- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى، مەملەكەتتىك كەڭەس نانجيڭدەگى زور قىرعىندا قازا بولعاندارعا ارنالعان 2015- جىلعى مەملەكەتتىك ازا ءبىلدىرۋ سالتىن وتكىزدى
2015.12.15 16:43 كەلۋ قاينارى : شينجياڭ گازەتى
شينحۋا اگەنتتىگىنىڭ 13- جەلتوقساندا نانجيڭنەن بەرگەن حابارى. ج ك پ ورتالىق كوميتەتى، مەملەكەتتىك كەڭەس 13- جەلتوقسان كۇنى ءتۇستىڭ الدىندا نانجيڭ قالاسىندا جاپونيا ارمياسىنىڭ نانجيڭدە جۇرگىزگەن زور قىرعىنىندا قازا بولعاندارعا ارناپ 2015- جىلعى مەملەكەتتىك ازا تۇتۋ سالتىن وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي جيانگو سالتقا قاتىناستى ءارى ءسوز سويلەدى.
لي جيانگو سوزىندە بىلاي دەدى: بۇگىن ءبىز ازا ءبىلدىرۋ سالتىن وتكىزىپ، نانجيڭدەگى زور قىرعىندا قازا بولعانداردى، جاپون شاپقىنشىلارىنىڭ اياۋسىز قىرعىنىنا ۇشىراعان بارلىق جانداردى ەسكە ءتۇسىرىپ، جۇڭگو حالقىنىڭ جاپون شاپقىنشىلارىنا قارسى سوعىسىنا ءومىرىن ارناعان توڭكەرىستىك قۇرباندار مەن ۇلت قاھارماندارىن ساعىنا ەسكە الىپ وتىرمىز. ءدال وسى ساتتە كەشەگى كۇندەردى ەسكە الار بولساق، ادامزات تاريحىنداعى ەڭ قارا تۇنەك، ەڭ ايانىشتى كورىنىس تاعى دا كوز الدىمىزعا كەلەدى. قانشا ۇزاق ۋاقىت وتسە دە، تاريح بۇل كۇندى ماڭگى ۇمىتپايدى. دۇنيە جۇزىلىك ءمانى جانە كەلەلى ىقپالى بار نانجيڭ زور قىرعىنى سىندى وسى تاريح ساباعى بارلىق ادامعا جانە ازا بىلدىرۋگە كەلگەن جۇرتقا بۇرىنعىدان عيبىرات الىپ، بەيبىتشىلىك تىلەۋ كەرەكتىگىن كورسەتەدى.
لي جيانگو بىلاي دەپ باسا دارىپتەدى: ءبىزدىڭ قازا بولعان باۋىرلاستارعا ازا ءبىلدىرىپ، جاپون شاپقىنشىلارىنا قارسى سوعىس قۇرباندارىن ساعىنا ەسكە الىپ، شاپقىنشىلىق ارەكەتتى جازعىرۋىمىزداعى ماقساتىمىز وشپەندىلىك - كەكتى جالعاستىرۋ ەمەس، قايتا ىزگى نيەتتى ادامداردىڭ بەيبىتشىلىككە دەگەن ۇمتىلىسى مەن تاباندىلىعىن وياتۋ، سەلبەسە وتىرىپ بەيبىت تە جارقىن بولاشاق اشۋ. ءبىراق ءبىز شاپقىنشىلىق سوعىستىڭ شاشباۋىن كوتەرەتىن، تاريحتى ارتقا شەگەرمەكشى بولعان ءسوز - ارەكەتتەرگە، ءسوزسىز، باتىل قارسى تۇرىپ، تاريحي تراگەديانىڭ قايتالانۋىنان ساقتانۋىمىز كەرەك. 1972- جىلى جۇڭگو مەن جاپونيانىڭ ديپلوماتيالىق قاتىناسى قالىپقا تۇسكەننەن بەرى، ەكى ەل قاتىناسىن ىستىق پەن سۋىقتى باستان كەشىرىپ، قارىشتاپ دامىدى. جۇڭگو مەن جاپونيا «جۇڭگو-جاپونيا بىرلەسكەن مالىمدەمەسى» سياقتى 4 ساياسي حۇجاتتا بەلگىلەنگەن پرينسيپ نەگىزىندە، تاريحتى اينا ەتۋ، بولاشاققا بەت تۇزەۋ رۋحىمەن، تاتۋ كورشىلىك دوستىق سەلبەستىكتى ۇزدىكسىز ىلگەرىلەتىپ، دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىنا بىرگە ۇلەس قوسۋى كەرەك.
