بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

يۇي جىڭشىڭ ۇيىرمە باستاپ ياركەن اۋدانىندا حال سۇراپ، قىزمەت تەكسەردى

2015.09.30 10:57     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ 27 - قىركۇيەكتە ورتالىق ۋاكىلدەر ۇيىرمەسىنىڭ ءبىر ءبولىم مۇشەلەرىن باستاپ ياركەن اۋدانىنا كەلىپ، ءار ۇلت كادر - بۇقاراسىنا امانداسىپ، پارتيا ورتالىق كوميتەتى، مەملەكەتتىك كەڭەس جانە باس شۋجي شي جينپيڭ اتىنان ولاردان شىنايى حال سۇرادى جانە مەرەكەلىك تىلەك ايتتى.

  مەملەكەتتىك ساياسي كەڭەستىڭ ورىنباسار ءتوراعاسى، ورتالىق ۋاكىلدەر ۇيىرمەسىنىڭ ورىنباسار باستىعى ۋاڭ جىڭۋي بىرگە قىزمەت تەكسەرىپ، حال سۇرادى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان حال سۇراۋدا بىرگە بولدى.

  27 - قىركۇيەك − ورتاڭعى كۇز مەرەكەسى، وعان قوسا قۇربان ايت كەزى بولعاندىقتان، ياركەن وزەنىنىڭ بويى ەرەكشە ءبىر مەرەكەلىك تۇسكە بولەنىپتى. ورتالىق ۋاكىلدەر ۇيىرمەسىندەگىلەر اۆتوموبيلمەن ياركەن اۋدانى ەلىشحۇ قالاشىعىنىڭ نوچىبازار قىستاعىنا باردى. قىستاق كوشەسىنىڭ ەكى بويىنا بەس جۇلدىزدى قىزىل تۋلار مەن ۇلكەن پانارلى شامدار ءىلىنىپتى؛ ديقاندار ءۇيىنىڭ اۋلاسىنىڭ تامىندا مول ءونىم، مەرەكەنى تويلاۋ، العىس ايتۋ تاقىرىبىنداعى ديقاندار سۋرەتى ەرەكشە كوز تارتادى، «جاقسى كۇندەر پارتيانىڭ جاقسى ساياساتىنىڭ ارقاسى»، «ءار ۇلت حالقى ءبىر ءۇيدىڭ ادامىنداي ەتەنە بولىپ، قيىندىقتاردى بىرگە كوتەرەيىك» دەگەن ۇراندار قىستاق تۇرعىندارىنىڭ شەكسىز تەبىرەنىسى مەن قۋانىشىن كورسەتىپ تۇر.

  نوچىبازار قىستاعىنىڭ قىستاق تۇرعىندار كوميتەتىندە يۇي جىڭشىڭ ءتالىم - تاربيە بەرۋ، رايىنان قايتارۋ، ءدىن ىستەرىن باسقارۋدى كۇشەيتۋ، نەگىزگى ساتى ۇيىمدىق قۇرىلىسىن كۇشەيتۋ جاعدايلارى جونىندەگى مالىمەتتى تىڭداپ، قىستاقتاعى قىزمەت گرۋپپاسىنداعىلارعا امانداسىپ، قىستاقتا تۇراتىن كادرلاردىڭ قىزمەت، تۇرمىس جاعدايىن ۇعىستى. قىستاق تۇرعىندارىنا قىزمەت كورسەتۋ ورتالىعىنىڭ الدىنداعى الاڭدا مادەني كوڭىل اشۋ، سپورتتىق شىنىعۋ قۇرىلعىلارى تولىق ەكەن، قىستاق تۇرعىندارىنىڭ كەيبىرەۋى ۇستەل دوپ ويناسا، ەندى بىرەۋلەرى مادەنيەت وتاۋىندا بيگە جاتتىعىپ جاتىر؛ تەحنيكالىق شەبەرلىككە باۋلۋ ۇيىندە «قوس ءتىل»، تىگىنشىلىك، دانەكەرلەۋ، تامشىلىق سياقتى ونەرگە باۋلۋ كۋرستارى اشىلىپ، اۋىل - قىستاقتاعى كوپتەگەن جاستار ونەرگە تاربيەلەنۋ ارقىلى تابىس تابۋ جولىن كوبەيتتى.

