- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ ءماجىلىسىن باسقاردى
ءماجىلىس «ەكولوگيالىق وركەنيەت ءتۇزىلىسى رەفورماسى جونىندەگى تۇلعالىق جوبا» مەن «سوتسياليستىك ادەبيەت - كوركەمونەردى گۇلدەندىرۋ، دامىتۋ جونىندەگى پىكىردى» قارادى
2015.09.14 13:22 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 11 - قىركۇيەكتە بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 11 - قىركۇيەكتە ءماجىلىس اشىپ، «ەكولوگيالىق وركەنيەت ءتۇزىلىسى رەفورماسى جونىندەگى تۇلعالىق جوبا» مەن «سوتسياليستىك ادەبيەت - كوركەمونەردى گۇلدەندىرۋ، دامىتۋ جونىندەگى پىكىردى» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: ەكولوگيالىق وركەنيەت ءتۇزىلىسى رەفورماسى − رەفورمانى جاپپاي تەرەڭدەتۋدە بولۋعا ءتيىستى مازمۇن. «ەكولوگيالىق وركەنيەت ءتۇزىلىسى رەفورماسى جونىندەگى تۇلعالىق جوبا» − ەكولوگيالىق وركەنيەت سالاسى رەفورماسى جونىنەن جوعارى دەڭگەيدە جاسالعان جوبا. ەكولوگيالىق وركەنيەت ءتۇزىلىسى رەفورماسىن ىلگەرىلەتۋدە، ەڭ اۋەلى، دۇرىس تانىم ورناتۋ جانە ونى تياناقتاندىرۋ، يدەيانى بىرلىككە كەلتىرۋ، ناقتى قيمىل ارقىلى جەتەكشىلىك ەتۋ كەرەك. تابيعاتقا قۇرمەت ەتۋ، تابيعاتتىڭ ەركىنە بويسۇنۋ، تابيعاتتى قورعاۋ تانىمىن، دامىتۋ مەن قورعاۋدى بىرلىككە كەلتىرۋ تانىمىن، تاماشا تابيعاتتى اسىل قازىنا دەپ ءبىلۋ تانىمىن، تابيعات قۇنى مەن تابيعات كاپيتالى تانىمىن، قورشاعان ورتا ءبىر قالىپتى بولۋ تانىمىن، تاۋ، وزەن، ورمان، اتىز، كول تىرشىلىكتەگى بولىنبەس تۇلعا دەيتىن تانىمىن ورناتۋ كەرەك. ەكولوگيالىق وركەنيەت ءتۇزىلىسى رەفورماسىن ىلگەرىلەتۋدە دۇرىس بەتالىستان، جارتىلىستىق بايلىقتىڭ جالپىلىق سيپاتىنان، قالا، اۋىل قورشاعان ورتاسىن جونگە سالۋ جۇيەسىن بىرلىككە كەلتىرۋدەن، شابىتتاندىرۋ مەن تەجەۋدى قاتار اتقارۋدان، ىرىقتىلىقپەن ات سالىسۋ مەن حالىقارالىق سەلبەستىكتى ءوزارا ۇشتاستىرۋدان، سىناق تۇيىندەرىندە الدىمەن اتقارۋ مەن تۇلعالىق جاقتان سايكەستى ىلگەرىلەتۋدى ءوزارا ۇشتاستىرۋدان جازباۋ كەرەك.
