بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

يۇي جىڭشىڭ ۇيىرمە باستاپ قاشقارعا بارىپ، ءار ۇلت كادر - جۇرتشىلىعىنا امانداستى

2015.09.30 10:59     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ 26 - قىركۇيەكتە ورتالىق ۋاكىلدەر ۇيىرمەسىنىڭ ءبىر ءبولىم مۇشەلەرىن باستاپ ۇشاقپەن قاشقارعا بارىپ، ءار ۇلت كادر - جۇرتشىلىعىنا امانداستى.

  مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەرى كوميتەتىنىڭ مەڭگەرۋشىسى، ورتالىق ۋاكىلدەر ۇيىرمەسىنىڭ ورىنباسار باستىعى ۋاڭ جىڭۋي دا بىرگە باردى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان سەرىك بولىپ باردى.

  قۇربان ايت مەرەكەسىنىڭ دەمالىس ۋاقىتى بولعاندىقتان، بايىرعى قالا قاشقار مەرەكەلىك تۇسكە ەنگەن ەدى. رەستوراندا نەكە تويى ءوتىپ، قوناقتار شاتتانا بيگە باسىپتى؛ بۇقاراعا ارنالعان ساحنالىق كونسەرت قالا تۇرعىندارىن وزىنە باۋرادى؛ ادەمى اتىلاس كويلەك كيىپ، قولدارىنا نان، تورت العان ۇيعۇر ايەلدەرى تۋىس - تۋعان، دوس - جاراندارىنىڭ ۇيىنە ايتشىلاي باردى...

  قالىڭ قاۋىم اۆتونوميالى رايوننىڭ 60 جىلدىق مەرەي تويىن ءار الۋان تاسىلدەرمەن قۇتتىقتاپ، قۇربان ايتتى، ورتاڭعى كۇز مەرەكەسىن، مەملەكەت مەرەكەسىن شات مەرەيمەن تويلاپ، بارلىق جەردە ىنتىماق - بەرەكەنىڭ، جاراسىمدىلىقتىڭ، تىنىشتىقتىڭ جارقىن بەينەسى مەن مۇندالادى. سول كۇنى ءتۇستىڭ الدىندا، يۇي جىڭشىڭ قاشقار ايماعىنداعى قاتىستى جولداستارمەن، ساقا جولداستارمەن، وزات - ۇلگىلەردىڭ، وتانشىل ءدىني قايراتكەرلەردىڭ، شينجياڭعا كومەكتەسۋگە كەلگەن كادرلاردىڭ ۋاكىلدەرىمەن جەكە - جەكە كەزدەستى ءارى ىشكى ولكەلەردەگى جوعارى مەكتەپتەردەن وقۋ تاۋىسىپ قاشقار ايماعىنىڭ اۋىل - قالاشىقتارىندا قىزمەت ىستەپ جاتقان ستۋدەنتتەردىڭ ۋاكىلدەرىمەن جۇزدەستى، ولارمەن ىقىلاسپەن قول الىسىپ، ەستەلىك سۋرەتكە ءتۇستى.

  ارتىنان يۇي جىڭشىڭ قاشقار ايماعىنىڭ شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ بايلانىسىمەن وتكىزگەن اڭگىمە ماجىلىسىنە قاتىناستى. اڭگىمە ماجىلىستە، ايماقتىق قوعام حاۋىپسىزدىگى مەكەمەسى تەحنيكالىق تەكسەرۋ بولىمشە اترەتىنىڭ ساياسي كوميسسارى يمىنجان تۇراق، ايماقتىق دەنساۋلىق ساقتاۋ مەكتەبىنىڭ وقىتۋشىسى انيقىز وسمان، قاشقار كونەشار اۋدانى توققۇزاق قالاشىعى سايباق الەۋمەتتىك اۋماعىنىڭ كادرى سۇي جيۋشيۋ قاتارلى نەگىزگى ساتى كادرلارىنىڭ ۋاكىلدەرى ىلگەرىندى - كەيىندى ءسوز الدى. ولار پارتيالى كادرلاردىڭ جاۋاپكەرشىلىگىن كىشكەنە كەزدەرىندەگى ارماندارىنان باستاپ تىلگە تيەك ەتىپ، اۆتونوميالى رايون قۇرىلعان 60 جىلدان بەرى، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى وڭتۇستىك شينجياڭدا بولعان زور دامۋ، زور وزگەرىستەردى وزدەرىنىڭ ەسەيۋىنەن باستاپ اڭگىمەلەپ، قاراپايىم دا اسەرلى اڭگىمەلەر ارقىلى ءار ۇلت كادر - بۇقاراسىنىڭ پارتيا ورتالىق كوميتەتى مەن بۇكىل ەل حالقىنا دەگەن العىستى سەزىمىن، 60 جىلدان بەرگى ەرەسەن وزگەرىستەر جونىندەگى قۋانىشى مەن ماقتانىشىن جانە شينجياڭدى كوركەيتۋ جونىندەگى اسقاق سەنىمىن جەتكىزدى.

