لي كىچياڭ قاقپا اشۋدى پارمەندى جەبەپ، رەفورمانى قامشىلادى

مەملەكەتتىك كەڭەستىڭ ۇنەمىلىك ىستەر ماجىلىسىندە قاقپا اشۋمەن قامشىلاۋ مەحانيزمىن ورناتۋ، قاقپا اشۋمەن جاڭا كەزەڭدەگى رەفورمانى جەبەۋ 13 – رەت ورنالاستىرىلدى

2015.08.04 16:22   كەلۋ قاينارى : حالىق تورابى

　　2014 – جىلى 18 – قىركۇيەكتە شاڭحاي ەركىن ساۋدا رايونىندا كاسىپورىنداردىڭ شەكتەلگەن سالالار تىزىمدىگىن باسقارۋ جونىندەگى ىزدەنىس 3 ۇستەل قۇجاتپەن زۇڭليگە كورسەتىلدى: جاسىل ۇستەلگە رەفورما جۇرگىزۋدىڭ الدىندا شەكتەۋ شاراسى اتقارىلعان 186 قۇجات قويىلعان، كوك ۇستەلگە رەتتەلگەن 151 قۇجات قويىلعان، سارعىلت ۇستەلگە قازىر قالعان 35 قۇجات قويىلعان. زۇڭلي جارىمى بوساپ قالعان سارعىلت ۇستەلدى نۇسقاپ: شەكتەلگەن سالالار تىزىمدىگىن ءۇرتىس ازايتىپ، بازارعا ءتىپتى دە زور دامۋ اياسىن جاراتۋ كەرەك! – دەدى.

　　دۇنيە جۇزىنە ايگىلى جەدەل جەتكىزۋ سەرىكتىكتەر توبى جورالار قوعامىنىڭ ءتوراعاسى شۆەدكە جۇڭگونىڭ زۇڭليى مىناداي ۋادە بەردى: جۇڭگو بازاردى ءتىپتى دە كەڭ، ءتارتىپتى اشادى، زات اينالىسى كاسىبىندە اناعۇرلىم ءادىل باسەكەلى بازار قالىپتاستىرادى.

　　لي كىچياڭ سونىمەن بىرگە شۆەدكە: جۇڭگوداعى كاسىپتەستەرمەن باسەكەلەسۋگە ىشتەي تولىق دايىندالۋىڭىز كەرەك، دەگەن ىزگى نيەتتى ەسكەرتۋ بەردى.

　　بۇل 2014 – جىلى ناۋرىزدا وتكىزىلگەن جۇڭگونىڭ دامۋى جونىندەگى جوعارى جىكتەگىلەر تالقى مىنبەرىنىڭ جىلدىق ماجىلىسىندەگى كورىنىس ەدى.

　　جارىم جىلدان كەيىن لي كىچياڭ زۇڭلي باسقارىپ اشقان ءبىر رەتكى مەملەكەتتىك كەڭەستىڭ ۇنەمىلىك ىستەر ماجىلىسىندە ەل ىشىندەگى پوچتالىق قالتانى جەدەل جەتكىزۋ بازارىن جاپپاي اشۋ، رۇقسات بەرۋ شارتىنا ۇيلەسەتىن شەتەل قارجى قوسقان جەدەل جەتكىزۋ كاسىپورىندارىنا بەلگىلەنگەن كاسىپ كولەمى جانە تيجارات ءوڭىرى بويىنشا تيجارات كۋالىگىن بەرۋ ۇيعارىلدى.

　　لي كىچياڭ: «ەل ءىشى بازارىن اناعۇرلىم اشۋ، ەل ءىشى – سىرتىنداعى جەدەل جەتكىزۋ كاسىپورىندارىن باسەكەلەستىرۋ ەل ىشىندەگى كاسىپورىنداردى تيجارات باسقارۋىن اناعۇرلىم جاقسارتۋعا، قىزمەت وتەۋ دەڭگەيىن جوعارىلاتۋعا قامشىلايدى، تۇتىنۋشىلارعا ءتىپتى دە كوپ تاڭداۋ ورايىن جاراتىپ بەرەدى» دەپ ايقىن اتاپ كورسەتتى.

　　مەملەكەتتىك كەڭەستىڭ بۇرىنعى ۇنەمىلىك ىستەر ماجىلىسىندە مۇنداي جاعداي از ۇشىراعان جوق. قازىرگە دەيىن 13 رەتكى كەڭەس تاقىرىبى قاقپا اشۋمەن تىكەلەي قاتىستى بولدى.

　　قاقپا اشۋ رەفورما سەكىلدى وسى كەزەكتى ۇكىمەتتىڭ ەڭ ايقىن بەلگىسىنە اينالدى. ۇنەمىلىك ىستەر ءماجىلىسى اشىلاتىن مەملەكەتتىك كەڭەستىڭ ءبىرىنشى جيىن بولمەسى دۇنيە جۇزىنە تۇتاساتىن قاقپا اشۋدا.

　　كەلۋ قاينارى: حالىق تورابى