- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇقارا قارتتىقتى قامسىزداندىرۋ اقشاسىن قالاي تاپسىرادى
2015.07.22 16:50 كەلۋ قاينارى : حالىق تورابى
شينحۋا تورابى، 21 – شىلدە، بەيجيڭ («شينحۋا شولۋلارى» تىلشىلەرى: شۇي بو، جاۋ يۇيحاڭ). تاياۋدا قوعامنىڭ نازارىن اۋدارىپ وتىرعان «نەگىزدىك زەينەتكەرلىك قامسىزداندىرۋ قورىنا قارجى قوسۋدى باسقارۋ شاراسىنا» قوعامنان اشكەرە پىكىر جينالۋ اياقتالىپ، 20 ميلليارد يۋاننان استام اقشانىڭ ساقاداي سايلانىپ، قارجىعا قوسىلىپ اينالىمعا تۇسەتىندىگى مەجەلەنۋدە.
زەينەتكەرلىك قامسىزداندىرۋ اقشاسى بۇقارادىڭ تىرشىلىك تياناعى بولىپ، حاۋىپسىز، جوعارى ءونىمدى تۇردە قۇنىن ساقتاۋ، قۇنىن ارتتىرۋدى جۇزەگە اسىرۋ جاعىندا كىم – كىمگە بولسادا ماڭىزدى ءمانى بار. ءتىلشى بۇقارادىڭ كوڭىل ءبولىپ وتىرعان قوزدامالى ماسەلەلەر جونىنەن قاتىستى ورىن جانە ماماندارمەن وي ءبولىستى.
ءبىرىنشى شوعىرلى ءتۇيىن: زەينەتاقىنى قارجى ەتىپ قوسۋ «جارنا ساۋداسىمەن» اينالىسۋ دەگەن پە؟
شارادا زەينەتاقىنى قارجى ەتىپ قوسۋدىڭ جيىرمادان استام جولى ورتاعا قويىلعانىمەن، الايدا «جارنا بازارى» دەگەن ءسوز كوپتى ەلەڭدەتىپ وتىر، اسىرەسە، سوڭعى جىلدارداعى جارنا بازارىنىڭ تولقۋ جاعدايى استىندا، بۇقارادىڭ ەڭ الاڭدايتىنى زەينەتاقىنىڭ «جارنا ساۋداسىنان» ارى بارا المايتىن حاۋىپسىز بولۋ ماسەلەسى.
شاڭحاي قالالىق تۇرعىن ءۇي الەۋمەتتىك قورىن باسقارۋ ورتالىعىنىڭ مەڭگەرۋشىسى ما لي بىلاي دەدى: شارادا جارنا بەلەتىنە، جارنا بەلەتى قورىنا، ارالاس قورعا، جارنا بەلەتى فورماسىندىق زەينەتاقى ونىمدەرىنە قوسىلاتىن قارجى سالىستىرمالى جيىنتىعىنىڭ قور مال – مۇلىك تازا قۇنىنىڭ ٪30ىنەن جوعارى بولمايتىندىعى ايقىن بەلگىلەندى، بۇل زەينەتكەرلىك قامسىزداندىرۋ اقشاسىن جارنا بەلەتىندىك ونىمدەرگە قارجى ەتىپ قوسۋدىڭ سالىستىرمالى جيىنتىعى ٪30 تومەن مەڭگەرىلەدى دەگەن ءسوز، بۇنداعى ماقسات قارجى قوسۋدىڭ حاۋىپ – قاتەرىن ۇيلەسىمدى مەڭگەرۋ.
شارانىڭ ورتاعا شىعارىلعان ۋاقىتى ەل ىشىندەگى جارنا بازارىنىڭ قۇلدىراۋ كەزەڭىنە ءدال كەلگەندىكتەن، كوپ ساندى بۇقارا زەينەتاقىسىنىڭ بازارعا سالىنۋىن ۇكىمەتتىڭ بازاردى سەرپىلتۋ ءۇشىن قولدانىپ وتىرعان امالى ما، دەپ الاڭداپ وتىر.
يفاڭدا قور باسقارۋ شەكتى سەرىكتىگىنىڭ باس اتقارۋشى بازار باسقارۋشىسى گاۋ سۇڭفان بىلاي دەدى: جارنا بازارىنداعى نەشە ون تريلليون اقشاعا سالىستىرعاندا، 600 ميلليارد يۋاندىق زەينەتاقىنىڭ بازارعا سالىنۋىنىڭ ۇلكەن ىقپالى جوق. «زەينەتاقى بازاردى قۇتقارۋعا ىستەتىلمەيدى، ونىڭ بازاردى قۇتقارۋ قابىلەتى جوق، ءارى بۇنداي ۇلكەن رولدى وينايدا المايدى».
