- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ سينگاپۋردىڭ زۇڭتۇڭى چىن چيڭيانمەن، زۇڭليى لي شيانلۇڭمەن جەكە ـ جەكە كەزدەستى
2015.11.10 14:22
قاراشانىڭ 6 ـ كۇنى تۇستەن كەيىن مەملەكەت ءتوراعاسى شي جينپيڭ سينگاپۋردىڭ زۇڭتۇڭ سارايىندا سينگاپۋردىڭ زۇڭتۇڭى چىن چيڭيانمەن كەزدەستى. ەكى ەل باسشىلارى جۇڭگو مەن سينگاپۋر قاتىناسىن داۋىرمەن جارىسا ىلگەرىلەيتىن جان ـ جاقتى ىنتىماقتاستىق، سەرىكتەستىك قاتىناس ەتۋگە ءارى جۇڭگو مەن سينگاپۋردىڭ ەركىن ساۋدا كەلىسىمىنىڭ دەڭگەيىن جوعارىلاتۋ كەلىسسوزىن باستاۋعا ءبىر اۋىزدان قوسىلدى.
شي جينپيڭ سينگاپۋردىڭ زۇڭتۇڭى چىن چيڭيانمەن كەزدەسكەندە مىنانى اتاپ كورسەتتى: جۇڭگو مەن سينگاپۋردىڭ ديپلوماتيالىق قاتىناس ورناتقاندىعىنىڭ 25 جىلدىعى قارساڭىندا سينگاپۋردا مەملەكەتتىك ساپاردا بولعاندىعىما ايرىقشا قۋانىشتىمىن، جۇڭگو مەن سينگاپۋر ديپلوماتيالىق قاتىناس ورناتقان 25 جىلدان بەرى ەكى جاق اناعۇرلىم كەڭ سالادا ءونىمدى دە جاڭا ىنتىماقتاستىقتى ورىستەتتى. كەزەكتە جۇڭگو مەن سينگاپۋر قاتىناسى بۇرىنعىعا مۇراگەر، كەيىنگىگە بۇيداگەر بولۋداي ماڭىزدى وراي كەزەڭىندە تۇر. سينگاپۋرمەن بىرگە قۇلشىنىپ، جۇڭگو ـ سينگاپۋر قاتىناسىنىڭ تىڭ كەلەشەگىن جاراتۋدى قالايمىز. ءبىرىنشى، جوعارى ورەدە ويداعىداي جوبالاپ، جوعارى جىكتەگىلەردىڭ قويۋ بارىس ـ كەلىسىن ساقتاپ، ستراتەگيالىق قارىم ـ قاتىناستى كۇشەيتىپ، باسشىلاردىڭ جەتەكشىلىك رولىن ساۋلەلەندىرىپ، ەكى ەل قاتىناسىنىڭ دامۋ باعىتىن مىقتى يگەرۋ. ەكىنشى، ناقتى ىستەر سەلبەستىگىن داۋىرمەن جارىسا ورىستەتىپ، چۇڭچيڭدى تيجارات ورتالىعى ەتكەن جۇڭگو ـ سينگاپور 3 ـ جاق ۇكىمەت ارالىق سەلبەستىك نىساندى تىڭعىلىقتى ىلگەرىلەتىپ، ونىڭ قۇرىلىسىن جۇڭگو مەن سينگاپۋردىڭ ءوزارا ءتيىمدى ىنتىماقتاستىعىنىڭ تىڭ ۇلگى نىسانىنا اينالدىرۋ. سۋجۋ ونەركاسىپ باقشا رايونى مەن تيانجين ەكولوگيالىق قالاسى سىندى ەكى ۇلكەن ءتۇيىندى ىنتىماقتاستىق نىسانىن ويداعىداي قۇرۋ. ەكى جاقتى ەكونوميكالىق ـ ساۋدا ىنتىماقتاستىعىنىڭ تەبىنىن ساقتاۋ. ەكى جاق ەكى ەل كاسىپورىندارىنىڭ «ءبىر بەلدەۋ، ءبىر جول» دارىپتەمەسىن 3 ـ جاق بازار سەلبەستىك ۇلگىسىن اشۋمەن ۇشتاستىرۋدى بەلسەنە تالقىلاۋىنا ءارى وسى جۇلگە نەگىزىندە فينانس سەلبەستىگىنىڭ كومەسكى كۇشىن اشۋىنا بولادى. جۇڭگو سينگاپورمەن عىلىم ـ تەحنيكا، ورتانى قورعاۋ، وقۋ ـ اعارتۋ، گۋمانيتارلىق، قوعامدىق وڭاۋ سياقتى سالالارداعى اۋىس ـ كۇيىس سەلبەستىگىن كۇشەيتىپ، ەكى ەلدىڭ ناقتى ىنتىماقتاستىعىنىڭ ىشكەرىلەي دامۋىن جەبەۋ.