  ولاردىڭ ءسوزىن دەن قويا تىڭداعان سوڭ، يۇي جىڭشىڭ بىلاي دەدى: پارتيا ورتالىق كوميتەتى، مەملەكەتتىك كەڭەس شينجياڭ قىزمەتىنە ەجەلدەن باسا ءمان بەرىپ كەلەدى. ورتالىقتىڭ شينجياڭ قىزمەتى جونىندەگى 2 - رەتكى ماجىلىسىندە قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى رەتىندە ايقىندالدى. شينجياڭ ۇيعۇر اۆتونوميالى رايونى قۇرىلعان 60 جىلدان بەرى،

  قاشقاردىڭ ەكونوميكاسى مەن قوعامىندا وراسان زور وزگەرىستەر جارىققا شىقتى. قاشقار قوعام ورنىقتىلىعى مەن باياندى تىنىشتىقتى بارلىق قىزمەتتىڭ كوزدەۋ ءتۇيىنى مەن كۇش سالۋ ءتۇيىنى ەتە وتىرىپ، قاتاڭ سوققى بەرۋدىڭ تەگەۋرىندى كۇيىن ءارقاشان ساقتاپ، حالىق تۇرمىسىنىڭ تىنىشتىعىن باتىل تۇردە قامتاماسىز ەتۋى؛ ەكونوميكا مەن قوعامنىڭ ءتىپتى جاقسى، ءتىپتى تەز دامۋىن قۇلشىنا جەبەپ، ەڭبەك شوعىرلانعان كاسىپتەردى بارىنشا دامىتىپ، كاسىپتەنۋ اياسىن قۇلشىنا كەڭەيتىپ، حالىق تىلەگىنە قول جەتكىزۋى جانە حالىق تىلەگىن جۇمىلدىرۋى؛ حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، بۇقارانىڭ ءتول مۇددەسىنە ساياتىن كەلەلى ماسەلەلەردى شەشۋگە بەل بۋا كىرىسۋى؛ ۇلتتار ىنتىماعىن بەكەمدەپ جانە كۇشەيتىپ، ءدىن قىزمەتىن ونان ارى جاقسى ىستەۋى؛ كادرلار قوسىنى قۇرىلىسىن كۇشەيتىپ، كادرلار ستيلىن جاقسارتۋى كەرەك.

  تۇستەن كەيىن ورتالىق ۋاكىلدەر ۇيىرمەسىندەگىلەر قاشقار قالاسىنىڭ ايتكار مەشىتىنە باردى. 1442 - جىلى سالىنعان بۇل مەشىت شينجياڭداعى ەڭ ۇلكەن مەشىت. يۇي جىڭشىڭ مەشىت ەسىگىنەن كىرگەن سوڭ سەگىز بۇرىشتى زال مەن اۋماعى 20 مۋدىڭ ۇستىندەگى اۋلادان ءوتىپ، ناماز وقۋ زالىنا كىردى.

  يۇي جىڭشىڭ باستاعان كىسىلەر مەشىتتىڭ نەگىزگى جاعدايى، تاريحي وزگەرىستەرى سياقتى تانىستىرۋلاردى دەن قويا تىڭداپ، ءدىني قيمىلداردىڭ وتكىزىلۋ جاعدايىن ەگجەي - تەگجەيلى ۇعىستى، قاشقار ايماعىنداعى ءدىني قايراتكەرلەردىڭ ۋاكىلدەرىمەن اڭگىمەلەستى.

  يۇي جىڭشىڭ ءدىني وتانشىل قايراتكەرلەردىڭ شينجياڭنىڭ، وتە - موتە، وڭتۇستىك شينجياڭنىڭ ورنىقتىلىعىن قورعاۋعا قوسقان ماڭىزدى ۇلەستەرىن تولىق تۇراقتاندىرا كەلىپ بىلاي دەدى: ءدىن قىزمەتى شينجياڭدا قوعام ورنىقتىلىعى مەن باياندى تىنىشتىققا ساياتىن ءىرى ءىس. قالىڭ دىنگە سەنەتىن وتانشىل قايراتكەرلەردى باتىل پوزيتسيا ءبىلدىرىپ، دۇرىس سەنىمدى اسقاقتاتىپ، ۇشقارىلىققا قارسى تۇرىپ، ۇلتتار ىنتىماعى مەن ءدىني تىنىشتىقتى جەبەۋ جاعىندا ۇلگى كورسەتۋ، باستاۋ رولىن ساۋلەلەندىرۋگە بەلسەنە جەتەكتەۋ كەرەك. ءدىني قايراتكەرلەردىڭ ۋاكىلدەرى ءدىننىڭ سوتسياليستىك قوعاممەن سايكەسۋىن بەلسەنە جەبەپ، «بەستە جاقسى» ءدىني قايراتكەر بولۋعا، «بەستە جاقسى» ءدىني قيمىل ورىندارىن قۇرۋعا ۇمتىلىپ، قازىرگى تىنىش قوعامدىق جاعدايدى قاستەرلەپ، ۇلتتار ىنتىماعىن كوزدەرىنىڭ قاراشىعىنداي قورعايتىندىقتارىن ءبىلدىرىستى.

