بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ قازاقستاننىڭ پرەمەر – مينيسترى كارىم ماسىموۆپەن كەزدەستى

2015.03.31 14:57     كەلۋ قاينارى : حالىق تورابى


  مەملەكەت ءتوراعاسى شي جينپيڭ 27 – ناۋرىزدا بەيجيڭدەگى حالىق قۇرىلتايى سارايىندا قازاقستاننىڭ پرەمەر – مينيسترى كارىم ماسىموۆپەن كەزدەستى.

  شينحۋا اگەنتتىگى، 27 – ناۋرىز، بەيجيڭ. مەملەكەت ءتوراعاسى شي جينپيڭ 27 – ناۋرىزدا حالىق قۇرىلتايى سارايىندا قازاقستاننىڭ پرەمەر – مينيسترى كارىم ماسىموۆپەن كەزدەستى.

  شي جينپيڭ ماسىموۆتىڭ بو – اۋ ازيا تالقى مىنبەرىنىڭ جىلدىق جينالىسىنا قاتىناسۋ ءۇشىن جۇڭگوعا ساپارلاي كەلگەنىن قارسى الدى. شي جينپيڭ جۇڭگو مەن قازاقستاننىڭ جان – جاقتىلى ستراتەگيالىق سەرىكتەستىك بايلانىسىنىڭ شاپشاڭ دامىپ كەلە جاتقانىن، ءتۇرلى سالالارداعى سەلبەستىىكتىڭ بۇرىن – سوڭدى بولماعان دارەجەدە جوعارى ورەگە كوتەرىلگەنىن اتاپ كورسەتتى. ەكى جاق ساياساتتىق جاقتا قارىم – قاتىناستى كۇشەيتىپ، ستراتەگيالىق ءوزارا سەنىمدىلىكتى ارتتىرىپ، ەكى ەل سەلبەستىك قارىم – قاتىناسىنىڭ اناعۇرلىم جوعارى ورەگە كوتەرىلىپ، اناعۇرلىم تەرەڭدەتىلىپ، اناعۇرلىم كەڭ ءورىس الۋىن ىلگەرىلەتۋى، وسى ارقىلى ەكى ەل حالقىن مۇنان دا تاماشا يگىلىككە كەنەلتىپ، ءوڭىردىڭ ورنىقتىلىعى مەن دامۋىنا ۇلەس قوسۋى كەرەك ەكەنىن ءبىلدىردى.

  شي جينپيڭ: جۇڭگو مەن قازاقستان دامۋ مەن وركەندەۋدىڭ شەشۋشى كەزەڭىندە تۇر، وندىرىستىك قۋات سالاسىنداعى سەلبەستىك ەكى ەل مۇددەسىن توعىستىرۋعا تىڭ وراي سيلايدى، ەكى جاق باستاماسىن جاقسى باستاپ، ارتىقشىلىقتارىن ساۋلەلەندىرىپ، سەلبەستىكتىڭ ءوسىمتال تۇسىن تىڭنان جەتىلدىرىپ، جۇڭگو مەن قازاقستاننىڭ مۇددەلەس جانە تاعدىرلاس تۇلعاسىن قالىپتاستىرۋ كەرەك. جىبەك جولى ەكونوميكالىق بەلدەۋىن ورتاق كوركەيتۋگە قاتىستى تۇسىنىستىك ەستەمەلەرىن شىنايى تياناقتاندىرىپ، ءىرى وبيەكتىلەردە سەلبەستىكتى ىلگەرىلەتىپ، وندىرىستىك قۋات جاعىنداعى سەلبەستىكتى تەرەڭدەتىپ، فينانس سالاسىنداعى سەلبەستىكتى جەبەۋ كەرەك، جىبەك جولى ەكونوميكالىق بەلدەۋى قۇرىلىسىن كوركەيتۋ مەن قازاقستاننىڭ «نۇرلى جول» جاڭا ەكونوميكالىق ساياساتىن ويداعىداي سايكەستىرىپ، ەكى ءىرى ساياسي باعدارلامانى ءوزارا قوزعاۋشى كۇش ەتۋ كەرەك. جۇڭگو قازاقستاننىڭ ءوز ەلىنىڭ جاعدايىنا سايكەس كەلەتىن دامۋ جولىمەن ءجۇرۋىن باتىل قولدايدى، ورنىقتىلىقتى ساقتاۋ مەن دامۋدى ىلگەرىلەتۋ ءۇشىن جاساعان قۇلشىنىستارىن قولداپ - قۋاتتايدى، - دەدى.

  ءماسىموۆ: قازاقستان مەن جۇڭگونىڭ جان – جاقتىلى ستراتەگيالىق سەلبەستىك قاتىناسى ەكى جاق جونىنەن العاندا دا وتە ماڭىزدى. ءتوراعا شي جينپيڭ ورتاعا قويعان جاڭا جىبەك جولى ەكونوميكالىق بەلدەۋى مەن پرەزيدەنت نازاربايەۆ ورتاعا قويعان «نۇرلى جول» جاڭا ەكونوميكالىق ساياساتىنىڭ ورتاق تۇستارى كوپ، ەكى ەلدىڭ سەلبەستىگىنە جاڭا وراي جاراتتى، قازاقستان ازيا نەگىزدىك قۇرىلعىلاردى قارجىلاندىرۋ بانكەسى، جۇڭگو ــ ازيا – ەۆروپا ەكونوميكالىق سەلبەستىك قورى، جىبەك جولى قورى قاتارلى مىنبەلەر ارقىلى جۇڭگو جاقپەن سەلبەستىكتى كۇشەيتۋدى قالايدى. الەم ەكونوميكاسىنىڭ قازىرگى جاعدايىندا ەكى جاقتىڭ وندىرىستىك قۋات سالاسىندا بەلسەندى سەلبەستىك ورناتۋى قازاقستان ءۇشىن توتەنشە ماڭىزدى، قازاقستان مەن جۇڭگونىڭ دامۋىنا دا جاڭا قوزعاۋشى كۇش سيلايدى. قازاقستان جۇڭگو مادەنيەت ينيستيتۋتتارىن قۇرۋدى، قازاقستان مەن وسى وڭىردەگى ەلدەردە جۇڭگو مەن مادەنيەت سالاسىنداعى بايلانىستى كۇشەيتىپ، دارىندىلاردى تاربيەلەۋدى، وسى وڭىردەگى حالىقتىڭ ءوزارا ۇلگى الۋ، بىرلىكتە دامۋىن ءۇمىت ەتەدى، - دەدى.

  شي جينپيڭ بىلاي دەپ كورسەتتى: جۇڭگو مەن قازاقستان شاڭحاي سەلبەستىك ۇيىمى مەن ازيا ءوزارا سەلبەستىك جانە سەنىمدىلىك شارالارى ءماجىلىسىن قۇرۋشى ەلدەر، جۇڭگو قازاقستانمەن بىرگە اتالعان ەكى ۇيىمنىڭ كەمەلدەنۋى مەن دامۋىن ىلگەرىلەتۋدى قالايدى. جۇڭگو قازاقستان حالقىمەن جانە دۇنيە ءجۇزى حالقىمەن بىرگە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن اتاپ ءوتۋدى ءۇمىت ەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.