- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ليۋ ياندۇڭ ورتالىق ۋاكىلدەر ۇيىرمەسىنىڭ 2 - گرۋپپاسىن باستاپ حوتانداعى ءار ۇلت كادرلارى مەن بۇقاراسىنان حال سۇرادى
2015.09.28 15:16 كەلۋ قاينارى : شينجياڭ گازەتى
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى ليۋ ياندۇڭ ورتالىق ۋاكىلدەر ۇيىرمەسىنىڭ 2 - گرۋپپاسىن باستاپ حوتان ايماعىنداعى ءار ۇلت كادرلارى مەن بۇقاراسىنان حال سۇراپ، اۋىل - قىستاق، زاۆودتاردى كوزدەن كەشىرىپ، ءار ۇلت كادرلارىمەن، بۇقاراسىمەن ىشكەرىلەي اڭگىمەلەسىپ، اۆتونوميالى رايون قۇرىلعاندىعىنىڭ 60 جىلدىعىن بىرگە قۇتتىقتادى.
حوتان ايماعىنىڭ شينجياڭ ۇيعۇر اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ اڭگىمە ماجىلىسىندە ليۋ ياندۇڭ مىنانى اتاپ كورسەتتى: 60 جىلدان بەرى پارتيا ورتالىق كوميتەتىنىڭ، مەملەكەتتىك كەڭەستىڭ باسا ءمان بەرۋى مەن قاتىستى ولكەلەردىڭ، قالالاردىڭ، تاراۋلاردىڭ پارمەندى قولداۋىندا، ءار ۇلت كادرلارى مەن بۇقاراسىنىڭ ىنتىماقتاسا كۇرەسۋىندە حوتاندا حيكىمەتتى وزگەرىستەر تۋىلىپ، ەكونوميكالىق قۋاتى بىرتىندەپ ارتىپ، حالىق تۇرمىسى ۇزبەي جاقسارىپ، قالا، اۋىلدىڭ بەت - بەينەسى جاڭالانىپ، مەشەۋ قۇبا ءتۇز الاڭسىز تىرشىلىك ەتەتىن باقىتتى مەكەنگە اينالدى. حوتانداعى ءار ۇلت حالقى ءبىر نيەتپەن ىنتىماقتاسىپ، ءوزارا كومەكتەسىپ كەلەدى، جاڭاشا سوتسياليستىك ۇلت قاتىناسى ءتۇرلى سايىستاردان سۇرىنبەي ءوتىپ، اناعۇرلىم بەكەمدەلە ءتۇستى. ول مىنانى اتاپ كورسەتتى: قوعامنىڭ ورنىقتىلىعى مەن باياندى تىنىشتىعى − شينجياڭ قىزمەتىنىڭ باس نىساناسى، كوزدەۋ ءتۇيىنى جانە كۇش سالۋ ءتۇيىنى، سوندىقتان، ءار ۇلت بۇقاراسىنىڭ ءتۇبىرلى مۇددەسى مەن قوعام جالپى جاعدايىنىڭ ورنىقتىلىعىن باتىلدىقپەن قورعاۋ كەرەك. حوتاننىڭ ەرەكشە باسىمدىلىعىن ساۋلەلەندىرىپ، «ءبىر بەلدەۋ، ءبىر جول» قۇرىلىسى ورايىن مىقتاپ يگەرىپ، قارىشتاپ دامۋدى ىلگەرىلەتۋ كەرەك؛ وقۋ - اعارتۋ سىندى ۇزاق ۋاقىتتىق جۇمىستى ويداعىداي جۇرگىزىپ، ەمدەۋ - دەنساۋلىق ساقتاۋ ىستەرىندەگى ولقىلىقتى تولىقتاپ، كەدەيلەردى سۇيەمەلدەۋدەن قامال الۋ شايقاسىن ويداعىداي جاساپ، مادەنيەتتەگى ورتاق تانىمدى نىعايتىپ، ۇلتتاردىڭ جاراسىمدى، تىزە قوسا شايقاس جاسايتىن، ىنتىماقتى، بەرەكەلى، شات - شادىمان ۇلى وتباسىن قۇرۋ كەرەك.
