لي كىچياڭ 4 – رەتكى جۇڭگو – ورتا، شىعىس ەۆروپا ەلدەرى باسشىلارىنىڭ كەزدەسۋىنە قاتىناستى

2015.11.25 13:39   كەلۋ قاينارى : حالىق تورابى

　　24 – قاراشادا مەملەكەتتىك كەڭەستىڭ زۇڭليى لي كىچياڭ سۋجوۋدىڭ تايحۋ كولىندەگى حالىقارالىق ءماجىلىس ورتالىعىندا ورتا، شىعىس ەۆروپاداعى 16 مەملەكەتتىڭ باسشىلارىمەن بىرگە 4 – رەتكى جۇڭگو – ورتا، شىعىس ەۆروپا ەلدەرى باسشىلارى كەزدەسۋىنە قاتىناستى. لي كىچياڭ كەزدەسۋدى باسقاردى. لي كىچياڭ كەزدەسۋگە قاتىناسقان باسشىلارمەن ەستەلىك سۋرەتكە ءتۇستى. سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

　　«حالىق گازەتى»، 24 – قاراشا، سۋجوۋ (ءتىلشى جاۋ ميڭحاۋ). مەملەكەتتىك كەڭەستىڭ زۇڭليى لي كىچياڭ 24 – قاراشا تۇستەن كەيىن سۋجوۋدىڭ تايحۋىنداعى حالىقارالىق ءماجىلىس ورتالىعىندا ورتا، شىعىس ەۆروپاداعى 16 مەملەكەتتىڭ باسشىلارىمەن بىرگە 4 – رەتكى جۇڭگو – ورتا، شىعىس ەۆروپا ەلدەرى باسشىلارى كەزدەسۋىنە قاتىناستى. كەزدەسۋدى لي كىچياڭ باسقاردى. ەۆروپا وداعى، اۋستريا، گرەتسيا جانە ەۆروپا كوركەيتۋ، اشۋ بانكەسى ۋاكىل جىبەرىپ، كەزدەسۋدى باقىلادى.

　　لي كىچياڭ سوزىندە مىنالاردى اتاپ كورسەتتى: جۇڭگومەن ورتا، شىعىس ەۆروپانىڭ سەلبەستىگى جۇڭگومەن ەۆروپا ەلدەرىنىڭ سەلبەستىگىنىڭ جاڭا ارناسىن جاراتتى. «1+16 سەلبەستىگى» كىشكەنەدەن زورايدى، تايازدان تەرەڭدەپ، ەكونوميكا – ساۋدا، قارجى قوسۋ، نەگىزگى قۇرىلعى، فينانس، ساياحات، وقۋ – اعارتۋ، اۋىل شارۋاشىلىق، گۋمانيتارلىق سالا جانە جەرگىلىكتى سەلبەستىك سىندى كوپ ساندى سالاعا سايىپ، كۇن سايىن پىسىپ – جەتىلدى جانە ەسەيىپ – ەرجەتتى، ءارقايسى مۇشە ەلدەردىڭ حالىقتارىنا پايداسىن تيگىزدى. «1+16 سەلبەستىگى» ورتا ەۆروپا سەلبەستىك جالپى جاعدايىمەن قاتار جۇرگىزىلىپ، جۇڭگو، ورتا، شىعىس ەۆروپا ەلدەرى جانە ەۆروپا وداعى سىندى 3 جاقتىڭ ورتاق يگىلىككە كەنەلۋىن كۇش سالا جۇزەگە اسىرىپ، ۇقساماعان ءوڭىر، ۇقساس بولماعان تۇزىمدەگى ەلدەر اراسىنداعى ناقتىلى سەلبەستىكتىڭ جاڭا فورماسىمەن ءجۇرىپ ءوتتى.

　　كەلۋ قاينارى: حالىق تورابى