بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

ادامدى وزەك ەتكەن جاڭاشا قالا – قالاشىقتاندىرۋ مەن ىشكى سۇرانىستىڭ كومەسكى قۋاتىن اناعۇرلىم ارتتىرۋعا؛ بولات – تەمىر، كومىر كاسىبىندەگى ارتىپ قالعان ءوندىرىس قۋاتىن اناعۇرلىم سەيىلتۋ شارالارىن تۇراقتاندىرۋعا، كاسىپورىنداردىڭ قيىنشىلىق قىسپاعىنان قۇتىلۋى مەن كاسىپ دارەجەسىن جوعارىلاتۋىنا ىشكەرىلەي ورنالاستىرۋلار جاسالدى

2016.01.25 14:57     كەلۋ قاينارى : حالىق تورابى

  حالىق تورابى، 24 – قاڭتار، بەيجيڭ. شينحۋا اگەنتتىگىنىڭ حابارلاۋىنشا، مەملەكەتتىك كەڭەستىڭ زۇڭليى لي كىچياڭ 22 – قاڭتاردا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ادامدى وزەك ەتكەن جاڭاشا قالا – قالاشىقتاندىرۋ مەن ىشكى سۇرانىستىڭ كومەسكى قۋاتىن اناعۇرلىم ارتتىرۋعا؛ بولات – تەمىر، كومىر كاسىبىندەگى ارتىپ قالعان ءوندىرىس قۋاتىن اناعۇرلىم سەيىلتۋ شارالارىن تۇراقتاندىرۋعا، كاسىپورىنداردىڭ قيىنشىلىق قىسپاعىنان قۇتىلۋى مەن كاسىپ دارەجەسىن جوعارىلاتۋىنا ىشكەرىلەي ورنالاستىرۋلار جاسادى.