لي جيانگو مىنالاردى اتاپ كورسەتتى: بۇگىن ءبىز قازا بولعان باۋىرلاستار مەن جاپون شاپقىنشىلارىنا قارسى سوعىس قۇرباندارىنىڭ ارۋاعىنا «نانجيڭدەگى زور قىرعىن جۇڭحۋا ۇلتى مەن ادامزات وركەنيەتىنىڭ تاريحي ەستەمەسىندە ماڭگى ساقتالىپ قالدى، جۇڭحۋا ۇلتىنىڭ كىم كورىنگەننىڭ بيلەپ - توستەۋىندە بولاتىن، قورلىعىنا ۇشىرايتىن ءداۋىرى كەلمەسكە كەتكەن، بۇگىنگى تاڭداعى جۇڭگو حالقى مەملەكەتتىڭ بايىپ قۇدىرەتتەنۋىن، ۇلتتىڭ گۇلدەنۋىن، حالىقتىڭ باقىتىن ىسكە اسىرۋدىڭ ۇلى جورىعىندا قايراتتانا العا تارتۋدا» دەگەندى ايتىپ رازى ەتكىمىز كەلەدى. شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 18- قۇرىلتايىنىڭ جانە پارتيا 18- كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ۇلى ۇلت رۋحىن، جاپون شاپقىنشىلارىنا قارسى تۇرۋدىڭ ۇلى رۋحىن اسقاقتاتىپ، ءبىر نيەت، ءبىر تىلەكتە بولا وتىرىپ، قيىندىقتاردى جەڭىپ قامال الىپ، جاپپاي دوڭگەلەك داۋلەتتى قوعام قۇرۋدىڭ شەشۋشى ساتىندەگى ۇلى جەڭىسكە قول جەتكىزۋ، «قوس 100 جىل» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن ىسكە اسىرۋ جولىندا قۇلشىنا كۇرەسەيىك.
مەملەكەتتىك كەڭەستىڭ مۇشەسى ۋاڭ يۇڭ ازا ءبىلدىرۋ سالتىن باسقاردى، مەملەكەتتىك ساياسي كەڭەستىڭ ورىنباسار ءتوراعاسى ليۋ شياۋفىڭ مەن ورتالىق اسكەري ىستەر كوميتەتىنىڭ مۇشەسى جاۋ كىشى ازا ءبىلدىرۋ سالتىنا قاتىناستى.
جاپون شاپقىنشىلارىنا قارسى سوعىس ارداگەرلەرىنىڭ ۋاكىلدەرى، ورتالىقتاعى پارتيا، ۇكىمەت، ارميا، قاتىستى بۇقارالىق تاراۋلاردىڭ جاۋاپتىلارى، دەموكراتيالىق پارتيا - توپتاردىڭ ورتالىق كوميتەتىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى، پارتيادا، توپتا جوق قايراتكەرلەردىڭ ۋاكىلدەرى، شياڭگاڭدىق، اۋمىندىق، تايۋاندىق باۋىرلاستاردىڭ ۋاكىلدەرى، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسكە جەتۋىنە ۇلەس قوسقان حالىقاراداعى دوستار نەمەسە ولاردىڭ جۇبايلارىنىڭ ۋاكىلدەرى، نانجيڭدەگى زور قىرعىندا امان قالعانداردىڭ، سونداي - اق قازا بولعان باۋىرلاستاردىڭ تۋىستارىنىڭ ۋاكىلدەرى، جياڭسۋ ولكەسىنىڭ ءار سالاداعى جۇرتشىلىعىنىڭ ۋاكىلدەرى ازا ءبىلدىرۋ سالتىنا قاتىناستى.
2014 - جىلى 27 - اقپاندا مەملەكەتتىك 12- كەزەكتى حالىق قۇرىلتايى تۇراقتى كوميتەتىنىڭ 7 - ءماجىلىسى زاڭ شىعارۋ فورماسىمەن 13- جەلتوقساندى نانجيڭدەگى زور قىرعىندا قازا بولعاندارعا مەملەكەتتىك ازا ءبىلدىرۋ كۇنى ەتىپ بەلگىلەۋ جونىندە قارار ماقۇلداعان بولاتىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