  قاشقار ەكونوميكالىق اشۋ رايونى شىنجىن كاسىپ باقشاسى − شىنجىننىڭ شينجياڭنىڭ باعىتتامالى كومەكتەسۋىندەگى سيمۆولدىق ينجەنەريا، باقشاداعى قاشقار جانبو ەلەكترون عىلىم - تەحنيكا شەكتى سەرىكتەستىگى − كاسىپ سالاسى بويىنشا شينجياڭعا كومەكتەسۋدىڭ ۋاكىلى.

  يۇي جىڭشىڭ باستاعان كىسىلەر وسى اراعا كەلىپ جۇمىس جايىمەن تانىسىپ، كاسىپ باقشاسىنىڭ جالپى قۇرىلىس جاعدايى جانە كاسىپورىننىڭ ءوندىرىس - شارۋاشىلىق جاعدايى جونىندەگى تانىستىرۋدى تىڭدادى. ەلەكتروندىق ونىمدەر ءوندىرىس جەلىسىندە، تاربيەدەن ءوتىپ، كاسىپكە ابدەن ىسىلعان شارۋا جۇمىسشىلار ورناتۋ، تەكسەرۋ جۇمىستارىمەن قاربالاس بولىپ جاتىر. يۇي جىڭشىڭ جۇمىسشىلارمەن ىقىلاسپەن اڭگىمەلەسىپ، ولاردىڭ كۋرسقا قاتىناسۋ، جۇمىس ورنىنا كەلۋ، وتباسى كىرىسى سياقتى جاعدايلارىن تاپتىشتەي سۇرادى.

  يۇي جىڭشىڭ كاسىپورىندى قارجى سالۋدا جاڭادان گۇلدەنگەن شينجياڭ سىندى ولكەدە تەرەڭ تامىر تارتىپ، شينجياڭنىڭ وزگەشە باسىمدىلىعىن شەبەرلىكپەن اشىپ، زەرتتەۋ - اشۋ جۇمىستارىنا ۇسىنىلىمدى ارتتىرىپ، ەلى ءىشى بازارىن بەتكە الا، حالىقارالىق بازاردى كوزدەپ، ۇزدىكسىز دامي بەرۋگە شابىتتاندىردى. يۇي جىڭشىڭ باستاعان كىسىلەر وڭتۇستىك شينجياڭ اسكەري رايونىنا حال سۇراي بارىپ، ءار ۇلت كوماندير - جاۋىنگەرلەرىنىڭ ۋاكىلدەرىمەن ءبىر - بىرلەپ قول الىسىپ، ەستەلىك سۋرەتكە ءتۇستى.

  دۋ قول شاپالاق ءۇنى ىشىندە يۇي جىڭشىڭ ءسوز سويلەدى. ول بىلاي دەدى: وڭتۇستىك شينجياڭ − ەلىمىزدىڭ باتىس سولتۇستىك شەكارا قورعانىسىنداعى ماڭىزدى جەر جانە باتىسقا ەسىك اشۋدىڭ الدىڭعى شەبى ءارى بولشەكتەۋشىلىككە قارسى كۇرەستىڭ نەگىزگى مايدانى. وڭتۇستىك شينجياڭدا تۇراتىن اسكەري بولىمدەر پارتيانىڭ جاڭا جاعدايداعى ارميانى قۇدىرەتتەندىرۋ نىساناسى توڭىرەگىندە، بورىش پەن جاۋاپكەرشىلىكتى كۇشەيتىپ، بورىشتى اتقارۋ قابىلەتىن جوعارىلاتىپ، وڭتۇستىك شينجياڭنىڭ قوعام ورنىقتىلىعى مەن باياندى تىنىشتىعىن قامتاماسىز ەتۋگە پارمەندى تىرەك كۇش ازىرلەۋى كەرەك.

  اۆتونوميالى رايون مەن بيڭتۋاننىڭ باسشىلارىنان حان يۇڭ، شاۋكەت يمىندەر حال سۇراۋ قيمىلىنا جەكە - جەكە سەرىك بولىپ قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.