بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

«شىعىس جۇلدىزى» جولاۋشىلار كەمەسىنىڭ سۋعا باتۋ وقيعاسى بويىنشا قۇتقارۋ جانە شۇعىل جاعدايدى ءبىر جايلى ەتۋ قىزمەتىنەن مالىمەت تىڭدادى

ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى جيىن اشتى، كەلەسى قادامداعى قىزمەتتەردى تىڭعىلىقتى ىستەۋ جونىندە ورنالاستىرۋ جاسادى

2015.06.05 11:00     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى

  شينحۋا اگەنتتىگىنىڭ 4 - ماۋسىمدا بەيجيڭنەن بەرگەن حابارى. 4 - ماۋسىم تۇستەن بۇرىن ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى جيىن اشىپ، مەملەكەتتىك كەڭەستىڭ وقيعا جونىندەگى قۇتقارۋ جانە ءبىر جايلى ەتۋ قىزمەت گرۋپپاسىنىڭ «شىعىس جۇلدىزى» جولاۋشىلار كەمەسىنىڭ سۋعا باتۋ وقيعاسى بويىنشا قۇتقارۋ جانە شۇعىل جاعدايدى ءبىر جايلى ەتۋ قىزمەتىنەن مالىمەت تىڭداپ، كەلەسى قادامداعى قىزمەتتەردى تىڭعىلىقتى ىستەۋ جونىندە ورنالاستىرۋ جاسادى. ج ك پ ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

  ءماجىلىس بىلاي دەپ قارادى: «شىعىس جۇلدىزى» جولاۋشىلار كەمەسىنىڭ سۋعا باتۋ واقيعاسىنا پارتيا ورتالىق كوميتەتى ايرىقشا ءمان بەرىپ، قۇتقارۋ جانە شۇعىل جاعدايدى ءبىر جايلى ەتۋ قىزمەتى جونىندە جەدەل ايقىن تالاپ قويىپ، قاتىستى جاقتاردىڭ جەدەل ارەكەتتەنىپ، قۇتقارۋعا كىرىسۋىنە باسشىلىق ەتىپ، ۇيىمداستىرۋ جاسادى. پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەس قىزمەت گرۋپپاسىنىڭ تىكەلەي قولباسشىلىعىندا، حۋبەي، حۋنان، چۇڭچيڭ سياقتى جەرلەردىڭ پارتكومدارى مەن ۇكىمەتتەرى، ورتالىقتىڭ قاتىستى تاراۋلارى بىردەي قيمىلداپ، حالىق ازاتتىق ارمياسى، قارۋلى ساقشى بولىمدەرى جانە تەڭىز ىستەرى تاراۋلارى شۇعىل تۇردە كۇشتەردى جۇمىلدىرىپ، بار كۇشپەن قۇتقارۋ قىزمەتىنە كىرىسىپ، نەگىزگى كۇش، اتويشىل اترەت رولىن اتقاردى. سۋعا كەتكەندەردى ىزدەۋ - قۇتقارۋ، جارالىلاردى ەمدەۋ، سوڭعى جۇمىستارىن ىڭعايلاۋ جانە وقيعانىڭ سەبەبىن تەكسەرۋ سياقتى قىزمەتتەر قازىر پارمەندى، ءتارتىپتى ءجۇرىلىپ جاتىر. وسى رەتكى وقيعاعا بايلانىستى شۇعىل جاعدايدى ءبىر جايلى ەتۋ قىزمەتىندە، قاتىستى جاقتار دەر كەزىندە قيمىلدادى، قۇتقارۋ جۇمىستارى ءتارتىپتى جۇرگىزىلدى، قولدانعان شارالار ۇتىمدى بولدى.

  ءماجىلىس بىلاي دەپ باسا دارىپتەدى: وقيعاعا بايلانىستى قۇتقارۋ جانە شۇعىل جاعدايدى ءبىر جايلى ەتۋ قىزمەتى قازىر قاۋىرت جۇرگىزىلۋدە، قىزمەت مىندەتى ايتارلىقتاي اۋىر. قاتىستى جاقتار حالىقتىڭ باس اماندىعىنا ايرىقشا جوعارى جاۋاپكەرشىلىكپەن قاراي وتىرىپ، جۇمىلدىرۋعا بولاتىن بارلىق كۇشتەردى جۇمىلدىرىپ، قولدان كەلگەن شارالاردىڭ بارىنەن پايدالانىپ، قىزمەتتەردى ۋاقىتپەن جارىسا تىڭعىلىقتى ىستەۋ كەرەك. كەزەكتە مىنا قىزمەتتەردى مىقتى يگەرۋ ءتيىس:

