- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇش بىرلىكتە ــ شي جينپيڭنىڭ ۇلتتار ىنتىماعى ۋاكىلدەرىمەن كەزدەسۋى قىزۋ اڭىس قوزعادى
2015.10.01 13:44 كەلۋ قاينارى : حالىق تورابى
حالىق تورابى، 1 – قازان، بەيجيڭ. جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇل، گۋاڭشي، شيزاڭ، نيڭشيا، شينجياڭ قاتارلى 5 اۆتونوميالى رايونداعى نەگىزگى ساتىلارداعى ۇلتتار ىنتىماعى ۇزدىكتەرىنەن 13 ادامدى بەيجيڭگە كەلىپ، مەملەكەت مەرەكەسى بايلانىسىمەن وتكىزىلگەن قيمىلعا قاتىناسۋعا ارنايى ۇسىنىس ەتتى. شي جينپيڭ 30 – قىركۇيەك تۇستەن كەيىن حالىق قۇرىلتايى سارايىندا ولاردى قابىلدادى ءارى بىرگە سۋرەتكە ءتۇستى.
شي جينپيڭ مىنانى اتاپ كورسەتتى: جۇڭحۋا ۇلتتارى ءبىر شاڭىراقتىڭ بالاسىنداي، جۇڭگو ارمانىن بىرلىكتە ىسكە اسىرادى، بۇل بارلىق جۇڭحۋا پەرزەنتتەرىنىڭ ورتاق ارمانى، بۇكىل ەلدەگى ءار ۇلت حالقىنىڭ ورتاق نىساناسى. بۇل ارمان مەن نىسانانى ىسكە اسىرۋدا، بۇكىل ەلدەگى ءار ۇلت حالقىنىڭ ۇلى ىنتىماعى سىندى كۇشتەن ايىرىلا المايمىز. ەلىمىزدەگى 56 ۇلتتىڭ بارلىعى جۇڭحۋا ۇلتتارى سىندى ۇلى وتباسىنىڭ تەرەزەسى تەڭ ءبىر مۇشەسى، ءبىر – بىرىمەن ارالاس قۇرالاس بولىپ، ءبىر – بىرىنەن ايىرىلا المايتىن جۇڭحۋا ۇلتتارىنىڭ تاعدىرلاس ورتاق تۇلعاسىن قالىپتاستىرعان. جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ ءار ۇلتتىڭ ورتاق ارمانى ءارى ءار ۇلتتىڭ وزىندىك ارمانى.
بۇكىل ەلدەگى ءار ۇلت كادرلارى مەن بۇقاراسى تەلەۆيزور، توراپ قاتارلى جولدارمەن، باس شۋجي شي جينپيڭنىڭ نەگىزگى ساتىداعى ۇلتتار ىنتىماعىنىڭ ۇزدىك ۋاكىلدەرىمەن كەزدەسكەنى تۋرالى حاباردى كوردى جانە وقىدى، كوپشىلىك بۇدان تەرەڭ اسەر الىپ: باس شۋجي شي جينپيڭنىڭ نەگىزگى ساتىداعى ۇلتتار ىنتىماعى ۋاكىلدەرىمەن كەزدەسۋى پارتيا ورتالىق كوميتەتىنىڭ ۇلتتار ىنتىماعىن ىلگەرىلەتۋ ىسىنە وسكەلەڭ ءمان بەرەتىنىن، ءار ۇلت باۋىرلاستارعا دەگەن ىقىلاستى قامقورلىعىن ايگىلەدى،-دەدى.
