- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دوڭگەلەك داۋلەتتى قوعام قۇرۋدا بىردە – ءبىر از ۇلت قاتاردان قالماۋى كەرەك
ــ شي جينپيڭ جولداستىڭ فۋجيانداعى از ۇلت جۇرتشىلىعىنىڭ كەدەيلىكتەن قۇتىلىپ، اۋقاتتانۋ جولىنا تۇسۋىنە كومەكتەسۋىنەن ەستەمە
2015.11.24 13:45 كەلۋ قاينارى : حالىق تورابى
فۋجياننىڭ شىعىسىنداعى فۋديڭ قالاسىنىڭ پانشي قالاشىعىنان جولعا شىعىپ، يرەلەڭدەگەن تاۋ جولىمەن 23 كيلومەتر جۇرگەننەن كەيىن، جاسىل مانات تاۋلارمەن قورشالعان شىزۋلاردىڭ قىستاعى ــ چىشي قىستاعىنا جەتەسىز. بۇل ارانىڭ «بۇكىل ەل بويىنشا كەدەيلەردى سۇيەمەلدەۋ قىزمەتىندە ايگىلى قىستاق» دەگەن اتى بار، كەدەي قىستاقتاعى زور وزگەرىس الدەقاشان الىس – جاقىنعا تانىمالى بولعان.
قوي جىلعى شاعان مەزگىلىندە شىزۋ قىستاعى باقىت قۇشاعىنا شومدى، كىسىنى جەلپىندىرەتىن حابار قىستاق تۇرعىندارىن اسەرلەندىردى: «ءتوراعا شي جينپيڭ ءبىزدىڭ قىستاقتى ماقتادى!».
ءتوراعا شي جينپيڭ 29 – قاڭتاردا مەملەكەتتىك ۇلتتىق ىستەر كوميتەتىنىڭ قىسقا حابارىنا بىلاي دەپ بۇرىشتاما جازدى: «30 جىلدان بەرى، پارتيانىڭ كەدەيلەردى سۇيەمەلدەۋ ساياساتىنىڭ ارقاسىندا، نيڭدى قالاسى چىشي شىزۋ قىستاعىنداعى كادرلار مەن بۇقارا جاپا - ماشاقاتقا شىداپ، قايسارلىقپەن شايقاس جاساپ، تاباندىلىقپەن ەڭبەكتەندى، «تامشى سۋ تاس تەسەر» دەگەندەي، ‹اتى شىققان› كەدەي قىستاقتى دوڭگەلەك داۋلەتتى قىستاق ەتىپ قۇرىپ شىقتى. دوڭگەلەك داۋلەتتى قوعام قۇرۋدا از ۇلتتاردىڭ بىرەۋى دە كەم بولماۋى، بىرەۋى دە قاتاردان قالماۋى كەرەك، ‹ۋاقىت كۇتىپ تۇرمايدى› دەگەن دانالىقتى ەستە بەرىك ساقتاپ، قىزمەت وي جەلىسىندە جاسامپاز بولىپ، كەدەيلەردى سۇيەمەلدەۋ تەبىنىن ارتتىرۋىمىز، جەر جاعدايىنا ۇيلەسەتىن جوسپار جاساپ، كۇشتى ءدال شوعىرلاندىرىپ، از ۇلتتاردى كەدەيلىكتەن قۇتىلدىرۋ سىندى ‹تۇيىنشەكتى› ۋاعىندا شەشۋىمىز، ءار ۇلت بۇقاراسىنىڭ جاپپاي دوڭگەلەك داۋلەتتى قوعامعا اياق باسۋىن مەرزىمىندە ىسكە اسىرۋىمىز كەرەك».
جيىرما جىلدىڭ الدىنا بۇرىلىپ قارايىق: 1988 – جىلى ماۋسىمدا نيڭدى قالالىق پارتكومنىڭ شۋجيى مىندەتىنە تاعايىندالعاننان باستاپ، شي جينپيڭ فۋجياننىڭ شىعىسىنداعى شىزۋ بۇقاراسىمەن تەرەڭ سۇيىسپەنشىلىك ورناتىپ، شىزۋ بۇقاراسىن قامتىعان فۋجياننىڭ شىعىسىنداعى حالىقتىڭ كەدەيلىكتەن قۇتىلىپ، اۋقاتتانۋ جولىنا تۇسۋىنە كۇش سالدى. «كەدەيلىكتەن قۇتىلۋ» اتتى كىتابىنداعى «شىزۋ ۇلتى ەكونوميكا جاعىندا اناعۇرلىم اشىق بولۋى كەرەك»، «ۇلتتار ىنتىماعىنىڭ نەگىزىن بەكەمدەۋ ــ از ۇلتتاردىڭ بىرلىكتە دامىپ – وركەندەۋى جانە اۋقاتتانۋى ماسەلەسى تۋرالى ويلارىم» اتتى ارناۋلى ماقالالارىندا، شي جينپيڭ ۇلتتىق رايونداردىڭ كەدەيلىكتەن قۇتىلىپ، اۋقاتتانۋ جولىنا ءتۇسۋى ماسەلەسىنە ىشكەرىلەي تالداۋ جاسادى جانە تولعاندى، ءبىرقىدىرۋ ساياساتتىق شارالاردى ورتاعا قويدى.
فۋجوۋ قالالىق پارتكومنىڭ شۋجيىلىعىنا جوتكەلىپ تاعايىندالعاننان كەيىن جانە ولكەلىك پارتكوم مەن ولكەلىك ۇكىمەتتىڭ باسشىسى مىندەتىن اتقارعاننان كەيىن دە، شي جينپيڭ از ۇلت بۇقاراسىن ەسىنەن شىعارمادى. ولاردىڭ بۇكىل ولكە حالقىمەن بىرگە اۋقاتتانۋ جولىنا ءتۇسىپ، دوڭگەلەك داۋلەتتى قوعامعا اياق باسۋىنا كومەكتەسىپ وتىردى، شي جينپيڭ ءوز كۇشىنە سۇيەنىپ، كومەكتەسۋ ساياساتتارىن بەلگىلەپ، از ۇلتتاردىڭ ەكونوميكانى دامىتۋىنا كومەكتەسىپ، «قان جاساۋ» قابىلەتىن كۇشەيتتى؛ قىستاقتارعا بارىپ، وتباسىلارىنا كىرىپ، بۇقارانىڭ اۋرۋ – سىرقاۋى مەن قيىنشىلىعىنا قامقورلىق ەتىپ، ولاردى كەدەيلىكتەن قۇتىلدىرۋعا امال – ايلا قاراستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
