بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

ج ك پ ورتالىق كوميتەتىنىڭ ساياسي بيۋروسى ءماجىلىس اشىپ «قازىنا - باجى ءتۇزىلىسى رەفورماسىن تەرەڭدەتۋ جونىندەگى تۇلعالىق جوبا» سياقتىلاردى قاراپ ماقۇلدادى

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

2014.07.01 13:01     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ 30 - ماۋسىمدا بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسى 30 - ماۋسىمدا ءماجىلىس اشىپ، «قازىنا - باجى ءتۇزىلىسى رەفورماسىن تەرەڭدەتۋ جونىندەگى تۇلعالىق جوبانى»، «نوپوس ءتۇزىمى رەفورماسىن اناعۇرلىم ىلگەرىلەتۋ جونىندەگى پىكىردى»، «پارتيانىڭ ءتارتىپ تەكسەرۋ ءتۇزىلىسى رەفورماسىن اتقارۋ جوباسىن» قاراپ ماقۇلدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس مىنانى اتاپ كورسەتتى: قازىنا − مەملەكەتتى جونگە سالۋدىڭ نەگىزى جانە ماڭىزدى تىرەگى، قازىنا - باجى ءتۇزىلىسى مەملەكەتتى كوركەيتۋدە قاشاندا نەگىزدىك، تۇزىمدىك، قامتاماسىزداندىرۋ سيپاتىندىق رول اتقارادى. پارتيامىز قازىنا قىزمەتى مەن قازىنا - باجى رەفورماسىنا ەجەلدەن باسا ءمان بەرىپ، جۇڭگوشا سوتسياليزمنىڭ دامۋ تالابىنا ۇيلەسەتىن قازىنا ءتۇزىمىن ورناتۋ جاعىندا تالىقپاي ىزدەنىستەر جاسادى. جاڭا كەزەكتى قازىنا - باجى ءتۇزىلىسى رەفورماسى − مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا قاتىستى ماڭىزدى رەفورما، جالپى جاعدايدى تياناق ەتىپ، بولاشاققا كوز جىبەرۋدەگى ءتۇزىم جاعىنداعى جاڭالىق.

  ءماجىلىس بىلاي دەپ قارادى: قازىنا - باجى ءتۇزىلىسى رەفورماسىن تەرەڭدەتۋدەگى نىسانا − بىرلىككە كەلگەن، كەمەلدى، زاڭمەن باسقارىلعان، جۇيەلى، اشىق - ءجاريا، اينالىم ونىمدىلىگى جوعارى، بايلىقتى ورنالاستىرۋعا، بازار تۇتاستىعىن قورعاۋعا، قوعامدىق ادىلدىكتى جەبەۋگە، مەملەكەتتىڭ باياندى تىنىشتىعىن جۇزەگە اسىرۋعا پايدالى، وسى زامانعى ۇتىمدى قازىنالىق ءتۇزىم ورناتۋ. مۇندا مىناداي 3 جاقتاعى رەفورمانى ءتۇيىندى تۇردە ىلگەرىلەتۋ كەرەك: مەجە ەسەپتى باسقارۋ ءتۇزىمىن كەمەلدەندىرۋ، مەجە ەسەپتى تەجەۋدى، ۇكىمەت قيمىلدارىن جۇيەلىلەندىرۋدى، ۇتىمدى باقىلاۋدى كۇشەيتىپ، جان - جاقتى، جۇيەلى، اشىق - ءجاريا وسى زامانعى مەجە ەسەپ ءتۇزىمىن جەدەل ورناتۋ؛ باجى ءتۇزىمى رەفورماسىن تەرەڭدەتىپ، باجى ءتۇزىمى قۇرىلىمىن ساپالىلاندىرىپ، باجى رولىن كەمەلدەندىرىپ، ماكرولىق باجى اۋىرتپالىعىن ورنىقتىرىپ، باجىنى زاڭ بويىنشا باسقارۋدى ىلگەرىلەتىپ، عىلمي دامۋعا، قوعامدىق ادىلدىككە، بازار تۇتاستىعىنا پايدالى باجى ءتۇزىمى جۇيەسىن ورناتىپ، باجىنىڭ قازىنالىق كىرىستى توپتاۋ، ءبولىستى رەتتەۋ، قۇرىلىمدى ساپالىلاندىرۋ جاعىنداعى فۋنكتسيالىق رولىن تولىق ساۋلەلەندىرۋ؛ ورتالىق پەن جەرگىلىكتى ۇكىمەتتىڭ قازىنالىق بايلانىسىن رەتتەپ، ورتالىق پەن جەرگىلىكتى ۇكىمەتتىڭ كىرىس جاعدايىن تۇلعالىق جاقتان ورنىقتىرۋ العى شارتىندا، ورتالىق پەن جەرگىلىكتى ورىننىڭ كىرىس ءبولىسىن اناعۇرلىم ايقىنداپ، ۇكىمەت اراسىنداعى جۇمىس ۇقىعى مەن شىعىس جاۋاپكەرلىگىن ۇيلەسىمدى ايرىپ، ۇقىق پەن جاۋاپكەرلىكتىڭ، جۇمىس ءبىتىرۋ مەن اقشا جۇمساۋدىڭ ءوزارا تۇتاستىعىن جەبەپ، جۇمىس ۇقىعى مەن شىعىس جاۋاپكەرلىگى ءوزارا ساي كەلەتىن ءتۇزىم ورناتۋ ءتيىس. جاڭا كەزەكتى قازىنا - باجى ءتۇزىلىسى رەفورماسىنداعى ءتۇيىندى قىزمەتتەر مەن مىندەتتەردى 2016 - جىلعا دەيىن، نەگىزىنەن، ورىنداپ بولىپ، 2020 - جىلى وسى زامانعى قازىنا ءتۇزىمىن نەگىزىنەن ورناتۋ كەرەك.