  يۇي جىڭشىڭ قىستاق جاستارى، «ءتورت ءتۇرلى قارت» سياقتى نەگىزگى ساتى قاۋىمىمەن ىقىلاسپەن اڭگىمەلەسىپ، قىستاق تۇرعىندارىنىڭ مادەني ءومىرى، حالىققا قولايلى قىزمەت كورسەتۋ سياقتى جاعدايلاردى ەگجەي - تەگجەيلى ۇعىستى. يۇي جىڭشىڭ ابىلەت ابىلەز ەسىمدى قىستاق تۇرعىنىنىڭ ۇيىندە ولارمەن اڭگىمەلەسىپ، شارۋاشىلىقتىڭ دامۋى، جۇمىسقا ورنالاسۋدى قامتاماسىز ەتۋ، ۇلتتار ىنتىماعى سياقتى جاعدايلاردى تاپتىشتەي سۇرادى، ونىڭ جاڭادان سالىنعان بەيقۇت ۇيگە كوشىپ كىرگەنىن، جىل سايىن 100 مىڭ يۋانعا تاياۋ تابىس تاۋىپ، ءال - اۋقاتىنىڭ كۇن سايىن جاقسارىپ كەلە جاتقانىن ەستىگەندە يۇي جىڭشىڭ قاتتى قۋاندى، ءۇيدىڭ بولمەلەرىن ارالاپ كوردى. جاڭا ءۇيدىڭ الدىنداعى اۋلادا يۇي جىڭشىڭ ابىلەتتىڭ نەمەرەسىن كوتەرىپ قۇشاعىنا الدى، كوپپەن بىرگە وتىرىپ شۇيىركەلەستى. كەلەسى قادامدا كىرىستى قالاي مولايتۋدان ۇرپاقتار تاربيەسىنە، كورشىلەر قاتىناسىنان ۇلتتار ىنتىماعىنا دەيىنگى اڭگىمەلەر ايتىلىپ، اۋلا ءىشى دۋمانعا بولەندى.

  يۇي جىڭشىڭ بىلاي دەدى: وڭاي قول جەتە بەرمەيتىن قازىرگى تىنىش، ىنتىماقتى جاقسى جاعدايدىڭ قادىرىنە جەتۋ كەرەك. ءار ۇلت بۇقاراسى اراسىندا سۇيىسپەنشىلىك سەزىمىن كۇشەيتىپ، سەنىمدى ارتتىرىپ، اناردىڭ دانىندەي بىرىگىپ ۇيىسۋ كەرەك. نوچىبازار قىستاعىنان اتتاناردا، قىستاق تۇرعىندارى «جۇڭگو كوممۋنيستىك پارتياسى بولماسا جاڭا جۇڭگو بولماق ەمەس» دەگەن ءاندى شىرقاپ، بۇگىنگى باقىتتى ومىرلەرىنە دەگەن العىستى سەزىمدەرىن ءبىلدىردى.

  سوڭىندا يۇي جىڭشىڭ ياركەن اۋدانىنىڭ كادر - بۇقارالار اڭگىمە ءماجىلىسىن باسقارىپ اشتى. قىستاق تۇرعىندارىنىڭ ۋاكىلى، اۋىل - قالاشىق كادرلارىنىڭ ۋاكىلى، اۋداندىق پارتكومنىڭ جاۋاپتىسى سياقتى كىسىلەر ءسوز الدى. 20 جاستاعى قىستاق تۇرعىنى ايشامگۇل ءدىني ۇشقارى يدەيانىڭ اۋىر ىقپالىن جانە تاربيەلەۋ، رايىنان قايتارۋ قىزمەتىنىڭ ناتيجەسىندە ونىڭ زيانىن تانىپ جەتىپ، ەڭ سوڭىندا «ۇشقارىلىقتى الاستاۋ» جونىندەگى بەلسەندى ۇگىتشىگە اينالعانىن، ونان سوڭ، ءۇرىمجى كاسىپتىك ۋنيۆەرسيتەتىنە وقۋعا تۇسكەنىن اڭگىمەلەپ، ءدىني ۇشقارى يدەيانىڭ قوعامنىڭ ۋلى وسپەسى ەكەنىن، ونى، ءسوز جوق، سىلىپ تاستاۋ كەرەكتىگىن اشىنا ايتتى. يۇي جىڭشىڭ كوپشىلىكتىڭ ءسوزىن مۇقيات تىڭداپ اراسىندا كەي جاعدايلاردى سۇراپ وتىردى.

  يۇي جىڭشىڭ بىلاي دەدى: ياركەن − لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەبى. نەگىزگى ساتىداعى قالىڭ كادرلار مەن بۇقارا ورنىقتىلىقتى قورعاۋدىڭ ءبىرىنشى شەبىندە ۇزاق ۋاقىت قىزمەت ىستەپ، ءومىر كەشىرىپ، زور قۇلشىنىستار جاساپ، ۇلكەن قۇرباندىقتار بەردى، ارينە، بۇل قۇرمەتتەۋگە تاتيدى. ياركەننىڭ ستراتەگيالىق ورنى ەرەكشە ماڭىزدى، بۇل جەردى مىقتى ۇستاعاندا عانا، قاشقاردىڭ ورنىقتىلىعىنا، وڭتۇستىك شينجياڭنىڭ ورنىقتىلىعىنا، ءتىپتى، بۇكىل شينجياڭنىڭ ورنىقتىلىعىنا ءتىپتى دە ويداعىداي كەپىلدىك ەتۋگە بولادى، بۇقاراعا تىنىش تا جاراسىمدى باقىتتى تىرشىلىك سيلاۋعا بولادى.