ءۇشىنشى، وڭىرلىك جانە حالىقارالىق ىستەردەگى سايكەسۋ مەن سەلبەسۋدى كۇشەيتۋ. سينگاپۋر بيىل جۇڭگو ـ شىعىس وڭتۇستىك ازيا ەلدەرى وداعى قاتىناسىنىڭ سايكەستىرۋشى ەلى مىندەتىن ۇستىنە الدى. جۇڭگو سينگاپۋرمەن دامۋ سەلبەستىگىن ۇشتاستىرىپ، جۇڭگو ـ شىعىس وڭتۇستىك ازيا ەلدەرى وداعىنىڭ تاعدىرلاس ورتاق تۇلعاسىن بىرلىكتە قۇرۋدى قالايدى. جۇڭگو ـ سينگاپۋر ب م ۇ، ازيا ـ تىنىق مۇحيت ەكونوميكالىق ىنتىماقتاستىق ۇيىمى سياقتى حالىقارالىق جانە وڭىرلىك مەحانيزمدەگى قارىم ـ قاتىناس پەن سايكەسۋدى كۇشەيتۋىنە بولادى.
شي جينپيڭ مىنانى باسا دارىپتەدى: كورشىلەر ارا قاتىناس - جۇڭگونىڭ باياندى بولاشاعىنىڭ تىرەگى، گۇلدەنىپ ـ كوركەيۋىنىڭ نەگىزى. جۇڭگو بەيبىت دامۋ جولىنان اۋىتقىمايدى، كورشىلەرمەن تاتۋ بولۋ، كورشىلەرمەن جاقسى سەرىك بولۋداي ديپلوماتيالىق باعىتىندا تاباندى بولىپ، سينگاپۋرمەن، سونداي ـ اق ازياداعى ءار ەلمەن بىرگە دامۋدى جۇزەگە اسىرادى.
چىن چيڭيان بىلاي دەدى: ءتوراعا شي جينپيڭنىڭ سينگاپۋر مەملەكەتى قۇرىلعاندىعىنىڭ 50 جىلدىعى جانە سينگاپۋر مەن جۇڭگونىڭ ديپلوماتيالىق قاتىناس ورناتقاندىعىنىڭ 25 جىلدىعى سىندى قوس قۋانىشتى ساتتە سينگاپۋردا مەملەكەتتىك ساپاردا بولعاندىعىن قارسى الامىز، بۇل رەتكى ساپاردىڭ سينگاپۋر مەن جۇڭگونىڭ ىنتىماقتاستىق، سەرىكتەستىك قاتىناسىن تىڭ دەڭگەيگە كوتەرەتىنىنە كامىل سەنەمىز. سوڭعى جىلداردان بەرى سينگاپۋر ـ جۇڭگو قاتىناسى جان ـ جاقتى جەدەل دامىدى، ەكى ەلدىڭ جوعارى جىكتەگىلەرىنىڭ بارىس ـ كەلىسى جيىلەدى، سۋجۋ ونەركاسىپ باقشا رايونى مەن تيانجين ەكولوگيالىق قالاسى نىسانىنان كەيىن سينگاپۋر مەن جۇڭگو 3 – ۇكىمەت ارالىق ىنتىماقتاستىق نىسانى جۋىق ارادا باستالادى. مۇنىڭ ءبارى سينگاپۋر ـ جۇڭگو قاتىناسىنا جاڭا ومىرشەڭدىك كۇش قوسادى. سينگاپۋر مەن جۇڭگونىڭ ىنتىماقتاستىق قاتىناسى ەكونوميكا ـ ساۋدا سالاسىمەن شەكتەلىپ قالماي، قايتا ءداۋىردىڭ دامۋىمەن ىلگەرىلەي وتىرىپ سان سالالى داميدى. سينگاپۋر جۇڭگونىڭ ازيا نەگىزدىك قۇرىلعىلار قۇرىلىسىنا قارجى قوسۋ بانكەسىن قۇرۋ قۋاتتاماسىن قۇپتايدى، بۇل وڭىرلەردىڭ دامۋىنا ءتيىمدى، قاتىستى ىنتىماقتاستىق ىستەرىنە بەلسەنە اتسالىسادى. سينگاپۋر جۇڭگونىڭ حالىقارالىق قوعامداعى بەيبىت، ورنىقتى كۇش بولاتىنىنا سەنەدى، جۇڭگومەن حالىقارالىق جانە وڭىرلىك كەلەلى ماسەلەلەردە قارىم ـ قاتىناس پەن سايكەسۋدى كۇشەيتەدى ءارى شىعىس وڭتۇستىك ازيا ەلدەرى وداعىنىڭ جۇڭگومەن اۋىس ـ كۇيىس ىنتىماقتاستىعىن كۇشەيتۋىن قولدايدى.
