بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ ج ك پ ورتالىق كوميتەتى ساياسي بيۋروسىنىڭ ءماجىلىسىن باسقارىپ اشتى

2015.12.15 16:44     كەلۋ قاينارى : شينجياڭ گازەتى

  شينحۋا اگەنتتىگىنىڭ 14- جەلتوقساندا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 14- جەلتوقساندا ءماجىلىس اشىپ، 2016- جىلعى ەكونوميكالىق قىزمەتكە تالداۋ جاساپ، زەرتتەۋ جۇرگىزىپ، قالا قىزمەتى جونىندە كەڭەسىپ، ورنالاستىرۋ جاسادى، «پارتيا مەن مەملەكەتتىڭ ەڭبەك ارداگەرلەرىن ماداقتاۋ - سيلاۋ

  ءتۇزىمىن ورناتۋ، كەمەلدەندىرۋ جونىندەگى پىكىردى»، «جۇڭگو كوممۋنيستىك پارتياسىنىڭ جەرگىلىكتى كوميتەتتەرىنىڭ قىزمەت ەرەجەسىن»، «جاپپاي 2 بالالى بولۋ ساياساتى رەفورماسىن اتقارۋ، جوسپارلى تۋىتقا قىزمەت وتەۋ، باسقارۋدى كەمەلدەندىرۋ جونىندەگى پىكىردى» قاراپ ماقۇلدادى. ءماجىلىستى

  ج ك پ ورتالىق كوميتەتىنىڭ باس شۋجيى شي جينپيڭ باسقاردى.

  ءماجىلىس بىلاي دەپ قارادى: بيىل پارتيا ورتالىق كوميتەتى مەن مەملەكەتتىك كەڭەس بۇكىل ەلدەگى ءار ۇلت حالقىن ىنتىماقتاستىرا باستاپ، ەكونوميكالىق دامۋدىڭ جاڭا قالىبىنا ىرىقتىلىقپەن سايكەسىپ، ءتۇرلى ەلەۋلى حاۋىپ - قاتەرگە، سىن - سايىسقا

  يكەمدىلىكپەن توتەپ بەرىپ، ەكونوميكالىق، قوعامدىق دامۋداعى ىرىقتىلىقتى بۇلجىتپاي مىقتى يگەرىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسى مەن پارتيا قۇرىلىسىن العا ىلگەرىلەتىپ، ماڭىزدى ىلگەرىلەۋشىلىكتەرگە قول جەتكىزدى. ەلىمىزدىڭ ەكونوميكالىق اينالىمى تۇلعالىق جاقتان ورنىقتى بولدى، ورنىقتىلىق بارىسىندا ىلگەرىلەپ، ورنىقتىلىق بارىسىندا جاقسارىپ، بيىلعى باستى نىسانا مەن مىندەتتەر ورىندالىپ، «12- بەسجىلدىق» جوسپار جەڭىسپەن جۇزەگە اسىرىلىپ، تابىسپەن تامامدالىپ، «13- بەسجىلدىق» كەزىندەگى دامۋدىڭ ءساتتى بولۋىنا جانە 2020- جىلى جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرۋعا بەرىك نەگىز قالاندى.

