- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭىنا بايلانىستى كومەك بەرۋ، ءبىر ءجايلى ەتۋ جانە ەلىمىز بويىنشا ءوندىرىس حاۋىپسىزدىگى قىزمەتىن جاقسى ىستەۋ جونىندە ىشكەرىلەي ورنالاستىرۋ جاسادى
2015.08.25 14:55 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 20 - تامىزدا بەيجيڭنەن بەرگەن حابارى. تاياۋدا مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭىنا بايلانىستى كومەك بەرۋ، ءبىر ءجايلى ەتۋ جانە ەلىمىز بويىنشا ءوندىرىس حاۋىپسىزدىگى قىزمەتىن اناعۇرلىم جاقسى ىستەۋدى تالاپ ەتتى.
ءماجىلىس مىنانى اتاپ كورسەتتى: تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭىندا ءولىم - ءجىتىم، مال - مۇلىك شىعىنى اۋىر بولدى، ونىڭ ۇستىنە الەۋمەتتىك حاۋىپسىزدىككە قاتەر ءتوندىردى. پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى بويىنشا، مەملەكەتتىك كەڭەس دەرەۋ قىزمەت گرۋپپاسىن شىعارىپ، كومەك بەرۋ، ءبىر ءجايلى ەتۋ قىزمەتىنە جەتەكشىلىك ەتتى، تيانجين قالاسى، قاتىستى تاراۋلار، ازاتتىق ارميا، قارۋلى ساقشى بولىمدەرى دەرەۋ اتتانىسقا كەلىپ تىعىز سەلبەستى، اسىرەسە ءورت ءوشىرۋ، ورتتەن ساقتانۋ كوماندير - جاۋىنگەرلەرى ەرلىكپەن شايقاسىپ، ۇلكەن قۇرباندىق بەردى. ءار جاقتىڭ قۇلشىنۋىندا قازىر شىرعالاڭعا بايلانىستى كومەك بەرۋ، شۇعىل ءبىر ءجايلى ەتۋ قىزمەتىندە كەزەڭدىك تابىسقا قول جەتتى.
ءماجىلىس مىنانى اتاپ كورسەتتى: شىرعالاڭعا بايلانىستى كومەك بەرۋ، ءبىر ءجايلى ەتۋ جۇمىسى ءالى دە شەشۋشى كەزەڭدە تۇر، قازا بولعانداردىڭ سوڭعى جۇمىستارىنا قاتىستى قىزمەتتەر توتەنشە كۇردەلى ءارى جاپالى. ج ك پ ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ تالابى بويىنشا، حالىق بۇقاراسىنا وسكەلەڭ جاۋاپتى بولۋ پۋزيتسياسىمەن، مىناداي تۇيىندەردى مىقتى يگەرۋ قاجەت:
ءبىرىنشى، ءومىردى بارىنەن جوعارى قويۋدان جازباي، ءىز - توزسىز كەتكەندەردى ۇزدىكسىز بار كۇشپەن ىزدەپ، دەرەكسىز كەتكەندەر مەن قازا بولعانداردى انىقتاۋ جۇمىسىن مىقتى يگەرۋ؛ ءار جاقتاعى كۇشتى شوعىرلاندىرىپ، جارالانعانداردى اسىرەسە حال ۇستىندە جاتقانداردى، اۋىر جارالانعانداردى ەمدەۋ، قۇتقارۋ قىزمەتىن جاقسى ىستەپ، دەنساۋلىقتارىنىڭ ەرتەرەك قالپىنا كەلۋىنە مۇمكىندىك جاساۋ كەرەك.
ەكىنشى، ەڭ وزىق جابدىقتار مەن ەڭ قۋاتتى كاسىپتىك كۇشتەردەن پايدالانىپ، ۋلى، زياندى زاتتاردى تەكسەرۋ كولەمىن كەڭەيتىپ، قاتەرلى بۇيىمداردى عىلمي ءبىر ءجايلى ەتۋدى مىقتى يگەرىپ، ماڭايداعى قۇرىلىستاردىڭ حاۋىپسىزدىگىن تەكسەرىپ، قيراندىلاردى تازالاۋ؛ اۋا، سۋ، توپىراق سياقتى قورشاعان ورتاعا قاتىستى ساندى مالىمەتتەردى ءوز ۋاعىندا جاريالاپ، قورشاعان ورتاعا جاسايتىن ىقپالىن عىلمي باعامداپ، دەر كەزىندە سايكەستى شارا قولدانۋ كەرەك. دەنساۋلىققا زيان جەتكىزەتىن اۋىر شىرعالاڭداردىڭ تۋىلۋىنا استە بولمايدى.