«جاڭا جۇڭگو قۇرىلعاندىعىنىڭ 66 جىلدىعى قارساڭىندا، باس شۋجي شي جينپيڭ نەگىزگى ساتىلارداعى ۇلتتار ىنتىماعىنىڭ ۇزدىك ۋاكىلدەرىن قابىلدادى ءارى ۇلتتار ىنتىماعىنىڭ ماڭىزدىلىعىن تەرەڭ مانىمەن باياندادى. مەنشە، ءار ۇلت تەرەزەسى تەڭ، ىنتىماقتى بولعاندا عانا، وتانىمىز گۇلدەنىپ – كوركەيەدى، جۇڭگو ارمانى سوندا عانا ىسكە اسادى»،-دەيدى. ورتالىق ۇلتتار ۋنيۆەرسيتەتىندە اسپيرانتتىق وقىپ جاتقان شيزاڭدىق وقۋشى رىنزىڭ لاڭجيە: «شيزاڭ اۆتونوميالى رايونى قۇرىلعاندىعىنىڭ 50 جىلدىعىندا، باس شۋجي شي جينپيڭ شيزاڭعا ‹ۇلتتار ىنتىماعىن كۇشەيتىپ، كورىكتى شيزاڭ قۇرايىق› دەگەن قۇتتىقتاۋ ماڭدايشالىعىن ۇسىندى، ءبىز بۇدان باس شۋجي شي جينپيڭنىڭ ۇلتتار ىنتىماعىنا دەگەن ءمان بەرۋى مەن قامقورلىعىن سەزىندىك. وتانىمىزدىڭ گۇلدەنىپ – كوركەيىپ، ۇلتتار ىنتىماعىنىڭ ونان ارى كۇشەيە بەرۋىن تىلەيمىن».
بەيجيڭدەگى كانادا قارجى قوسقان سەرىكتىكتە قىزمەت ىستەيتىن ۇيعۇر توراپتاس قاسىمجان توردان باس شۋجي شي جينپيڭنىڭ نەگىزگى ساتىداعى ۇلتتار ىنتىماعى ۋاكىلدەرىمەن كەزدەسكەن حابارىن كورگەن سوڭ، اسەرلەنگەن بەينەدە: «مەملەكەت مەرەكەسىنىڭ 66 جىلدىعى مەن شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعى قارساڭىندا باس شۋجي شي جينپيڭ نەگىزگى ساتىداعى ۇلتتار ىنتىماعى ۋاكىلدەرىمەن كەزدەستى جانە ءسوز سويلەدى، بۇدان ءبىز مەملەكەتتىڭ ۇلتتار ىنتىماعىن ىلگەرىلەتۋ ىستەرىنە دەگەن قامقورلىعىن سەزىندىك، از ۇلت ۋاكىلى رەتىندە بۇعان بارىنشا قۋاندىم. باس شۋجي شي جينپيڭ شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىنا ارناپ ‹كوركەم شينجياڭدى كوركەيتىپ، وتان ارمانىن بىرلىكتە ىسكە اسىرايىق› دەگەن قۇتتىقتاۋ ءسوزىن جازىپ، شينجياڭداعى 23 ميلليون ءار ۇلت حالقىنىڭ جۇرەك ءسوزىن ءداپ باستى.
ءار ۇلت حالقىنىڭ ىنتىماقتى، تاتۋ بولىپ، ءوزارا كومەكتەسۋى ــ مەملەكەت تىنىشتىعىنىڭ ماڭىزدى فاكتورلارىنىڭ ءبىرى. شينجياڭنان كەلىپ، بەيجيڭدە تۇرىپ جاتقان ۇيعۇر ۇلتىنىڭ پەرزەنتى رەتىندە، مەن ءار ۇلت باۋىرلاستاردىڭ بارىس – كەلىسىن ىلگەرىلەتۋ، كورىكتى شينجياڭ قۇرۋ، وتان ارمانىن بىرلىكتە ىسكە اسىرۋعا ءوز ۇلەسىمدى قوساتىن بولامىن».
تەلەۆيزوردان باس شۋجيدىڭ نەگىزگى ساتىلارداعى ۇلتتار ىنتىماعىنىڭ ۋاكىلدەرىن قابىلداعان حابارىن كورگەننەن كەيىن، ۇلتتار باسپاسى سالاسىندا ەڭبەك ەتىپ كەلە جاتقان قازاق ۇلتىنىڭ جاس بۋىنى باقىتگۇل اسا قاتتى تەبىرەنە: «ۇلتتار ىنتىماعى ءار ۇلتتىڭ تىرشىلىك تىنىسى، مەن ءار قاشان ۇلتتار ارا قاتىناستى جاقسارتىپ، ۇلتتار ىنتىماعىن ءتىپتى دە بەكەمدەپ، بىرلىكتە قۇلشىنىپ ۇلى سوتسياليستىك مەملەكەت قۇرۋ ءبىزدىڭ بورىشىمىز دەپ سانايمىن»،-دەدى.
