- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ليۋ ياندۇڭ ورتالىق ۋاكىلدەر ۇيىرمەسىنىڭ 2 - گرۋپپاسىن باستاپ اقسۋ ايماعىنا، ىلە وبلىسىنا بارىپ ءار ۇلت كادرلارى مەن بۇقاراسىنان حال سۇرادى
2015.09.30 11:10 كەلۋ قاينارى : شينجياڭ گازەتى
28 - قىركۇيەكتە ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى ليۋ ياندۇڭ باستاعان ورتالىق ۋاكىلدەر ۇيىرمەسىنىڭ 2 - گرۋپپاسى اقسۋ ايماعى مەن ىلە قازاق اۆتونوميالى وبلىسىنا بارىپ ءار ۇلت كادرلارى مەن بۇقاراسىنان حال سۇراپ، ولارمەن مەرەكەنى بىرگە تويلاپ، شاتتىققا شومدى.
ليۋ ياندۇڭ اقسۋ ايماعىنىڭ توقىماشىلىق ونەركاسىپ بازاسىنا بارىپ، ءوندىرىس سەحتارىن ارالاپ، كاسىپورىننىڭ ءوندىرىس، تيجارات احۋالىن ۇعىستى، ول ەگىن، مال شارۋاشىلىق رايونىنان كەلگەن ءار ۇلت ايەلدەرىنىڭ كاسىپتەنۋدىڭ ارقاسىندا تۇرمىس شارت - جاعدايلارى زور دارەجەدە جاقسارعاندىعىن ەستىگەندە بىلاي دەدى: كاسىپتەنۋ حالىق تۇرمىسى قىزمەتىندە ماڭداي الدى ورىندا تۇرعان، جەرگىلىكتى ورىننىڭ ماقتا بايلىعى ابزالدىلىعىن ساۋلەلەندىرىپ، جىجياڭ ولكەسى سياقتى دامىعان وڭىرلەردىڭ ونەركاسىپتە قونىس اۋدارۋىن قابىلداۋى جەرگىلىكتى ورىننىڭ كاسىپتەنۋ ماسەلەسىن شەشۋگە پايدالى بولۋمەن بىرگە، حالىقتىڭ كىرىسىن ارتتىرعان، سونداي - اق كاسىپورىننىڭ وزىندىك قۇنىن تومەندەتىپ، بازار ءورىسىن كەڭەيتۋىنە، رولىن جان - جاقتى ساۋلەلەندىرۋىنە دەم بەرگەن.
ول ءار ۇلت جۇمىسشى - قىزمەتكەرلەرىنىڭ ءوزارا سايكەسىپ، ءبىرىن - ءبىرى سيلاپ، تاتۋ - ءتاتتى ءوتىپ جاتقانىن كورگەندە بىلاي دەدى: ءبىر كاسىپورىن بەينە ءبىر ۇلكەن شاڭىراققا ۇقسايدى، ءار ۇلت جۇمىسشى - قىزمەتكەرلەرىنىڭ وسى ۇلكەن شاڭىراقتىڭ اياسىندا ءبىرىن - ءبىرى اناعۇرلىم تەرەڭ ءتۇسىنىپ، سۇيىسپەنشىلىكتەرىن تەرەڭدەتۋىنە، تەڭ اۋقاتتانىپ، دوڭگەلەك داۋلەتتى قوعامعا بىرگە اياق باسۋىنا مۇمكىندىك جاراتۋ كەرەك.
