- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ 26 - رەتكى توپتىق ۇيرەنۋىندە ءارقاشان ەستە بەرىك ساقتاپ، ءارقانداي ىستە تاباندى بولىپ، ءارقانداي جاعدايدا العا ۇمتىلىپ، ءتۇرلى قىزمەتتەردى قاتاڭ، شىنايى بولۋ رۋحىمەن جاقسى ىستەۋدى باسا دارىپتەدى
2015.09.14 13:21 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 12 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 11 - قىركۇيەك تۇستەن كەيىن، «ۇشتە قاتاڭ، ۇشتە شىنايى بولۋدى» امالياتتا ايگىلەۋ جونىندە 26 - رەتكى توپتىق ۇيرەنۋىن وتكىزدى.
ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنانى باسا دارىپتەدى: پارتيا ورتالىق كوميتەتى وسى رەتكى ارناۋلى تاربيە قيمىلىن ورنالاستىرعاندا، جوعارى ارقىلى تومەنگە جەتەكشىلىك ەتۋدى العا قويدى، ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋى «ۇشتە قاتاڭ، ۇشتە شىنايى بولۋدى» تاقىرىپ ەتكەن، وسى تالاپتى تياناقتاندىرۋداعى ناقتى ارەكەت. ورتالىق كوميتەتتىڭ ساياسي بيۋروسىنداعى جولداستار ونەگە كورسەتىپ، بۇكىل پارتياعا ۇلگى بولۋى كەرەك. «ۇشتە قاتاڭ، ۇشتە شىنايى بولۋ» − ءبىزدىڭ الدىمىزدا كۇن سايىن قويىلاتىن تالاپ، كوپشىلىك ءارقاشان ەستە بەرىك ساقتاپ، ءارقانداي ىستە تاباندى بولىپ، ءارقانداي جاعدايدا العا ۇمتىلىپ، اقيقاتتان جازباۋعا، قاتەلىكتى تۇزەتۋگە قاشاندا ساقاداي ساي تۇرۋى، پارتيا مەن حالىققا ءتيىمدى ىستەردى باتىلدىقپەن قايراتتانا، تىنباي ىستەۋى؛ پارتيا مەن حالىققا ءتيىمسىز ىستەردى باتىل، تۇبەگەيلى، تاباندا تۇزەتۋى كەرەك.
شي جينپيڭ ۇيرەنۋ قيمىلىن باسقارعاندا ءسوز سويلەپ، مىنانى اتاپ كورسەتتى: اۋدان، باسقارما دارەجەلىدەن جوعارى باسشى كادرلار اراسىندا «ۇشتە قاتاڭ، ۇشتە شىنايى بولۋ» ارناۋلى تاربيەسىن ورىستەتۋ − بيىلعى پارتيا قۇرىلىسىنداعى ماڭىزدى قىزمەت تۇيىندەرىنىڭ ءبىرى. ءساۋىر ايىنىڭ اياعىندا ءبىز «ۇشتە قاتاڭ، ۇشتە شىنايى بولۋ» تاقىرىپتىق تاربيەسىن ورىستەتۋ جونىندە ورنالاستىرۋ جاساعان بولاتىنبىز، سودان بەرى ءار دارەجەلى پارتكوم توپتىق ۇيرەنۋ، ارناۋلى تاقىرىپتاعى پارتيا ساباعى، ارناۋلى تاقىرىپتاعى تالقى، تەكسەرۋ - ورتاعا سالۋ، رەتتەۋ - تۇزەتۋ سىندى 4 جاقتاعى قىزمەتتى ءتۇيىندى تۇردە مىقتى يگەردى. ورتالىق كوميتەت ساياسي بيۋروسىنداعى جولداستار ءوز قىزمەت ورىندارىندا، تۇرعان جەرلەرىندە، وزدەرى جاۋاپتى بولعان سالالاردا پارتيا ساباعىن ءوتتى، ولكە، مينيسترلىك دارەجەلى نەگىزگى جاۋاپتى جولداستار مەن قالالىق، اۋداندىق پارتكوم شۋجيلەرى دە پارتيا ساباعىن ءوتىپ، قاتاڭ، شىنايى بولماۋدىڭ ناقتى بەينەلەرى مەن اۋىر زاردابىن اشىق ءتۇسىندىردى ءارى «ۇشتە قاتاڭ، ۇشتە شىنايى بولۋ» تالابىن تياناقتاندىرۋدىڭ ناقتى شارالارىن دا اشىق ايتتى. رايوندار، تاراۋلار، ورىندار پارتيالىق شىڭالۋ، مۇرات - سەنىمدى بەكەمدەۋ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋ، جۇمىستا، شارۋاشىلىق قۇرۋدا، ادام بولۋدا شىنايى بولۋ توڭىرەگىندە تالقى ورىستەتىپ، قاتاڭ، شىنايى بولماۋ ماسەلەلەرىن مۇقيات تەكسەرىپ، تاباندا اتقارىپ، تاباندا تۇزەتىپ وتىردى. «ۇشتە قاتاڭ، ۇشتە شىنايى بولۋ» ارناۋلى تاربيەسىنىڭ باعىتتامالىلىعى كۇشتى، ول يدەيا، ستيل، پارتيالىق جاقتاعى تاعى ءبىر رەتكى شوعىرلى «كالتسي تولىقتاۋ» جانە «قايراتتانۋ» رەتىندە پارتيانى قاتاڭ باسقارۋ جاعدايىن ونان ارى نىعايتىپ، باسشى كادرلاردىڭ ۇلگىلىك رولىن ونان ارى كورنەكتىلەندىردى.
