- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ شىعىس جۇڭگوداعى 7 ولكە، توتە قاراستى قالانىڭ پارتكومدارىنداعى باستى جاۋاپتى جولداستارمەن وتكىزىلگەن اڭگىمە ماجىلىسىندە مىنانى دارىپتەدى:
ورايدى مىقتى يگەرىپ، ابزالدىقتى تياناق ەتىپ، بەلسەنە قيمىلداپ، ەكونوميكا، قوعام دامۋىنىڭ «13 - بەسجىلدىق» پىلانىن جۇيەلى جوبالاۋ كەرەك
2015.05.29 14:19 كەلۋ قاينارى : حالىق تورابى
شينحۋا اگەنتتىگى، 28 - مامىر، حاڭجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 27 - مامىردا جىجياڭدا شىعىس جۇڭگوداعى 7 ولكە، توتە قاراستى قالانىڭ پارتكومدارىنداعى باستى جاۋاپتى جولداستارمەن اڭگىمە ءماجىلىسىن وتكىزىپ، «13 - بەسجىلدىق» پىلان مەزگىلىندە ەكونوميكانى، قوعامدى دامىتۋ جونىندەگى پىكىر، ۇسىنىستى تىڭدادى. ول مىنانى دارىپتەدى: «13 - بەسجىلدىق» مەزگىلى – ەلىمىزدىڭ ەكونوميكاسىنىڭ، قوعامىنىڭ دامۋىنداعى توتەنشە ماڭىزدى مەزگىل، ءار دارەجەلى پارتكوم مەن ۇكىمەت ۇلكەن اۋقىمدى ايقىن يگەرىپ، جالپى جاعدايعا نازار سالىپ، حالىقارانىڭ، ەل ءىشىنىڭ دامۋداعى نەگىزدىك بەتالىسىن مىقتاپ يگەرىپ، ەل ءىشى – سىرتىنىڭ قازىرگى دامۋ ورتاسى مەن شارت – جاعدايىنا تالداۋ جاساپ، العا باسۋ باعىتىمىز بەن نىسانامىزدى ايقىنداپ، ءدوپ كەلگەن ورايىمىز بەن سايىسىمىزدى ايقىن تانىپ، ابزالدىقتى تياناق ەتۋدە تاباندى بولىپ، تيىمدىسىنە ۇمتىلىپ، قاتەرلىسىنەن ساقتانىپ، بەلسەنە قيمىلداپ، ەكونوميكا، قوعام دامۋىنىڭ «13 - بەسجىلدىق» پىلانىن جۇيەلى جوبالاۋىمىز كەرەك.
بيىلعى جىل ــ «12 - بەسجىلدىق» پىلاندى تياناقتاندىرۋدىڭ ەڭ سوڭعى جىلى، پارتيا ورتالىق كوميتەتى قازىر «13 - بەسجىلدىق» پىلان مەزگىلىندە ەلىمىزدىڭ ەكونوميكاسىن، قوعامىن دامىتۋداعى كەلەلى باعىت – ساياساتتى زەرتتەۋدە. شي جينپيڭ جىجياڭدا تەكسەرىپ – زەرتتەۋ جۇرگىزگەندە وسى رەتكى اڭگىمە ءماجىلىسىن ارناۋلى اشتى.
اڭگىمە ماجىلىسىندە شاڭحاي قالالىق پارتكومنىڭ شۋجيى حان جىڭ، جياڭسۋ ولكەلىك پارتكومنىڭ شۋجيى لو جىجۇن، جىجياڭ ولكەلىك پارتكومنىڭ شۋجيى شيا باۋلۇڭ، انحۇي ولكەلىك پارتكومنىڭ شۋجيى جاڭ باۋشۇن، فۋجيان ولكەلىك پارتكومنىڭ شۋجيى يوۋ چۋان، جياڭشي ولكەلىك پارتكومنىڭ شۋجيى چياڭ ۋەي، شاندۇڭ ولكەلىك پارتكومنىڭ شۋجيى جياڭ ي – كاڭ ءسوز سويلەدى. ولار ءوز جەرلەرىنىڭ ناقتى جاعدايلارىمەن ۇشتاستىرىپ، ءارى ماسەلەنىڭ يدەيالىق – ساياسي جاعىن ەسكەرىپ، ءارى ناقتى ماسەلەلەردى ورتاعا قويىپ، ءارى ءدوپ كەلگەن قيىنشىلىقتاردى ايتىپ، ءارى توتەپ بەرۋ وي جەلىسى مەن شاراسىن ورتاعا قويىپ، ەكونوميكانىڭ دامۋ تاسىلىندە بۇرىلىس جاساۋ، شارۋاشىلىق قۇرىلىمىن رەتتەۋ، جاڭالىق اشۋ ارقىلى دامۋدى جەبەۋ ستراتەگياسىن اتقارۋ، وڭىرلىك ەكونوميكانىڭ سايكەستى دامۋىن جەبەۋ، حالىق تۇرمىسىن قامتاماسىزداندىرۋ جانە جاقسارتۋ، قوعامدى زاڭ – تۇزىمگە سۇيەنىپ باسقارۋ دەڭگەيىن جوعارىلاتۋ، ەكولوگيالىق ورتانى قورعاۋدى كۇشەيتۋ، رەفورما جۇرگىزىپ، قاقپا اشۋدى تەرەڭدەتۋ، پارتيانىڭ ەكونوميكالىق قىزمەتكە باسشىلىق ەتۋىن كۇشەيتۋ جانە جاقسارتۋ جاقتارىنان پىكىر، ۇسىنىستارىن ورتاعا قويدى. شي جينپيڭ تىڭداي وتىرىپ ەستەلىك الىپ، ارا – تۇرا ءسوز قىستىرىپ، تالقى جۇرگىزدى. كوپشىلىكتىڭ ءسوزىن تىڭداعان سوڭ شي جينپيڭ ماڭىزدى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
