مەملەكەت قورعانىسى مينيسترلىگى نانشا توپ ارالىنداعى مارجان ارالدارعا اۋەجاي سالۋ – سالماۋ جونىندە جاۋاپ قايتاردى: اسكەري قۇرىلعىلاردىڭ بۇكىلدەي قورعانۋ سيپاتى بار

2015.11.27 17:01   كەلۋ قاينارى : حالىق تورابى

　　حالىق تورابى، 26 – قاراشا، بەيجيڭ (ءتىلشى چيۋ يۋە). بۇگىن تۇستەن كەيىن، مەملەكەت قورعانىس مينيسترلىگى داعدىلى تىلشىلەر جيىنىن اشتى. ءتىلشى: جۇڭگو جاقتىڭ نانشا توپ ارالدارىنداعى مارجان ارالدارعا 2 – 3 جاڭا اۋەجاي سالۋ – سالماۋى تۋرالى سۇراعانىندا، مەملەكەت قورعانىسى مينيسترلىگى اقپارات ىستەرى مەكەمەسىنىڭ ورىنباسار باستىعى، مەملەكەت قورعانىسى مينيسترلىگىنىڭ اقپارات مالىمدەمەشىسى پولكوۆنيك ۋ چيان بىلاي دەدى: جۇڭگونىڭ نانشا توپ ارالدارى جانە ونىڭ ماڭىنداعى تەڭىز ايدىنىنا يەلىك ەتۋ ۇقىقى بار، ءوز تەرريتورياسى ىشىندە حالىقتىق قۇرىلعىلاردى جانە قاجەتتى اسكەري قۇرىلعىلاردى جاساۋعا ۇقىقتى.

　　ءتىلشى: كەزەكتە جۇڭگو يۇڭشين ارالىنا ءبىر اۋەجايدى سالىپ بولدى. ۇعىسۋعا قاراعاندا، جۇڭگو جاقتىڭ نانشا توپ ارالدارىنداعى مارجان ارالدارعا جاڭادان 2 – 3 اۋەجاي سالۋ مۇمكىندىگى بار ەكەن، بۇل جاعىندا جۇڭگو جاقتىڭ جوسپارىن ايتىپ بەرە الاسىز با؟ مارجان ارالدارعا قانشا اۋەجاي سالماقشى؟ ولار نە ماقساتقا ىستەتىلەدى؟

　　ۋ چيان: جۇڭگونىڭ نانشا توپ ارالدارى جانە ونىڭ ماڭىنداعى تەڭىز ايدىنىنا يەلىك ەتۋ ۇقىقى بار، ءوز تەرريتورياسى ىشىندە حالىقتىق قۇرىلعىلاردى جانە قاجەتتى اسكەري قۇرىلعىلاردى جاساۋعا ۇقىقتى. بۇل اسكەري قۇرىلعىلاردىڭ بۇكىلدەي قورعانۋ سيپاتى بار، سونداي – اق شەگى دە بار.

　　كەلۋ قاينارى: حالىق تورابى