لي كىچياڭ شاڭحاي ىنتىماقتاستىق ۇيىمىنا مۇشە ەلدەر ۇكىمەت باسشىلارىنىڭ (زۇڭلي) ماجىلىسىنە قاتىناسقان ءار ەل باسشىلارىمەن بىرگە قالا قۇرىلىسىن ەكسكۋرسيالادى

2015.12.16 16:44   كەلۋ قاينارى : حالىق تورابى

　　شينحۋا تورابى، 15 – جەلتوقسان، جىڭجوۋ (تىلشىلەر ۋاڭ حۇيحۇي، ليۋ جينحۇي). مەملەكەتتىك كەڭەستىڭ زۇڭليى لي كىچياڭ 15 – جەلتوقسان تۇستەن كەيىن شاڭحاي ىنتىماقتاستىق ۇيىمىنا مۇشە ەلدەر ۇكىمەت باسشىلارىنىڭ (زۇڭلي) 14 – ماجىلىسىنە قاتىناسقان ءار ەل باسشىلارىمەن بىرگە جىڭجوۋ قالاسى شىعىس جاڭا رايونىنىڭ قالا قۇرىلىسىن ەكسكۋرسيالادى.

　　لي كىچياڭ مىنانى اتاپ كورسەتتى: قالا – قالاشىقتاندىرۋ ــ جۇڭگونىڭ ەڭ ۇلكەن ىشكى سۇرانىسى، ورتا، باتىس بولەك رايونداردىڭ دامۋ كومەسكى كۇشى وراسان زور. ءبىز الدا رەفورما جۇرگىزۋ ادىسىمەن جانە جاڭالىق جاراتۋ رۋحىمەن زاڭدىلىققا قۇرمەت ەتىپ، ادامدى ارقاۋ ەتكەن جاڭاشا قالا – قالاشىقتاندىرۋدى جەبەپ، ىشكى سۇرانىستى ۇلعايتىپ، جۇڭگو ەكونوميكاسىنىڭ ورتاشا جوعارى قارقىنمەن دامۋىن پارمەندى دەمەيمىز، بۇل ءار ەلمەن سەلبەستىكتى تەرەڭدەتۋگە جاڭا بازار ورايىن جاراتادى. جۇڭگو شاڭحاي ىنتىماقتاستىق ۇيىمىنا مۇشە ەلدەرمەن، باقىلاۋشى ەلدەرمەن جاڭاشا قالا – قالاشىقتاندىرۋ سەلبەستىگىن كەڭەيتىپ، ءار ەلدىڭ جۇڭگومەن، اسىرەسە، جۇڭگونىڭ ورتا، باتىس بولەك رايوندارىمەن سەلبەستىگىن تەرەڭدەتىپ، ءبىر – بىرىنە پايدا جەتكىزىپ، يگىلىكتەن بىرگە كەنەلۋدىڭ جاڭا داستانىن جازۋعا پەيىل.

　　كەلۋ قاينارى: حالىق تورابى