لي كىچياڭ ورتا، شىعىس ەۆروپا ەلدەرى باسشىلارىمەن ۇشقىر پويەزگە مىنگەندە، «1+16 سەلبەستىگىنىڭ» جوعارى قارقىندى لەنياعا كىرگەندىگىن باسا دارىپتەدى

2015.11.26 14:38   كەلۋ قاينارى : حالىق تورابى

　　شينحۋا اگەنتتىگى، 25 – قاراشا، نانجيڭ (تىلشىلەر چىن ىرحۋ، شاڭ جۇن). مەملەكەتتىك كەڭەستىڭ زۇڭليى لي كىچياڭ 25 – قاراشا تۇستەن بۇرىن ەلىمىزگە ۇسىنىسپەن كەلىپ 4 – رەتكى جۇڭگو – ورتا، شىعىس ەۆروپا ەلدەرى باسشىلارىنىڭ كەزدەسۋىنە قاتىناسىپ جاتقان ورتا، شىعىس ەۆروپا ەلدەرى باسشىلارىمەن بىرگە جۇڭگو ۇشقىر پويەزىنە ءمىندى.

　　سۋجوۋ سولتۇستىك بەكەتىنەن شاڭحايدىڭ حۇڭچياۋ بەكەتىنە دەيىنگى 100 كيلومەتر جولدى 20 مينۋتتان ارتىق ۋاقىتتا باسىپ بولىپ، «1+16 سەلبەستىگى» ساپارىنىڭ بەتاشارىن اشتى.

　　ستانسيا بەكەتىندە جوعارى قارقىندى تەمىر جولدىڭ سۋ جاڭا پويەزى لي كىچياڭ مەن الىستان كەلگەن سيلى قوناقتاردى كۇتىپ الدى. ۋاگون سىرتىنا ىلىنگەن جۇڭگومەن ورتا، شىعىس ەۆروپاداعى 16 مەملەكەتتىڭ مەملەكەت تۋى جانە «16+1＞17» بەلگىسى كوز تارتىپ نۇرلانىپ تۇرسا، ۆاگون ىشىندە لي كىچياڭ ءارقايسى ەلدەردىڭ باسشىلارىمەن ىستىق ىقىلاستى اڭگىمەلەستى، سەلبەستىك جونىندە ورتاق تانىمعا كەلدى.

　　لي كىچياڭ بىلاي دەدى: جۇڭگونىڭ جەرى كەڭ، ادامى كوپ بولعاندىقتان، قاتىناس نەگىزدىك قۇرىلعى قۇرىلىسى ارقىلى حالىق تۇرمىسىن شىنايى جاقسارتۋعا تۋرا كەلەدى. جۇڭگو ۇكىمەتى تەمىر جول، تاس جول سىندى قاتىناس نەگىزدىك قۇرىلعى قۇرىلىستارى مەن ونىڭ دارەجەسىن جوعارىلاتۋعا وسكەلەڭ دارەجەدە ءمان بەرىپ كەلەدى. رەفورما جۇرگىزىپ، قاقپا اشقان 30 نەشە جىلدىق دامۋ ارقىلى، جۇڭگو وسى سالادا ۇلىعاۋسار تابىستارعا، العا باسۋلارعا قول جەتكىزدى. قازىرگى تاڭدا جوعارى قارقىندى تەمىر جول حالىق جۇرتشىلىعىنىڭ ساپارلاۋى، ساياحات جاساۋىنداعى يكەمدى قاتىناس قۇرالىنا ايلاندى ءارى جۇڭگونىڭ جابدىق جاساۋىنداعى ايناسىنا اينالدى. جۇڭگو قاتىناس نەگىزدىك قۇرىلعى سالاسىندا باسىمدىلىققا يە ءوندىرىس قۋاتىن، وزىق تەحنيكانى، جوعارى قۇندى قولدانعاندىقتان، ونىڭ حالىقاراداعى باسەكەلىك قۋاتى مىعىم، بۇل ءبىزدىڭ كوپ جىلداردان بەرگى ەكونوميكانى دامىتۋ، تەحنيكانى العا باستىرۋ، جابدىقتاردىڭ دارەجەسىن جوعارىلاتۋ، ينجەنەريا نىساندارىنا قاجەتتى دارىندىلار سىندى جان – جاقتىلى فاكتورلاردى جيناقتاۋىمىزدىڭ ناتيجەسى. قازىر جۇڭگو جاق سۇرانىسى بار مەملەكەتتەرمەن بۇل جەتىستىكتەردى بولىسۋگە، ورتا، شىعىس ەۆروپا ەلدەرىمەن قول ۇستاسىپ سەلبەستىك ورناتۋعا، قاتىناس نەگىزدىك قۇرىلعىلارى سىندى سالالاردا ءوندىرىس قۋاتى سەلبەستىگىن ورىستەتۋگە، جوعارى قارقىندى تەمىر جول جانە تەمىر جول جوبالاۋ، قۇرىلىس جۇرگىزۋ جاعىندا ورتا، شىعىس ەۆروپا ەلدەرىن مولشەرى بەكىتىلگەن جوبا جانە ونىمدەرمەن قامداۋعا، ءارقايسى ەلدەردىڭ ونەركاسىپتەنۋ جانە وڭىرلىك ءبىر تۇلعالانۋىن ىلگەرىلەتۋگە شىنايى پەيىلىن بىلدىرەدى.

　　كەلۋ قاينارى: حالىق تورابى