ليۋ ياندۇڭ بۇكىل ەلىمىزدەگى جالعىز قازاق اۆتونوميالى وبلىسى − ىلەگە باردى. قۇلجا قالاسىنىڭ كوشەلەرى جايقالا اشىلعان الۋان گۇلمەن بەزەلىپ، مەرەكە مەرەيىن اسىرا تۇسكەن، ءار ۇلت حالقى مەرەكەلىك كيىمدەرىن كيىپ، ءان ايتىپ، ءبي بيلەپ ورتالىق ۋاكىلدەر ۇيىرمەسىن قارسى الدى. ۋاكىلدەر ۇيىرمەسى قارۋلى ساقشى قوسىنىنىڭ 8660 - ءبولىمى تۇرعان جەرگە كەلدى، ليۋ ياندۇڭ جاۋىنگەرلەردىڭ جاتاعىنا بارىپ، ولارمەن شىن ىقىلاسپەن اڭگىمەلەستى. ول بىلاي دەدى: قارۋلى ساقشى 8660 - ءبولىمى − ۇزاق ۋاقىتتان بەرى وتاننىڭ باتىس سولتۇستىك شەكاراسىن قورعاپ كەلگەن، كۇرەس قۋاتى اسا مىعىم، جاپا - ماشاقاتقا شىدامدى، قالتقىسىز ۇلەس قوسا الاتىن تاڭداۋلى قوسىن، ولار شينجياڭنىڭ ورنىقتىلىعى، دامۋى جانە ۇلتتار ىنتىماعى ىستەرىنە ماڭىزدى ۇلەس قوستى. ليۋ ياندۇڭ سوڭىندا شينجياڭدا تۇراتىن قارۋلى ساقشى وفيتسەر - جاۋىنگەرلەردىڭ ءوز بورىشىن ءارقاشان ەستەرىندە بەرىك ساقتاپ، پارتيانى ءسۇيىپ، وتاندى قورعاۋىن، شينجياڭدى ءسۇيىپ، شەكارا ءوڭىردى بەكەمدەۋىن، قوسىندى ءسۇيىپ، سايىسكەرلىككە جاتىلۋىن، پارتيانىڭ قولباسشىلىعىنا بويسۇناتىن، شايقاستا جەڭىپ شىعا الاتىن، ستيلى جاقسى وسىزاماندانعان قارۋلى ساقشى قوسىنىن قۇرىپ شىعۋعا قۇلشىنۋىن، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تىڭ ۇلەس قوسۋىن ءۇمىت ەتەتىندىگىن ءبىلدىردى.
ليۋ ياندۇڭ ىلە قازاق اۆتونوميالى وبلىسىنىڭ اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ جونىندەگى اڭگىمە ماجىلىسىنە قاتىناستى، سونداي - اق ىلە وبلىسىنىڭ پارتيا، ۇكىمەت، ارميا ورىندارىنىڭ جاۋاپتى جولداستارى، ءار ۇلت، ءار سالا قايراتكەرلەرى، وزاتتار، ەڭبەك ەرلەرى، شينجياڭعا باعىتتامالى كومەكتەسۋگە كەلگەن كادرلاردىڭ ۋاكىلدەرىمەن كەزدەستى. ول بىلاي دەدى: 60 جىلدان بەرى پارتيا ورتالىق كوميتەتى مەن مەملەكەتتىك كەڭەستىڭ ىقىلاستى قامقورلىعى مەن قاتىستى ولكە، قالالاردىڭ، تاراۋلاردىڭ بار كۇشپەن قولداپ - قۋاتتاۋىنىڭ ارقاسىندا، ىلەنىڭ بايىرعى بەت - بەينەسى شىت جاڭا وزگەرىپ، ەكونوميكاسى قارىشتاپ دامىدى، حالقى الاڭسىز تۇرمىس كەشىرىپ، ءار سالا، ءار كاسىپتە جۇرتتى تامساندىراتىن تابىستارعا قول جەتكىزدى. ول بىلاي دەپ اتاپ كورسەتتى: ىلە وبلىسىنىڭ جاعراپيالىق ورىن، بايلىق، ەكولوگيالىق ورتا جاعىنداعى ابزالدىلىعى كۇشتى، دامۋ ءورىسى كەڭ، بولاشاعى جارقىن، ىلە وبلىسى باس شۋجي شي جينپيڭنىڭ «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوزىنىڭ تالابىنا ساي، وزىندىك ابزالدىلىقتارىن تولىق ساۋلەلەندىرىپ، دامۋ ۇلگىسىن جاڭالاپ، كاسىپ قۇرىلىمىن رەتتەپ، وقۋ - اعارتۋ، دەنساۋلىق، مادەنيەت سياقتى نەگىزگى الەۋمەتتىك قىزمەت وتەۋ جۇيەسى قۇرىلىسىن ىلگەرىلەتىپ، حالىق تۇرمىسىن قامتاماسىز ەتۋدى كۇشەيتىپ، ۇلتتار ىنتىماعى مەن قوعام ورنىقتىلىعى قىزمەتىن ويداعىداي ىستەپ، ىلەدەي «باتىستاعى مەرۋەتتى» ونان ارى نۇرلاندىرا تۇسۋگە كۇش سالۋى كەرەك.
اۆتونوميالى رايوننىڭ باسشىلارىنان شوكىرات زاكىر، حۋاڭ ۋي ۋاكىلدەر ۇيىرمەسىنىڭ تەكسەرۋ، حال سۇراۋ قيمىلدارىندا بىرگە بولدى.
كەلۋ قاينارى: شينجياڭ گازەتى تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