  ءماجىلىس بىلاي دەپ اتاپ كورسەتتى: 2016- جىل − جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەگى العاشقى جىل، ەكونوميكالىق قىزمەتتى تىڭعىلىقتى ىستەۋ ەرەكشە ماڭىزدى. پارتيا 18 - قۇرىلتايى مەن پارتيا 18- كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ ەكونوميكالىق قىزمەتكە باسشىلىعىن كۇشەيتىپ جانە جاقسارتىپ، ەل ءىشى جانە حالىقارالىق 2 ءىرى جاعداي جونىندە ءبىر تۇتاس جوسپار جاساپ، «بەستى ءبىر تۇلعالاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنىڭ تالابىنا ساي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ يدەياسىن بەرىك ورناتىپ جانە دايەكتى تياناقتاندىرىپ، ەكونوميكالىق دامۋدىڭ جاڭا قالىبىنا سايكەسىپ، رەفورما جاساۋدان، ەسىك اشۋدان جازباي، ورنىقتىلىق بارىسىندا ىلگەرىلەۋدەي نەگىزگى ارقاۋعا تاباندى بولىپ، ورنىقتى ارتتىرۋعا، قۇرىلىمدى رەتتەۋگە، حالىققا تيىمدىلىك جاساۋعا، حاۋىپ - قاتەردەن ساقتانۋعا تاباندى بولىپ، ماكرولىق ساياسات دايەكتى، كاسىپ سالاسى ساياساتى دۇرىس، ميكرولىق ساياسات يكەمدى، رەفورما ساياساتى ناقتى، قوعامدىق ساياسات ورنىقتى بولۋ سىندى تۇلعالىق وي جەلىسىن قولدانىپ، ەكونوميكانىڭ لايىقتى كولەمدە اينالىمعا ءتۇسۋىن ساقتاۋ، قۇرىلىمدىق رەفورمانى كۇش سالا نىعايتىپ، جالپى قاجەتتى لايىقتى ارتتىرۋمەن بىرگە، قامداۋ جۇيەسىنىڭ ساپاسى مەن ونىمدىلىگىن، قارجى قوسۋدىڭ ۇتىمدىلىعىن جوعارىلاتىپ، دامۋعا قوزعاۋشى كۇش بەرەتىن تىڭ قۋاتتاردى جەدەل جەتىلدىرىپ، ءداستۇرلى سالىستىرمالى باسىمدىلىقتى جاقسارتىپ، ارتتىرىپ، باياندى ارتتىرۋدىڭ قوزعاۋشى كۇشىن نىعايتىپ، ەلىمىزدىڭ قوعامدىق وندىرگىش كۇش ورەسىنىڭ تۇلعالىق جاقتان جاقسارۋىن جەبەپ، «13 - بەسجىلدىق» دامۋدا تاماشا باستاما اشۋعا قۇلشىنۋ كەرەك.

  ءماجىلىس بىلاي دەپ باسا دارىپتەدى: 2016- جىلعى ەكونوميكالىق، قوعامدىق دامۋدا شەشۋشى ءتۇيىندى ءداپ باسىپ يگەرۋ، جويقىن شايقاستاردى تابىستى جۇرگىزۋ كەرەك. جاڭالىق اشۋدى قوزعاۋشى كۇش ەتۋ ستراتەگياسىن ىشكەرىلەي اتقارۋ، كوپ بولىپ شارۋاشىلىق قۇرۋ، جالپى قاۋىم جاڭالىق اشۋدى العا ىلگەرىلەتۋ، دامۋدىڭ قوزعاۋشى كۇشى مەن ومىرشەڭدىك كۇشىن نىعايتۋ كەرەك. كاسىپورىنداردىڭ قۋاتتىسى جەڭىپ، ءالسىزى قاتاردان قالاتىن ءۇردىستى بەلسەنە، ورنىقتى ىلگەرىلەتىپ، بىرىكتىرۋ، قايتا قۇرۋ، كۇيرەتىپ اداقتاۋ ارقىلى بازاردان تايدىرۋدى جۇزەگە اسىرۋ كەرەك. ءتۇزىم سيپاتتى ايىرباستىڭ وزىندىك قۇنىن، كاسىپورىننىڭ سالىق