ءماجىلىس مىنانى باسا دارىپتەدى: ەكولوگيالىق وركەنيەت ءتۇزىلىسى رەفورماسىن ىلگەرىلەتۋدە نەگىزدىك سيپاتتى جۇلگەنى بەرىك ورناتۋ، مۇلىك ۇقىعى ايقىن، كوپ سالا ات سالىسقان، شابىتتاندىرۋ مەن تەجەبۋگە بىردەي ءمان بەرىلگەن، جۇيەسى كەمەلدى ەكولوگيالىق وركەنيەت ءتۇزىلىسى جۇيەسىن قالىپتاستىرۋ قاجەت. تاۋەلدىلىگى اشىق، ۇقىق پەن جاۋاپكەرشىلىگى ايقىن، باقىلاپ - باسقارۋى ۇتىمدى جاراتىلىستىق بايلىق مۇلىك ۇقىعى ءتۇزىمىن؛ كەڭىستىك جوباسىن نەگىز، پايدالانۋعا شەك قويۋدى باستى ءتاسىل ەتكەن مەملەكەت جەرى كەڭىستىگىن اشۋ، قورعاۋ ءتۇزىمىن؛ كەڭىستىكتى جونگە سالۋ مەن كەڭىستىك قۇرىلىمىن ساپالىلاندىرۋدى باستى مازمۇن ەتكەن، ەلىمىز بويىنشا بىرلىككە كەلگەن، ءوزارا ۇشتاستىرىلعان، دارەجە بويىنشا باسقارىلعان كەڭىستىك جوباسى جۇيەسىن؛ بايلىق جالپى مولشەرىن باسقارۋ مەن جان - جاقتى ۇنەمدەۋدىڭ تولىق جالپىلاسقان، عىلمي، جۇيەلى، قاتاڭ باسقارۋ ءتۇزىمىن؛ بازارداعى قامداۋ، قاجەتسىنۋ جاعدايى مەن بايلىقتىڭ تاپشىلىق دەڭگەيىن اڭعارتاتىن، جاراتىلىستىق قۇنى مەن ءار داۋىردەگى پايدالانۋ جانە تولەم بەرۋ جاعدايىن بەينەلەيتىن، بايلىقتان اقىلى پايدالانۋ جانە ەكولوگيالىق تولەم بەرۋ ءتۇزىمىن؛ قورشاعان ورتا ساپاسىن جاقسارتۋدى نازارعا الىپ، قورشاعان ورتانى جونگە سالۋدىڭ باقىلاپ - باسقارۋى بىرلىككە كەلگەن، زاڭنىڭ اتقارىلۋى قاتاڭ، ايقىن، كوپ جاق ات سالىسقان باسقارۋ جۇيەسىن؛ ەكولوگيالىق سۇيمەننەن پايدالانىپ، قورشاعان ورتانى جونگە سالۋ مەن ەكولوگيالىق ورتانى قورعاۋدىڭ بازار جۇيەسىن؛ بايلىق قۇراۋىن، قورشاعان ورتانىڭ ءبۇلىنۋىن، ەكولوگيالىق ونىمدىلىكتى تولىق بەينەلەيتىن ەكولوگيالىق وركەنيەت جەمىسىن باعالاۋ جانە جاۋاپكەرشىلىكتى قۋزاستىرۋ ءتۇزىمىن ورناتۋ كەرەك.
ءماجىلىس مىنانى تالاپ ەتتى: جەر - جەر، تاراۋلار رەفورما، دامۋ جالپى جاعدايى تۇرعىسىنان، ەكولوگيالىق وركەنيەت ءتۇزىلىسى رەفورماسىنىڭ كەلەلى ءمانىن جەتە تانىپ، جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى كۇشەيتىپ، ەكولوگيالىق وركەنيەت ءتۇزىلىسى رەفورماسىن تىڭعىلىقتى ىلگەرىلەتىپ، ەلىمىزدىڭ ەكولوگيالىق وركەنيەت قۇرىلىسى دەڭگەيىن جاپپاي جوعارىلاتۋ كەرەك.
ءماجىلىس مىنانى اتاپ كورسەتتى: ادەبيەت - كوركەمونەر − ۇلت رۋحىنىڭ الاۋى، ءداۋىردىڭ العا باسۋ ۇرانى. جۇڭحۋا ۇلتىنىڭ ۇلى كوركەيىپ - گۇلدەنۋىن جۇزەگە اسىرۋ جۇڭحۋا مادەنيەتىنىڭ كوركەيىپ - گۇلدەنۋىنەن ادەبيەت - كوركەمونەر ىستەرىنىڭ كوركەيىپ - گۇلدەنۋىنەن قول ۇزە المايدى. رۋحاني تۋدى بيىك ۇستاۋ، رۋحاني تىرەكتى بەكەمدەۋ، رۋحاني مەكەندى گۇلدەندىرۋ − زامانىمىزداعى جۇڭگو كوركەمونەرىنىڭ وسكەلەڭ بورىشى. جۇڭگو رۋحىن ساۋلەلەندىرۋ، جۇڭگو قۇنىن دارىپتەۋ، جۇڭگو كۇش - قۋاتىن ۇيىستىرۋ − ادەبيەت - كوركەمونەر قىزمەتكەرلەرىنىڭ قاسيەتتى بورىشى.
