بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ «جۇڭگونى ءتۇسىنۋ» حالىقارالىق ماجىلىسىنە قاتىناسۋعا كەلگەن شەتەلدىك ۋاكىلدەرمەن كەزدەستى

2015.11.04 16:15     كەلۋ قاينارى : حالىق تورابى


  «حالىق گازەتى»، 3 – قاراشا، بەيجيڭ (ءتىلشى جاۋ ميڭحاۋ). مەملەكەت ءتوراعاسى شي جينپيڭ 3 – قاراشادا حالىق سارايىندا 2 – رەتكى «جۇڭگونى ءتۇسىنۋ» حالىقارالىق ماجىلىسىنە قاتىناسۋعا كەلگەن شەتەلدىك ۋاكىلدەرمەن كەزدەستى، جۇڭگونىڭ رەفورما جۇرگىزۋ، دامۋ بولاشاعى، «ءبىر بەلدەۋ، ءبىر جول» قۇرىلىسى، جۇڭگونىڭ 2016 – جىلعى 20 ەل توبى باسشىلارىنىڭ ءماجىلىسىن وتكىزۋى سياقتىلار جونىنەن كوزقاراسىن ورتاعا قويىپ، مىنالاردى دارىپتەدى: جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ – جۇڭگولىقتاردىڭ ارمانى، اماليات ءبىز جازباي ءجۇرىپ كەلە جاتقان جۇڭگوشا سوتسياليزم جولىنىڭ دۇرىستىعىن دالەلدەدى، جۇڭگو الدا بەيبىت دامۋ جولىنان جازبايدى، ءبىر – بىرىنە پايدا جەتكىزىپ، يگىلىككە بىرگە كەنەلەتىن جاڭاشا حالىقارالىق قاتىناس ورناتۋدى بۇلجىماستان ىلگەرىلەتەدى، دۇنيە ءجۇزى ەلدەرىمەن بىرگە جاراسىمدىلىقپەن قاتار ءومىر سۇرەتىن تاعدىرلاس ورتاق تۇلعانى بۇلجىماستان قۇرادى.

  شي جينپيڭ ماجىلىسكە قاتىناسقان شەتەل ۋاكىلدەرىنىڭ ءوز ەلدەرىنىڭ جۇڭگومە اۋىس – كۇيىس، سەلبەستىك جاساۋىندا قوسقان بەلسەندى ۇلەسىن القاپ بىلاي دەدى: ءار ەل حالقى ىزگى نيەتپەن ىشكەرىلەي اۋىس – كۇيىس جاساۋ ارقىلى كوڭىل توعىستىرادى، بۇل توتەنشە ماڭىزدى.

  جۇڭگونىڭ رەفورما جۇرگىزۋ، دامۋ بولاشاعىن اڭگىمەلەگەندە شي جينپيڭ مىنانى اتاپ كورسەتتى: رەفورما – وسى زامانعى جۇڭگونىڭ تاعدىرىن بەلگىلەيتىن شەشۋشى ءتۇيىن. ج ك پ 18 – كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى جاپپاي تەرەڭدەتۋدىڭ بىرەگەي جوباسى جاسالدى، وسى رەتكى ج ك پ 18 – كەزەكتى ورتالىق كوميتەتىنىڭ بەسىنشى جالپى ماجىلىسىندە تاعى دا ءبىرقىدىرۋ كەلەلى رەفورما مىندەتى ورتاعا قويىلدى، مۇنداعى قارىم مەن كەڭدىك بۇرىن – سوڭدى بولماعان. ءبىز ءارقايسى سالاداعى رەفورمانى ۇزدىكسىز تەرەڭدەتىپ، سىرتقا قاقپا اشۋ نەگىزگى ساياساتىندا تاباندى بولىپ، ءبىر – بىرىنە پايدا جەتكىزىپ، يگىلىككە بىرگە كەنەلەتىن قاقپا اشۋ ستراتەگياسىن بۇلجىماستان اتقارىپ، دۇنيە جۇزىنەن دامۋ قوزعاۋشى كۇشىن تىنباي قابىلداپ، جۇڭگونىڭ دامۋى بارىسىندا دۇنيە جۇزىنە ءتىپتى دە زور تيىمدىلىك جاراتامىز.

  شي جينپيڭ مىنانى اتاپ كورسەتتى: ج ك پ 18 – كەزەكتى ورتالىق كوميتەتىنىڭ بەسىنشى جالپى ماجىلىسىندە جاڭالىق جاراتۋ، سايكەسۋ، جاسىل بولۋ، قاقپا اشۋ، ورتاق يگىلىكتەنۋ سىندى بەس ۇلكەن دامۋ تانىمى ايقىندالىپ، مۇنان كەيىنگى 5 جىلداعى دامۋ نىساناسى ورتاعا قويىلدى، جۇڭگونىڭ 13 – بەس جىلدىق جوسپاردى اتقارۋى دۇنيە جۇزىندەگى مەملەكەتتەردىڭ ناقتى سەلبەستىگىنەن ايىرىلا المايدى، سونىمەن بىرگە، 13 – بەس جىلدىق جوسپاردىڭ اتقارىلۋى دۇنيە جۇزىنە ءتىپتى دە كوپ دامۋ ورايىن جاراتادى. ءبىز ءارقايسى مەملەكەتپەن بىرگە دامۋ ورايىنان يگىلىكتەنىپ، كوركەم بولاشاقتى بىرگە جاراتۋعا پەيىلمىز.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.