بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ورتالىقتىڭ ءۇنى

شي جينپيڭ استاناعا جەتىپ قازاقستانداعى ساپارىن باستادى

2015.05.08 17:28   كەلۋ قاينارى : حالىق تورابى



  7- مامىردا مەملەكەت ءتوراعاسى شي جينپيڭ قازاقستاننىڭ استاناسى استانا قالاسىنا جەتىپ، قازاقستانداعى ساپارىن باستادى. سۋرەتتە: قازاقستاننىڭ پرەمەر-مينيسترى كارىم ءماسىموۆ قاتارلىلار اۋەجايعا بارىپ شي جينپيڭ جانە ونىڭ زايىبى پىڭ لييۋاندى قارسى الۋدا.

  گازەتىمىزدىڭ 7- مامىردا استانا قالاسىنان جولداعان حابارى (تىلشىلەر دۋ شاڭزى، حۋاڭ ۋىندي). 7- مامىردا مەملەكەت ءتوراعاسى شي جينپيڭ قازاقستاننىڭ استاناسى استانا قالاسىنا جەتىپ، قازاقستانداعى ساپارىن باستادى.

  سول جەردىڭ ۋاقىتى بويىنشا تۇستەن كەيىن ساعات 4 مولشەرىندە شي جينپيڭ وتىرعان ارناۋلى ۇشاق استانا قالاسىنىڭ حالىقارالىق اۋەجايىنا قوندى. شي جينپيڭ جانە ونىڭ زايىبى پىڭ لييۋان ۇشاقتان تۇسەردە، قازاقستاننىڭ پەرەمەر-مينيسترى كارىم ءماسىموۆ، پەرەمەر-مينيستردىڭ ءبىرىنشى ورىنباسارى باقىتجان ساعىنتايەۆ ۇشاق باسبالداعىنىڭ جانىنا بارىپ قارسى الدى. قازاقستان جاستارى شي جينپيڭگە جانە ونىڭ زايىبىنا گۇل ۇسىندى. قۇرمەت قاراۋىلى قىزىل كىلەمنىڭ ەكى شەتىندە ساپقا تۇرىپ قۇرمەت كورسەتتى.ۋاڭ لۋنيڭ، فانچاڭلۇڭ، لي جانشۋ، ياڭ جيەچى قاتارلى جولسەرىكتەر ۇشاقپەن بىرگە جەتتى.

  جۇڭگونىڭ قازاقستانداعى باس ەلشىسى جاڭ حانحۇي دا اۋەجايعا بارىپ قارسى الدى.

  قازاقستان – شي جينپيڭ ءتوراعانىڭ وسى رەتكى ساپارىنداعى ءبىرىنشى بەكەت. بۇل ءارى – شي جينپيڭنىڭ جۇڭگونىڭ مەملەكەت ءتوراعاسى بولعاننان كەيىنگى قازاقستانعا جاساعان ەكىنشى ساپارى. 2013 – جىلى قىركۇيەكتە شي جينپيڭ قازاقستاندا ساپاردا بولعان كەزىندە جىبەك جولى ەكونوميكالىق بەلدەۋىن قۇرۋ دارىپتەمەسىن تۇڭعىش رەت ورتاعا قويىپ، لەنيا بويىنداعى مەملەكەتتەردىڭ قىزۋ قۇپتاۋىنا يە بولعان. ءبىر جىلدان استام ۋاقىتتان بەرى ەكى جاقتىڭ بىرگە قۇلشىنۋىندا جۇڭگو مەن قازاقستاننىڭ جالپى بەتتىك ستراتەگيالىق سەرىكتەستىك قاتىناسى جەدەل دامىپ، ەكى ەلدىڭ ءداستۇرلى دوستىعىندا جاڭا ومىرشەڭدىك كۇش تاسقىندادى.

  كەلۋ قاينارى: حالىق تورابى

جاۋاپتى رەداكتورى : مۇحيت امانتاي ۇلى

 سۋرەت