  اۋىرتپالىعىن، قوعامدىق قامسىزداندىرۋ قارجىسىن، قازىنا وزىندىك قۇنىن، ەلەكتر باعاسىن، زات اينالىم وزىندىك قۇنىن تومەندەتۋ سياقتى ءادىس - تاسىلدەرمەن كاسىپورىنداردىڭ وزىندىك قۇندى تومەندەتۋىنە كومەك كورسەتۋ كەرەك. قورا - جاي كاسىبىندەگى زاپاس قورا - جاي قىسىمىن جەڭىلدەتۋ، حالىق جۇمىسكەرلەرىنىڭ قالا تۇرعىندارىنا اينالۋ اياق الىسىن جەدەلدەتۋ ارقىلى جاڭا قالا تۇرعىندارىنىڭ قاجەتىن قاناعاتتاندىرۋدى شىعار ءتۇيىن ەتكەن تۇرعىن ءۇي ءتۇزىمى رەفورماسىن العا ىلگەرتىپ، ءونىمدى قاجەتتى ارتتىرۋ، كەڭەيتۋ، قورا - جاي كاسىبى بازارىن ورنىقتىرۋ كەرەك. ءونىمدى قامداۋ اياسىن كەڭەيتۋ، ءونىمدى قارجى قوسۋ تەبىنىن ساقتاۋ، ولقىلىقتاردى كۇش سالا تولىقتىرۋ كەرەك. فينانس حاۋىپ - قاتەرىنەن ساقتانىپ جانە ونى ازايتىپ، جۇيەلىك، وڭىرلىك سيپات العان فينانس حاۋىپ - قاتەرىن تۋدىرماۋ سىندى ەڭ تومەنگى شەكتى باتىل ساقتاۋ كەرەك. رەفورما جاساۋ، ەسىك اشۋدى تەرەڭدەتۋ، ۇكىمەت قۇرىلىمدارىن ۇزدىكسىز ىقشامداپ، ۇقىقتى تومەنگە بەرۋ، ەرىك بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ، مەملەكەت مەنشىگىندەگى كاسىپورىن، قازىنا - سالىق، فينانس، قوعامدىق قامتاماسىزداندىرۋ سياقتى ماڭىزدى سالالار مەن شەشۋشى

  بۋىندارداعى رەفورما تەبىنىن ارتتىرۋ، ەلەۋلى جەتەكشىلىك ەتۋ رولىنا يە رەفورما شارالارىن العا قويۋ قاجەت. حالىق جۇرتشىلىعىنىڭ نەگىزدىك تۇرمىسىن شىنايى قامتاماسىزداندىرىپ، قوعامنىڭ جاراسىمدىلىعىن، ورنىقتىلىعىن ساقتاۋ كەرەك. «ءبىر بەلدەۋ، ءبىر جول» قۇرىلىسىن ويداعىداي يگەرۋ، حالىقارالىق ءوندىرىس قابىلەتى سەلبەستىگىن جەبەۋ، ەلەۋلى بەلگى سيپاتتى ينجەنەريالاردى تىڭعىلىقتى تياناقتاندىرۋ كەرەك. ەل ءىشىنىڭ قارجى قوسۋ ورتاسىن جاقسارتىپ، شەتەل كاسىپورىندارىنىڭ زاڭدى ۇقىق - مۇددەسىن، ءبىلىم مەنشىك ۇقىعىن قورعاۋ كەرەك.

