- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەدەيلەردى كەدەيلىكتەن قۇتىلدىرۋ سىندى ەڭ كورنەكتى ولقىلىقتى تولتىرايىق
2015.12.10 15:27 كەلۋ قاينارى : شينجياڭ گازەتى
جاپپاي دوڭگەلەك داۋلەتتى قوعام قۇرۋدا، نەعۇرلىم ماڭىزدىسى، نەعۇرلىم قيىنعا سوعاتىنى «جاپپاي جۇزەگە اسىرۋ». ولقىلىقتاردى تولتىرۋدى كورنەكتى ورىنعا قويىپ، دامۋدىڭ بىركەلكىلىگىن، سايكەستىلىگىن، باياندىلىعىن شىن مانىندە كۇشەيتكەندە عانا، شىن مانىندەگى جاپپاي دوڭگەلەك داۋلەتتى ىسكە اسىرۋعا بولادى.
ج ك پ اۆتونوميالى رايوندىق 8-كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە ولقىلىقتاردى تولتىرىپ، كەدەرگىلەردى الاستاپ، دامۋدىڭ بىركەلكىسىزدىگى ماسەلەسىن شەشۋگە كۇش سالۋ كەرەكتىگى اتاپ كورسەتىلدى. ال، ەڭ كورنەكتى ولقىلىق − كەدەيلەردى كەدەيلىكتەن قۇتىلدىرۋ.
كەدەيلىككە جاپپاي شابۋىل جاساۋ
ورتالىقتىڭ كەدەيلەردى سۇيەمەلدەۋ، وركەندەتۋ
قىزمەتى ءماجىلىسىنىڭ رۋحىنا ساي، اۆتونوميالى رايونىمىز 2020 - جىلعا دەيىن 2 ميلليون 610 مىڭ كەدەيدىڭ تۇگەل كەدەيلىكتەن قۇتىلىپ بولۋىن، 53 كەدەي اۋداننىڭ تۇگەل كەدەيلىكتەن ارىلىپ بولۋىن قامتاماسىز ەتۋى كەرەك. وسىعان وراي، اۆتونوميالى رايوندىق پارتكوم مەن ۇكىمەت ورتالىق كوميتەتكە سەرت بەرىپ، جاۋاپكەرشىلىك حاتىنا قول قويدى.
وسى نىسانانى جۇزەگە اسىرۋ ءۇشىن، ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە «13- بەسجىلدىق» كەزىندە اۆتونوميالى رايوننىڭ كەدەيلەردىڭ كەدەيلىكتەن قۇتىلۋى سىندى ەڭ كورنەكتى ولقىلىقتى تولتىرىپ، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزۋى كەرەكتىگى العا قويىلدى.
ءسوزسىز تۇردە ورىنداۋعا ءتيىستى مىندەت جونىندە، اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى ما چىڭ ۋاقىتتىڭ تىعىز، قىسىمنىڭ زور ەكەنىن ايتتى. ول بىلاي دەدى: «ۋاقىتقا قاراساق، بەس - اق جىل ۋاقىت قالدى؛ كەدەيلىكتەن قۇتىلدىرۋدىڭ قازىرگى جاعدايىنان قاراساق، 2014- جىلعى كەزەكتى ارحيۆ ماتەريالى بويىنشا اۆتونوميالى رايونىمىزدا 2 ميلليون 610مىڭ كەدەي بار، كەدەيلىك مولشەرى %21كە تايايدى، اۆتونوميالى رايونىمىز بۇكىل ەلدەگى كەدەيلىك مولشەرى %15تەن جوعارى 5 ولكە، اۆتونوميالى رايوننىڭ ءبىرى. سوندىقتان كەدەيلىكتىڭ مەيلى كەڭدىگى، مەيلى تەرەڭدىگى بولسىن، اۆتونوميالى رايونىمىزدا كەدەيلىكتەن قۇتىلدىرۋدان قامال الۋ وڭايعا تۇسكەلى تۇرعان جوق».
ما چىڭ: سونىمەن بىرگە «13- بەسجىلدىق» كەزىندە كەدەيلەردى كەدەيلىكتەن قۇتىلدىرىپ، كەدەي اۋدانداردى كەدەيلىكتەن ارىلتىپ قانا قويماي، وڭتۇستىك شينجياڭنىڭ 3 ايماق، ءبىر وبلىسىنداعى تۇتاسقان ەرەكشە كەدەيلىك ماسەلەسىن شەشۋ كەرەك، - دەدى.