  ءبىرىنشى، سۋعا كەتكەندەردى ىزدەۋ - قۇتقارۋ جانە جارالىلاردى ەمدەۋ قىزمەتىن ۇزدىكسىز جاقسى ىستەۋ كەرەك. ادامداردى قۇتقارۋدى باستى ورىنعا قويۋ قاجەت، ارميا، جەرگىلىكتى ورىن، تاراۋلار سايكەسە قيمىلداپ، سۇڭگۋىرشىلەردى سۋعا ءتۇسىپ ىزدەۋ سالۋعا، كەمەنىڭ قاباتتارىن، بولمەلەرىن قۇنتتاپ تىنتۋگە ۇيىمداستىرۋ كەرەك. مەديتسينا ماماندارىن جانە بايلىقتاردى جۇمىلدىرىپ، جارالىلاردى قولدان كەلگەنشە جەدەل قۇتقارۋ كەرەك.

  ەكىنشى، سوڭعى جۇمىستارىن تەرەڭدەي، ۇقىپتى، تىڭعىلىقتى ىستەۋ كەرەك. بۇل رەتكى وقيعادا كوپ ادام اپاتقا ۇشىرادى، ولاردىڭ تۋىس - تۋعاندارىن جۇباتۋ سياقتى سوڭعى جۇمىستار ايرىقشا ماڭىز الادى. وقيعاعا قاتىستى جەرگىلىكتى پارتكومدار مەن ۇكىمەتتەر جاۋاپكەرشىلىكتى تياناقتى تۇردە ۇستىنە الىپ، قىزمەتتەردى سابىرلى، ىجداعاتتى ورىستەتىپ، تۋىس - تۋعانداردىڭ قازالى كوڭىلىن شىنايى ءتۇسىنىپ، جۇباتۋ قىزمەتىن تىڭعىلىقتى ىستەپ، قوعام ورنىقتىلىعىن شىنايى قورعاۋى كەرەك.

  ءۇشىنشى، وقيعانىڭ سەبەبىن قاتاڭ، مۇقيات تەكسەرۋ كەرەك. ءار جاقتىڭ ماماندارىن ۇيىمداستىرىپ، تەرەڭدەي تەكسەرىپ جانە تالداۋ جاساپ، شىندىقتى دايەك ەتۋدەن جازباي، ەشقانداي كۇماندى ءتۇيىن قالدىرماي، وقيعانىڭ سەبەبىن تۇپكىلىكتى تەكسەرىپ انىقتاۋ كەرەك.

  ءتورتىنشى، اقپارات ۇگىتى مەن جاماعات پىكىرى قىزمەتىن كۇشەيتۋ كەرەك. ۋاقىتىندا، ءدال، جاريا، اشىق بولۋ پرينسيبى بويىنشا ينفورماتسيا تاراتىپ، قۇزىرلى ينفورماتسيالاردى ىرىقتى تۇردە جاريالاپ، قوعام نازارىنا جاۋاپ بەرۋ كەرەك.

  بەسىنشى، وقيعانى ءبىر جايلى ەتۋ قىزمەتىنە ۇيىمدىق باسشىلىقتى كۇشەيتۋ كەرەك. ءبىر تۇتاس سايكەستىرۋدى كۇشەيتىپ، جەرگىلىكتى ورىننىڭ وقيعاعا بايلانىستى قۇتقارۋ جانە ءبىر جايلى ەتۋ قىزمەتىندەگى قيىنشىلىقتار مەن ماسەلەلەردى شەشۋىنە كومەكتەسىپ، قاتىستى ساياسات - شارالاردى اقىلداسىپ بەلگىلەۋ كەرەك. وقيعاعا قاتىستى جەرلەر مەن ارميا، جەرگىلىكتى ورىنداعى قاتىستى تاراۋلار سەلبەسۋدى كۇشەيتىپ، ۇيتقى كۇش قالىپتاستىرىپ، وقيعاعا بايلانىستى قۇتقارۋ جانە ءبىر جايلى ەتۋ قىزمەتتەرىن تىڭعىلىقتى ىستەۋگە كەپىلدىك ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.