شي جينپيڭ مىنانى باسا دارىپتەدى: «ۇشتە قاتاڭ، ۇشتە شىنايى بولۋدى» ايگىلەۋدە، ءتۇپ نەگىزدى نىعايتىپ، رۋحاني تىرەكتى بەرىكتەۋ؛ ەگجەي - تەگجەيلى، تۇبەگەيلى تياناقتاندىرۋدا ۇساق ىستەرگە دەيىن باسا ءمان بەرۋ؛ كەرەكسىزدەرىن قالدىرىپ، قاتەلەرىن تۇزەتىپ، ىرىقتىلىقپەن وزگەرتۋ، ورەنى ءوسىرۋ؛ جاقسى اقىلدى ىركىلىسسىز قابىلداۋ، باقىلاۋدى سانالى تۇردە قابىل الۋ كەرەك. كوممۋنيستەردىڭ ءتۇپ تياناعى − ماركسيزمگە، كوممۋنيزمگە، سوتسياليزمگە دەگەن سەنىم، پارتيا مەن حالىققا دەگەن ادالدىق. قاسيەتتى ساقتاپ، نەگىزدى بەكەمدەۋ ءۇشىن، وسى سەنىمدى، وسى ادالدىقتى كۇشەيتۋ كەرەك، قاسيەتتى ساقتاپ، نەگىزدى بەكەمدەۋگە كۇش سالعاندا عانا، قۇدىرەتتى قارسىلىق قۋات پايدا بولادى. شىڭالۋ، ۇقىقتان پايدالانۋ، تارتىپشەڭ بولۋ، جۇمىس تۋرالى تولعانۋ، شارۋاشىلىق قۇرۋ، ادام بولۋ باسشى كادرلاردىڭ قىزمەت، تۇرمىسىنىڭ بارلىق جاعىمەن ساباقتاسىپ جاتىر. قاتاڭ، شىنايى بولۋ ءبىر - بىرلەپ ىستەۋدەن بىرتىندەپ جينالادى، سوندىقتان ونى دەن قويا ەگجەي - تەگجەيلى تياناقتاندىرۋ، ءاربىر ءىستى ىجداعاتتىلىقپەن ىستەۋ، ماسەلەلەردى اسقىندىرماي الاستاپ وتىرۋ كەرەك. جولداستاردىڭ بارلىعىندا ءوزىن وزگەرتۋ، ءوز دەڭگەيىن ءوسىرۋ قىزمەت جاۋاپكەرلىگى بولۋى، يدەيالىق شاڭ - توزاڭدى تازالاپ، ناشار ادەتتەردەن ارىلۋى كەرەك، قاتە ءسوز - ارەكەتتەردى تۇزەتۋ ماڭگى جالعاسا بەرەدى. باسشى كادرلار «ۇشتە قاتاڭ، ۇشتە شىنايى بولۋدى» امالياتتا ايگىلەۋدە وزدەرىنىڭ قۇلشىنىسىنا ءارى پارتيا مەن حالىقتىڭ باقىلاۋىنا سۇيەنۋى كەرەك. پارتيامىزدىڭ ۇيىمشىلدىعى مەن تارتىپشەڭدىگى اسا كۇشتى، پارتيانىڭ تۇپكى ماقساتى − بار ىنتا - پەيىلمەن حالىق ءۇشىن قىزمەت ەتۋ، ۇيىم مەن حالىقتىڭ باقىلاۋىن قابىلداۋ پارتيا ءۇشىن كەسىلمەس شورە. تاجىريبەلەردى قورىتىندىلاپ، ءتۇزىلىس، مەحانيزمدى كەمەلدەندىرىپ، ءار ءتۇرلى باقىلاۋدىڭ اناعۇرلىم ولشەمدى، اناعۇرلىم پارمەندى، اناعۇرلىم ۇتىمدى بولۋىنا مۇمكىندىك جاساۋ كەرەك.