ءماجىلىس مىنانى باسا دارىپتەدى: سوتسياليستىك كوركەمونەردى كوركەيتۋ، دامىتۋ ءۇشىن، ءسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ، دايەكتىلەندىرىپ، سوتسياليستىك وزىق مادەنيەتتىڭ العا باسۋ بەتالىسىنان جازباي، «ادەبيەت - كوركەمونەر حالىق ءۇشىن، سوتسياليزم ءۇشىن قىزمەت ەتۋ» باعىتى مەن «بارلىق گۇل شەشەك اتۋ، جالپى جارىسىنا ءۇن قاتۋ» باعىتىن جاپپاي دايەكتىلەندىرىپ، ادەبيەت - كوركەمونەر قىزمەتكەرلەرىنە سۇيەنىپ، حالىقتى وزەك ەتۋدەن، سوتسياليستىك وزەكتى قۇن كوزقاراسىن جەتەكشى ەتۋدەن جازباي، امالياتپەن، تۇرمىسپەن، بۇقارامەن ىشكەرىلەي ارالاسىپ، ۇلتتىڭ، ءداۋىردىڭ تالابىنان شىعاتىن كوركەم تۋىندىلاردى كوپتەپ شىعارىپ، حالىقتىڭ رۋحاني مادەنيەت قاجەتىن ۇزدىكسىز قاناعاتتاندىرىپ، سوتسياليستىك مادەنيەتتى قۇدىرەتتى ەل قۇرىپ، «قوس 100 جىلدىق» كۇرەس نىساناسىن جۇزەگە اسىرۋدى، جۇڭگو ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋدى قۇدىرەتتى قۇن جەتەكشى كۇشىمەن، مادەنيەت ۇيىسۋ قۋاتىمەن، رۋحاني قوزعاۋشى كۇشپەن قامداۋ كەرەك.
ءماجىلىس مىنانى باسا دارىپتەدى: سوتسياليستىك ادەبيەت - كوركەمونەردى كوركەيتۋ جانە ونى دامىتۋدا، حالىقتى وزەك ەتكەن جاسامپازدىق بەتالىسىنان جازباي، حالىق ءۇشىن جىرلاپ، حالىق بۇقاراسىنىڭ سىنىنان وتەتىن ولشەم شىعارۋ كەرەك. جۇڭگو ارمانىنىڭ داۋىرلىك تاقىرىبىن ءتۇيىن ەتىپ، سوتسياليستىك وزەكتى قۇن كوزقاراسىن جەتىلدىرىپ جانە ونى ساۋلەلەندىرىپ، وتانشىلدىق اۋەندى اسقاقتاتىپ، جۇڭحۋا تاڭداۋلى ءداستۇرلى مادەنيەتىنە مۇراگەرلىك ەتىپ جانە ونى ساۋلەلەندىرىپ، جۇڭگو رۋحىن سوتسياليستىك ادەبيەت - كوركەمونەر رۋحىنا اينالدىرۋ كەرەك. جاڭالىق اشۋ رۋحىن جاسامپازدىق جالپى بارىسىندا دايەكتىلەندىرىپ، ادەبيەت - كوركەمونەر نازارياسىنا، باعالاۋ قىزمەتىنە باسا ءمان بەرىپ جانە ونى شىن مانىندە نىعايتىپ، توراپ ادەبيەت - كوركەمونەرىن بارىنشا دامىتىپ، ادەبيەت - كوركەمونەر شەبى قۇرىلىسىن كۇشەيتىپ، تاڭداۋلى ادەبيەت - كوركەمونەر تۋىندىلارىن سىرتقا شىعارۋ ءىسىن جەبەۋ كەرەك. يدەيا، ءمورال قۇرىلىسىن ماڭداي الدى ورىنعا قويىپ، ادەبيەت - كوركەمونەر سالاسىنداعى جەتەكشىلەر مەن جوعارى ورەلى ادەبيەت - كوركەمونەر دارىندىلارىن باۋلىپ، جاڭا ادەبيەت - كوركەمونەر ۇيىمدارى مەن جاڭا ادەبيەت - كوركەمونەر بۇقارالىق توپتاردىڭ قىزمەتىن جاقسى ىستەپ، ءمورالدى ءارى ونەرلى ادەبيەت - كوركەمونەر قوسىنىن قۇلشىنا قۇرىپ شىعۋ كەرەك.
