۋدى كۇشەيتىپ، جاقسى ىستەردى ناقتىلاندىرىپ، ناقتى ىستەردى جاقسى جۇرگىزىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدە تىرەكتىك رول اتقارۋى كەرەك. جەر - جەر، اسىرەسە، شينجياڭعا باعىتتامالى كومەكتەسەتىن ولكە، قالالار بۇكىل ەل − ءبىر تۇتاس جۇيە دەگەن يدەيانى بەرىك ورناتىپ، شينجياڭعا باعىتتامالى كومەكتەسۋ قىزمەتىنىڭ جوباسىن كەمەلدەندىرىپ، ۇلتتاردىڭ بارىس - كەلىسى مەن اۋىس - جۇعىسىن كۇش سالا جەدەلدەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدە تۇرتكىلىك رول اتقارۋى كەرەك. ورتالىقتىڭ شەشىم - ورنالاستىرۋلارىنىڭ دايەكتى تياناقتانۋ جاعدايىنا ارناۋلى باقىلاۋ - تەكسەرۋ جۇرگىزىپ، ورتالىقتىڭ شينجياڭ قىزمەتى جونىندەگى باعىت - ساياساتتارىنىڭ تىڭعىلىقتى تياناقتانۋىنا كەپىلدىك ەتۋ كەرەك.
شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ، قوعام حاۋىپسىزدىگى مينيسترلىگىنىڭ، حۋبەي ولكەسىنىڭ، گۋاڭدۇڭ ولكەسىنىڭ جاۋاپتىلارى ماجىلىستە ءسوز سويلەدى. ماجىلىسكە قاتىناسقان ۋاكىلدەر ءبىر اۋىزدان بىلاي دەپ قارادى: ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ پارتيامىزدىڭ، بۇكىل ەلدەگى ءار ۇلت حالقىنىڭ ورتاق ەركى، ورتاق جاۋاپكەرشىلىگى. باس شۋجي شي جينپيڭنىڭ تالابى بويىنشا، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى ەتىپ، ءماجىلىس رۋحىن سانالى، ىرىقتى تۇردە باتىلدىقپەن دايەكتىلەندىرىپ، ورتالىق كوميتەتتىڭ كەلەلى ستراتەگيالىق ورنالاستىرۋىن جەتە ءتۇسىنىپ، ويداعىداي يگەرىپ، جاقسى جۇرگىزىپ، بۇلجىتپاي مۇقيات اتقارىپ، جەرگىلىكتى جاعدايعا ساي، تىڭعىلىقتى تياناقتاندىرىپ، ءتۇرلى قىزمەتتى ءبىر تۇتاس ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ بەيجيڭدە تۇراتىن مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى ماجىلىسكە قاتىناستى.
شينجياڭ ۇيعۇر اۆتونوميالى رايونىنىڭ پارتيا، ۇكىمەت ورىندارىنداعى جاۋاپتى جولداستار جانە ايماق، وبلىس، قالالار مەن قاتىستى تاراۋلارداعى نەگىزگى جاۋاپتى جولداستار، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە ديۆيزيالار مەن قاتىستى تاراۋلارداعى نەگىزگى جاۋاپتى جولداستار، ولكە، قالا، اۆتونوميالى رايوندارداعى جاۋاپتى جولداستار، ورتالىق كوميتەت پەن مەملەكەت ورگاندارىنىڭ قاتىستى تاراۋلارىنداعى جانە ورتالىق كاسىپورىندارداعى قاتىستى جاۋاپتى جولداستار، حالىق ازاتتىق ارمياسى مەن قارۋلى ساقشى بولىمىندەگى قاتىستى جاۋاپتى جولداستار، ت.ب ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