كەدەيلىكتەن قۇتىلدىرۋدىڭ وسى جاپالى مىندەتىن قىسقا ۋاقىت ىشىندە ورىنداپ، ەڭ ماڭىزدى ولقىلىقتى تولتىرۋ ءۇشىن، ج ك پ اۆتونوميالى رايوندىق 8-كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە جەر - جەردەن، تاراۋلاردان ىسكە كىرىسىپ، جۇمىس ۋاقىتىن ورنالاستىرىپ، جاۋاپكەرشىلىكتى تياناقتاندىرىپ، كۇش سالا ىلگەرىلەتىپ، كەدەيلىككە جاپپاي شابۋىل جاساۋ كەرەكتىگى تالاپ ەتىلدى. ءماجىلىس وڭتۇستىك شينجياڭداعى 3 ايماق، ءبىر وبلىستى، شەكارا وڭىرلەردى، ەرەكشە كەدەي تاۋلى وڭىرلەردى كەدەيلىكتەن قۇتىلدىرۋدان قامال الۋ شايقاسىنىڭ نەگىزگى مايدانى ەتىپ، اشۋ ۇلگىسىندەگى كەدەيلەردى سۇيەمەلدەۋ باعىتىنان جازباي، كەدەيلەردى جاپپاي سۇيەمەلدەۋ يدەياسىنا تاباندى بولىپ، نەگىزدىك قۇرىلعى قۇرىلىسى مەن كاسىپتەردىڭ دامۋ سەرپىنىن كۇشەيتىپ، نەگىزگى الەۋمەتتىك قىزمەتتىڭ تەڭگەرىلۋىن ىلگەرىلەتىپ، كەدەي وڭىرلەردىڭ ءوندىرىس، تۇرمىس شارت - جاعدايىن جەدەل وزگەرتىپ، ءىرى اۋىل شارۋاشىلىعىنىڭ وڭتۇستىك شينجياڭدى كەدەيلىكتەن قۇتىلدىرۋداعى ماڭىزدى رولىن ساۋلەلەندىرۋگە باسا ءمان بەرىپ، كەدەيلەر قاۋىمىنىڭ كەدەيلىكتەن قۇتىلىپ، اۋقاتتانۋ قابىلەتىن ارتتىرۋ العا قويىلدى.
كەدەي وتباسىلارىن ءبىر - بىردەن كەدەيلىكتەن قۇتىلدىرۋ
ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە مىنالار العا قويىلدى: كەدەيلەردى دالمە - ءدال سۇيەمەلدەۋگە، دالمە - ءدال كەدەيلىكتەن قۇتىلدىرۋعا تاباندى بولۋ، «كىمدى سۇيەمەلدەۋ»، «كىم سۇيەمەلدەۋ»، «قالاي سۇيەمەلدەۋ»، «قالاي شەگىنۋ» ماسەلەسىن ءتۇيىندى تۇردە شەشۋ كەرەك، كەدەيلىكتەن ارىلعان اۋدانداردى كەدەيلەردى سۇيەمەلدەۋ ساياساتىنان بەلگىلى ۋاقىت ىشىندە يگىلىكتەندىرۋ، كەدەي وتباسىلارىن، ءاربىر كەدەيدى تۇگەل كەدەيلىكتەن قۇتىلدىرۋ كەرەك.
ما چىڭ بىلاي دەدى: «كەدەيلەردىڭ ءدال سانىن يگەرۋ −− كەدەيلەردى دالمە - ءدال سۇيەمەلدەۋدىڭ نەگىزى، قانشا كەدەي وتباسى، قانشا كەدەي ادام بار ەكەنىن ناقتاپ ايقىنداپ، ءاربىر وتباسىنىڭ كەدەيلەسۋ سەبەبىن ءبىلىپ، جاعدايىنا قاراي ناقتى شارا قولدانۋىمىز كەرەك».