  ءماجىلىس بىلاي دەپ باسا دارىپتەدى: قالا - قالاشىقتاندىرۋ − وسىزامانداندىرۋدا، ءسوز جوق، باسىپ وتەتىن جول، ول ەكونوميكالىق دامۋدىڭ ناتيجەسى ءارى ەكونوميكالىق دامۋدىڭ قوزعاۋشى كۇشى. اۋىل شارۋاشىلىعى، اۋىل - قىستاق، شارۋالار قىزمەتىن بۇكىل پارتيا قىزمەتىنىڭ ايرىقشا ماڭىزدى ءتۇيىنى ەتۋگە تاباندى بولۋمەن بىرگە، قالا قىزمەتىن تىڭعىلىقتى ىستەۋگە اناعۇرلىم ءمان بەرۋ كەرەك. قالانىڭ دامۋ زاڭدىلىعىن جىعا تانۋ، وعان قۇرمەت ەتۋ، سايكەسۋ، قالانى دامىتۋدىڭ جەتەكشى يدەياسىن دۇرىستاۋ كەرەك. حالىق جۇمىسكەرلەرىنىڭ قالا تۇرعىندارىنا اينالۋ اياق الىسىن ىلگەرىلەتۋ، نوپوستاعى حالىقتىڭ قالا - قالاشىق تۇرعىندارىنا اينالۋ سالىستىرماسىن جوعارىلاتۋ كەرەك. قالانىڭ قونىستانۋعا قولايلى بولۋىن كۇشەيتىپ، قالانىڭ كولەمىن رەتتەۋ - مەڭگەرۋگە جەتەكشىلىك ەتىپ، قالانىڭ سيىمدىلىق ورنالاستىرۋىن جاقسارتىپ، قالا نەگىزدىك قۇرىلعىلار قۇرىلىسىن كۇشەيتۋ، تاريحي، مادەني مۇراعاتتاردى قورعاۋ كەرەك. قالا جوباسىن رەفورمالاۋ، كەمەلدەندىرۋ، قالا جوباسىن ءداپ باسىپ ءدال تۇراقتاندىرۋ، جوبانىڭ اتقارىلۋ جاعدايىن قاتاڭ باقىلاۋ كەرەك. قالانى باسقارۋ ورەسىن جوعارىلاتۋ، قالانى باسقارۋدىڭ تۇلعالىق جاۋاپكەرشىلىگىن تياناقتاندىرۋ، قالانى باسقارۋ ءتۇزىلىسىن رەفورمالاۋ، ءارقايسى تاراۋلاردىڭ جاۋاپكەرشىلىك بويىنشا جۇمىس ءبولىسىن رەتتەۋ، حاۋىپسىزدىكتى قاتاڭ باقىلاپ - باسقارۋ، قالانىڭ شۇعىل جاعدايعا توتەپ بەرۋ جۇيەسىن كەمەلدەندىرۋ كەرەك.

  ءماجىلىس مىنانى اتاپ كورسەتتى: پارتيا مەن مەملەكەتتىڭ ەڭبەك ارداگەرلەرىن ماداقتاۋ - سيلاۋ ءتۇزىمى − مەملەكەتتىڭ ىنتالىلاندىرۋ، سيلاۋ جاعىنداعى تۇزىمدىك ورنالاستىرۋى. ءبىر ادام پارتيا ءۇشىن، مەملەكەت ءۇشىن جانە حالىق ءۇشىن ەڭبەك ءسىڭىرىپ، وسكەلەڭ رۋحاني بەينە بايقاتقان بولسا، وندا اسا جوعارى داڭقتان كەنەلۋگە، بۇكىل پارتيانىڭ، بۇكىل قوعامنىڭ قۇرمەتىنە بولەنۋگە ءتيىستى. پارتيا مەن مەملەكەتتىڭ ەڭبەك ارداگەرلەرىن ماداقتاۋ - سيلاۋ ءتۇزىمىن ورناتۋى مەن ونى اقاۋسىزداندىرۋى سوتسياليستىك وزەكتى قۇن كوزقاراسىن جەتىلدىرۋدە جانە ونى ساۋلەلەندىرۋدە، جۇڭگوشا سوتسياليزم ىستەرىنىڭ ۇيىستىرۋ قۋاتى مەن ۇندەۋ قۋاتىن كۇشەيتۋدە كەلەلى ءمان الادى. «پىكىردە» پارتيا مەن مەملەكەتتىڭ ەڭبەك ارداگەرلەرىن سيلاۋ ءتۇزىمى تۇلعالىق جاقتان جوبالانىپ، ونىڭ وردەننەن، داڭقتى اتاقتان، ماداقتاۋ - سيلاۋدان قۇرالاتىندىعى ايقىندالعان، سونداي - اق باعالاۋ، سيلاۋ، اتاق بەرۋ جانە جاسالاتىن مامىلە جونىندە قاتىستى بەلگىلەمە شىعارىلىپ، ەڭبەك ارداگەرلەرىن سيلاۋ قىزمەتىن جاقسى ىستەۋگە بويسۇناتىن نەگىز، قاعيدا ازىرلەدى. اتقارۋ بارىسىندا ولشەمدى قاتايتىپ، ءبىر بولسا دا بىرەگەي بولۋدان جازباي، امالياتتىڭ، حالىقتىڭ، تاريحتىڭ سىنىنان وتۋىنە شىنايى كەپىلدىك ەتۋ كەرەك.