  ءماجىلىس مىنانى باسا دارىپتەدى: قازىنا - باجى ءتۇزىلىسى رەفورماسىن تەرەڭدەتۋ ورتالىق پەن جەرگىلىكتى ورىن، ۇكىمەت پەن كاسىپورىن، سونداي - اق تاراۋلار اراسىنداعى ۇقىق - مۇددەنى رەتتەۋگە ساياتىن، جان - جاقتى اتتانىسقا كەلتىرۋ شايقاسى. ءار دارەجەلى پارتكومدار مەن حالىق ۇكىمەتتەرى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە تالاپتارىن جاپپاي دايەكتىلەندىرىپ، جالپى جاعداي تانىمىن ارتتىرىپ، وسكەلەڭ ساياسي جاۋاپكەرلىك سەزىم مەن تاريحي بورىشتىلىق سەزىم ارقىلى ۇيىمدىق باسشىلىقتى كۇشەيتىپ، ەگجەي - تەگجەيلى ورنالاستىرۋ جاساپ، ءبىر تۇتاس سايكەستىرۋگە ءمان بەرىپ، تەبىنىن، ريتىمىن مىقتى يگەرىپ، دەن قويا ۇيىمداستىرىپ، اتقارىپ، رەفورمادا تابىسقا جەتۋگە شىنايى كەپىلدىك ەتۋ كەرەك.

  ءماجىلىس مىنانى اتاپ كورسەتتى: نوپوس ءتۇزىمى رەفورماسىن جەدەلدەتۋ−اۋىل شارۋاشىلىعىنان باسقا سالالارعا ويىستىرىلعان قالىڭ حالىققا ساياتىن كەلەلى شارا. ادامدى نەگىز ەتۋدەن جازباي، قالا - قالاشىقتاردا تۇراقتاپ تۇرىپ ىستەۋگە جانە ءومىر سۇرۋگە شاماسى جەتەتىن تۇراقتى حالىقتى تارتىپپەن قالا تۇرعىنىنا قاراي ويىستىرىپ، قالا - قالاشىقتارداعى نەگىزدىك الەۋمەتتىك قىزمەت وتەۋدەن يگىلىكتەنەتىندەردى تۇراقتاپ تۇراتىندارعا دەيىن جالپىلاستىرۋ ءىسىن ورنىقتى ىلگەرىلەتۋ قاجەت. بەلسەندى، ورنىقتى، جۇيەلى، ءتارتىپتى بولۋدان جازباي، جەر - جەردىڭ باتىلدىقپەن امالياتتان وتكىزۋىنە، بەلسەنە ىزدەنىس جاساۋىنا شابىت بەرۋمەن بىرگە، جەرگىلىكتى وبيەكتيۆ زاڭدىلىققا، بۇقارانىڭ تىلەگىنە قۇرمەت ەتىپ، كورسەتكىش بويىنشا بولۋدەن، سالماعىن ساتى سايىن اۋىرلاتۋدان اۋلاق بولۋعا جەتەكشىلىك ەتۋ قاجەت. قالاعا كەلگەنىنە ۇزاق بولعان، كاسىپتەنۋ قابىلەتى كۇشتى، قالا - قالاشىق پەن بازار باسەكەسى ورتاسىنا ۇيلەسە الاتىنداردىڭ وتباسىنداعىلارمەن بىرگە قالا - قالاشىققا كەلىپ تۇراقتاپ تۇرۋىنا مۇمكىندىك جاساپ، ولاردى بىرتىندەپ قالا - قالاشىقتارعا قاراي ويىستىرۋ كەرەك. قالا - قالاشىقتارداعى نەگىزدىك الەۋمەتتىك قىزمەت وتەۋدەن نەگىزىنەن جەرلىك نوپوستاعىلار عانا يگىلىكتەنۋدى تۇراقتاپ تۇراتىندار دا يگىلىكتەنۋگە قاراي ويىستىرىپ، قالا - قالاشىقتاردا تۇراقتاپ تۇرىپ كاسىپ ىستەپ جاتقان ءبىراق نوپۇسى قوندىرىلماعان اۋىل شارۋاشىلىعىنان باسقا كاسىپكە ويىسقان حالىقتى قالا - قالاشىق نەگىزگى الەۋمەتتىك قىزمەت وتەۋىنەن يگىلىكتەندىرۋ ماسەلەسىن بىرتىندەپ شەشۋ كەرەك.

