- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ۇلى بريتانيا پارلامەنتىندە ءسوز سويلەدى
2015.10.21 16:43 كەلۋ قاينارى : حالىق تورابى
«حالىق گازەتى» امبەباپ دانەكەر تەكشەسى، 20 – قازان، لوندون (ءتىلشى دۋ شاڭزى). سول جەر ۋاقىتى بويىنشا 20 – قازاندا مەملەكەت ءتوراعاسى شي جينپيڭ ۇلى بريتانيا پارلامەنتىندە ءسوز سويلەپ، جۇڭگو مەن ۇلى بريتانيانىڭ اۋىس – كۇيىستى، ۇلگى – ونەگە الۋدى كۇشەيتىپ، ەكى ەل حالقىنىڭ ءتۇسىنىسۋىن، قولداۋىن جانە دوستىعىن جەبەپ، ەكى ەل سەلبەستىگىن تىڭ ساتىعا كوتەرۋدى دارىپتەدى.
تۇستەن كەيىن ساعات 4 مولشەرىندە شي جينپيڭ مەن حانىمى پىڭ لييۋان پارلامەنت سارايىنا باردى، پارلامەنت جوعارى پالاتاسىنىڭ ءتوراعاسى ديسۋسا مەن پارلامەنت تومەن پالاتاسىنىڭ ءتوراعاسى بەركوۋ ولاردى ىستىق ىقىلاسپەن قارسى الدى.
شي جينپيڭ دەكلاماتسيا زالىنا كىرگەندە، پارلامەنت مۇشەلەرى تۇگەلدەي ورىندارىنان تۇرىپ، قول سوعىپ قارسى الدى. پارلامەنت تومەن پالاتاسىنىڭ ءتوراعاسى بەركوۋ ۇلى بريتانيا پارلامەنتى اتىنان قارسى الۋ ءسوزىن سويلەپ، شي جينپيڭنىڭ ۇلى بريتانياعا ساپارلاي كەلگەنىن ءارى وسى رەتكى جينالىسقا قاتىناسقانىن قارسى الدى. قىزۋ قول شاپالاق ءۇنى ىشىندە شي جينپيڭ ءسوز سويلەدى.
شي جينپيڭ مىنانى اتاپ كورسەتتى: مەن ۇلى بريتانياعا ساپارلاي كەلگەن ءبىرىنشى كۇنى جۇڭگو مەن ۇلى بريتانيا قاتىناسىنىڭ ومىرشەڭدىك قۋاتىن، ەكى ەل حالقىنىڭ تەرەڭ دوستىعىن سەزىندىم، مەن وسى رەتكى ساپار ارقىلى جۇڭگو مەن ۇلى بريتانيا دوستىق قاتىناسىنىڭ جاڭا ساتىعا كوتەرىلەتىنىنە تولىق سەنىمدىمىن.شي جينپيڭ مىنانى اتاپ كورسەتتى: ۇلى بريتانيا – پارلامەنت ءتۇزىمى جاعىندا ەڭ الدىمەن ىزدەنىس جاساعان مەملەكەت. جۇڭگودا حالىقتىق نەگىز جانە زاڭ – ءتۇزىم يدەياسى ەجەلدەن بار، نەشە مىڭ جىلدىڭ الدىندا «بۇقارا – ەل تىنىشتىعىنىڭ ىرگەتاسى» دەگەن ايتىلىم جارىققا شىققان. قازىر جۇڭگو حالقى مەملەكەتتى زاڭمەن وڭاۋدى جاپپاي ىلگەرىلەتۋدە، مۇندا جۇڭحۋا زاڭ – ءتۇزىمىنىڭ تاماشا ءداستۇرى قامتىلعان، دۇنيە جۇزىندەگى ەلدەردىڭ زاڭمەن باسقارۋداعى پايدالى تاسىلدەرىنەن ونەگە دە الىنعان، مۇنداعى ماقسات زاڭ الدىندا بارلىق ادام بارابار دەگەندە تاباندى بولۋ، جۇڭگوشا سوتسياليزمدىك زاڭ – ءتۇزىم جۇيەسىن قۇرۋدى جەدەلدەتۋ، زاڭدى عىلمي جولمەن شىعارىپ، قاتاڭ اتقارىپ، ءادىليادا ءادىل بولىپ، تۇتاس حالىق زاڭعا بويسۇنۋ اياق الىسىن جەدەلدەدتۋ. بۇل جاعىندا جۇڭگو مەن ۇلى بريتانيانىڭ زاڭ شىعارۋ ورگاندارى اۋىس – كۇيىستى، ۇلگى – ونەگە الۋدى كۇشەيتسە بولادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