ءۇشىنشى، قازا بولعانداردىڭ سوڭعى جۇمىسىن شىن مانىندە جاقسى ىستەۋ كەرەك. قۇربان بولعان كوماندير - جاۋىنگەرلەرگە بىردەي قۇربان اتاعىن بەرۋ، كومەك، قوسىمشا قاراجاتتى دا تەڭ بەرىپ، ولاردىڭ تۋىس - تۋعاندارىنىڭ كوڭىلىن اۋلاپ جۇباتۋ كەرەك. تيانجين قالاسى قيراعان قۇرىلىستاردى ءبىر ءجايلى ەتۋ، قازا بولعانداردىڭ ارتقى جۇمىسى سياقتى قاتىستى ينفورماتسيالاردى دەر كەزىندە، دۇرىس جاريالاپ، بۇقارانىڭ كوڭىل كۇيىن ورنىقتىرۋ قىزمەتىن ىشكەرىلەي دەن قويا ىستەۋ كەرەك.
ءتورتىنشى، شىرعالاڭدى تەكسەرۋ، ءبىر ءجايلى ەتۋ قىزمەتىن قاتاڭ، مۇقيات ىستەپ، شىرعالاڭنىڭ تۋىلۋ سەبەبىن تۇبەگەيلى انىقتاپ، شىرعالاڭ تۋىلعان كاسىپورىنداردىڭ تيجارات كولەمىن وزگەرتۋىن تەكسەرىپ بەكىتۋ، حاۋىپسىزدىگتى باعالاۋ، قورشاعان ورتانى باعالاۋ، قاتەرلى بۇيىمداردىڭ حاۋىپسىزدىگىن باقىلاپ - باسقارۋ سياقتى بۋىنداردىڭ جاۋاپكەرشىلىگىن ءبىر - بىردەن تۇراقتاندىرىپ، ونى ادامدارعا تياناقتاندىرىپ، جاۋاپكەرشىلىكتى قاتاڭ قۋزاستىرۋ، استە اياماۋ قاجەت. ىستەمەي الماۋ، ويىنا كەلگەنىن ىستەۋدەي باسقارۋداعى جاۋاپكەرشىلىكتى دە باتىل قۋزاپ، حالىق بۇقاراسىنا جاۋاپكەرشىلىك تۇرعىسىنان جاۋاپ بەرۋ ءتيىس.
بەسىنشى، كومەك بەرۋ، ءبىر ءجايلى ەتۋ جانە قازا بولعانداردىڭ سوڭعى جۇمىسىن ءبىر ءجايلى ەتۋ قىزمەتىن جاقسى ىستەۋمەن بىرگە، اپاتقا ۇشىراعان قاۋىمنىڭ قىزمەت، تۇرمىس جانە بالالارىن بالا باقشاسىنا، مەكتەپكە بەرۋ سياقتى جۇمىستاردى ىلايىقتى ورنالاستىرىپ، قالىپتى ءوندىرىس، تۇرمىس ءتارتىبىن تەز ارادا قالىپىنا كەلتىرۋ؛ قوعام اماندىعىن باسقارۋدى كۇشەيتىپ، قوعامنىڭ جاراسىمدىلىعى مەن ورنىقتىلىعىن قورعاۋ كەرەك.
التىنشى، تەرەڭ تاجىريبە، ساباق الۋ كەرەك. جەر - جەر، تاراۋلار مەملەكەتتىك كەڭەستىڭ فۋنكتسياعا بۇرىلىس جاساۋ بارىسىندا ءوندىرىس حاۋىپسىزدىگىن كۇشەيتۋ، ازىق - تۇلىك، ءدارى - دارمەك سياقتى حالىق تۇرمىسىنا قاتىستى ماڭىزدى سالالاردى باقىلاپ - باسقارۋدى كورنەكتىلەندىرۋ تالابى بويىنشا، مەملەكەتتىك كەڭەستىڭ ءوندىرىس حاۋىپسىزدىگى قىزمەتى جونىندەگى مەملەكەتتىك تەلەۆيزور، تەلەفون ماجىلىسىندەگى ورنالاستىرۋى بويىنشا، ءوندىرىس حاۋىپسىزدىگىن جاپپاي تەكسەرىپ، قاتاڭ ولشەم بويىنشا تەكسەرىپ، ولقىلىقتاردىڭ ورنىن تولىقتاپ، ءوندىرىس حاۋىپسىزدىگى جاۋاپكەرشىلىگىن كەسكىن شارالارمەن تياناقتاندىرىپ، حالىقاراداعى وزىق تاجىريبەلەردەن پايدالانىپ، ءار الۋان شىرعالاڭعا اسىرەسە قاتەرلى بۇيىمدار شىرعالاڭىنا شۇعىل توتەپ بەرۋ جوباسىن كەمەلدەندىرىپ، ەرەكشە اۋىر شىرعالاڭ تۋىلۋ كومەسكى حاۋىپتەرىن تۇبىرىنەن الاستاپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن شىن مانىندە قورعاۋ قاجەت. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