  ءماجىلىس مىنانى اتاپ كورسەتتى: جەرگىلىكتى پارتكوم ءتۇزىمى − پارتيامىزدىڭ بيلىك جۇرگىزىپ، ەلدى جونگە سالۋداعى ماڭىزدى ۇيىمدىق ءتۇزىمىنىڭ نەگىزى، بۇل ءتۇزىمدى كەمەلدەندىرۋ − مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ ماڭىزدى جاعى. ولكە، قالا، اۋدان دارەجەلى پارتكومدار ءوز رايوندارىنىڭ باسشىلىق ۇيتقىسى ساناتىندا پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتى تياناقتاندىرۋدا، پارتيانىڭ كۇرەس نىساناسىنىڭ جۇزەگە اسۋىن جەبەۋدە شەشۋشى ورىندا تۇرىپ، ماڭىزدى جاۋاپكەرلىك ارقالايدى. جەرگىلىكتى پارتكوم قىزمەتىن، ءسوز جوق، كۇشەيتۋ، جەرگىلىكتى پارتكومنىڭ باسشىلىق قابىلەتىن، ءسوز جوق، جوعارىلاتۋ كەرەك. «ەرەجە» ماسەلەنى نىشان ەتۋ مەن رەفورما جاساۋ رۋحىنان جازباي، جەرگىلىكتى پارتكومنىڭ پارتيانى جاپپاي قاتاڭ جونگە سالۋ جاعىنداعى ساياسي جاۋاپكەرلىگىن كورنەكتىلەندىرىپ، جەرگىلىكتى پارتكومنىڭ باسشىلىق ۇيتقىلىق رولىن ساۋلەلەندىرۋدىڭ تۇزىمدىك نەگىزىن اقاۋسىزداندىرىپ، جەرگىلىكتى پارتكومنىڭ اينالىم مەحانيزمىن كەمەلدەندىردى، بۇل جاڭا جاعدايدا جەرگىلىكتى پارتكوم قىزمەتىن جاقسى ىستەۋدىڭ نەگىزگى قاعيداسى. ورتالىقتاعى قاتىستى تاراۋلار مەن جەرگىلىكتى ءار دارەجەلى پارتكومدار «ەرەجەنى» ۇيرەنۋدى، دايەكتىلەندىرۋدى مىقتى يگەرۋى قاجەت. جەرگىلىكتى ءار دارەجەلى پارتكومدار قىزمەت ەرەجەسىن امالياتپەن ۇشتاستىرا وتىرىپ بەلگىلەۋى جانە كەمەلدەندىرۋى ءتيىس. جوعارى دارەجەلى پارتكوم «ەرەجەنىڭ» دايەكتى اتقارىلۋ جاعدايىن قۋزاۋدى، تەكسەرۋدى كۇشەيتىپ، «ەرەجەدەگى» تالاپتاردىڭ ناقتاپ تياناقتانۋىنا شىنايى كەپىلدىك ەتۋى كەرەك.