ىلە قازاق اۆتونوميالى وبلىسىنىڭ نىلقى اۋدانى الدىڭعى عاسىردىڭ 80- جىلدارىنىڭ ورتاسىنان باستاپ كەدەيلىك قالپاعىن كيگەن، سودان بەرى 30 جىل بولدى. اۋداندىق پارتكومنىڭ شۋجيى جوۋ ليشين بىلاي دەدى: «نىلقى اۋدانىندا 18 مىڭ كەدەي بار، بۇل جالپى اۋدان حالقىنىڭ شامامەن %10ىن ۇستايدى، اۆتونوميالى رايوننىڭ 2017- جىلى اۋداندى كەدەيلىكتەن ارىلتۋ نىساناسىن ورىنداۋ مىندەتى وتە اۋىر».
جوۋ ليشين بىلاي دەدى: «سەرت بەرۋ كەدەيلەردى سۇيەمەلدەۋدىڭ ەندىگارى قۇر ۇران ەمەس، قايتا مويىنعا جۇكتەلگەن جاۋاپكەرشىلىك ەكەنىن كورسەتەدى. باياندامادا العا قويىلعان ماسەلەلەر ۇستىندە كۇش سالىپ، الدىمەن، كەدەيلەردى ارحيۆكە الۋ جۇمىسىن جاقسى ىستەپ، وتباسىلارىن، ادامداردى ءبىر - بىردەن ايقىنداپ، كەدەي وتباسىلارىنىڭ جاعدايىن تۇبەگەيلى انىقتاۋىمىز كەرەك».
ءماجىلىس ساياسي باسىمدىلىقتى ساۋلەلەندىرىپ، ىشكى قوزعاۋشى كۇشتى جانداندىرىپ، ءار جاقتى اتتانىسقا كەلتىرىپ، كەدەيلىكتەن قۇتىلدىرۋدان قامال الۋدىڭ مىندەتتەرىن تولىق ورىنداۋدى تالاپ ەتتى. «13- بەسجىلدىق» كەزىندە، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا كەدەي قىستاقتارعا بارعان قىزمەت گرۋپپالارى قىستاقتى كەدەيلىكتەن قۇتىلدىرمايىنشا سول جەردەن كەتپەي، كەدەيلەردى سۇيەمەلدەۋ شارالارىن وتباسىلارىنا دەيىن تياناقتاندىرۋى كەرەك. بۇل «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا قىستاقتا تۇراتىن قىزمەت گرۋپپالارىنىڭ كەدەي وتباسىلارىنىڭ كەدەيلىكتەن قۇتىلۋىنا دەم بەرەتىن ماڭىزدى كۇش رەتىندە ماڭىزدى رول ساۋلەلەندىرەتىنىن كورسەتەدى.
جاپپاي كەدەيلىكتەن قۇتىلدىرۋ ءۇشىن، اۆتونوميالى رايوندىق پارتكوم، ۇكىمەت ورتالىققا سەرت بەرىپ، جاۋاپكەرشىلىك حاتىنا قول قويدى. اۆتونوميالى رايون دا دارەجەلەر بويىنشا سەرت بەرىپ، كەدەيلىكتەن قۇتىلدىرۋدىڭ جاۋاپكەرشىلىگىن تياناقتاندىرادى.
كەدەيلىكتەن قۇتىلدىرۋدىڭ جاپا - ماشاقاتىنان تايسالماۋ
«13- بەسجىلدىق» مەزگىلى− كەدەيلەردى سۇيەمەلدەۋ، وركەندەتۋدە قيىنشىلىقتان تايسالماي، قامال الىپ، شەپ بۇزاتىن شەشۋشى كەزەڭ.
اۆتونوميالى رايونىمىز ورتالىقتىڭ «5 ءبىر» ورنالاستىرۋى بويىنشا، ءوندىرىستى قولداۋ جانە باسقا سالالارعا ويىستىرىپ كاسىپتەندىرۋ ارقىلى ءبىر ميلليون 880 مىڭ ادامدى، وزگە جەرگە كوشىرىپ، كاسىپتەندىرۋ ارقىلى 200مىڭ ادامدى، ەكولوگيانى قورعاۋ جۇمىسىنا ورنالاستىرۋ ارقىلى 80مىڭ ادامدى، وقۋ - اعارتۋ جاعىنان سۇيەمەلدەۋ ارقىلى 20 مىڭ ادامدى كەدەيلىكتەن قۇتىلدىرىپ، ەڭ تومەنگى تۇرمىستى قامتامسىزداندىرۋ بويىنشا 430مىڭ ادامدى كەپىلدىككە يە ەتتى.