  يۇي جىڭشىڭ ياركەن اۋدانىنداعى ءار ۇلت كادر - بۇقاراسىنىڭ ۇزاق ۋاقىت سوعىس سالۋ يدەياسىن ورناتىپ، قوعام ورنىقتىلىعىن قورعاۋدىڭ ۇزاققا سوزىلاتىن سوعىسىن ويداعىداي جۇرگىزىپ، ءار ءتۇرلى جولدارمەن جۇرت كوڭىلىن توعىستىرىپ، ءدىني ۇشقارىلىقتى الاستاۋ قىزمەتىن مىقتى ءارى شىنايى يگەرىپ، ۇلتتار اراسىنداعى رياسىز اڭگىمە مەن بارىس - كەلىسكە جول باستاپ، جۇرت قالاۋىنان شىعىپ، ادام جۇرەگىن جىلىتاتىن ناقتى ىستەردى، يگى ىستەردى كوبىرەك ىستەۋىن؛ نەگىزگى ساتىنىڭ نەگىزىن بەكەمدەپ، كادرلاردىڭ ستيل قۇرىلىسىن ونان ارى كۇشەيتىپ، نەگىزگى ساتى ۇيىمى مەن اۋىل - قىستاق باسشىلىق القاسىن ساپالىلاندىرىپ، كۇشەيتىپ، ءار ۇلت بۇقاراسىنا قۇلشىنا قىزمەت كورسەتۋىن ءۇمىت ەتتى.

  شينجياڭ ءوندىرىس - قۇرىلىس بيڭتۋانى 3 - ديۆيزياسىنىڭ ياركەن ەگىس الاڭى − بيڭتۋاننىڭ ياركەن اۋدانىنداعى ورنىقتىلىقتى، شەكارانى قورعايتىن بىردەن - ءبىر پولك، الاڭى. 27 - قىركۇيەك تۇستەن كەيىن، ورتالىقتىڭ ۋاكىلدەر ۇيىرمەسىندەگىلەر وسى اراعا كەلدى، يۇي جىڭشىڭ پولك - الاڭىنىڭ كەڭەيتىپ قۇرۋ جوباسى مەن ءوندىرىس، قۇرىلىس جاعدايى جونىندەگى تانىستىرۋىن تىڭداپ، 10 مىڭ قوي ءوسىرۋ بازاسىن كورىپ، پولك - الاڭنىڭ مال باعىمشىلىعى جانە جۇمىسشى - قىزمەتكەرلەردىڭ كاسىپتىك سەلبەستىك كووپەراتيۆىنىڭ جاعدايىن ەگجەي - تەگجەيلى ۇعىستى ءارى پولك - الاڭداعى ۇيعۇر قىزمەتشىنىڭ ۇيىنە امانداسا بارىپ حال سۇرادى. يۇي جىڭشىڭ باستاعان كىسىلەر يىڭسار اۋدانى قاشقار جۇڭشىڭ قولعاپ شەكتى سەرىكتەستىگىنىڭ چىڭگۋان اۋىلى قازانشى ارىق قىستاعىنداعى سەرىك زاۆودىندا، كاسىپورىننىڭ باس شتابىندا قىزمەت تەكسەردى.

  شينجياڭعا جاڭا كەزەكتى كومەكتەسۋ قىزمەتى باستالعاننان بەرى، شاندۇڭ جينيڭ جۇڭشيڭ قولعاپ توبى شينجياڭعا كومەكتەسۋ ۇندەۋىنە بەلسەنە ءۇن قوسىپ، كاسىپورىننىڭ جۇمىستاندىرۋ قابىلەتىنىڭ كۇشتى بولۋ ەرەكشەلىگىن تولىق ساۋلەلەندىرىپ، يىڭسارعا ىرگە تەۋىپ، «سەرىكتەستىك + سەرىك زاۆود + ديقان» سىندى دامۋ ۇلگىسىن قولدانىپ، اۋدان قالاشىعىندا باس شتاپ، توڭىرەكتەگى اۋىل - قىستاقتار مەن الەۋمەتتىك اۋماقتاردا سەرىك زاۆود قۇرىپ، جەرگىلىكتى ورىنداعى از ۇلتتاردان 1300دەن استام ادامنىڭ ءوز اۋىلىندا كاسىپتەنۋىنە كومەكتەستى.

  يۇي جىڭشىڭ قولقاپ وڭدەۋ سەحىندا جۇمىسشىلارمەن اڭگىمەلەسىپ، ولاردىڭ قىزمەت، كىرىس جاعدايىن سۇراپ، كاسىپورىننىڭ ءوندىرىس، شارۋاشىلىق جاعدايىن، جەرگىلىكتى از ۇلت بۇقاراسىن كاسىپتەنۋگە باستاۋ جاعدايىن ۇعىستى.

  ول جۇمىسشىلاردى ۇزدىكسىز قۇلشىنىپ، ەڭبەكشىل قوس قولدارىنا سۇيەنىپ ءتىپتى جارقىن ومىرگە قادام تاستاۋعا شابىتتاندىردى.

  اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى حان يۇڭ تەكسەرۋ، حال سۇراۋ قيمىلىندا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.