مەملەكەتتىك كەڭەس 2015 – جىلى 9 ۇلكەن جۇمىستى ىستەدى

2016.01.04 16:31   كەلۋ قاينارى : حالىق تورابى

　　لي كىچياڭ زۇڭلي 2015 – جىلعى ۇكىمەت قىزمەتىنەن جاساعان دوكلادىندا مىنالاردى ورتاعا قويدى: دەنساۋلىق بۇقارالاردىڭ ەڭ نەگىزگى تالابى، ءبىز ەمدەۋ، دەنساۋلىق ساقتاۋ ورەسىن تىنباي جوعارىلاتىپ، اقاۋسىز جۇڭگونى قۇرىپ شىعۋىمىز كەرەك. بۇقارالاردىڭ «ناۋقاس كورسەتۋى قيىن بولۋ، ەمدەلۋ اقىسى قىمبات بولۋ» ماسەلەسىن شەشىم ەتۋ ءۇشىن، بيىلدان بەرى مەملەكەتتىك كەڭەس دارەجەگە ءبولىپ ەمدەۋدى دارىپتەپ، سالماقتى ناۋقاستاردى قامسىزداندىرۋ، قوعامدىق كۇشتەردى شيپاحانا قۇرۋعا جەبەۋ، اۋىل – قىستاقتارداعى ەمدەۋ، دەنساۋلىق ساقتاۋ قوسىن قۇرىلىسىن كۇشەيتۋ سىندى كوپ سالالى ماڭىزدى ساياساتتاردى ىركەس – تىركەس ورتاعا قويدى.

　　1. ءدارى – دارمەكتەردى شوعىرلى ساتىپ الىپ، ءدارى باعاسى ۇيلەسىمدى تومەندەتىلدى

　　ساياسات – اقپان ايىندا مەملەكەتتىك كەڭەستىڭ كەڭسە مەڭگەرمەسى «ۇكىمەت باسقارۋىنداعى شيپاحانالاردىڭ ءدارى – دارمەكتەردى شوعىرلى ساتىپ الۋ قىزمەتىن كەمەلدەندىرۋ جونىندەگى جەتەكشى پىكىرىن» باسىپ تاراتتى.

　　2. اۋىل – قىستاقتاردىڭ ەمدەۋ، دەنساۋلىق ساقتاۋ قوسىن قۇرىلىسى كۇشەيتىلىپ، اۋىل – قىستاقتاردىڭ ەمدەۋ قىزمەت وتەۋ تورابى بەكەمدەلدى

　　ساياسات – ناۋرىز ايىندا مەملەكەتتىك كەڭەستىڭ كەڭسە مەڭگەرمەسى «اۋىل – قىستاقتارداعى ەمدەۋ، دەنساۋلىق ساقتاۋ قوسىن قۇرىلىسىن اناعۇرلىم كۇشەيتۋ جونىندەگى اتقارۋ پىكىرىن» باسىپ تاراتىپ، اۋىل – قىستاقتاردىڭ ەمدەۋ قوسىن قۇرىلىسىن اناعۇرلىم كۇشەيتۋگە ورنالاستىرۋلار جاساپ، اۋىل – قىستاقتاردىڭ ەمدەۋ قىزمەت وتەۋ تورابىن شىنايى بەكەمدەدى.

　　3. ەمدەۋ، قۇتقارۋ، كومەك بەرۋ ءتۇزىمى كەمەلدەنىپ، سالماقتى، قاتەرلى ناۋقاستاردى ەمدەۋ، قۇتقارۋ، كومەك بەرۋ قىزمەتى جاپپاي ورىستەتىلدى

　　ساياسات – ءساۋىر ايىندا مەملەكەتتىك كەڭەستىڭ كەڭسە مەڭگەرمەسى حالىق ىستەرى مينيسترلىگى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، دەنساۋلىق ساقتاۋ، جوسپارلى تۋىت كوميتەتى، قامسىزداندىرۋدى باقىلاپ – باسقارۋ كوميتەتى سىندى ورىنداردىڭ «ەمدەۋ، قۇتقارۋ، كومەك بەرۋ ءتۇزىمىن اناعۇرلىم كەمەلدەندىرىپ، سالماقتى، قاتەرلى ناۋقاستاردى ەمدەۋ، قۇتقارۋ، كومەك بەرۋ قىزمەتىن جاپپاي ورىستەتۋ جونىندەگى پىكىرىن» كوشىرىپ باسىپ تاراتىپ، ەمدەۋ، قۇتقارۋ، كومەك بەرۋ ءتۇزىمىن كەمەلدەندىرىپ، سالماقتى، قاتەرلى ناۋقاستاردى ەمدەۋ، قۇتقارۋ، كومەك بەرۋ قىزمەتىن جاپپاي ورىستەتۋگە ورنالاستىرۋلار جاسادى.

　　4. ۇكىمەت باسقارۋىنداعى اۋدان دارەجەلى شيپاحانالاردى رەفورمالاپ، بۇقارالاردىڭ ءوزى تۇرعان ورىندارىندا ەمدەلۋىن قۇلشىنا جۇزەگە اسىردى

　　ساياسات – مامىر ايىندا مەملەكەتتىك كەڭەستىڭ كەڭسە مەڭگەرمەسى «ۇكىمەت باسقارۋىنداعى اۋدان دارەجەلى شيپاحانالاردىڭ ۆنيۋەرسالدى رەفورماسىن جاپپاي ىلگەرىلەتۋ جونىندەگى اتقارۋ پىكىرىن» باسىپ تاراتتى.