كەدەيلەردى سۇيەمەلدەۋدىڭ قازىرگى قولدانىستاعى ولشەمىنە نەگىزدەلگەندە، وڭتۇستىك شينجياڭنىڭ 3 ايماق، ءبىر وبلىسىنداعى كەدەيلەر تۇتاس اۆتونوميالى رايونداعى كەدەيلەر سانىنىڭ %85ىن ۇستايدى. تۇتاس اۆتونوميالى رايونىمىزدىڭ كەدەيلەردى سۇيەمەلدەۋ، وركەندەتۋ قىزمەتىندەگى 35ءتۇيىندى اۋداننىڭ ىشىندە وڭتۇستىك شينجياڭنىڭ 3 ايماق، ءبىر وبلىسىنان 26 اۋدان بار، بۇل تۇتاس اۆتونوميالى رايونىمىزدىڭ كەدەيلەردى سۇيەمەلدەۋ قىزمەتىندەگى ءتۇيىندى اۋدانداردىڭ %74ىن ۇستايدى، دەمەك، وڭتۇستىك شينجياڭ اۆتونوميالى رايونىمىزدىڭ كەدەيلىكتەن قۇتىلدىرۋ شايقاسىنداعى نەگىزگى شايقاس الاڭىنا اينالىپ وتىر.
«بۇكىلدەي كەدەيلىكتەن قۇتىلدىرۋ − ءبىر كەدەيدى دە قاعىس قالدىرماۋ دەگەن ءسوز». وڭتۇستىك شينجياڭنىڭ كەدەيلىكتەن قۇتىلدىرۋ نەگىزگى شايقاس الاڭىندا قىزمەت ىستەپ جاتقان قىزىلسۋ قىرعىز اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى پارحات تۇردى بورىشىنىڭ اۋىر ەكەندىگىن سەزىنىپ وتىر. ول بىلاي دەدى: قىزىلسۋ قىرعىز اۆتونوميالى وبلىسىنداعى ەگىنشى-مالشىلاردىڭ %60تەن استامى كەدەيلەر ساناتىندا، كەدەيلىكتەن قۇتىلعانداردىڭ سانىن جىل سايىن ەسەلەپ ارتتىرعاندا عانا، 2020 - جىلعى نىسانا ورىندالادى، ءسوز جوق، ءماجىلىس رۋحىن ويداعىداي تياناقتاندىرىپ، ناقتى شارا قولدانىپ، سۋبيەكتتىك بەلسەندىلىكتى ساۋلەلەندىرىپ، جوسپار بويىنشا مىندەتتى ورىنداۋعا شىنايى كەپىلدىك ەتۋ كەرەك.
ۇلىشات اۋدانى وڭتۇستىك شينجياڭداعى كەدەي اۋدانداردىڭ ءبىرى، ۇلىشات اۋداندىق پارتكومنىڭ شۋجيى ۋاڭ كايشۋان بىلاي دەدى: «13- بەسجىلدىق» مەزگىلىندە، «5 ءبىر» ينجەنەرياسىن ارقاۋ ەتكەن كەدەيلىكتەن قۇتىلدىرۋ قىزمەتىنە جەتەكشىلىك ەتۋدى ءتۇيىن ەتەمىز. كەدەيلەردى كاسىپ جاعىنان سۇيەمدەلۋدە ۇلىشات اۋدانىنىڭ بايلىعىمەن ۇشتاستىرىپ، شارۋالاردىڭ كىرىسىن ارتتىرۋعا ءتيىمدى كاسىپتەردى، ياعني مال شارۋاشىلىعى، جەمىس شارۋاشىلىعى سىندى كاسىپتەردى قولداۋ تەبىنىن ارتتىرامىز، جاراتىلىستىق شارت- جاعدايى سەبەپتى ءوز جەرلەرىندە تۇرمىستارىن قامداي المايتىن شەكارا، كەدەي قىستاقتارعا تۇتاستاي كوشىرۋ ساياساتىن اتقارامىز. «قۇلشىنىسىمىزدىڭ ارقاسىندا، ءسوز جوق، كەدەيلىك قالپاقتى الىپ تاستايتىندىعىمىزعا كامىل سەنەمىن»، - دەدى ۋاڭ كايشۋان باتىل تۇردە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