«ەلىمىز ــ 56 ۇلتتان قۇرالعان ۇلى شاڭىراق، ۇلتتار ماسەلەسى ەجەلدەن بەرى، مەملەكەتتى باسقارۋ، ساياسات اتقارۋداعى ماڭىزدى ماسەلە. باس شۋجي شي جينپيڭ ۇزاقتان بەرى بۇل ماسەلەگە باسا نازار اۋدارىپ كەلەدى، ۇلتتىق قىزمەتتى ويداعىداي ىستەۋ، ۇلتتار ىنتىماعىن كۇشەيتۋ تۋرالى تەرەڭ تۇسىنىككە يە.» وڭتۇستىك كورەيانىڭ بەيجيڭدەگى كاسىپورنىندا ىستەيتىن كورەي ۇلتى تور دوسىمىز پياۋ ميڭجى: «پارتيانىڭ 18 – قۇرىلتايىنان بەرى، باس شۋجي شي جينپيڭ شياڭشي، ىشكى موڭعۇل، شينجياڭ، شيزاڭ، يانبيان قاتارلى از ۇلتتار رايونىنا كەلىپ، تەكسەرۋ - زەرتتەۋ جۇرگىزدى. اسىرەسە، بيىل شىلدە ايىنىڭ ورتاسىندا، باس شۋجي شي جينپيڭ جيلين ولكەسىنە كەلىپ تەكسەرۋ – زەرتتەۋ جۇرگىزۋ بارىسىندا، ەڭ ءبىرىنشى بەكەتىن مەنىڭ تۋعان اۋىلىم يانبيان كورەي اۆتونوميالى وبلىسىنان باستاپ، از ۇلتتارعا دەگەن ىقىلاسى مەن قامقورلىعىن ءبىلدىردى. جاقىنعى جىلداردان بەرى، مەملەكەت از ۇلت رايوندارىنىڭ دامۋىنا ەرەكشە نازار اۋدارۋدا، مەنىڭ كوپتەگەن دوستارىم اۋىلعا قايتىپ كاسىپ جاراتتى، مىنە، بۇل از ۇلت رايوندارىنىڭ دامۋ بولاشاعىنىڭ جانە ۇلتتارعا قاراتقان ابزال ساياساتتاردىڭ جاستاردى باۋراعاندىعىن بىلدىرەدى.»
وتانىمىزدىڭ سولتۇستىك شەكاراسىنداعى شالعاي وڭىردەگى ىشكى موڭعۇل اۆتونوميالى رايونى شيلينعولين مىڭاباگى اۋدانىنداعى قارت مالشى يۇڭ رۇڭ حاباردى كورگەننەن كەيىن، قاتتى تەبىرەنە: «وتان تويىن تويلاۋ سالتىندا، باس شۋجي 5 اۆتونوميالى رايونىنداعى نەگىزگى ساتىلارداعى ۇلتتار ىنتىماعىنىڭ تاڭداۋلى ۋكىلدەرىن بەيجيڭدە وتكىزىلگەن مەملەكەت مەرەكەسىن قۇتتىقتاۋ سالتىنا قاتىناسۋعا ارنايى شاقىرتتى، بۇل پارتيا مەن مەملەكەتتىڭ بىزگە دەگەن شىن ىقىلاسى مەن سەنىمى، بۇل ءبىز جونىنەن اسا زور ماقتانىش، ءدال وسى ساتتە مەن ءوزىمدى باس شۋجيدىڭ قاسىندا تۇرعانداي سەزىندىم. اسىرەسە، باس شۋجيدىڭ سويلەگەن ءسوزىن ەستىگەننەن كەيىن، قاتتى شابىتتاندىم. ۇلى وتانىمىز بارعان سايىن گۇلدەنىپ - كوركەيۋدە، وتانىمىزداي ۇلى شاڭىراقتىڭ ءبىر مۇشەسى رەتىندە ءوزىمىزدى باقتتى سەزىنەمىز.» « كۇش بىرلىكتە، ءبىز باس شۋجي شي جينپيڭ مەن پارتيا ورتالىق كوميتەتىنىڭ توڭىرەگىنە تىعىز توپتاسا وتىرىپ، ساحارانى ونان ارى گۇلدەندىرىپ، ۇلى جۇڭگو ارمانىن ىسكە اسىرۋعا ءوزىمىزدىڭ ءبىر كىسىلىك ۇلەسىمىزدى قوسۋىمىز كەرەك.»
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
