- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2016.01.07 16:22 كەلۋ قاينارى : حالىق تورابى
شينحۋا اگەنتتىگى، 6 – قاڭتار، بەيجيڭ. مەملەكەتتىك كەڭەستىڭ زۇڭليى لي كىچياڭ 6 – قاڭتاردا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، باقىلاۋ – تەكسەرۋ احۋالىنا ساي شابىتتاندىرۋ جانە جاۋاپكەرلىكتى تەكتەۋ مەحانيزمىن كەمەلدەندىرىپ، سيلاۋ – جازالاۋدىڭ ايقىن بولۋىمەن ۇكىمەت ىسىندە ەلگەزەك بولۋدى جەبەۋدى ۇيعاردى؛ شەكارا اتتاعان ءبىرقىدىرۋ ەلەكتروندى ساۋدا جالپىلىق تاجىريبە رايونىن جاڭادان قۇرىپ، جاڭا ۇلگىمەن سىرتقى ساۋدانىڭ دامۋىنا تىڭ كۇش قوسۋدى ورنالاستىردى.
ماجىلىستە بىلاي دەپ اتاپ كورسەتىلدى: وتكەن جىلدىڭ ورتا شەنىنەن بەرى مەملەكەتتىك كەڭەس بۇرىنعىداي باقىلاپ – تەكسەرۋ ارقىلى كەلەلى شەشىم، ورنالاستىرۋلاردىڭ جانە ساياساتتىق شارالاردىڭ تياناقتانۋىن جەبەپ، ءبىر جاعىنان جەر – جەردىڭ، تاراۋلاردىڭ قىزمەتتى ىرىقتىلىقپەن، بەلسەندىلىكپەن ورىستەتۋدەگى تابىستارىن القادى، تاعى ءبىر جاعىنان ساياساتتى اتقارۋ بارىسىنداعى تياناقتاندىرۋى پارمەنسىز بولۋ، مىندەتىن وتەمەۋ ماسەلەلەرىن قاتاڭ رەتكە سالدى. ماجىلىستە مىناۋ ۇيعارىلدى: وتكەن جىلى لاشىق رايونىن وزگەرتىپ قۇرۋ جانە كەلەلى نىسان قۇرىلىسى، ىركىندى قارجىنى، بوس تۇرعان جەردى ىسكە قوسۋ سياقتى ەكونوميكانى، قوعامدى دامىتۋ قىزمەتىن ءبىرشاما جاقسى ىستەگەن 4 ولكە (قالا)، ءتۇيىندى ساياساتتى تياناقتاندىرۋداعى ناتيجەسى ءبىرشاما كورنەكتى بولعان 20 ايماق، قالا، 20 اۋدان، رايون، باقىلاپ – تەكسەرۋدە بايقالعان ماسەلەلەردى وڭاۋى پارمەندى بولعان 6 ولكە دارەجەلى ۇكىمەت تاراۋى حابارلاندىرۋ شىعارىپ ماداقتالادى، 2016 – جىلدا جوعارىدا ايتىلعان وڭىرلەرگە قاراتا «تەكسەرۋ كەشىرىم ەتىلەدى» ءارى مىناداي شابىتتاندىرۋ شارالارى قولدانىلادى: ءبىرىنشى، مەملەكەت قارجى جاعىندا وسى وڭىرلەردىڭ ءتۇيىندى نىسان قۇرىلىستارىن سوماسىنان اسىرا قارجى بەرىپ قولدايدى. ەكىنشى، باقىلاپ – تەكسەرۋدە جيناپ الىنعان ورتالىقتىڭ مەجە ەسەبىندەگى قارجى مەن ارناۋلى اۋىستىرىپ تولەۋدەگى قالدىق قارجى تۇگەلدەي وسى رايونداردىڭ دامۋىنا سيلىق رەتىندە بەرىلەدى. ءۇشىنشى، وسى رايوندارداعى كاسىپورىندار كاسىپورىن قارىزىن تاراتۋدى ءوتىنىش ەتسە تەكسەرىپ بەكىتۋ بۋىنى قىسقارتىلادى. ءتورتىنشى، ناقتى قاجەتكە ءبىر تۇتاس ورنالاستىرۋ جاسالىپ، وسى رايونداردىڭ قۇرىلىسقا پايدالانىلاتىن جەردى كوبەيتۋىنە سايكەستى قولداۋ كورسەتىلەدى. سونىمەن بىرگە، بىلتىرعى ەكى توپتا ورىستەتىلگەن باقىلاپ – تەكسەرۋ، جاۋاپكەرلىكتى تەكتەۋ نەگىزىندە تاياۋ مەزگىلدە الەۋمەتتىك مايعا بەرىلەتىن ۇيلەردى بوس قويۋ، حالىق تۇرمىسىنا جەڭىلدىك جاراتاتىن قارجىدا قىرۋار قالدىق قالدىرۋ، ءوندىرىس حاۋىپسىزدىگى قاتەرىن وڭاۋى پارمەندى بولماۋ ماسەلەلەرىنە باسا نازار اۋدارىلدى، جەر – جەر زاڭ، ءتارتىپ بويىنشا ايماق، مەڭگەرمە دارەجەلى كادرلاردى قامتىعان 900 دەن استام كادرعا پارتيادان شىعارۋ، مىندەتىنەن الۋ، مىندەتىن تومەندەتۋ، كۇنا جازۋ قاتارلى جاۋاپكەرلىكتى تەكتەۋ شارالارىن قولداندى. مەملەكەتتىك كەڭەستىڭ قاتىستى تاراۋلارى دا ماسەلەسى ءبىرشاما كورنەكتى بولعان ءىشىنارا ولكە دارەجەلى ۇكىمەتتىڭ فۋنكتسيالىق تاراۋىنداعى جانە ايماق، قالا ۇكىمەتتەرىندەگى باستى جاۋاپتى جولداستاردى شاقىرىپ اڭگىمەلەسەتىن بولادى. ماجىلىستە مىناۋ تالاپ ەتىلدى: رەفورما جۇرگىزىپ، جاڭالىق جاراتۋدا تاباندى بولىپ، ۇكىمەتتىڭ فۋنتكتسيادا بۇرىلىس جاساۋىمەن تىعىز ۇشتاستىرىپ، دۇرىس باعىتتاعىلاردى شابىتتاندىرۋ جانە جاۋاپكەرلىكتى تەكتەۋ ءونىمدى مەحانيزمىن ورناتىپ جانە كەمەلدەندىرىپ، ءىس تىندىرۋعا پەيىل، ءىس تىندىرا الاتىن كادرلارعا ءتىپتى دە كەڭ ءورىس اشۋ، تەكتەۋ جاعىندا جابال كۇش قوسىپ، قيىنشىلىقتى ىرىقتىلىقپەن جەڭىپ العا باساتىن قىزمەت جاعدايىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
