- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ۇلى بريتانيانىڭ باس ءۋازىرى كامەرونمەن كەڭەس وتكىزدى
جۇڭگو مەن ۇلى بريتانيانىڭ 21 – عاسىرعا بەت العان دۇنيە جۇزىلىك، جالپى بەتتىك ستراتەگيالىق ارىپتەستىك قاتىناسىن بىرگە ورناتىپ، جۇڭگو – ۇلى بريتانيا قاتىناسىنىڭ «التىن ءداۋىرىن» اشۋدى ۇيعاردى
2015.10.22 15:25 كەلۋ قاينارى : حالىق تورابى
«حالىق گازەتى»، 21 – قازان، لوندون (تىلشىلەر دۋ شاڭزى، حۋاڭ پەيجاۋ). سول جەر ۋاقىتى بويىنشا 21 – قازاندا مەملەكەت ءتوراعاسى شي جينپيڭ لوندونداعى دوۋنينگى كوشەسىندەگى باس ءۋازىر سارايىندا ۇلى بريتانيانىڭ باس ءۋازىرى كامەرونمەن كەڭەس وتكىزدى. ەكى جاق جۇڭگو مەن ۇلى بريتانيانىڭ قاتىناسىندا قولعا كەلتىرىلگەن تابىستارعا بەلسەندى باعا بەردى، ەكى جاقتى قاتىناس جانە ماڭىزدى حالىقارالىق، رايوندىق قولامتالى ماسەلەلەر جونىنەن ىشكەرىلەي پىكىر الماستىرىپ، ماڭىزدى ورتاق تانىمعا كەلدى، جۇڭگو مەن ۇلى بريتانيانىڭ 21 – عاسىرعا بەت العان دۇنيە جۇزىلىك، جالپى بەتتىك ستراتەگيالىق ارىپتەستىك قاتىناسىن بىرگە ورناتىپ، جۇڭگو – ۇلى بريتانيا قاتىناسىنىڭ باياندى، اشىق، بىرگە پايدا جەتكىزەتىن «التىن ءداۋىرىن» اشۋدى ۇيعاردى.
شي جينپيڭ بىلاي دەدى: ۇلى بريتانيا – ءارى بايىرعى، ءارى جاس، ءارى ءداستۇرلى، ءارى وسىزاماندانعان مەملەكەت. تاياۋ جىلداردان بەرى جۇڭگو مەن ۇلى بريتانيانىڭ قاتىناسى جانە ءار سالاداعى سەلبەستىك جەدەل دامۋ جولىنا ءتۇستى. بيىلعى جىل – جۇڭگو مەن ۇلى بريتانيانىڭ جالپى بەتتىك ستراتەگيالىق ارىپتەستىك قاتىناسىنىڭ ەكىنشى 10 جىلىنىڭ باستاما جىلى، ەكى ەلدىڭ ەكى جاقتى قاتىناستى جانە ءوزارا پايدا جەتكىزەتىن سەلبەستىكتى تەرەڭدەتۋىندەگى ەڭ تاماشا مەزگىل. جۇڭگو جۇڭگو مەن ۇلى بريتانيانىڭ قاتىناسىن دامىتۋعا باستان – اياق ءمان بەرىپ كەلەدى، ۇلى بريتانيامەن بىرگە جۇڭگو مەن ۇلى بريتانيا قاتىناسىنىڭ ورنىن جوعارىلاتىپ، ەكى ەل قاتىناسىنىڭ مازمۇنىن بايىتىپ، ەكى جاقتىڭ سەلبەستىك جوباسىن جاساپ، جۇڭگو مەن ۇلى بريتانيا قاتىناسىنىڭ جاڭا ساتىعا كوتەرىلۋىن جەبەۋگە پەيىل.
شي جينپيڭ مىنالاردى دارىپتەدى: جۇڭگو ۇلى بريتانيانىڭ جۇڭگوعا بارىنشا قاقپا اشاتىن سەلبەستىك ارىپتەسى بولۋعا ماقۇل بولعانىن القايدى، ءبىز ۇلى بريتانيامەن بىرگە جۇڭگو مەن ۇلى بريتانيا قاتىناسىنىڭ ءتىپتى دە بيىك دەڭگەيدە ورنىقتى جالعاسۋىنا كەپىلدىك ەتەمىز، جۇڭگو مەن ۇلى بريتانيا سەلبەستىگىنىڭ ءتىپتى دە كەڭ سالادا اشىق ۇستالۋىندا تاباندى بولىپ، جۇڭگو مەن ۇلى بريتانيا سەلبەستىگىنىڭ ءتىپتى دە كەڭ سالادا ءبىر – بىرىنە پايدا جەتكىزۋىن جۇزەگە اسىرامىز. جۇڭگو مەن ۇلى بريتانيا ءبىر – ءبىرىنىڭ يەلىك ۇقىعىنا، تاۋەلسىزدىگىنە، تەرريتوريا تۇتاستىعىنا قۇرمەت ەتۋى، وزدەرى تاڭداعان دامۋ جولدارىمەن جۇرۋلەرىنە قۇرمەت ەتۋى كەرەك. قارسى جاقتارىنا اشىق ۇستاۋ، كەڭ پەيىل بولۋ پوزيتسياسىمەن مامىلە جاساۋى، پارىققا قۇرمەت ەتە وتىرىپ جاراسىمدى ءوتۋى كەرەك. اماليات ءوزارا قۇرمەت ەتىپ، بەيبىت قاتار تۇرىپ، كەڭ پەيىلدىكپەن ۇلگى – ونەگە الۋ پرينسيبىندە تاباندى بولعاندا عانا جۇڭگو مەن ۇلى بريتانيا قاتىناسىنىڭ باياندى، ورنىقتى، اقاۋسىز داميتىنىن دالەلدەدى. جۇڭگو جۇڭگو كاسىپورىندارىن انگليانىڭ سولتۇستىك وڭىرىنە قارجى قوسۋعا شابىتتاندىرادى، ۇلى بريتانيانىڭ باتىستاعى تۇڭعىش ءىرى ەل بولۋ تۇرعىسىنان ازيا نەگىزدىك قۇرىلعىلاردى قارجىلاندىرۋ بانكەسىنىڭ قۇرۋشى مۇشە ەلى بولۋدى ويلاسۋ ۇيعارىمىن قارسى الادى، ۇلى بريتانيانىڭ جۇڭگونىڭ ەۆروپا گۇلدەندىرۋ – اشۋ بانكەسىنە قاتىناسۋىنا قولداۋ كورسەتۋىن ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