كەزدەسۋدەن بۇرىن چىن چيڭيان زۇڭتۇڭ سارايى الاڭىندا سالتاناتتى قارسى الۋ سالتىن وتكىزدى. شي جينپيڭ مەن حانىمى پىڭ لييۋاندى چىن چيڭيان مەن ونىڭ زايىبى زۇڭتۇڭ سارايىنىڭ الدىنان كۇتىپ الدى. ەكى ەلدىڭ باسشىلارى مىنبەگە شىقتى. اسكەري وركەستر ەكى ەلدىڭ مەملەكەت گيمىن ورىندادى. شي جينپيڭ چىن چيڭياننىڭ سەرىك بولۋىندا قۇرمەت قاراۋىلىن كوزدەن كەشىردى.
قاراشانىڭ 7 ـ كۇنى مەملەكەت ءتوراعاسى شي جينپيڭ سينگاپۋردا سينگاپۋردىڭ زۇڭليى لي شيانلۇڭمەن كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن سينگاپۋر ايىرىقشا دوس جانە سەرىكتەس. جۇڭگو مەن سينگاپۋر ديپلوماتيالىق قاتىناس ورناتقان 25 جىلعا نازار سالساق، ەكى ەل قاتىناسىنىڭ ايتارلىقتاي دامۋى ەكى جاقتىڭ ستراتەگيالىق جوسپاردا، داۋىرمەن جارىسا العا ىلگەرىلەۋدە، ءورىس اشا جاڭالىق جاراتۋدا تاباندى بولۋىمەن قاتىستى. وسى رەتكى ساپار بارىسىندا، چىن چيڭيان زۇڭتۇڭمەن، لي شيانلۇڭ زۇڭليمەن ەكى ەل قاتىناسىنىڭ بەتالىسىن داۋىرمەن جارىسا العا ىلگەرىلەگەن جان – جاقتى سەلبەستىك سەرىكتەستىك قاتىناس دەپ تۇراقتاندىرۋعا ءبىر اۋىزدان قوسىلدىق. بولاشاققا نازار سالساق، ەكى جاق ءوزارا ساياسي سەنىمدىلىكتى نىعايتىپ، جوعارى جىكتەگىلەردىڭ باستاماشىلىعىن كۇشەيتىپ، ناقتى سەلبەستىكتى جوعارىلاتۋ كەرەك. ءوزارا تيىمدىلىك جاراتىپ، تەڭ يگىلىككە كەنەلۋ، ورتاق دامۋدى جۇزەگە اسىرۋ كەرەك. چۇڭچيڭدى نىسان ورتالىعى ەتكەن جۇڭگو – سينگاپۋر 3 ـ جاق ۇكىمەت ارالىق سەلبەستىك نىساندارىن ىلگەرىلەتۋ، تەز ىسكە قوسۋ ءتيىس. ەكونوميكا – ساۋدا قارجى قوسۋ سەلبەستىگىن ونان ارى كەڭەيتىپ، ەكى ەل كاسىپورىندارىنىڭ «ءبىر بەلدەۋ، ءبىر جول» دارىپتەمەسى اياسىندا 3 ـ جاقتىڭ بازارىن اشۋ سەلبەستىك ۇلگىسىن بەلسەنە زەرتتەۋ كەرەك. ءبىز ەكى جاقتىڭ مۇددە تەپە – تەڭدىگى نەگىزىندە جۇڭگو – سينگاپۋر ەركىن ساۋدا كەلىسىمىنىڭ دارەجەسىن جوعارىلاتۋ كەلىسسوزىن باستاۋدى ءارى ونى ەرتەرەك اياقتاۋعا كۇش سالىپ، جۇڭگو – سينگاپۋردىڭ ەكونوميكا – ساۋدا ىنتىماقتاستىعىنا تىڭ سەرپىن بەرۋدى قالايمىز. فينانس سەلبەستىگى كومەسكى قۋاتىن ۇزدىكسىز ساۋلەلەندىرىپ، وڭىرلىك ەنەرگيا سەلبەستىگىنە فينانستىق قولداۋ كورسەتۋ تەكشەسىن بىرلىكتە قۇرامىز. گۋمانيتارلىق اۋىس – كۇيىس بەتالىسىن ساقتاپ، ەكى ەل ورەندەرى مەن ستۋدەنتتەرىنىڭ اۋىس – كۇيىس جاساۋ قيمىلىن ويداعىداي وتكىزىپ، وقۋ – اعارتۋ سەلبەستىگىنىڭ تىڭ سالالارى مەن تىڭ ۇلگىسىن دامىتىپ، ادام كۇشى بايلىعى سەلبەستىگىن نىعايتىپ، مادەنيەت سەلبەستىگى دەڭگەيىن جوعارىلاتامىز.