شي جينپيڭ بىلاي دەپ باسا دارىپتەدى: كەلەسى قادامدا «ۇشتە قاتاڭ، ۇشتە شىنايى بولۋ» ارناۋلى تاربيەسىن جۇرگىزۋدە ءار جاقتان تىنباي قۇلشىنۋ كەرەك. پارتكومدار (پارتيا باسشىلىق گرۋپپاسى) سۋبيەكتتىك جاۋاپكەرشىلىكتى كۇشەيتۋى، پارتكوم (پارتيا باسشىلىق گرۋپپاسى) شۋجيلەرى باتىل يگەرىپ، باتىل باسقارىپ، ءوزى ونەگە كورسەتىپ، ەرەجەگە بويسۇنۋدى ناقتى ارەكەتىمەن كورسەتىپ، رەتتەۋدە، تۇزەتۋدە، تياناقتاندىرۋدا ناقتى ونىمگە قول جەتكىزۋى كەرەك. ۇنامدى - ۇنامسىز تيپتەردى اينا ەتۋدەن جازباي، ۇيىمنىڭ كۇشىن، باسشىلىق القانىڭ كۇشىن، جەكە ادامنىڭ كۇشىن، بۇقارانىڭ كۇشىن ءوزارا ۇشتاستىرىپ، قاتاڭ، شىنايى بولماۋ جاعىنداعى كورنەكتى ماسەلەلەردى تابۋعا جانە شەشۋگە كۇش سالۋ كەرەك. ارناۋلى دەموكراتيالىق تۇرمىس جيىنى مەن ۇيىمدىق تۇرمىس جيىنىن ويداعىداي اشىپ، باسشىلىق القا مەن جەكەلەردىڭ ءىس جۇزىندىك جاعدايىمەن بايلانىستىرا ماسەلەلەردى ىشكەرىلەي تەكسەرىپ، ورتاعا سالىپ، سىن جانە ءوز - وزىنە سىندى قاتاڭ، مۇقيات ورىستەتۋ كەرەك. وسى نەگىزدە ىلگەرىلەگەن تۇردە ەرەجە ورناتىپ، ءتارتىپتى اتقارىپ، باسشى كادرلاردىڭ «ۇشتە قاتاڭ، ۇشتە شىنايى بولۋدى» امالياتتا ايگىلەۋىنىڭ تۇزىمدەنۋىن، ۇدايىلانۋىن، ۇزاق ۋاقىت ءونىم كورسەتۋىن جەبەۋ كەرەك. ارناۋلى تاربيەنى رەفورما، دامۋ، ورنىقتىلىق قىزمەتىن ىلگەرىلەتۋمەن تىعىز ۇشتاستىرىپ، بەلسەندى دە ءورشىل، ىسكەر، سالتى جاقسى، ستيلى دۇرىس تاماشا ساياسي ەكولوگيانى قالىپتاستىرۋعا قۇلشىنىپ، باسشى كادرلاردى ەكونوميكالىق دامۋدىڭ جاڭا قالىبىنا بەلسەنە توتەپ بەرىپ جانە وعان جەتەكشىلىك ەتىپ، قىزمەتتە ءومىر ءسۇرىپ وتىرعان كورنەكتى قايشىلىقتار مەن ماسەلەلەرگە، ءار ءتۇرلى حاۋىپ - قاتەر مەن كومەسكى قاتەرلەرگە بەلسەنە توتەپ بەرىپ، پارتيا مەن مەملەكەتتىڭ ءتۇرلى قىزمەتتەرىن تىڭعىلىقتى تياناقتاندىرۋعا شابىتتاندىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
