- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ فرانسيانىڭ زۇڭتۇڭى وللاندپەن كەڭەس وتكىزدى
ەكى ەلدىڭ باسشىلارى جۇڭگو ـ فرانسيا دوستىعى مەن ىنتىماقتاستىعىنىڭ جاڭا جاعدايىن ۇزدىكسىز جاراتۋعا قوسىلدى
2015.11.04 13:37
مەملەكەت ءتوراعاسى شي جينپيڭ قاراشانىڭ 2 ـ كۇنى حالىق سارايىندا فرانسيانىڭ زۇڭتۇڭى وللاندپەن كەڭەس وتكىزدى. ەكى ەلدىڭ باسشىلارى جۇڭگو ـ فرانسيا قاتىناسىنىڭ دامۋىن جوعارى باعالاپ، كۇش بىرىكتىرە ۇزدىكسىز العا ىلگەرىلەپ، ەكى ەل دوستىعى مەن ىنتىماقتاستىعىنىڭ جاڭا جاعدايىن ۇزدىكسىز جاراتۋعا قوسىلدى.
شي جينپيڭ مىنانى اتاپ كورسەتتى: باسشىلاردىڭ ەتەنە قارىم ـ قاتىناسى – جۇڭگو ـ فرانسيا قارىم ـ قاتىناسىنىڭ يگى ءداستۇرى. تەڭ ءما بەرۋدىڭ ناتيجەسىندە ەكى ەلدىڭ قاتىناسى كۇن سايىن دامىدى، ءتۇرلى سالاداعى ناقتى ىنتىماقتاستىق جانە گۋمانيتارلىق اۋىس ـ كۇيىس ىستەرىندە تولاعاي تابىستارعا قول جەتكىزىلدى. ەكى ەل قاتىناسى جاڭا بەلەسكە كوتەرىلدى، اناعۇرلىم كەمەلدى، ورنىقتى، ءونىمدى، ومىرشەڭدىك كۇشكە تولى ءىرى ەلدەر قاتىناسى قالىپتاستى. جۇڭگو مەن فرانسيانىڭ جان ـ جاقتى ستراتەگيالىق سەرىكتەستىك قاتىناسىن جاڭا داۋىردە ونان ارى كۇشەيتۋگە كۇش سالۋدى ءۇمىت ەتەمىز.
شي جينپيڭ جۇڭگو ـ فرانسيا قاتىناسىن دامىتۋ جونىندە ءۇش ۇسىنىسىن ورتاعا قويدى: ءبىرىنشى، ساياسي سەنىمدىلىكتىڭ جەتەكشىلىك جانە قامتاماسىزداندىرۋ رولىن ساۋلەلەندىرۋ. تاراپتار باستان ـ اياق ءوزارا قۇرمەت ەتۋگە، تەڭ تۇرعىدا مامىلە جاساسۋعا تاباندى بولىپ، جۇڭگو ـ فرانسيا قاتىناسىنىڭ باياندى، ورنىقتى دامۋ جالپى جاعدايىن ويداعىداي قورعاپ، ەكى جاقتى قاتىناستى اناعۇرلىم جوعارى دەڭگەيدە دامىتۋ كەرەك. ەكىنشى، ناقتى ىستەر ىنتىماقتاستىعى مەن گۋمانيتارلىق اۋىس ـ كۇيىستى ىلگەرىلەتۋدى ءبىر تۇتاس جوسپارلاۋ. ەكى جاق اتوم ەنەرگياسى، ۇشاق جاساۋ سياقتى سالاداعى ءىرى ىنتىماقتاستىق نىساندارىن ويداعىداي تياناقتاندىرىپ، ءوزارا ەسىك اشۋ تەبىنىن ارتتىرىپ، ەكى جاقتىڭ ساۋدا جانە قارجىلاندىرۋ ىستەرىن ارتتىرۋدىڭ كومەسكى قۋاتىن اشۋ كەرەك. جۇڭگو جۇڭگو كاسىپورىندارىنىڭ فرانسياعا قارجى قوسۋىنا بەلسەنە دەم بەرەدى ءارى فرانسيانىڭ «ءبىر بەلدەۋ، ءبىر جول» قۇرىلىسىنا بەلسەنە قاتىناسۋىن قارسى الادى.
جوعارى دارەجەلى گۋمانيتارلىق اۋىس ـ كۇيىس مەحانيزمىنەن پايدالانىپ، مىڭ ادامدىق پراكتيكانت جوسپارىن تەزدەتىپ ىسكە قوسۋ كەرەك. ەكى جاق جەرگىلىكتى ورىنداردىڭ ىنتىماقتاستىعىن ءتۇيىن ەتىپ، جاڭا تاقىرىپتىق قيمىلداردى ورىستەتۋىنە بولادى. ءۇشىنشى، جاڭاشا حالىقارالىق قاتىناس ورناتۋدى بىرگە ىلگەرىلەتۋ. جۇڭگو فرانسيامەن ءوزارا ءتيىمدى، تەڭ يگىلىكتەنۋدى وزەك ەتكەن جاڭاشا حالىقارالىق قاتىناس ورناتۋدى ىلگەرىلەتىپ، ءوزارا قۇرمەت ەتۋ، قيىندىقتان بىرگە ءوتۋ، ىنتىماقتاسىپ تەڭ يگىلىكتەنۋ سىندى يدەيانى ساۋلەلەندىرىپ، جەر شارى ەكونوميكاسىن وڭاۋ سىندى كەلەلى ماسەلەلەردى وڭاۋدا ۇنەمىلىك ستراتەگيالىق قارىم ـ قاتىناس پەن سەلبەستىكتى ساقتايدى. جۇڭگو فرانسيانىڭ حالىق اقشاسىن حالىقارالىق اقشا قورى ۇيىمىنىڭ ەرەكشە قارجى الۋ ۇقىعى كولەمىنە ەنگىزۋ ءىسىن قولداعانىنا العىس ايتادى، فرانسيامەن بىرگە حالىقارالىق اقشا، فينانس جۇيەسى رەفورماسىن ىلگەرىلەتۋدى، كەلەر جىلى وتەتىن 20 ەل توبى باسشىلار كەڭەسىنىڭ دايىندىق قىزمەتى بارىسىندا فرانسيامەن تىعىز قارىم ـ قاتىناس ورناتۋدى قالايدى.