ءماجىلىس مىنانى باسا دارىپتەدى: پارتيانىڭ باسشىلىعى − ادەبيەت - كوركەمونەردىڭ كوركەيۋى مەن دامۋىنىڭ ءتۇبىرلى كەپىلى. ءار دارەجەلى پارتكومدار ادەبيەت - كوركەمونەر قىزمەتىن ماڭىزدى كۇن تارتىپكە ەنگىزىپ، ماكرولىق جاقتان جەتەكشىلىك ەتۋدى، ادەبيەت - كوركەمونەر بەتالىسىن مىقتى يگەرۋ كەرەك. ءار دارەجەلى حالىق ۇكىمەتتەرى ادەبيەت - كوركەمونەر ىستەرىن ەكونوميكالىق، قوعامدىق دامۋ جالپى جوباسىنا ەنگىزىپ، ورتالىقتىڭ ادەبيەت - كوركەمونەر ىستەرىنىڭ دامۋىن قولداۋ جونىندەگى ساياساتتارىن تياناقتاندىرىپ، ادەبيەت - كوركەمونەر ىستەرىنىڭ دامۋىن قولدايتىن جەرگىلىكتى ناقتى شارالار بەلگىلەۋى كەرەك. ءار دارەجەلى پارتكومداردىڭ ۇگىت بولىمدەرى ءار جاقتاعى كۇشتى تولىق جۇمىلدىرىپ، ادەبيەت - كوركەمونەر قىزمەتىن جاقسى ىستەپ، پارتكوم ءبىر تۇتاس باسشىلىق ەتكەن، ۇگىت بولىمدەرى باستاماشىلدىقپەن يگەرگەن، مادەنيەت، وقۋ - اعارتۋ، اقپارات - باسپا ءسوز، راديو، تەلەۆيزيا، ادەبيەت، ادەبيەت - كوركەمونەرشىلەر بىرلەستىگى، جازۋشىلار قوعامى سياقتى تاراۋلار مەن ۇيىمدار سايكەستى ىلگەرىلەتكەن، قوعامداعى ءار جاق بەلسەنە ات سالىسقان ادەبيەت - كوركەمونەر قىزمەتى جاڭا جاعدايىن قالىپتاستىرۋى كەرەك. ادەبيەت - كوركەمونەر ورىندارىنىڭ باسشىلىق القاسىن نىعايتىپ، ادەبيەت - كوركەمونەر سالاسىنىڭ پاكتىك قۇرىلىسىن ىلگەرىلەتىپ، كوركەيىپ - گۇلدەنگەن، ادەبيەت - كوركەمونەردىڭ دامىعان تاماشا ورتاسىن قالىپتاستىرۋ كەرەك. رەفورمانى ۇزدىكسىز تەرەڭدەتىپ، ءتۇزىلىس مەحانيزمىن جاڭالاپ، ادەبيەت - كوركەمونەر تۋىندىلارىن باعالاۋدى، سيلاۋدى، باسقارۋدى كۇشەيتىپ جانە جاقسارتىپ، باعالاۋ، سيلاۋ قىزمەتىنىڭ بەدەلى مەن ىقپالىن شىن مانىندە كۇشەيتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