　　5. قالالاردىڭ ۇكىمەت باسقارۋىنداعى شيپاحانالارىنا رەفورما جۇرگىزىپ، «ءدارى – دارمەككە سۇيەنىپ شيپاحانا باعۋ، ناۋقاستاردى توپ – توبىمەن كورۋ» قۇبىلىسىنىڭ توڭىن ءجىبىتتى

　　ساياسات – مامىر ايىندا مەملەكەتتىك كەڭەستىڭ كەڭسە مەڭگەرمەسى «قالالاردىڭ ۇكىمەت باسقارۋىنداعى شيپاحانالارىنىڭ ۆنيۋەرسالدى رەفورماسىن جاپپاي ىلگەرىلەتۋ جونىندەگى اتقارۋ پىكىرىن» باسىپ تاراتتى.

　　6. قوعامدىق كۇشتەردى شيپاحانا قۇرۋعا جەبەپ، ەمدەلۋدىڭ الۋان ءتۇرلى قاجەتى قاناعاتتاندىرىلدى

　　ساياسات – ماۋسىم ايىندا مەملەكەتتىك كەڭەستىڭ كەڭسە مەڭگەرمەسى «قوعامدىق كۇشتەردىڭ شيپاحانا قۇرۋىن جەدەلدەتۋ جونىندەگى ءبىرقانشا ساياساتتىق شارالارىن» باسىپ تاراتىپ، قوعامدىق كۇشتەردىڭ شيپاحانا قۇرىپ كولەمدەنۋىن جەبەپ، جوعارى ورەمەن دامىپ، ۇكىمەت باسقارۋىنداعى شيپاحانالار مەن قوعامدىق كۇشتەر قۇرعان شيپاحانالاردىڭ ءوزارا جەبەۋ، ورتاق دامۋىنداي بەتالىسىنىڭ قالىپتاسۋى جەدەلدەتىلدى.

　　7. وتباسىن تۇرالاتىپ كەتەتىن ەمدەۋ شىعىنىنىڭ تۋىلۋىنان ساقتاندى

　　ساياسات – تامىز ايىندا مەملەكەتتىك كەڭەستىڭ كەڭسە مەڭگەرمەسى «اۋىل – قالاشىق تۇرعىندارىنىڭ سالماقتى ناۋقاستارىن قامسىزداندىرۋعا جاپپاي قاتىناستىرۋ جونىندەگى پىكىرىن» باسىپ تاراتىپ، اۋىل – قالاشىق تۇرعىندارىڭ سالماقتى ناۋقاستارىن قامسىزداندىرۋ ءتۇزىم قۇرىلىسىن جەدەلدەتۋگە ورنالاستىرۋ جاساپ، بارلىق حالىقتىڭ نەگىزدىك ەمدەلۋ قامتاماسىزداندىرۋ تورابىن بەكەمدەپ، ءتىپتى دە كوپ بۇقارانى تيىمدىلىككە كەنەلتتى.

　　8. دارەجەگە ءبولىپ ەمدەۋ ءتۇزىم قۇرىلىسى ىلگەرىلەتىلىپ، ەمدەۋ بايلىعىن ۇيلەسىمدى ورنالاستىردى

　　ساياسات – قىركۇيەك ايىندا مەملەكەتتىك كەڭەستىڭ كەڭسە مەڭگەرمەسى «دارەجەگە ءبولىپ ەمدەۋ ءتۇزىمى قۇرىلىسىن ىلگەرىلەتۋ جونىندەگى جەتەكشى پىكىرىن» باسىپ تاراتىپ، دارەجەگە ءبولىپ ەمدەۋ ءتۇزىمى قۇرىلىسىن جەدەلدەتىپ ىلگەرىلەتۋگە ورنالاستىرۋلار جاساپ، عىلمي، ءتارتىپتى ەمدەلۋ جۇيەسىن قۇرىپ، حالىقتىڭ دەنساۋلىق ورەسىن جوعارىلاتىپ، حالىق تۇرمىسىن اناعۇرلىم كەپىلدەندىردى جانە جاقسارتتى.

　　9. ەمدەۋ، دەنساۋلىق ساقتاۋ مەن قارتتاردى كۇتىمگە الۋ قىزمەت وتەۋىنىڭ ءوزارا ۇشتاستىرىلۋى ىلگەرىلەتىلدى

　　ساياسات – قاراشا ايىندا مەملەكەتتىك كەڭەستىڭ كەڭسە مەڭگەرمەسى دەنساۋلىق ساقتاۋ، جوسپارلى تۋىت كوميتەتىنىڭ، حالىق ىستەرى مينيسترلىگىنىڭ، دامۋ جانە رەفورما كوميتەتىنىڭ، قازىنا مينيسترلىگىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، مەملەكەت جەر بايلىعى مينيسترلىگىنىڭ، تۇرعىن ءۇي، اۋىل – قالاشىق قۇرىلىسى مينيسترلىگىنىڭ، مەملەكەتتىك قارتتار كوميتەتىنىڭ، جۇڭگوشا ەمدەۋ، ءدارى – دارمەك مەكەمەسىنىڭ «ەمدەۋ، دەنساۋلىق ساقتاۋ جانە قارتتاردى كۇتىمدەۋگە قىزمەت وتەۋدى ءوزارا ۇشتاستىرىپ ىلگەرىلەتۋ جونىندەگى جەتەكشى پىكىرىن» كوشىرىپ باسىپ تاراتىپ، ەمدەۋ، دەنساۋلىق ساقتاۋ جانە قارتتاردى كۇتىمدەۋگە قىزمەت وتەۋدىڭ ءوزارا ۇشتاسۋىنا جاپپاي اناعۇرلىم ورنالاستىرۋ جاساپ، حالىق بۇقاراسىنىڭ الۋان ءتۇرلى دەنساۋلىق ساقتاۋ، قارتايعاندا كۇتىمدەلۋ تالابىن قاناعاتتاندىردى.

　　كەلۋ قاينارى: حالىق تورابى