شي جينپيڭ بىلاي دەدى: جۇڭگو فرانسيا جاقتىڭ كليمات وزگەرىسى جونىندەگى پاريج جينالىسىنىڭ دايىندىق قىزمەتى جاعىنداعى وراسان قۇلشىنىسىن جوعارى باعالايدى، فرانسيا جاقتىڭ بۇل جينالىستى ويداعىداي وتكىزۋىن تاباندىلىقپەن قولدايدى. جۇڭگو جاق تا جينالىستىڭ تابىستى وتۋىنە شىنايى كۇش سالىپ كەلەدى. فرانسيا جاقتىڭ داياشى ەل رولىن ويداعىداي ساۋلەلەندىرىپ، پاريج جينالىسىن تابىستى وتكىزۋىن ءۇمىت ەتەدى.
شي جينپيڭ مىنانى باسا دارىپتەدى: جۇڭگو مەن ەۆروپا وداعى دۇنيە ءجۇزى قۇرىلىمىنداعى ەكى ماڭىزدى كۇش. ءبىز فرانسيانى قامتىعان ەۆروپا جاقپەن ءوزارا قۇرمەت ەتۋ، تەڭ تۇرعىدا مامىلە جاساۋ، ىنتىماقتاسىپ تەڭ يگىلىكتەنۋ پرينسيبى بويىنشا، جۇڭگو مەن ەۆروپا وداعىنىڭ 4 ءىرى سەرىكتەستىك قاتىناسىن ۇزدىكسىز دامىتۋدى، وتە ـ موتە، جۇڭگونىڭ «ءبىر بەلدەۋ، ءبىر جول» دارىپتەمەسىن ەۆروپانىڭ قارجىلاندىرۋ جوسپارىمەن توعىستىرۋ سياقتى جاقتاردا تەزىرەك ىلگەرىلەۋشىلىككە قول جەتكىزۋدى قالايمىز. فرانسيا جاقتىڭ جۇڭگو ـ ەۆروپا قاتىناسىندا بەلسەندى جەتەكشىلىك رول اتقارىپ، جۇڭگو ـ فرانسيا قاتىناسىنىڭ جانە جۇڭگو ـ ەۆروپا وداعى قاتىناسىنىڭ بىرگە دامۋىن جەدەلدەتۋدى ءۇمىت ەتەمىز.
وللاند بىلاي دەدى: بۇل رەتكى جۇڭگوداعى ساپارىم فرانسيا مەن جۇڭگونىڭ جان ـ جاقتى ستراتەگيالىق ىنتىماقتاستىق، سەرىكتەستىك قاتىناسىن اناعۇرلىم كۇشەيتۋ ءۇشىن بولىپ وتىر. ەكى ەل جوعارى جىكتەگىلەرىنىڭ ءجيى اۋىس ـ كۇيىس جاساۋى ەكى ەل قاتىناسىنىڭ جوعارى دەڭگەيدە دامىپ وتىرعاندىعىن كورسەتەدى. كەزەكتە ەكى ەل اراسىندا تاماشا ساياسي سەنىمدىلىك جانە پىكىرلەسۋ قالىپتاسقان، ەكى ەلدىڭ ەكونوميكا ـ ساۋدا، قارجى قوسۋ، اتوم ەنەرگياسى، ساياحات، گۋمانيتارلىق سياقتى سالالاداعى ىنتىماقتاستىعى ۇزدىكسىز جوعارىلادى. بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى مۇشە ەلى بولعان فرانسيا مەن جۇڭگونىڭ كوپتەگەن حالىقارالىق ىستەردەگى كوزقاراستارى مەن مۇددەلەرى ۇقسايتىندىقتان، ءوزارا تىعىز قارىم ـ قاتىناس جاساپ جانە سەلبەسىپ كەلەدى. فرانسيا جۇڭگو جاقپەن ىنتىماقتاسا وتىرىپ، كليمات وزگەرىسى جونىندەگى پاريج جينالىسىندا تاماشا ناتيجەگە قول جەتكىزۋدى ءۇمىت ەتەدى؛ جۇڭگونىڭ كەلەر جىلى 20 ەل توبى باسشىلار ءماجىلىسىن ويداعىداي وتكىزۋ ىستەرىنە بەلسەنە سەلبەسۋدى قالايدى؛ حالىقارالىق فينانس قۇرىلىمىن رەفورمالاۋ ىستەرىن قولدايدى. فرانسيا انگليا، گەرمانيا سياقتى ەۆروپا ەلدەرىمەن بىرگە ەۆروپا وداعى مەن جۇڭگونىڭ ىنتىماقتاستىق قاتىناسىنىڭ دامۋىن بەلسەنە ىلگەرىلەتەدى.
كەڭەستەن كەيىن ەكى ەلدىڭ باسشىلارى «جۇڭگو ـ فرانسيا باسشىلارىنىڭ كليمات وزگەرىسى جونىندەگى بىرلەسكەن مالىمدەمەسىن» جاريالادى، ەكى ەل ۇكىمەتتەرى مەن كاسىپورىندارى اراسىنداعى ىنتىماقتاستىق قۇجاتتارىنا قول قويۋىنا كۋا بولدى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
