بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>شاپقىنشىلىققا قارسى سوعىس>>ورتالىق ءۇنى

بۇكىل حالىقتىڭ جاپون باسقىنشىلارىنا قارسى تۇرۋ سوعىسى تۋىلعاندىعىنىڭ 78 جىلدىعىن ەسكە ءتۇسىرۋ جانە «ۇلى جەڭىس، تاريحتىڭ ۇلەسى» ارناۋلى تاقىرىپتىق كورمەسى اشىلدى

ليۋ يۇنشان قيمىلعا قاتىناستى ءارى ءسوز سويلەدى

2015.07.08 15:16     كەلۋ قاينارى : حالىق تورابى

  سۋرەتتە: كوپشىلىك «28 – قاڭتار. شاڭحايداعى جاپون باسقىنشىلارىنا قارسى تۇرۋ سوعىسىنا» قاتىستى كورمەنى كورۋدە. شينحۋا اگەنتتىگى ءتىلشىسى لۋ شياۋگۋاڭ فوتوسى

  «حالىق گازەتى»، 7 – شىلدە، بەيجيڭ (ءتىلشى جاڭ سو). بۇكىل حالىقتىڭ جاپون باسقىنشىلارىنا قارسى تۇرۋ سوعىسى تۋىلعاندىعىنىڭ 78 جىلدىعىن ەسكە ءتۇسىرۋ جانە «ۇلى جەڭىس، تاريحتىڭ ۇلەسى» ارناۋلى تاقىرىپتىق كورمەسىنىڭ اشىلۋ سالتى 7 – شىلدە تۇستەن بۇرىن جۇڭگو حالقىنىڭ جاپون باسقىنشىلارىنا قارسى تۇرۋ سوعىسى ەسكەرتكىش سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ليۋ يۇنشان ءسوز سويلەدى ءارى كورمەنىڭ اشىلعاندىعىن جاريالادى.

  بەيجيڭدەگى لۋگۋچياۋ كوپىرىنىڭ جانىنا ورنالاسقان جۇڭگو حالقىنىڭ جاپون باسقىنشىلارىنا قارسى تۇرۋ سوعىسى ەسكەرتكىش سارايى ايباتتى تۇسكە ەنگەن ەدى. تۇستەن بۇرىنعى ساعات 10 دا، جۇڭگو حالىق ازاتتىق ارمياسىنىڭ اسكەري وركەسترى «ەرىكتى اسكەرلەر مارىشى گيمىنىن» ورىنداپ، بۇكىل الاڭدى مەملەكەت ءانىنىڭ اسقان اۋەنى كەرنەدى. ارتىنان بۇكىل مايدان سىلتىدەي تىنىپ، جۇڭگو حالقىنىڭ جاپون باسقىنشىلارىنا قارسى تۇرۋ سوعىسىندا قۇربان بولعان قاھارماندارعا ازا ءبىلدىرىلدى.

  ليۋ يۇنشان سوزىندە مىنالاردى اتاپ كورسەتتى: 78 جىلدىڭ الدىنداعى بۇگىنگى كۇنى، جاپونيا ميليتاريستەرى كوكەيىنە سۇرقيا نيەتىن بۇگىپ، جۇڭگو مەن شەتەلدى دۇرلىكتىرگەن لۋگۋچياۋ ۋاقيعاسىن تۋدىرىپ، بۇكىل جۇڭگونى جاۋلاپ الۋ شاپقىنشىلىعىن باستادى. ەل باسىنا كۇن تۋعان سىندارلى ساتتەردە، جۇڭگو كومپارتياسى ۇلتتى قۇتقارۋدىڭ تاريحي بورىشىن ارقالادى، ەل ءىشى – سىرتىنداعى جۇڭحۋا ۇلتىنىڭ ۇل – قىزدارىن جۇدىرىقتاي جۇمىلدى، جاپون باسقىنشىلارىنا قارسى تۇرۋ سوعىسىنىڭ ەرجۇرەك ۇلاندارى مايدانعا كەلىپ، تولارساقتان قان كەشىپ، تاياۋ زامانداعى جۇڭگونىڭ جاپون باسقىنشىلارىنا قارسى تۇرۋ سوعىسىنىڭ شەشۋشى جەڭىسىنە قول جەتكىزدى ءارى بۇكىل دۇنيە ءجۇزىنىڭ فاشيزيمگە قارسى تۇرۋ سوعىسىنا ەلەۋلى ۇلەس قوستى. بۇكىل حالىقتىڭ جاپون باسقىنشىلارىنا قارسى تۇرۋ سوعىسىنىڭ 78 جىلدىعىن سالتاناتتى ەسكە ءتۇسىرىپ، «ۇلى جەڭىس، تاريحي ۇلەس» ارناۋلى تاقىرىپتىق كورمەسىنىڭ اشىلۋىنداعى ماقسات – تاريحتى ەستە بەرىك ساقتاپ، قۇرباندارعا كوڭىل تورىنەن ورىن بەرۋ، بەيبىتشىلىكتى قاستەرلەپ، كوركەم بولاشاقتى جاراتۋ بولماق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.