حوتان قالاسىنىڭ ىنتىماق جاڭا قىستاعىندا ليۋ ياندۇڭ وسى قىستاقتىڭ «كىرىكپەلى» دامۋ سىناق ءتۇيىنىنىڭ ءمان - جايىن تاپتەشتەي ۇعىسىپ، ءار ۇلت اۋىلداستارىنىڭ ءبىر - بىرىنە كومەكتەسىپ كەلگەنىن، بۇقارانىڭ تۇرمىسىنىڭ كۇننەن - كۇنگە جاقسارعانىن القادى. ول بىلاي دەدى: ۇلتتاردىڭ ارالاسۋى، ىشتەسۋى، توعىسۋى − قوعامدىق دامۋدىڭ تالاسسىز بەتالىسى، ءار ۇلت بۇقاراسىن ءجيى - ءجيى بارىس - كەلىس جاساۋعا، كوپتەپ پىكىر اۋىستىرۋعا شابىتتاندىرىپ، ءار ۇلت بۇقاراسىنىڭ ءوزارا تۇسىنىسۋىن، ءبىر - ءبىرىن قۇرمەتتەۋىن، باۋىرمال بولۋىن، ءبىر - ءبىرىنىڭ ارتىقشىلىعىن كورە ءبىلۋىن، ءوزارا ۇيرەنۋىن، كومەكتەسۋىن، رۋحتاس، تىلەكتەس بولا وتىرىپ، شىن نيەتىمەن دوستاسىپ، جاراسىمدى كورشىلەردەن بولۋعا جەبەۋ كەرەك.
حوتان قالاسىنىڭ جييا اۋىلى كالتاتيىرمەن قىستاعىندا ليۋ ياندۇڭ شينجياڭ قۇرىلىس ينستيتۋتىنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنان حال سۇراپ، قىستاق دارەجەلى بازا قۇرىلىسى جاعدايىمەن تانىستى ءارى اۋىل - قىستاق ايەلى سايىپجامال ياسىن اشقان اتلاس قولونەر توقىماشىلىق سەلبەستىك كووپەراتيۆىن كوزدەن كەشىردى. ليۋ ياندۇڭ كوپشىلىككە پارتيا ورتالىق كوميتەتىنىڭ شينجياڭداعى از ۇلت بۇقاراسىنىڭ تۇرمىسىنا ەرەكشە كوڭىل بولەتىنىن، كوپتەگەن ءتيىمدى ساياسات شىعارعانىن ايتىپ، اۋىلداستاردان تەزىرەك كەدەيلىكتەن قۇتىلىپ، اۋقاتتانۋعا قادام تاستاۋىن، قالتالارىن قامپيتىپ، تۇرمىستارىن باقىتتى وتكىزىپ، دوڭگەلەك داۋلەتتى قوعامعا مەملەكەتپەن، شينجياڭمەن بىرگە قادام تاستاۋىن ءۇمىت ەتتى. ول: بەيجيڭ سىزدەرمەن تىلەكتەس، ايتتارىڭىزدىڭ قابىل بولىپ، تۇرمىستارىڭىزدىڭ جاقسارا بەرۋىن تىلەيمىن! - دەدى.
ليۋ ياندۇڭ تاعى حوتان گوجىچۋ ازىق - تۇلىك شەكتى سەرىكتەستىگىن كوزدەن كەشىرىپ، اناعۇرلىم كوپ كاسىپورىندى وڭتۇستىك شينجياڭعا قارجى قوسۋعا، بۇقارانىڭ كاسىپتەنۋ ورايى مەن اۋقاتتانۋ ورايىن مولايتۋعا شابىتتاندىردى.
ۋاكىلدەر ۇيىرمەسى بارعان جەرلەرىندە ءار ۇلت بۇقاراسىنىڭ قۇشاق جايا قارسى الۋىنا بولەندى.
اۆتونوميالى رايوننىڭ باسشىلارىنان شوكىرات زاكىر، حۋاڭ ۋي تەكسەرۋدە، حال سۇراۋدا بىرگە بولدى. (لي شيڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