  ءماجىلىس مىنالاردى اتاپ كورسەتتى: قالا – قالاشىقتاندىرۋدىڭ جۇڭگو دامۋىنداعى كومەسكى كۇشى زور. مەملەكەتتىڭ جاڭاشا قالا – قالاشىقتاندىرۋ جوباسىنىڭ تالابىنا ساي، ديحان جۇمىسكەرلەردىڭ قالا – قالاشىقتارعا تۇرعىن بولۋ سىندى ماڭىزدى ءتۇيىندى مىقتى ۇستاپ، جاڭاشا قالا – قالاشىقتاندىرۋدى جەدەلدەتۋ رەفورماسىن تەرەڭدەتۋ حالىق تۇرمىسىنداعى كەلەلى ينجەنەريا بولۋمەن بىرگە، قارجى قوسۋ مەن تۇتىنۋدى جەبەۋگە، قالا مەن اۋىل، وڭىرلەردىڭ سايكەستى دامۋىن ىلگەرىلەتۋگە پايدالى. ءماجىلىس مىنالاردى بەلگىلەدى: ءبىرىنشى، اۋىل – قىستاق تۇرعىندارىنىڭ قالا - قالاشىق ناپوسىنا ورنالاسۋ ارناسى مەن شارت - جاعدايىن كەڭەيتىپ، قالا – قالاشىقتارعا ورنالاسقان ديحانداردىڭ جەردى كوتەرەگە الۋ ۇقىعىنان، قورا جايدان پايدالانۋ ۇقىعىنان جانە كوللەكتيۆتىك تابىس ءبولىسى ۇقىعىنان زاڭ بويىنشا ءوز ەركىمەن اقىلى شەگىنىپ شىعۋ مەحانيزمى جونىندە ىزدەنىستەر جاساۋ كەرەك. وتە از سانداعى ەرەكشە ۇلكەن قالالاردان سىرت، جوعارى مەكتەپ بىتىرگەن ستۋدەنتتەردىڭ، تەحنيكتەردىڭ، شەتەلدەن وقىپ ەلگە ورالعانداردىڭ ناپوسقا ورنالاسۋىن شەكتەۋ مەحانيزمىن جاپپاي قويا بەرۋ كەرەك. مەملەكەتتىك كەڭەس قونىستانۋ كۋالىگى جونىندەگى ۋاقىتتىق ەرەجەنى جاريالادى، ءارقايسى جەرلەر ءوز جەرلەرىنىڭ ءىس جۇزىندىك جاعدايىمەن بىرلەستىرىپ، بۇرىنعى ءارقانداي ۋاقىتتاعىعا ۇقسامايتىن قونىستانۋ كۋالىگى مەن ءتىپتى دە يكەمدى قونىستانۋ كۋالىگى ءتۇزىمىن ۋاقىتتى مىقتى ۇستاپ جاساپ شىعىپ، ونى ءالى ناپوسقا ورنالاستىرماعان قالا – قالاشىقتارداعى ۇنەمىلىك تۇراتىن حالىق سانىن تۇگەلدەي شارپىتىپ، ولاردى وزدەرى ورنالاسقان جەرلەردەگى بورىشتى وقۋ – اعارتۋ، كاسىپتەنۋ، ەمدەۋ، زاڭنان كومەك الۋ سىندى كوپ ءتۇرلى نەگىزدىك الەۋمەتتىك قىزمەت وتەۋدەن ەرتەرەك يگىلىكتەندىرۋ كەرەك. ەكىنشى، قالا – قالاشىقتارداعى لاشىقتار رايونى مەن قاتەرلى، كونە ۇيلەردى وزگەرتىپ سالۋدى جەدەلدەتىپ، لاشىقتاردى وزگەرتۋ، اقشا بەرىپ ورنالاستىرۋدىڭ سالىستىرماسىن جوعارىلاتۋ كەرەك. لاشىقتار رايونىن وزگەرتۋ، ساياساتتىق جاقتان قولداپ - قۋاتتاۋ كولەمىن مەملەكەتتىك ءتۇيىندى قالاشىق دارەجەسىنە كوتەرۋ كەرەك. رۋحسات ەتۋ شارتىن تومەندەتىپ، قوعامدىق كاپيتالدى قاتىناس، جەر استى قۇبىر تورابى سىندى قۇرىلىستارعا قاتىناسۋعا باۋراۋ كەرەك. «عالامتور +» ارقىلى اقىل – پاراساتتى قالا قۇرىلىسىن ىلگەرىلەتىپ، الەۋمەتتىك قىزمەت وتەۋ مەن الەۋمەتتىك اماندىقتى قامتاماسىزداندىرۋ ورەسىن جوعارىلاتۋ كەرەك. ءۇشىنشى، جاڭاشا قالا – قالاشىقتاندىرۋدىڭ ۆنيۋەرسالدى سىناق ءتۇيىن كولەمىن ۇلعايتىپ، ورتا، شاعىن قالالاردى بەلسەنە دامىتىپ، جان سانى 100 مىڭنان اساتىن ەرەكشە ۇلكەن قالاشىق، رايونداردى اۋدان دارەجەلەرىنە ءبولىپ باسقارۋ سىناق ءتۇيىن قىزمەتىن ورىستەتىپ، قالا – قالاشىقتاردىڭ ەرەكشەلىگى ارقىلى دامۋدى جەبەپ، كەدەيلىكتەن قۇتىلۋدان قامال الۋ مەن جاڭاشا اۋىل – قىستاق قۇرىلىسىن ىلگەرىلەتۋ كەرەك. ءتورتىنشى، جەردەن پايدالانۋ، قالا – قالاشىق تۇرعىن ۇيلەرى سىندى تۇزىمدەردى كەمەلدەندىرىپ، جەرگىلىكتى ورىنداردىڭ قازىنالىق قارجى مەن قوعامدىق كاپيتالدان پايدالانىپ، قالا – قالاشىقتاندىرۋ دامىتۋ قورىن بەكىتۋىنە شابىت بەرۋ كەرەك. قازىنالىق اۋدارىپ تولەۋ، قالا – قالاشىق قۇرىلىسىنا پايدالانىلاتىن جەردىڭ كولەمىن كەڭەيتۋ مەن اۋىل – قىستاقتان قالالارعا ورنالاساتىن حالىق سانىن بايلانىستىرىپ، ورتالىقتىڭ مەجە ەسەبى ىشىندە قاتىستى قارجىلاردى جوتكەپ ورنالاساتىن حالىق سانى كوپ بولعان قالا – قالاشىقتارعا جۇمساپ، «قالانىڭ جاڭا تۇرعىندارىن» «جاڭاشا قالا – قالاشىقتاندىرۋ» شارت – جاعدايىمەن توعىستىرۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.