- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ شينجياڭنىڭ گۇما اۋدانىنداعى 6.5 بال جەر سىلكىنگەن ءوڭىردىڭ ءوندىرىستى قالپىنا كەلتىرۋ، اتا مەكەندى قايتا قۇرۋ قىزمەتى جونىندە ماڭىزدى نۇسقاۋ بەردى
اپات تۋىلعان ءوڭىردىڭ ءوندىرىستى قالپىنا كەلتىرۋىن، اتا مەكەندى قايتا قۇرۋىن قولداۋدى جانە وعان كومەك بەرۋدى ماڭىزدى مىندەت رەتىندە مىقتى يگەرىپ، اپاتقا ۇشىراعان بۇقارانىڭ قىس قىرىنان امان شىعۋىنا كەپىلدىك ەتۋ كەرەك، لي كىچياڭ اپات تۋىلعان ءوڭىردىڭ ءوندىرىستى قالپىنا كەلتىرۋ، اتا مەكەندى قايتا قۇرۋ قىزمەتى جونىندە بەكىتپە جازدى
2015.07.27 13:15
شينحۋا اگەنتتىگىنىڭ شىلدەنىڭ 23 – كۇنى بەيجيڭنەن بەرگەن حاباردى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭ ۇيعۇر اۆتونوميالى رايونى حوتان ايماعىنىڭ گۇما اۋدانىنداعى «3 - شىلدە» جەر سىلكىنگەن ءوڭىردىڭ ءوندىرىستى قالپىنا كەلتىرۋ، اتا مەكەندى قايتا قۇرۋ قىزمەتى جونىندە تاعى دا ماڭىزدى نۇسقاۋ بەرىپ، شينجياڭ گۇما اۋدانىندا «3 - شىلدە» جەر سىلكىنىسى اپاتى تۋىلعاننان كەيىن شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ ءار ۇلت كادرلارى مەن بۇقاراسىن اپاتقا قارسى اتتانىپ، اپاتتان قۇتقارۋ قىزمەتىنە بەلسەنە ۇيىمداستىرىپ، اپات اكەلگەن زياندى بارىنشا ازايتقاندىعىن تۇراقتاندىردى. ول بىلاي دەپ باسا دارىپتەدى: وسى جولعى جەر سىلكىنىسى اپاتىندا بۇقارا قازا بولۋ جانە جارالانۋ جاعدايى كورىلىپ، نەگىزگى قۇرىلعىلار مەن ۇيلەر اۋىر دارەجەدە ءبۇلدىرىلىپ، حالىق بۇقاراسىنىڭ ءوندىرىسى مەن تۇرمىسىنا اۋىر زيان جەتكىزدى، وتە – موتە، اپات وڭىردە رايوندا از ۇلتتار شوعىرلى قونىستانعان، جاراتىلىستىق شارت – جاعدايى ناشار، كەدەي جان سانى كوپ، ءوندىرىس ارقىلى ءوزىن قۇتقارۋ جانە اپاتتان كەيىنگى ءوندىرىستى قالپىنا كەلتىرۋ، اتا مەكەندى قايتا قۇرۋ قۋاتى ءالسىز، پارتيا ورتالىق كوميتەتى مەن مەملەكەتتىك كەڭەس جانە قاتىستى تاراۋلار اپات تۋىلعان ءوڭىردىڭ ءوندىرىستى قالپىنا كەلتىرۋ، اتا مەكەندى قايتا قۇرۋىن قولداۋ جانە وعان كومەك بەرۋ ءىسىن ۇلتتار ىنتىماعىن كۇشەيتەتىن، شەكارانىڭ ورنىقتىلىعىن قورعايتىن، از ۇلتتاردى كەدەيلىكتەن ارىلتۋ اياق الىسىن جەدەلدەتەتىن، جەرگىلىكتى ورىننىڭ ەكونوميكاسى مەن قوعامىنىڭ دامۋىن جەبەيتىن ماڭىزدى مىندەت رەتىندە مىقتى يگەرىپ، وعان ەرەكشە قولداۋ كورسەتىپ، قىس كىرۋدەن بۇرىن بۇقارانىڭ تۇرعىن ۇيگە كوشىپ كىرۋ ماسەلەسىن شەشىپ، بۇقارانىڭ قىس قىرىنان امان شىعۋىنا كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتپە جازىپ، قاتىستى تاراۋلاردىڭ گۇما اۋدانىنداعى جەر سىلكىنىسى اپاتىنان كەيىنگى قالپىنا كەلتىرۋ، قايتا قۇرۋ ىستەرىنە قولداۋ كورسەتۋگە قاتىستى شارالاردى زەرتتەپ جانە اتقارىپ، اپاتقا ۇشىراعان ءار ۇلت حالىق بۇقاراسىن ۋاقتىلى ورنالاستىرۋ مەن قىستان شىعاتىن تۇرعىن ءۇي قۇرىلىسىن ءتۇيىندى تۇردە ويداعىداي ىستەۋىن، ءالسىز بۋىنداردى كۇشەيتۋ ارقىلى شينجياڭنىڭ اپاتتان ساقتانۋ، اپات زيانىن ازايتۋ جانە اپاتقا قارسى اتتانۋ قۋاتىن جوعارىلاتۋىن تالاپ ەتتى.