  ءماجىلىس بىلاي دەپ قارادى: پارتيامىز حالىق سانى مەن جوسپارلى تۋىت قىزمەتىنە باسا ءمان بەرىپ، حالىق سانى مەن دامۋ جونىندە كەشەندى شەشىم جاساۋدان جازباي، جوسپارلى تۋىت ساياساتىن ۇزدىكسىز كەمەلدەندىردى. ۇزاق ۋاقىت قۇلشىنىس جاساۋ ارقىلى، ەلىمىزدە حالىق سانىنىڭ تىم تەز ارتۋ جاعدايى ۇتىمدى تىزگىندەلىپ، ايەلدەر مەن بالالاردىڭ دامۋ جاعدايى بارىنشا جاقسارىپ، حالىقتىڭ ساپاسى كورنەكتى جوعارىلادى. جاپپاي 2 بالالى بولۋ ساياساتىن اتقارۋ، جوسپارلى تۋىتقا قىزمەت وتەۋدى جانە ونى باسقارۋدى رەفورمالاۋ، كەمەلدەندىرۋ − حالىق سانىنىڭ بىركەلكى ءوسۋىن جەبەۋدەگى ماڭىزدى شارا، حالىق سانى قۇرىلىمىن ساپالىلاندىرۋعا، ەڭبەككۇشتى ارتتىرۋعا، دەموگرافيالىق قارتايۋدىڭ قىسىمىن ازايتۋعا پايدالى، ەلىمىزدىڭ جوسپارلى تۋىت جونىندەگى نەگىزگى ساياساتىن اناعۇرلىم جاقسى تياناقتاندىرىپ، وتباسىلاردىڭ باقىتتى، قوعامنىڭ جاراسىمدى بولۋىن جەبەۋگە پايدالى. مەملەكەتتىڭ جوسپارلى تۋىت سىندى نەگىزگى ساياساتىنان جازباي، تۋىت ساياساتىن، قىزمەت وتەۋ، باسقارۋ ءتۇزىمىن، وتباسىلاردىڭ دامۋىن قولداۋ جۇيەسىن، جونگە سالۋ مەحانيزمى جالپىلىق رەفورماسىن ءبىر تۇتاس ىلگەرىلەتۋ كەرەك. جاپپاي 2 بالالى بولۋ ساياساتىن زاڭ بويىنشا ۇيىمداستىرىپ اتقارىپ، پەرزەنتتى بولۋعا تىركەلۋ بويىنشا قىزمەت وتەۋ ءتۇزىمىن كەمەلدەندىرۋ، دەنساۋلىق ساقتاۋ، جوسپارلى تۋىت، وقۋ- اعارتۋ، قوعامدىق قامسىزداندىرۋ، كاسىپتەندىرۋ سياقتى ساياسات - شارالاردى ءبىر تۇتاس جوبالاپ، الەۋمەتتىك قىزمەت وتەۋ بايلىعىن ۇيلەسىمدى ورنالاستىرۋ، ايەلدەر مەن بالالاردىڭ دەنساۋلىعىنا كەپىلدىك ەتۋ قابىلەتى قۇرىلىسىن، ايەلدەر مەن بالالاردىڭ دەنساۋلىعىنا كەپىلدىك ەتۋ قىزمەتىمەن شۇعىلداناتىن ەمدەۋ قىزمەتكەرلەرىن باۋلۋدى كۇشەيتىپ، جوسپارلى تۋىتتاعى قىزمەت وتەۋ، باسقارۋ ورەسىن جاپپاي ءوسىرۋ كەرەك. جوسپارلى پەرزەنتتى بولعان وتباسىلاردى سۇيەمەلدەۋ تەبىنىن ارتتىرىپ، جوسپارلى تۋىتتاعى ەرەكشە وتباسىلاردى قامتاماسىزداندىرۋ سياقتى ماسەلەلەردى جاقسى شەشۋ قاجەت. جاۋاپكەرلىكتى تياناقتاندىرىپ، سەلبەستىكتى كۇشەيتىپ، ۇگىت، جاماعات پىكىرى ارقىلى جەتەكشىلىك ەتىپ، ساياساتتان سىرت كوپ پەرزەنتتى بولۋدى قاتاڭ تىزگىندەپ، تاماشا تۋىت ءتارتىبىن ساقتاۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.