چيڭحۋا ۆنيۋەرسيتەتى ەكونوميكا باسقارۋ ينيستيتۋتىنىڭ ورىنباسار باستىعى باي جوڭ – ىن بىلاي دەدى: بۇقارادىڭ زەينەتاقىنى بازار اينالىسىنا ءتۇسىرۋ جونىنەن تۇسىنبەستىگى بار، قارجى قوسۋ دەگەنىمىز ءار كىم ايتا سالاتىن قاراپايىم ءسوز ەمەس، قايتا كوپ ءتۇرلى قارجىنىڭ ورنالاستىرىلۋى بولىپ، اقشانىڭ قۇنسىزدانۋىنا سوققى بەرىپ، كاسىپتىك قۇرىلىمدارعا تاپسىرىپ، كاسىپتىك باقىلاپ – باسقارۋدىڭ كومەگى ارقىلى قارجىنىڭ حاۋىپسىزدىگىن قامتاماسىز ەتەدى.
ەكىنشى شوعىرلى ءتۇيىن: زەينەتاقى بازارعا كىرسە «شاعىن قارجىگەرلەر وماقاسا ما»؟
زەينەتاقىنىڭ بازارعا كىرگەنىنە قاراتا، كوپ ساندى ادامدار جارنا بازارىندا بارىنەن قۇرالاقان قالۋىنان الاڭداۋلى. گاۋ سۇڭفان مىنالاردى اتاپ كورسەتتى: زەينەتاقىنىڭ بازارعا كىرۋىنىڭ العاشقى تىلەگى جارنا بازارىنىڭ جەمىنە اينالۋدا، شاعىن قارجىگەرلەردىڭ اقشاسىن قاعىپ الۋدا ەمەس.
گاۋ سۇڭفان بىلاي دەدى: ءىس جۇزىندىك اينالىس بارىسىندا، بازارعا كىرگەن قوردىڭ كولەمى مەن ۋاقىتىن ۇكىمەت تىكەلەي بيلەي المايدى، قايتا تاپسىرىس ۇقىعىن العان بازار قۇرىلىمى عانا ناقتى اينالىسقا تۇسىرەدى، ال قۇندى قاعاز بازارىنا قارجى قوسۋدىڭ قاتاڭ بەلگىلەمەسى بار، زەينەتاقىنى قارجى رەتىندە قوسۋ «اجداھانىڭ اۋزىنا» ءبىر كەسەك مايلى ەتتى تاستاپ بەرۋ دەگەندىك ەمەس.
«زەينەتاقىنى قارجى رەتىندە قوسۋ مەن شاعىن قارجىگەرلەردى بۇكىلدەي قاراما – قارسى قويۋ دۇرىس ەمەس». شيۇڭ حۇي مىنالاردى اتاپ كورسەتتى: زەينەتاقى ءاربىر بۇقارانىڭ كۇتىمدەلۋ قاراجاتىنا بايلانىستى بولىپ، حالىقتان الىپ، حالىققا قايتارىلادى، بۇلاردىڭ ىشىنە جارنا بازارىنداعى شاعىن قارجىگەرلەردە قامتىلادى. ورنىقتى دا اقاۋسىز قارجى قوسۋ ارقىلى زەينەتاقىنىڭ قۇنىن ساقتاۋ، قۇنىن ارتتىرۋىنان بارلىق ادام يگىلىكتەنەدى.
ءۇشىنشى شوعىرلى ءتۇيىن: زەينەتاقىنى قارجى رەتىندە قوسۋدىڭ تاعى قانداي جاقتارى بار؟
جارنا بازارىنان سىرت، زەينەتاقىنى قارجى رەتىندە قوسۋدىڭ كوپ جولدارى بار. ما لي بىلاي دەدى: زەينەتكەرلىك قامسىزداندىرۋ اقشاسى بۇقارادىڭ تىرشىلىك تياناعى بولىپ، قوردىڭ بۇكىلدەي حاۋىپسىز بولۋىن ەڭ الدىمەن ويلاسۋ كەرەك، بۇقارادىڭ تىرشىلىك تياناعىن حاۋىپ – قاتەردىڭ ىشىنە قالتىرۋعا بولمايدى.
شارادا زەينەتاقىنى ەل ىشىندە عانا، نەگىزىنەن، 3 ءتۇرلى ونىمگە قارجى رەتىندە قوسۋعا بولاتىندىعىن بەلگىلەندى: بانكە امانات اقشا تۇرلەرى، زايوم تۇرلەرى، جارنا بەلەتى جانە قور تۇرلەرى سىندى. ءارقايسى قارجى قوسۋ تۇرلەرىنىڭ سالىستىرماسىندا، باسقارۋ ەرەجەلەرىنىڭ شەكتەمەسى قاتاڭ اتقارىلادى. جالپى پرينسيپ جاعىندا حاۋىپ – قاتەر سالىستىرماسى تومەن بولىپ، حاۋىپ – قاتەردىڭ جوعارى بولۋ سالىستىرماسى از.
ما لي بىلاي دەدى: زەينەتاقىنى اينالىسقا ءتۇسىرۋدى مەملەكەت ەكونوميكاسىن دامىتۋ نىساناسىمەن بىرلەستىرىپ، ءىرى كولەمدى نەگىزگى قۇرىلعى قۇرىلىسى سىندى ۇزاق مەزگىلدىك، ورنىقتى پايدا جەتكىزەتىن سالالارعا قارجى رەتىندە قوسۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
