- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو ارمانىن جۇزەگە اسىرۋ جورىعىندا جاستىق كوكتەمدى نۇرلاندىرايىق
ــ شي جينپيڭ جولداس باس شۋجي بولعان پارتيا ورتالىق كوميتەتىنىڭ جاستارعا جانە جاستار قىزمەتىنە قامقورلىق جاساعانى جونىندە
2015.07.24 16:52 كەلۋ قاينارى : حالىق تورابى
توڭكەرىس، قۇرىلىس، رەفورما سىندى تاريحي كەزەڭدەردە جۇڭگو كوممۋنيستىك پارتياسى جاستارعا ايرىقشا ءمان بەرىپ، قامقورلىق جاساپ، سەنىم ارتتى، جاس ۇرپاقتان زور ءۇمىت كۇتتى. پارتيا 18 – قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى جاستاردىڭ ءوسىپ – جەتىلۋىنە، العا باسۋىنا ايرىقشا قامقورلىق جاساپ كەلەدى. باس شۋجي شي جينپيڭ جاستاردىڭ قيمىلىنا تالاي رەت قاتىناسىپ، جاستارمەن سىرلاسىپ، جاستارعا جاۋاپ حات قايتارىپ، پارتيانىڭ جاڭا جاعدايداعى جاستار قىزمەتىنە ايقىن باعدار كورسەتىپ بەردى.
ءومىر جولىن جاقسى باسقاندا، جاستىق كوكتەم وپىق جەگىزبەيدى
ــ پارتيا ورتالىق كوميتەتىنىڭ تاربيەسى قازىرگى زامان جاستارىنىڭ ءومىردىڭ قۇنىن جۇزەگە اسىرۋىنا باعىت كورسەتىپ بەردى
قايتكەندە ادام ءومىرى بوسقا وتپەيدى؟ بۇل سۇراق ءاربىر جاستى تولعاندىرادى. تاريح پەن اماليات جاستار ۇلى مۇرات ورناتىپ، جاۋاپكەرلىكتى باتىلدىقپەن ارقالاسا، مەملەكەتتىڭ بولاشاعى نۇرلى بولاتىنىن، ۇلتتان ءۇمىت كۇتۋگە بولاتىنىن دالەلدەدى.
2013 – جىلعى «4 – مامىر» جاستار مەرەكەسى قارساڭىندا باس شۋجي شي جينپيڭ بەيجيڭ ۋنيۆەرسيتەتىنىڭ ارحەولوگيالىق مادەنيەت ينستيتۋتى 2009 – جىلدىق تولىق كۋرس وداق ياچەيكاسىنداعى وقۋشىلارعا جاۋاپ حات قايتارعاندا: «كىسىلىك ءومىر مۇراتىن مەملەكەتتىڭ، ۇلتتىڭ ىستەرىمەن توعىستىرعاندا عانا بىرەر ءىستى تىندىرۋعا بولادى» دەگەن ەدى.
ىستىق ىقىلاسپەن جازىلعان جاۋاپ حات ءبىلىم الۋ جولىنداعى جاستاردى ايرىقشا اسەرلەندىردى. باس شۋجيدىڭ شابىتتاندىرۋىمەن كوپشىلىك ءتىپتى دە قايراتتانىپ، وتاندى كوركەيتۋدەگى قولىنان ءىس كەلەتىن دارىندىلار بولۋعا قۇلشىندى.
جاستىق كوكتەمدە تاسقىنداعان جىگەر، قاجىرلى قۇلشىنىس، قالتقىسىز ۇلەس قوسۋ رۋحى بولعاندا عانا ارتىمىزعا ونەگە بولارلىق ءىز قالدىرا الامىز. سول جىلى جاسى 16 عا تولا قويماعان شي جينپيڭ سولتۇستىك سانشي ۇستىرتىنە زيالى جاس بولىپ كەلەدى، يانچۋان اۋدانىنىڭ لياڭجياحى ۇلكەن اترەتىندە ءۇرتىس 7 جىل ىستەيدى. ەگىن سالادى، كومىر تاسيدى، توسپا سالۋ جۇمىسىنا ارالاسادى، تەزەك ىرىكتەيدى... ول قانداي جۇمىس بولسا دا قول سالىپ ىستەدى، جاپا – ماشاقاتتىڭ ءتۇر – ءتۇرىن كوردى، زەينەت پەن بەينەتتى اۋىلداستارمەن بىرگە كوردى.
پارتيا 18 – قۇرىلتايىنان كەيىن تۇرلىشە توپتاعى جاستارعا جاۋاپ حات قايتارعاندا باس شۋجي شي جينپيڭ ءوز كەشىرمەلەرىمەن ۇشتاستىرىپ، ءسوزدى تەرەڭنەن تولعاپ، ىستىق ىقىلاستى لەبىز جولدايتىن.
باس شۋجي شي جينپيڭ ءوز كەشىرمەلەرىمەن جانە اقىل – پاراساتىمەن جەتكىنشەكتەرگە وي سالىپ، تاربيە بەرەتىن.
باس شۋجي شي جينپيڭ جاستارمەن بەتپە – بەت اڭگىمەلەسۋ بارىسىندا قاراپايىم، تۇسىنىكتى تىلمەن – اق ىقىلاستى ءتالىم بەرىپ، جاستاردى باۋراپ الاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