  ءماجىلىس مىنانى باسا دارىپتەدى: نوپۇس ءتۇزىمى رەفورماسى−توتەنشە كۇردەلى جۇيەلى ينجەنەريا، ونى ءبىر تۇتاس جوبالاۋدان جازباي، قاتىستى سالالارداعى سايكەستى ساياساتتىق ءتۇزىم رەفورمالارىمەن بىرگە ىلگەرىلەتۋ كەرەك. اۋىل - قىستاق مال - مۇلىك ۇقىعى ءتۇزىمىن كەمەلدەندىرىپ، شارۋالاردىڭ جەردى كوتەرمەگە الىپ تيجارات جۇرگىزۋ ۇقىعىن، قورا جاي جەرىنەن پايدالانۋ ۇقىعىن، كوللەكتيۆ كىرىس ءبولىسى ۇقىعىن ويداعىداي قورعاۋ كەرەك. جاعدايعا قاراي، سالا بويىنشا جەتەكشىلىك ەتۋ، جەر - جەر ورتالىقتىڭ تۇلعالىق تالابى مەن ساياساتتىق ورنالاستىرۋىنا نەگىزدەلىپ، جەرگىلىكتى جاعدايعا قاراي نوپۇسقا پارىقتى قوندىرۋ ساياساتىن اتقارۋ قاجەت. ءىرى، ورتاشا، شاعىن قالالار مەن شاعىن قالا - قالاشىقتاردىڭ ۇيلەسىمدى ورنالاسۋىن، رولدارىمەن ءبىرىن - ءبىرى تولىقتاۋىن جەبەپ، ورتاشا، شاعىن قالالار مەن شاعىن قالا - قالاشىقتاردى ەكونوميكالىق قۋاتىن شوعىرلاندىرىپ، اۋىل شارۋاشىلىعىنان باسقا سالاعا ويىسقانداردىڭ قالا - قالاشىقتاردا تۇراقتاپ تۇرۋىنا تيىمدى شارت - جاعداي جاراتىپ بەرۋ كەرەك.

  ءماجىلىس مىنانى اتاپ كورسەتتى: پارتيانىڭ ءتارتىپ تەكسەرۋ ءتۇزىلىسى رەفورماسى−رەفورمانى جاپپاي تەرەڭدەتۋدىڭ ماڭىزدى قۇرامداس بولەگى، پارتيانى پارتيا باسقارۋدىڭ، پارتيانى قاتاڭ باسقارۋدىڭ تابيعي تالابى، ءتارتىپ تەكسەرۋ، باقىلاۋ - تەكسەرۋ قىزمەت امالياتىن، ءسوزجوق، تياناق ەتىپ، ناقتى ماسەلەلەردەن باستاپ يگەرۋدەن جازباي، تاباندا اتقارىپ، دەر كەزىندە وزگەرتىپ، پارتيا ستيلى پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن ءتۇزىلىس مەحانيزمى جاعىنان قامتاماسىزداندىرۋ كەرەك.

