شي جينپيڭ جۇڭگو مەن ا ق ش – تىڭ ولكە، شتات باستىقتارى تالقى مىنبەسىنە قاتىناستى

2015.09.25 13:50   كەلۋ قاينارى : حالىق تورابى

　　مەملەكەت ءتوراعاسى شي جينپيڭ 22 – قىركۇيەكتە سيەتل قالاسىندا «تازا ەنەرگيا جانە ەكونوميكالىق دامۋ» باس تاقىرىپ ەتىلگەن 3 – رەتكى جۇڭگو مەن ا ق ش – تىڭ ولكە، شتات باستىقتارى تالقى مىنبەسىنە قاتىناسىپ، ءسوز سويلەدى.سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　«حالىق گازەتى»، 22 – قىركۇيەك، ا ق ش سيەتل (تىلشىلەر دۋ شاڭزى، لياۋ جىڭجۇن). مەملەكەت ءتوراعاسى شي جينپيڭ 22 – قىركۇيەكتە سيەتل قالاسىندا «تازا ەنەرگيا جانە ەكونوميكالىق دامۋ» باس تاقىرىپ ەتىلگەن 3 – رەتكى جۇڭگو مەن ا ق ش – نىڭ ولكە، شتات باستىقتارى تالقى مىنبەسىنە قاتىناسىپ، ءسوز سويلەدى (ءسوزدىڭ تولىعىن «حالىق گازەتىنىڭ» 2 – بەتىنەن وقي الاسىزدار).

　　شي جينپيڭ وسى رەتكى ولكە، شتات باستىقتارى تالقى مىنبەسىندە تومەن كومىرتەكتى ەكونوميكانى دامىتۋعا نازار شوعىرلانعانىن القاپ، بۇل جۇڭگو مەن ا ق ش جانە حالىقارالىق قوعام ءدوپ كەلگەن سايىسقا توتەنشە سايكەسەدى دەپ اتاپ كورسەتتى. شي جينپيڭ مىنانى دارىپتەدى: جەرگىلىكتى ورىنداردىڭ سەلبەستىگى مەملەكەت قاتىناسىن دامىتۋدا ماڭىزدى رولعا يە، مەملەكەتتەر ارا قاتىناس تۇپتەپ كەلگەندە حالىقتىڭ قولداۋىنا مۇقتاج، ەڭ سوڭعى تياناعى دا حالىققا قىزمەت وتەۋ. جەرگىلىكتى ورىندار بۇقاراعا ەڭ جاقىن. وتكەن 30 نەشە جىلدا جۇڭگو مەن ا ق ش قاتىناسىنىڭ دامۋى ەكى ەلدىڭ جەرگىلىكتى ورىندارىنىڭ جانە حالىقتارىنىڭ قولداۋىنا سۇيەندى، بولاشاقتا دا جەرگىلىكتى ورىندارعا سۇيەنىپ، جەرگىلىكتى ورىندارعا باقىت جاراتۋ كەرەك. ەكى ەلدەن 43 جۇپ ولكە، شتات، 200 جۇپ قالا دوستىق قاتىناس ورناتتى. قازىرگى جاعدايدا ەكى ەلدىڭ جەرگىلىكتى ورىندارىنىڭ اۋىس – كۇيىس، سەلبەستىك جاساۋ اياسى كەڭ. ەكى جاق ءبىر – ءبىرىنىڭ ابزالدىقتارىن تولىقتاپ، ساۋدا، قارجىلاندىرۋ، اۋىل شارۋاشىلىعى، ينفورماتسيا كاسىبى، اۆتوموبيل كاسىبى، ورتانى قورعاۋ سياقتى جاقتارداعى سەلبەستىكتى كۇشەيتىپ، گۋمانيتارلىق اۋىس – كۇيىسكە، وقۋ – اعارتۋ، ساياحات، دەنەتاربيە، جاستار سياقتى سالالاردا ىستەستىك جاساۋعا ءمان بەرىپ، جۇڭگو مەن ا ق ش – نىڭ جەرگىلىكتى ورىندارىنىڭ سەلبەستىك جاساۋىنىڭ جاڭا داستانىن جازۋى كەرەك.

　　كەلۋ قاينارى: حالىق تورابى