شىلدەنىڭ 3 – كۇنى گۇما اۋدانىندا 6.5 بال جەر سىلكىنىسى تۋىلىپ، قازىرگە دەيىن 3 ادام ءولىپ، 263 ادام جارالاندى، 236 مىڭ ادام اپاتقا ۇشىراپ، 300 مىڭ ءۇي ءبۇلىندى. جەر سىلكىنىسى تۋىلعاننان كەيىن، ج ك پ ورتالىق كوميتەتى مەن مەملەكەتتىك كەڭەس وعان وسكەلەڭ نازار اۋداردى، شي جينپيڭ جەر سىلكىنىسى تۋىلا سالىسىمەن اپاتقا ۇشىراعان ءار ۇلت حالىق بۇقاراسىنان حال سۇرايتىندىعىن ءبىلدىرىپ، جارالانعانداردى كۇش سالا قۇتقارۋدى – ەمدەۋدى، حالىق بۇقاراسىنىڭ تۇرمىسىن ويداعىداي ورنالاستىرۋدى، جەر سىلكىنىسىنە قارسى اتتانىپ، اپاتتان قۇتقارۋدى، اتا مەكەندى قالپىنا كەلتىرۋدى، قايتا قۇرۋدى تالاپ ەتتى. لي كىچياڭ اپات جاعدايى مەن ادامداردىڭ جارالانۋ جاعدايىن اداقتاۋدى مىقتى يگەرىپ، اپاتتان قۇتقارۋ، اپات زيانىن ازايتۋ قىزمەتىن جەدەل ورىستەتۋدى تالاپ ەتتى.
پارتيا ورتالىق كوميتەتى مەن مەملەكەتتىك كەڭەستىڭ ءبىر تۇتاس ورنالاستىرۋىندا، ورتالىق پەن مەملەكەتتىڭ مينىستيرلىك - كوميتەتتەرىنىڭ قولداۋىندا، شينجياڭ ۇيعۇر اۆتونوميالى رايوندىق پارتكوم مەن ۇكىمەت حالىق جۇرتشىلىعىنىڭ باس اماندىعىن ماڭداي الدى ورىنعا قويىپ، جارالىلاردى كۇش سالا قۇتقارىپ، اپاتقا ۇشىراعان بۇقارانىڭ تۇرمىسىن ويداعىداي ورنالاستىرىپ، اپاتقا قارسى اتتانۋ، اپاتتان قۇتقارۋ قىزمەتىن جاقسى ورنالاستىردى.
كەزەكتە اپاتقا ۇشىراعان رايوننىڭ قوعامى ورنىقتى، ءوندىرىس - تۇرمىسى ءتارتىپتى، شۇعىل جاعدايعا توتەپ بەرۋ، قۇتقارۋ جانە ۋاقىتتىق ورنالاستىرۋ قىزمەتتەرىندە كەزەڭدىك تابىستارعا قول جەتكىزىلدى. كەزەكتە شينجياڭ ۇيعۇر اۆتونوميالى رايونى مەن قاتىستى تاراۋلار شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، ءوندىرىستى قالىپىنا كەلتىرىپ، مەكەندى قايتا قۇرۋدى ماڭىزدى مىندەت رەتىندە قاراپ، ۋاقىتتىق ورنالاستىرۋ قىزمەتىن بايىپتىلىقپەن ىستەپ، اپاتقا ۇشىراعان بۇقارانىڭ قىستا وتىراتىن ءۇيى بولۋىنا كەپىلدىك ەتىپ، اپاتتان كەيىنگى قايتا قۇرۋدى باستاپ، اپاتقا قارسى اتتانۋ، اپاتتان قۇتقارۋ قىزمەتىندە جاپپاي جەڭىسكە جەتۋگە كۇش سالۋىمىز كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