  ءماجىلىس مىنانى باسا دارىپتەدى: پارتيانىڭ ءتارتىپ تەكسەرۋ ءتۇزىلىسى رەفورماسىن تەرەڭدەتۋدىڭ تەتىگى−پارتيا ستيلى پاكتىك قۇرىلىسى تۇلعالىق جاۋاپكەرلىگى مەن باقىلاۋ جاۋاپكەرلىگىن تياناقتاندىرۋدا. ءار دارەجەلى پارتكومداردىڭ تۇلعالىق جاۋاپكەرلىگى−ونىڭ العى شارتى، نەگىزى. ءار دارەجەلى باسشى كادرلار پاكتىكتى ساقتاۋمەن، وزىنە يە بولۋمەن بىرگە، جاۋاپكەرشىلىكتى باتىل ارقالاپ، پارتيا ستيلى پاكتىك قۇرىلىسى مەن ءىرىپ - شىرۋگە قارسى تۇرۋ قىزمەتىن شىن مانىندە مىقتى يگەرۋ كەرەك. پارتكوم (پارتيا باسشىلىق گرۋپپاسى) شۋجيى− 1 - جاۋاپتى ادام، باسقا مۇشەلەر ءوز قىزمەت جاۋاپكەرلىگى كولەمىندە پارتيا ستيلى پاكتىك قۇرىلىسى جونىندە باسشىلىق جاۋاپكەرلىك ارقالاۋى، دارەجە بويىنشا يگەرىپ، ساتى بويىنشا قىسىم ءتۇسىرۋ كەرەك. قىزمەت جاۋاپكەرلىگىن مۇقيات اتقارماعانداردان، پارتيا ستيلى پاكتىك قۇرىلىسىن مىقتى يگەرمەگەندەردەن جاۋاپكەرلىكتى قاتاڭ قۋزاستىرۋ كەرەك.

  ءماجىلىس مىنانى اتاپ كورسەتتى: پارتيانىڭ ءتارتىپ تەكسەرۋ قىزمەتىندەگى قوس باسشىلىق ءتۇزىلىسىن ناقتاندىرۋدى، تارتىپتەندىرۋدى، تۇزىمدەندىرۋدى ىلگەرىلەتىپ، ءىرىپ - شىرۋگە قاتىستى دەلولاردى تەكسەرىپ ءبىر جايلى ەتۋدە، جوعارى دارەجەلى ءتارتىپ تەكسەرۋ كوميتەتى باسشىلارىن نەگىز ەتۋ، ءار دارەجەلى ءتارتىپ تەكسەرۋ كوميتەتى شۋجيلەرى، ورىنباسار شۋجيلەرى كورسەتۋ جانە قىزمەت تەكسەرۋدە جوعارى دارەجەلى ءتارتىپ تەكسەرۋ كوميتەتى ۇيىمداستىرۋ تاراۋلارىمەن سايكەسۋدى نەگىز ەتىپ، جوعارى دارەجەلى ءتارتىپ تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتەتىنە باسشىلىق ەتۋىن كۇشەيتۋ كەرەك. ءار دارەجەلى ءتارتىپ تەكسەرۋ كوميتەتتەرى وزەكتى مىندەتتى ءتۇيىن ەتىپ، ءتارتىپتىڭ اتقارىلۋىن، جاۋاپكەرلىكتىڭ قۋزاستىرىلۋىن باقىلاپ، پارتيا ۇستاۆىنداعى قىزمەت جاۋاپكەرلىگىن اناعۇرلىم ويداعىداي اتقارۋ قاجەت. ورتالىق ءتارتىپ تەكسەرۋ كوميتەتىنەن ورتالىق دارەجەلى پارتيا، ۇكىمەت ورگاندارىنا قاراستى ءتارتىپ تەكسەرۋ قۇرىلىمدارىنا دەيىن، قىزمەت جاۋاپكەرلىگىن باقىلاۋ مىندەتىن جان - جاقتى اتقارۋ قاجەت. ارالاپ تەكسەرۋ قىزمەتىن جەرگىلىكتى ورىندارعا، تاراۋلارعا جانە كاسىپورىندار مەن ءىس ورىندارعا دەيىن ەتەك الدىرىپ، ارناۋلى تەكسەرۋ جونىندە ىزدەنىس جاساپ، ماسەلەلەردى بايقاۋ، سەسكەندىرۋ رولىن كورنەكتىلەندىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.