عىلىم – تەحنيكادا جاڭالىق جاراتۋ، زالالسىز دامۋ، وسى زامانعى اۋىل شارۋاشىلىعى سياقتى سالالارداعى ءوزارا ۇيرەنۋ، تاجىريبە ساباق قابىلداۋدى تەرەڭدەتۋ، قوعامدى وڭاۋ جانە زاڭ اتقارۋ حاۋىپسىزدىگى سەلبەستىگىن ىلگەرىلەتۋ، ەل ارالىق قىلمىس وتكىزۋ ارەكەتتەرىنە بىرلىكتە سوققى بەرۋ، ەكى ەل ارمياسىنىڭ اۋىس – كۇيىسىن كۇشەيتۋ كەرەك.
لي شيانلۇڭ مىنانى ءبىلدىردى: سينگاپۋر – جۇڭگو قاتىناسى تاماشا دامۋ بەتالىسىن ساقتاپ كەلەدى. ءتوراعا شي جينپيڭ سينگاپۋردىڭ مەملەكەت قۇرىلعاندىعىنىڭ 50 جىلدىعى جانە سينگاپۋر – جۇڭگو ديپلوماتيالىق قاتىناس ورناتقاندىعىنىڭ 25 جىلدىعى قارساڭىندا سينگاپۋرعا مەملەكەتتىك ساپاردا بولۋى وراسان زور مانگە يە، بۇل رەتكى ساپار ەكى ەل قاتىناسى دامۋىن تىڭ داۋىرگە باستايدى. سينگاپۋر جۇڭگونىڭ دامۋىن باستان – اياق جەر شارىندىق جانە وڭىرلىك بەلسەندى فاكتور رەتىندە قاراپ كەلەدى. ءتوراعا شي جينپيڭ بۇل رەتكى ساپارى بارىسىندا، ەكى جاق ەكى ەل قاتىناسىن داۋىرمەن جارىسا العا ىلگەرىلەگەن جان – جاقتى ىنتىماقتاستىق، سەرىكتەستىك قاتىناس دەپ تۇراقتاندىرادى، سينگاپۋر – جۇڭگو ەركىن ساۋدا كەلىسىمىنىڭ دارەجەسىن جوعارىلاتۋ كەلىسسوزىن باستايدى، ءبىر قىدىرۋ ءىرى ىنتىماقتاستىق كەلىسىمىنە قول قويىسادى، ەكونوميكا – ساۋدا، قارجى قوسۋ، فينانس سياقتى سالالارداعى سەلبەستىكتى نىعايتادى، وتە – موتە، سينگاپۋر مەن جۇڭگو 3 ـ ۇكىمەت ارالىق ىنتىماقتاستىق نىسانىن ىسكە قوسادى، بۇل سينگاپۋردىڭ جۇڭگونىڭ دامۋىنا كامىل سەنەتىنىن ايگىلەيدى. ەكى ەلدىڭ مادەنيەت، وقۋ – اعارتۋ سياقتى سالالارداعى اۋىس – كۇيىسى مەن سەلبەستىگى دە بولاشاققا بەت العان. سينگاپۋر جۇڭگومەن كليمات وزگەرىسى، 20 ەل توبى سياقتى حالىقارالىق جانە وڭىرلىك ىستەردەگى سەلبەستىكتى كۇشەيتىپ، حالىق اقشاسىنىڭ حالىقارالىق اقشا قورى ۇيىمىنىڭ ەرەكشە اقشا الۋ ۇقىعىنا يە اقشا قاتارىنا ەنۋىن ءۇمىت ەتەدى. سينگاپۋر شىعىس وڭتۇستىك ازيا ەلدەرى وداعىنىڭ جۇڭگومەن سەلبەستىگىن ىشكەرىلەي تەرەڭدەتۋىن، «ءارقايسى جاقتىڭ نانحاي تەڭىزى جونىندەگى ارەكەت پروگرامماسىنىڭ» رۋحى بويىنشا نانحاي تەڭىزىندەگى قاتىستى تالاس – تارتىسقا يە ماسەلەلەردىڭ ويداعىداي ءبىر جاقتى ەتىلۋىن قولدايدى.
كەزەسۋدەن كەيىن شي جينپيڭ لي شيانلۇڭمەن بىرگە ەكى ەلدىڭ ءوزارا اۋىس – كۇيىس جاساۋ، ساۋدا، «ءبىر بەلدەۋ، ءبىر جول» قۇرىلىسى، قالا وڭاۋ جوسپارى، وقۋ – اعارتۋ، كەدەن سياقتى سالالارداعى ەكى جاقتى ىنتىماقتاستىق كەلىسىمىنە قول قويىسۋعا كۋا بولدى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
