رەفورمانى تەرەڭدەتىپ، تابىستاردى بەكەمدەپ، قىزمەتتى بەلسەندى ورىستەتىپ، ءىرىپ - شىرۋگە قارسى تۇرۋ كۇرەسىن ۇزدىكسىز ىشكەرىلەي جۇرگىزۋ كەرەك دەپ اتاپ كورسەتتى

لي كىچياڭ، جاڭ دىجياڭ، يۇي جىڭشىڭ، ليۋ يۇنشان، جاڭ گاۋليلەر ماجىلىسكە قاتىناستى، ءماجىلىستى ۋاڭ چيشان باسقاردى

2015.01.14 13:44   كەلۋ قاينارى : حالىق تورابى

　　حالىق گازەتى، 13 – قاڭتار، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - قاڭتار تۇستەن بۇرىن ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ 5 - رەتكى جالپى ماجىلىسىندە ماڭىزدى ءسوز سويلەدى. ول بىلاي دەپ باسا دارىپتەدى: جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ، پارتيانى جاپپاي قاتاڭ باسقارۋ تالابى بويىنشا، پارتيانى گۇلدەندىرۋ يدەياسى مەن پارتيانى باسقارۋ تۇزىمىندە تاباندى بولىپ، ساياسي ءتارتىپ پەن ساياسي قاعيدانى قاتايتىپ، ءتارتىپ قۇرىلىسىن كۇشەيتىپ، ءتارتىپ تەكسەرۋ ءتۇزىلىسى رەفورماسىن تەرەڭدەتىپ، پارتيا ستيلى پاكتىك قۇرىلىسىنا قاتىستى زاڭ - تۇزىمدەردى كەمەلدەندىرىپ، «ەكى جاۋاپكەرشىلىكتى» تياناقتاندىرىپ، تارتىپكە بويسۇنۋدى باقىلاۋ جاۋاپكەرشىلىگىن قۋزاستىرۋدى كۇشەيتىپ، ورتالىقتىڭ سەگىز تارماقتى بەلگىلەمەسىنىڭ رۋحىن باياندى تياناقتاندىرىپ، ءىرىپ - ءشىرۋ جايتتەرىنىڭ ءورشۋىن باتىل تەجەپ، شەپتى بەرىك ساقتاپ، تابىستاردى بەكەمدەپ، قىزمەتتى ىشكەرىلەي ورىستەتىپ، پارتيا ستيلى پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن تاباندىلىقپەن ىلگەرىلەتۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، جاڭ گاۋليلەر ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان ءماجىلىستى باسقاردى.

　　(اۋدارماسىن قاداعالاۋشى: بىلىمبەك ورالبەك ۇلى)

　　كەلۋ قاينارى: حالىق تورابى